Morgunblaðið - 07.12.2012, Blaðsíða 11

DAGLEGT LÍF 11
MORGUNBLAÐIÐ FÖSTUDAGUR 7. DESEMBER 2012
Laufabrauðsútskurður er ómissandi
þáttur í jólaundirbúningi fjölmargra ís-
lenskra fjölskyldna. Í Viðey verður
þessi skemmtilega og þjóðlega hefð
kynnt nýgræðingum með sérstökum
laufabrauðsdegi sunnudaginn 9. des-
ember næstkomandi. Er reynt út-
skurðarfólk hvatt til að taka þátt í
þessum skemmtilega degi og miðla
reynslu sinni.
Að koma í Viðeyjarstofu og skera út
laufabrauð við kertaljós er svolítið
eins og að stíga aftur í tímann og
verður þar í boði laufabrauð bakað eft-
ir aldargamalli uppskrift. En í upphafi
dags munu laufabrauðssérfræðing-
arnir frá Ekta brauði kynna helstu
hefðir sem tengjast laufabrauðum og
koma gestum af stað í metnaðarfullan
útskurð. Þau munu síðan aðstoða og
leiðbeina gestum yfir daginn.
Í boði eru þrír misstórir laufa-
brauðspakkar: Eitt laufabrauð í öskju
á 500 kr., fimm laufabrauð í öskju á
1.000 kr. og tíu laufabrauð í öskju á
1.500 kr.
Gestir eru hvattir til að taka með
sér laufabrauðsjárn og hnífa til út-
skurðar þó einnig verði áhöld á staðn-
um. Listaverkakokkurinn Friðgeir Ingi
hjá Gallery Restaurant / Viðeyjarstofu
mun standa vaktina við steikarpottinn
og sjá til þess að gestir fari heim með
gómsæt listaverk. Einnig er í boði allar
helgar í Viðeyjarstofu að skreyta fal-
legar piparkökur. Mælst er til þess að
þátttakendur skrái sig til leiks með því
að bóka far með ferjunni. Bókanir ber-
ist í síma 555 3565 eða með tölvu-
pósti á videy@elding.is.
Laufabrauðsdagur í Viðey
Útskurður við kertaljós
Velferðarsjóður íslenskra
barna og Kiwanisklúbb-
urinn Elliði veittu nýverið
styrki til Menningar-
miðstöðvarinnar Gerðu-
bergs og Barna- og ung-
lingadeildar
Landspítalans til end-
urhönnunar og uppsetn-
ingar á sýningunni Orm-
urinn ógnarlangi –
Söguheimur norrænnar
goðafræði. Sýningin
verður sett upp í hús-
næði BUGL við Dalbraut.
Endurhönnun sýning-
arinnar gengur út á að
láta sýningargripi og
aðra umgjörð falla að daglegu vinnu- og leikumhverfi barna, foreldra og starfs-
fólks á BUGL. Þau munu geta hreiðrað um sig á afmörkuðum svæðum, leikið
sér og lifað sig inn í sögurnar sem vísað er í. Goðafræðin er óþrjótandi efnivið-
ur fyrir starfsfólk að vinna með börnunum á skapandi og skemmtilegan hátt
auk þess sem sýningin skapar hlýleika og stemningu í umhverfi spítalans.
Kristín Ragna Gunnarsdóttir myndlistarkona hannaði sýninguna að beiðni
Gerðubergs árið 2010 og vakti sýningin mikla lukku meðal sýningargesta og
sló aðsóknarmet. Með þessu samstarfsverkefni vonast starfsfólk Gerðubergs
til að geta lagt sitt af mörkum til að færa meira líf og liti inn í daglegt líf barna
sem þurfa á miklum stuðningi að halda.
Ormurinn ógnarlangi flytur úr Gerðubergi
Hlýleiki og stemning fyrir
börn sem þarfnast stuðnings
Flutningar Ormurinn
mun hringa sig á nýjum
stað von bráðar.
Morgunblaðið/Golli
Nemendur Sveinbjörn, Ásgerður Fríða og Arna Rut virðast nokkuð ánægð með stólana sem þau smíðuðu.
inum frá 18 ára og upp í sjötugt. Í
hópnum er að finna stúdent í
stærðfræði, tækniteiknara og allt
þar á milli. Þau Arna Rut, Ásgerð-
ur Fríða Vigfúsdóttir og Sveinbjörn
segja hópinn hafa smollið saman og
Ásgerður Fríða líkir smíðaverk-
stæðinu við litla kommúnu. Við
deildina starfa reyndir kennarar og
nefna þau sérstaklega þá Magnús
og Skjöld en Magnús er hafsjór af
fróðleik er varðar alla hús-
gagnasmíði og viðgerðir.
