Morgunblaðið - 14.12.2012, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 14. DESEMBER 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Bjarnason
helgi@mbl.is
Fjölgun þrepa í virðisaukaskatti eykur hættuna á undan-
skotun og flækir virðisaukaskattskerfið. Þetta álit Ríkis-
skattstjóra kemur fram í umsögn hans til Alþingis um
frumvarp til laga um ráðstafanir í ríkisfjármálum þar sem
meðal annars er lagt til að virðisaukaskattur á gistingu
verði hækkaður í 14% sem er nýtt þrep í virðisaukaskatts-
kerfinu.
Varar Ríkisskattstjóri eindregið við því að taka upp
þriðja þrepið, raunar það fjórða því vara og þjónusta sem
er undanþegin skattinum er fjórða þrepið.
„Verði þessi breyting að lögum er augljós hætta á að að-
ilar sem selja gistingu og fæði þannig að eitt verð innihaldi
hvort tveggja, freistist í auknum mæli til þess að hnika til
skattverðinu sér í vil, þ.e. að hækka verð fæðisins en
lækka verð gistingarinnar á móti,“ segir í umsögn Ríkis-
skattstjóra.
Þarf sérstaka fjárveitingu vegna aukakostnaðar
Þá bendir hann á að þessi fyrirætlun muni hafa í för
með sér mikinn kostnað fyrir atvinnulífið vegna uppgjörs-
kerfa sem þurfi að forrita upp á nýtt. Þá muni Ríkisskatt-
stjóri þurfa að leggja í mikinn kostnað og mannaflsfreka
vinnu við að gera nauðsynlegar breytingar á tölvukerfum,
eyðublöðum og verkferlum. Það eigi ekki eingöngu við um
þau kerfi sem snúa að virðisaukaskatti heldur einnig
tekjuskatti. Telur Ríkisskattstjóri að sérstaka fjárveit-
ingu muni þurfa til að gera þessar breytingar.
Aukin hætta á undanskotum
 Ríkisskattstjóri varar eindregið við nýju virðisaukaskattsþrepi fyrir gistingu
 Mikill kostnaður við breytingar tölvukerfa hjá atvinnulífinu og í skattkerfinu
Gildistaka gagnrýnd
» Vsk. á gistingu á að hækka
1. maí. Ríkisskattstjóri telur
tímann til undirbúnings allt of
skamman, bæði fyrir skatta-
yfirvöld og rekstraraðila.
» Þá flæki það skattafram-
kvæmdina að hafa gildistök-
una ekki við áramót. Það kalli á
sérstakt uppgjör á næsta ári.
Helgi Bjarnason
helgi@mbl.is
Vísindamenn hafa ekki skýringar á ástæð-
um þess að síld gengur á land og drepst í
Kolgrafarfirði á Snæfellsnesi. Starfsmenn
Hafrannsóknastofnunarinnar tóku sýni af
dauðri síld í gær og í dag verður hitastig
fjarðarins mælt.
„Ég fylgdist með henni í yfirborðinu að
keyra sig upp í fjöruna. Það var enginn há-
hyrningur að reka hana upp núna,“ segir
Hlynur Pétursson, útibússtjóri Hafró í
Ólafsvík, sem fór í gær til að taka sýni.
Hann segir að dauð síld sé á fjörum beggja
vegna fjarðarins, mismikil þó. Telur hann
að mest sé innarlega í firðinum að aust-
anverðu og neðan við Eiði sem er vestan
fjarðar. Hlynur segir erfitt að meta hversu
mikið hafi drepist, telur þó að eðlilegra sé
að telja það í tugum tonna en hundruðum.
Undanfarin ár hafa mælst hundruð tonna
af síld í Kolgrafarfirði.
Farið verður með sýnin til greiningar
hjá Hafró í Reykjavík árdegis í dag og
jafnframt verður hiti mældur í firðinum.
Hlynur segir ekkert að sjá á síldinni, að
utanverðu.
Heimamenn hafa velt því fyrir sér hvort
veðuraðstæður valdi. Kuldinn geri síldina
dasaða og hún hrekist á land.
„Við höfum ekki skýringar í augnablik-
inu,“ segir Þorsteinn Sigurðsson, sviðs-
stjóri nytjastofnasviðs Hafrannsóknastofn-
unarinnar. Hann segir að þetta hafi verið
óvænt. Vitað sé að fjörurnar hafi verið
hreinar í fyrradag og daginn þar á undan
hafi bátur frá Hafró verið þarna við mæl-
ingar. Þorsteinn vonast til að málið skýrist
eitthvað í dag.
Síldin syndir upp í fjöru
Morgunblaðið/Gunnar Kristjánsson
Óvenjulegt Síld er á fjörum um allan Kolgrafarfjörð, mismikið eftir svæðum. Ekki hefur verið metið hversu mikið hefur drepist.
 Dauð síld á fjörum um allan Kolgrafarfjörð  Vísindamenn hafa ekki skýringar á reiðum höndum
 Starfsmenn Hafrannsóknastofnunar tóku sýni til rannsóknar og hitastig fjarðarins verður mælt í dag
Ekki var hætta á ferðum þegar
fiskibáturinn Kári strandaði í
Hvammsvík í Hvalfirði í gærkvöldi.
Tveir menn voru um borð í bátnum
og sakaði þá ekki.
Kallaðar voru út sjóbjörgunar-
sveitir Slysavarnafélagsins Lands-
bjargar í Reykjavík og á Akranesi
og fóru þær til aðstoðar og ætluðu
að draga bátinn á flot á flóði. Ekki
tókst að losa bátinn og varð því að
fresta aðgerðum þar til á háflóði kl.
6.45 nú í morgun. Þá ætlaði björg-
unarskip Slysavarnafélagsins
Landsbjargar, Ásgrímur S. Björns-
son, reyna að ná bátnum á flot á ný.
Björgunarsveit stóð vakt í landi við
strandstað í nótt. