Morgunblaðið - 07.12.2012, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 7. DESEMBER 2012
Bandsög
Basato 1
Kr. 48.900
TRÉSMÍÐAVÉLARNAR
FÁST Í BRYNJU
www.brynja.is - brynja@brynja.is
40 ÁRA FRÁBÆR REYNSLA Á ÍSLANDI
VÉLAR FYRIR ATVINNUMENN
OG HANDVERKSFÓLK
Tifsög
Deco-flex
Kr. 52.400
Slípivél
Bts 900X
Kr. 39.800
Súluborvél
Rab s16x
Kr. 102.200
BAKSVIÐ
Andri Karl
andri@mbl.is
Meira en 30 vitni hafa gefið skýrslu
fyrir Héraðsdómi Reykjavíkur vegna
lánveitingar Glitnis banka til Mile-
stone upp á 102 milljónir evra, jafn-
virði tíu milljarða króna á þeim tíma,
8. febrúar 2008. Vitnalistinn tæmdist
fyrir hádegi í gær og eftir stendur að
saksóknari og verjendur flytji mál
sitt, sem verður á mánudag. Ákært
er fyrir umboðssvik og varðar brotið
allt að sex ára fangelsi
Þar sem saksóknari hefur ekki enn
flutt mál sitt og röksemdir fyrir því
að sakfella ætti þá Lárus Welding,
fyrrverandi forstjóra Glitnis, og Guð-
mund Hjaltason, fyrrverandi fram-
kvæmdastjóra fyrirtækjasviðs bank-
ans, fyrir umboðssvik, er enn aðeins
hægt að meta málið út frá ákæru og
framburði vitna. Og þeir framburðir
gefa ekki ástæðu til að ætla að fyrsta
stóra mál sérstaks saksóknara fari að
hans óskum.
Ef málið er einfaldað eins og hægt
er þá snýst það um umrædda lánveit-
ingu Glitnis og fór lánið í gegnum
Milestone til Morgan Stanley. Áður
hafði hins vegar verið samþykkt inn-
an bankans að lánið ætti að fara til
Morgan Stanley í gegnum félagið
Vafning. Lánið var veitt á föstudegi,
þ.e. 8. febrúar 2008, og var á mánu-
degi fært yfir á Vafning.
Spurði út í lánveitinguna í heild
Erfitt og ómögulegt er að lesa í
það hvernig dómur fellur með því að
fylgjast með háttalagi dómara þegar
skýrslur eru teknar. Engu að síður er
athyglisvert að spurningar Skúla
Magnússonar héraðsdómara til rann-
sakenda hjá sérstökum saksóknara
hafa að mörgu lotið að lánveitingunni
burtséð frá viðtakandanum.
Skúli hefur spurt nokkuð ítarlega
út í það hvort rannsóknin hafi aðeins
beinst að þessari tilteknu aðgerð, að
lána Milestone yfir helgi eða 102
milljóna evra láninu, sem eftir
helgina var skuldfært á Vafning, í
heild. Og hvort rannsakað hafi verið
að í láninu sjálfu fælist meingerð. Því
má halda fram að hann hafi fengið
ófullnægjandi svör hjá rannsak-
endum hvað þetta atriði varðar.
Vegna þess að Skúli spyr að þessu
má velta því fyrir sér hvort málið
hefði verið höfðað ef Morgan Stanley
hefði á umræddum föstudegi fengið
greitt í gegnum Vafning. Ekki er
ákært fyrir lánveitinguna þannig að
svarið er nei
Fjártjónshættan minnkaði ekki
Ákært er fyrir það að lánið fór til
Milestone, sem var óheimilt sam-
kvæmt reglum bankans þar sem út-
lán til einstaks aðila fóru yfir há-
mark, og í ákæru segir að þá þegar
hafi þeir Lárus og Guðmundur sett
Glitni í stórfellda fjártjónshættu.
Lánið var hins vegar fært yfir á
Vafning á mánudeginum. Fjártjóns-
hættan minnkaði ekki við það, vissu-
lega ekki, en það var í samræmi við
samþykkt áhættunefndar bankans
og heimilt samkvæmt regluverki
hans. Því er spurningin í fyrirsögn-
inni sett fram, og er það vegna spurn-
inga Skúla Magnússonar héraðsdóm-
ara.
Réttlætanlegur gjörningur?
Þau vitni sem voru í Glitni um-
ræddan dag báru öll á þann veg að
eitthvað hefði komið upp á lokametr-
unum sem varð til þess að Milestone
var lánað en ekki Vafningi. Í ákær-
unni sjálfri segir nákvæmlega það
sama, þ.e. að ekki hafi reynst mögu-
legt að lána Vafningi og því hafi lánið
runnið til Milestone. Enginn bar hins
vegar um það hver tók þá ákvörðun.
Lárus og Guðmundur sögðust ekki
hafa verið húsi þegar sú ákvörðun
var tekin og hún hafi ekki verið borin
undir þá. Aðrir ýmist mundu það
ekki eða sögðust ekki vita það. Und-
irskrift Lárusar og Guðmundar er
hins vegar við ákvörðunina.
Lánið var veitt til þess að greiða
upp annað hjá Morgan Stanley.
Ástæða þess að greiða þurfti upp lán-
ið var að Morgan Stanley var að loka
lánum víða á þessum tíma vegna yf-
irvofandi erfiðleika á fjármálamark-
aði og veitti ekki greiðslufrest. Þá
þegar, í febrúar 2008, var traust
Morgan Stanley á Íslandi í lágmarki.
Tryggingarnar fyrir láninu voru
hlutabréf í Glitni og það kom fram
hjá fyrrverandi framkvæmdastjóra
hjá Morgan Stanley að þau hefðu
verið boðin til sölu strax mánudaginn
11. febrúar 2008 og jafnvel seld með
tapi. Um leið hefðu lán Milestone hjá
Glitni komist í uppnám, á fjórða tug
milljarða króna. Þetta hefði leitt til
þess að Glitnir hefði riðað til falls eða
líklega frekar fallið.
Spurningin sem stendur eftir, og
fjölskipaður héraðsdómur mun
svara, og svo Hæstiréttur, er hvort
réttlætanlegt hafi verið að greiða lán-
ið með þessum hætti eða bankastjór-
anum borið að fella spilaborgina.
Helgar tilgangurinn alltaf meðalið?
 Glitnir hefði riðað til falls, ef ekki fallið, án uppgreiðslu láns hjá Morgan Stanley 8. febrúar 2008
 Ákært er fyrir aðferðina en héraðsdómari hefur meiri áhuga á lánveitingunni sjálfri í heild
Morgunblaðið/Styrmir Kári
Biðin Ljósmyndari fréttablaðsins DV ákvað að láta frá sér myndavélina og taka einnig myndir með snjallsíma
sínum af Karli Wernerssyni á meðan Karl beið eftir að gefa skýrslu við Héraðsdóm Reykjavíkur í gærmorgun.
Meðal þeirra sem gáfu skýrslu í
gær var Guðmundur Haukur Guð-
mundsson, fyrrverandi lög-
reglumaður hjá sérstökum sak-
sóknara. Guðmundur sætir
rannsókn hjá ríkissaksóknara,
ásamt Jóni Óttari Ólafssyni, vegna
meintra brota í starfi.
Guðmundur hefur ásamt Jóni
Óttari jafnan verið sagður aðal-
rannsakandi málsins og ekki um
það deilt. Hann hins vegar kann-
aðist varla við málið þegar verj-
endur spurðu hann út í rannsókn-
ina. Hann sagði sína aðkomu að
því litla sem enga og benti til
dæmis á það að hann hefði engra
spurninga spurt við skýrslutökur
hjá sérstökum saksóknara.
Svör Guðmundar virtust koma
saksóknara málsins mikið á óvart,
en þeir unnu náið saman að rann-
sókn málsins, og féllust honum
bæði hendur og yppti hann öxlum.
Þegar að því kom ákvað saksókn-
ari þó að spyrja ekki spurninga.
„Kom lítið að rannsókninni“
SAKSÓKNARI GÁTTAÐUR Á FRAMBURÐI VITNIS
Ný dögun, samtök um sorg og sorg-
arviðbrögð, fagnar 25 ára afmæli
laugardaginn 8. desember.
Að þessu tilefni mun Ný dögun
standa fyrir tvíþættri dagskrá á
laugardag. Klukkan 10.30 verður
safnast saman við veitingastaðinn
Nauthól og gengið þaðan inn í Foss-
vogskirkjugarð og duftgarðinn Sól-
land.
Klukkan 15 verður samvera í Há-
teigskirkju. Þar mun Olga Snorra-
dóttir, kennari, m.a. segja frá að-
draganda að stofnun samtakanna
og starfinu fyrstu árin. Þá les Matt-
hías Johannessen, skáld, úr ljóða-
bók sinni Söknuði og fleiri lista-
menn koma fram.
Stjórnandi samverunnar er sr.
Bernharður Guðmundsson en hann
stýrði stofnfundi samtakanna fyrir
25 árum.
Samvera verður í Háteigskirkju.
Afmælishátíð Nýrrar
dögunar um helgina
Jólamarkaður verður á morgun,
laugardaginn 8. desember, í
útibúi Fjölskylduhjálpar Íslands
að Hafnargötu 90 í Reykja-
nesbæ.
Allur notaður fatnaður verður
þar seldur á 100 krónur. Klukk-
an 17 leika syngja Eiríkur Fjalar
(Laddi) og Hjörtur Howser fyrir
gesti. Þá mun Jónína Benedikts-
dóttir íþróttafræðingur kynna
bók sína og gefa góð heilsuráð.
Jólamarkaður Fjöl-
skylduhjálparinnar
Ný jólasýn-
ing Listar
fyrir líf,
lista- og
menning-
armið-
stöðvar
ABC
barna-
hjálpar, verður opnuð að Lauga-
vegi 103 klukkan 12 í dag. Sýn-
ingin ber yfirskriftina List fyrir
líf. Listmálararnir sem sýna eru
Bjarni Sigurbjörnsson, Stefanía
Jörgensdóttir, Ragnheiður Guð-
mundsdóttir, Regína Magdalena
Loftsdóttir, Þóra Ben, Fríða
Kristín Gísladóttir, Lilja Braga-
dóttir og Hrafnhildur Inga Sig-
urðardóttir.
Klukkan 20 í kvöld mæta aðrar
stjörnur og syngja jólalög.
List fyrir líf
STUTT