Morgunblaðið - 16.11.2012, Blaðsíða 19

FRÉTTIR 19
MORGUNBLAÐIÐ FÖSTUDAGUR 16. NÓVEMBER 2012
Greiðsluáskorun
Innheimtumenn ríkissjóðs skora hér með á gjaldendur
eftirtalinna gjalda að gera skil nú þegar eða í síðasta
lagi innan 15 daga frá dagsetningu áskorunar
þessarar:
Gjöldin eru: Staðgreiðsla tekjuskatts, útsvars og tryggingagjalds sem fallið hefur í
eindaga til og með 15. nóvember 2012, virðisaukaskattur sem fallið hefur í eindaga
til og með 5. nóvember 2012 og önnur gjaldfallin álögð gjöld og ógreiddar hækkanir
er fallið hafa í eindaga til og með 15. nóvember 2012, á staðgreiðslu tekjuskatts,
útsvars og tryggingagjalds, virðisaukaskatti, virðisaukaskatti í tolli, vanskilum
launagreiðenda á gjöldum í og utan staðgreiðslu, fjármagnstekjuskatti á skilaskylda
aðila, áfengisgjaldi, launaskatti, bifreiðagjaldi, úrvinnslugjaldi, olíugjaldi, kílómetragjaldi,
gistináttaskatti, fjársýsluskatti, viðbótar- og aukaálagningu söluskatts vegna fyrri tímabila,
skráningargjaldi vegna lögskráningar sjómanna, vinnueftirlitsgjaldi, vörugjaldi af innlendri
framleiðslu, vörugjaldi af ökutækjum, eftirlitsgjöldum, aðflutningsgjöldum, skilagjaldi
á umbúðir, fasteignagjöldum, skipulagsgjaldi, skipagjöldum, fisksjúkdómagjaldi,
jarðarafgjaldi, sektum skattrannsóknarstjóra, ofgreiddri uppbót á eftirlaun, eftirlitsgjaldi
Fjármálaeftirlitsins og álögðum þing- og sveitarsjóðsgjöldum, sem eru:
Tekjuskattur og útsvar ásamt verðbótum á ógreiddan tekjuskatt og útsvar, sérstakur
tekjuskattur manna, eignarskattur, sérstakur eignarskattur, fjármagnstekjuskattur,
slysatryggingagjald vegna heimilisstarfa, tryggingagjald, búnaðargjald, iðnlánasjóðs-
og iðnaðarmálagjald, markaðsgjald, gjald í framkvæmdasjóð aldraðra og skattur af
verslunar- og skrifstofuhúsnæði, ofgreiddar barnabætur, ofgreiddar vaxtabætur og
útvarpsgjald.
Fjárnáms verður krafist án frekari fyrirvara að þeim tíma liðnum fyrir vangoldnum
eftirstöðvum gjaldanna ásamt dráttarvöxtum og öllum kostnaði, sem af innheimtu
skuldarinnar kann að leiða, á kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað
fyrir gjaldanda. Fjárnámsgjald í ríkissjóð er allt að 19.100 kr. fyrir hvert fjárnám.
Þinglýsingargjald er 2.000 kr. og stimpilgjald 1,5% af heildarskuldinni, auk útlagðs
kostnaðar eftir atvikum. Eru gjaldendur hvattir til að gera full skil sem fyrst til að forðast
óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds,
vörugjald, afdreginn fjármagnstekjuskatt, áfengisgjald og virðisaukaskatt, búast við
því að starfsemi þeirra verði stöðvuð án frekari fyrirvara, þeir gjaldendur er skulda
bifreiðagjöld og þungaskatt mega eiga von á að skráningarnúmer verði tekin af
ökutækjum þeirra án frekari fyrirvara og þeir gjaldendur sem skulda gjöld þar sem lögveð
fylgir mega búast við að send verði út sérstök greiðsluáskorun fyrir gjaldföllnum kröfum.
Greiðsluáskorunin hefur ekki áhrif á þessi innheimtuúrræði þannig að fyrrgreindur 15
daga frestur frá dagsetningu áskorunar þessarar gildir ekki í þessum tilvikum.
Reykjavík, 16. nóvember 2012
Tollstjóri
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavík
Sýslumaðurinn á Akranesi
Sýslumaðurinn í Borgarnesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í
Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Heila- og taugaskurðlækningadeild B6 á
Landspítala Fossvogi hefur fengið að gjöf
ómskoðunartæki til að mæla blóðflæði í
æðum við skurðaðgerðir. Gjöfin er til
minningar um Jakob Örn Sigurðarson sem
lést 9. mars 2008 af völdum heilablæð-
ingar, þá á ellefta ári.
Foreldrar Jakobs Arnar og einn af
þremur bræðrum hans afhentu gjöfina.
Aðdragandi hennar var sá að fyrirtækið
Sensa ehf. varð 10 ára fyrr á árinu en fað-
ir Jakobs hefur starfað þar síðan 2003. Í
tilefni af afmælinu og að Jakob Örn var 10
ára þegar hann lést færði Sensa fjölskyld-
unni peningagjöf til minningar um dreng-
inn sem henni var falið að gefa áfram
þangað sem hún kæmi að góðum notum.
