Morgunblaðið - 07.12.2012, Blaðsíða 44

44 MENNING
MORGUNBLAÐIÐ FÖSTUDAGUR 7. DESEMBER 2012
–– Meira fyrir lesendur
Í blaðinu verður fjallað um
þá fjölbreyttu flóru
sem í boði er fyrir þá
sem stefna á frekara nám
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
Fyrir kl. 12, miðvikudaginn
19. desember
PÖNTUNARTÍMI AUGLÝSINGA:
Skólar & námskeið
Þann 4. janúar
kemur út glæsilegt
sérblað um skóla
og námskeið sem
mun fylgja
Morgunblaðinu
þann dag
SÉRBLAÐ
Silja Björk Huldudóttir
silja@mbl.is
„Ég fór ung í hundana, bara man
ekki eftir mér hundlausri. Og ég
verð líkast til aldrei hundlaus, það
er svo mannbætandi að umgangast
aðrar tegundir.“ segir Kristin Helga
Gunnarsdóttir. Hún sendi nýverið
frá sér bókina Grímsævintýri sem
er ævisaga hundsins Gríms Fífils,
en bókina prýða teikningar eftir
Halldór Baldursson.
„Grímur var fyrsti hundurinn
sem við hjónin fengum okkur saman
þegar við vorum ung og barnlaus.
Hann var fuglaveiðihundur af
Springer Spaniel-kyni, en þessir
stóru veiðihundar þurfa meiri aga
og athygli en margar tegundir,“
segir Kristín Helga og tekur fram
að Grímur hafi verið mjög litríkur
persónuleiki. „Mér fannst Grímur
alltaf vera mjög vel gefinn en eig-
inmaðurinn reyndi að halda því
fram að það hefði verið sparað við
hann í gáfum,“ segir Kristín Helga
og bendir á að það sé kannski engin
tilviljun að eigendurnir hafi hlotið
nöfnin Besta og Fúli í ævisögunni.
Engin aldurstakmörk á bókinni
„Sagan er sögð í fyrstu persónu
og mér fannst nauðsynlegt að setja
mig í spor Gríms og segja söguna al-
farið frá sjónarhóli hundsins. Það er
því ekki sjálfhverfa sem ræður því
að eigandinn heitir Besta í bókinni.
Grími fannst ég einfaldlega best því
hjá mér mátti hann allt.
Þessi mikli höfðingi lifði í ellefu ár
og féll frá árið 1998. Hann er manni
enn ofarlega í huga, eftir öll þessi
ár. Ég sagði gjarnan Grímsasögur í
boðum og þær vöktu jafnan lukku.
Hann átti sér líka marga aðdá-
endur, kappinn. Það eru því margir
sem fagna því að hann sé nú loks
orðinn ódauðlegur á bók. Grímur er
meira að segja skráður í spjaldskrá
Forlagsins sem höfundur. Það er
ljósmynd af honum aftan á bók-
arkápu og þeir sem fá mynd af sér
þar eru sjálfkrafa skráðir höfundar í
spjaldskrám Forlagsins,“ segir
Kristín Helga og tekur fram að það
hafi verið mjög viðeigandi þar sem
Grímur hafi lagt til allt efni í bókina.
Athygli vekur að Grímur er með
rauða slaufu um hálsinn á þeirri
mynd, líkt og allir hundarnir á
myndinni sem sjá mér hér að ofan.
„Eins og fram kemur í bókinni fékk
Grímur bláan borða þegar við fórum
með hann á hundasýningu og í kjöl-
farið hættum við að fara með hann á
sýningar. Því til hvers að borga
stórfé fyrir að láta niðurlægja sig
úti í bæ,“ segir Kristín Helga og
bendir á að blár borði þýði önnur
einkunn sem þyki ekki parfínt á
meðan rauður borði veitir stig til
meistara. „Það var því snemma
ákveðið að Grímur gengi alltaf með
rauðan borða til merkis um þann
meistara sem hann væri í augum
ástvina sinna og þannig eigum við
náttúrlega að sæma okkar nánustu
meistaragráðu alla daga.“
Aðspurð hverjum bókin sé ætluð
segir Kristín Helga að góðar dýra-
sögur eigi að höfða til allra. „Og
ekki er verra ef þær eru sannar.
Mér fannst mjög gaman að glíma
við það að reyna að búa til bók sem
allir gætu setið saman yfir. Það eru
engin aldurstakmörk á þessari bók.
Þetta er saga um samskipti, kær-
leika og vináttu. Ég veit til dæmis
um sjötugan tengdapabba sem fær
þessa bók í jólagjöf af því að hann er
hundakall. Þetta er líka saga um
samband manna og dýra. Þetta er
líka saga um uppeldi. Það er all-
staðar verið að glíma við að ala upp
ungviði, skikka aðra til að vera eins
og við viljum að þeir séu. Þetta er
kannski saga um það líka. Fyrst og
fremst langaði mig þó að deila því
hversu gefandi samskiptin við mál-
leysingja og ferfætlinga eru. Þó
þetta séu allt skemmtisögur þá skín
í gegn hvað Besta og Fúli læra mik-
ið af samskiptum sínum við Grím og
hvað hann á endanum kennir þeim
mikið og skilur eftir dýrmætar gjaf-
ir. Flestir þeir sem eiga dýr vita um
hvað ég er að tala, en mig langaði
líka til þess að varpa ljósi á þessi
samskipti fyrir þá sem ekki
þekkja.“
Ekki er hægt að sleppa Kristínu
Helgu án þess að forvitnast um
hvort von sé á fleiri ævisögum um
hundana hennar. „Nei, ég er ekki að
byrja að skrifa seríu um hundana
mína,“ segir Kristín Helga og hlær.
„Þetta er einstakt tilvik, enda fá
skrautlegustu einstaklingarnir allt-
af mestu athyglina.“
„Fór ung í hundana“
 Kristin Helga Gunnarsdóttir segir mannbætandi að umgangast aðrar tegundir
 Hún segir bók sína, Grímsævintýri, vera sögu um samskipti, kærleika og vináttu
Morgunblaðið/Kristinn
Vinir Halldór Baldursson og Kristín Helga Gunnarsdóttir tala bæði hundamál. Með þeim á myndinni eru Sómi
(lengst til vinstri), Skotta (lengst til hægri) og Emilía Fluga sem allan daginn fylgist með Kristínu Helgu skrifa.
Brasilíski arkitektinn Oscar Nie-
meyer lét á miðvikudag, 104 ára
gamall. Hann var einn áhrifamesti
arkitekt tuttugustu aldar og er
sagður hafa átt stóran þátt í að
móta sýn manna á það hvernig
framtíðin mundi líta út.
Niemayer starfaði nánast þar til
hann var lagður inn á sjúkrahús
fyrir rúmum mánuði. Hann var að-
alhönnuður flestra helstu bygginga
höfuðborgar Brasilíu, sem ber nafn
landsins, og afar dáður þar í landi.
Þar hefur hann verið kallaður „Pi-
casso steinsteypunnar“ en form
margra bygginga sinna sótti
Niemayer í kvenlíkamann – hann
sagði beinar línur ekki höfða til sín.
Meðal frægra bygginga hans má
nefna hús Sameinuðu þjóðanna í
New York og höfuðstöðvar franska
kommúnistaflokksins í París.
AFP
Glæsileg Dómkirkjan í borginni
Brasilíu, eitt verka Niemayers.
Niemayer
látinn
Jólasýningin Líf
fyrir list verður
opnuð í dag kl.
12 í búðinni Líf
fyrir líf sem ABC
hjálparsamtökin
reka að Lauga-
vegi 103. Sýn-
endur eru Bjarni
Sigurbjörnsson,
Stefanía
Jörgensdóttir,
Ragnheiður Guðmundsdóttir, Reg-
ína Magdalena Loftsdóttir, Þóra
Ben, Fríða Kristín Gísladóttir, Lilja
Bragadóttir og Hrafnhildur Inga
Sigurðardóttir. Helmingurinn af
ágóða seldra listaverka rennur til
ABC. Þess má geta að viðburðir
verða í búðinni út desember, en í
kvöld verða t.d. flutt jólalög kl. 20.
Líf fyrir list
Bjarni
Sigurbjörnsson
National Lampoon’s Christmas Vacation
Sambíóin hefja sérstakar jólasýningar á grínmyndinni
Christmas Vacation frá árinu 1989. Í henni segir af
Clark Griswold og fjölskyldu hans sem ætla sér að halda
hin fullkomnu jól en ýmsar uppákomur og óhöpp setja
strik í reikninginn. Leikstjóri er Jeremiah Chechik og í
aðalhlutverkum Chevy Chase, Randy Quaid, Beverly
D’Angelo og Diane Ladd.
Rotten Tomatoes: 63%
Arme Riddere
Norsk kvikmynd sem leikstýrt er af Magnus Martens en
hann skrifaði einnig handritið með rithöfundinum Jo
Nesbö. Í myndinni segir af Óskari nokkrum sem vaknar
alblóðugur á strípistað með haglabyssu í höndunum.
Átta manns liggja í valnum og lögreglumenn beina að
honum skotvopnum. Óskar er þess fullviss að hann sé
saklaus. Í helstu hlutverkum eru Kyrre Hellum og Hen-
rik Mestad.
Rotten Tomatoes: 67%
Rise of the Guardians
Teiknimynd sem hefur að geyma þekktar ævintýra-
persónur. Um myndina segir í tilkynningu að hinn illi
Pitch ógni heimsbyggðinni og um leið draumaheimum
og æsku barna um víða veröld. Til að koma í veg fyrir að
áform hans verði að veruleika þurfi ódauðlegar æv-
intýrapersónur á borð við jólasveininn, tannálfinn,
páskakanínuna, Óla lokbrá og Vetur konung að taka
höndum saman. Leikstjóri er Peter Ramsey.
Rotten Tomatoes: 73%
So Undercover
Alríkislögregla Bandaríkjanna fær einkaspæjarann
Molly Morris til þess að starfa á laun í systrafélagi í há-
skóla einum. Reynir þá á leiklistarhæfileika Molly, hún
þarf að vera sannfærandi háskólanemi í stað harðsvíraðs
og klóks einkaspæjara og vernda Alex sem er dóttir
fyrrverandi glæpaforingja. Leikstjóri er Tom Vaughan
og í aðalhlutverkum Miley Cyrus, Autumn Reeser og
Alexis Knapp. Enga samantekt á gagnrýni er að finna
um myndina.
Carnival of Souls
Kvikmyndaklúbburinn Svartir sunnudagar í Bíó Paradís
sýnir á sunnudaginn bandarísku kvikmyndina Carnival
of Souls frá árinu 1962. Í myndinni segir af konu sem
nær að komast á land eftir að hafa verið nærri því að
drukkna. Hún er ráðin í starf kirkjuorganista í litlum bæ
í Utah og fer þá ýmislegt einkennilegt að gerast. Leik-
stjóri er Herk Harvey og í aðalhlutverkum Candace
Hilligoss, Frances Feist og Sidney Berger.
Rotten Tomatoes: 83%
Bíófrumsýningar
Jól, spenna og hryllingur
Jólagrín Úr gamanmyndinni National Lampoon’s
Christmas Vacation.