„Það er frábært að læra hjá
fólki sem er með svona margar
hugmyndir og úrræði og líka að sjá
svona kappa vinna,“ segir Ásgerður
Fríða.
Sethúsgögn í úrvali
Borð og stólar voru áberandi í
verkefnum nemenda á þessari önn
en þeir áttu að smíða sethúsgögn
annars vegar og hins vegar að
smíða úr plötu í bland við gegn-
heilan við. En æskilegt var að það
húsgagn yrði annað hvort með skáp
eða skúffu.
Ásgerður Fríða var ákveðin í
hafa sinn stól með formbeygðri
setu og baki.
„Stólbakið er spónlagt og ég
vildi hafa stólinn gleiðan. Hann er
útfærður eftir minni hugmynd og
ég er ánægð með útkomuna. Ég
bjóst alveg eins við að fara eitthvað
út af sporinu í ferlinu sem þó gerð-
ist ekki. Ég var meira að segja búin
að ákveða fyrirfram að nafnið á
stólnum yrði Dé-ið. Skápinn sem
ég gerði vildi ég hafa einfaldan
og vildi gera húsgagn sem
þyrfti ekki endilega að standa
upp við vegg. Hvort tveggja
gerði ég úr hnotu,“ segir Ás-
gerður Fríða og bætir við að
skúffan hafi verið ákveðin
áskorun.
„Maður fyllist þráhyggju
af því að geirnegla, það er erfitt að
byrja, gaman að gera en erfitt að
klára því maður ætlar alltaf að gera
betur og betur,“ segir Ásgerður
Fríða.
Arna Rut gerði bólstraðan stól
að fyrirmynd danska hús-
gagnahönnuðarins Hans Wegner og
smíðaði hann eftir mynd af álíka
stól.
„Ég valdi mér að smíða stól
sem mig langaði í og var gerlegt
fyrir mig að smíða en sem ég hafði
ekki efni á að kaupa mér sjálf.
Stóllinn lítur út fyrir að vera ein-
faldur en er það alls ekki og ég hef
lært mest í öllu náminu á því að
smíða þennan stól. Sófaborðið er
mín hönnun og byggt í kringum
skúffu sem var skylduverkefni.
Hvort tveggja smíðaði ég úr ma-
honý,“ segir Arna Rut.
Sveinbjörn valdi sér að smíða
þau húsgögn sem hann vantaði
helst á heimilið.
„Mig langaði í ruggustól og
átti ekkert almennilegt sófaborð
svo að ég smíðaði þetta tvennt úr
mahoný,“ segir Sigurbjörn.
Sameiginlegt verkstæði
Þau Arna Rut, Ásgerður Fríða
og Sveinbjörn segja nám í hús-
gagnasmíði hafa tekið kipp á ný
eftir að hafa dalað nokkuð í góð-
ærinu.
Þá verði námið sífellt vinsælla
hjá konum. Helstu vandkvæði nem-
enda eru að erfitt er að komast á
samning hjá meistara. Án þess geta
nemendur ekki tekið sveinspróf og
eru þá ekki fullgildir til að vinna á
verkstæðum. Reynt hefur verið að
bæta úr þessu með styrkjum til
meistara sem taka að sér nema.
Þetta hefur þó enn sem komið er
borið lítinn árangur og er aðeins
einn nemi á lokaári kominn á slíkan
samning. Í framtíðinni myndu Arna
Rut, Ásgerður Fríða og Sveinbjörn
helst vilja starfa á litlu verkstæði
þar sem fólk vinnur saman en þó að
ólíkum hugmyndum.
„Ég vildi geta komið hug-
myndum mínum í verk og geta
framkvæmt þær sjálfur. Þetta
nám er frábært tækifæri til að
koma hugmyndum í kollinum í
framkvæmd og sameinar
margt,“ segir Ásgerður Fríða
Vigfúsdóttir.
„Ég fór í þetta nám til að bæta
upp það sem ekki er kennt í
Listaháskólanum enda unnið
mikið með hugmyndir þar en
ekki að koma þeim í verk. Mér
fannst það styrkur að geta fram-
leitt mína eigin hönnun og finnst
skemmtilegra að geta fylgt hug-
myndinni eftir,“ segir Arna Rut
Þorleifsdóttir með BA í vöru-
hönnun frá Listaháskóla Íslands.
„Ég fór í húsgagnasmíði úr því
að starfa í byggingarvinnu. Mér
fannst þetta nám hljóma meira
spennandi en húsasmíði og það
hefur reynst svo. Námið er mjög
skemmtilegt og maður lærir al-
veg helling,“ segir Sveinbjörn
Sveinsson.
Hugmynd í
framkvæmd
HÚSGAGNASMÍÐANEMAR
Verkefni
Skemmtilega
gamaldags stóll.
Season favourite!
Push-up brjóstahaldari,
1995,–