Jakob Örn hafði átt margar stundir á
skrifstofu Sensa og þekkti starfsfólkið
mjög vel. „Fjölskyldan vildi að minningar-
gjöfin tengdist heilablæðingum á einhvern
hátt og ákvað að færa heila- og tauga-
skurðlækningadeildinni hana,“ segir í til-
kynningu frá LSH.
Herdís Þorláksdóttir, móðir Jakobs Arn-
ar, segir að það sé gott að geta gefið í
minningu barnsins síns og haldið minningu
þess lifandi. „Tækið er ekki eins og hvert
annað tæki sem er keypt heldur er það
minning um barn,“ segir Herdís.
Viðstödd afhendinguna voru Ingvar Há-
kon Ólafsson, heila- og taugaskurðlæknir,
Aron Björnsson, yfirlæknir heila- og
taugaskurðlækninga, Herdís Þorláksdóttir
(móðir), Sigurður Magnús Jónsson (faðir),
Rafnar Örn Sigurðarson, 10 ára yngri
bróðir, og Valgerður Hrund Skúladóttir,
framkvæmdastjóri Sensa ehf. Tveir yngri
bræður, Óttar Örn og Ívar Örn, voru
heima. Ingvar brá nýja tækinu á Rafnar
Örn og það reyndist vera ágætis blóðflæði
í fimleikastráknum.
Gáfu ómskoðunartæki í
minningu 10 ára drengs
Birkir Fanndal
Mývatnssveit
MýSköpun heitir félag sem stofn-
að hefur verið í Mývatnssveit.
Tilgangur félagsins er að vinna
að umhverfisvænni nýsköpun í
sveitinni, sem byggð verði á
ræktun lífmassa svo sem þörunga
úr Mývatni og nýtingu umfram-
varma sem hér er til staðar í
verulegu magni.
Unnið hefur verið að undirbún-
ingi þessa verkefnis síðan 2010 í
samstarfi Skútustaðahrepps, Há-
skólans á Akureyri og Nýsköp-
unarmiðstöðvar Íslands.
Segja má að hugmyndin hafi
kviknað á íbúafundi sem haldinn
var í Skjólbrekku 27. febrúar
2010. Það var síðan í júní á þessu
ári sem haldinn var kynningar-
fundar í Reykjahlíð. Á þann fund
voru boðaðir íbúar Mývatns-
sveitar og nágrannasveitarfélaga.
Þar voru hugmyndir reifaðar og
fyrirspurnum svarað. Á stofn-
fundinum, sem haldinn var í síð-
ustu viku, voru nær 40 manns,
heimafólk ásamt fulltrúum frá
Háskólanum á Akureyri, Nýsköp-
unarmiðstöð Íslands og Matís.
Eftir framsöguerindi og um-
ræður var gengið til stofnunar
félagsins MýSköpun ehf. Í stjórn
hins nýja félags voru kosin: Dag-
björt Bjarnadóttir, oddviti Skútu-
staðahrepps, sem er formaður –
aðrir í stjórn: Þorsteinn Ingi Sig-
fússon, Hjörleifur Einarsson, Óli
Grétar Blöndal Sveinsson og Jó-
hann Friðrik Kristjánsson.
Rúmum 10 milljónum hefur
verið safnað í hlutafé auk þess
sem nokkrir aðilar hafa heitið
margskonar stuðningi við fyrir-
tækið.
Bjartsýni var ríkjandi á fund-
inum og ekki síst vegna þeirra
fjölbreyttu möguleika sem eru í
lífríki Mývatns og jarðvarmanum
auk annars.
Morgunblaðið/Birkir Fanndal
Verðmæti Í Mývatni er fjölbreyttur lífmassi sem skoðaður verður með tilliti
til nýtingar. Á myndinni er sérstakur gerlagróður á botni Mývatns.
MýSköpun stofnuð
í Mývatnssveit
 Tilgangur félagsins er að vinna að
umhverfisvænni nýsköpun í sveitinni
Fyrrverandi starfsfólk Iceland Ex-
press heldur markað að Ármúla 7
dagana 15., 16. og 17. nóvember.
Kallast hann Bjútý frí markaðurinn
og jafnframt hefur verið opnað
kaffihúsið Iceland Expressó.
Í tilkynningu frá starfsfólkinu
segir að á markaðinum kenni
margra grasa. „Þarna verður til
dæmis á boðstólum notaður fullorð-
ins- og barnafatnaður sem oftar en
ekki hefur verið keyptur á erlendri
grundu, undurfagrir aðventu-
kransar, ýmiss konar handverk,
glys, glimmer og tóm hamingja,“
segir í tilkynningunni.
Fyrrverandi starfsfólk IE verður
á staðnum, þeirra á meðal fluglið-
arnir fyrrverandi Edda Björgvins,
Heiðar Jónsson og Helga Braga.
Opið verður alla dagana frá kl.
13-18.
Fyrrverandi starfsfólk IE með markað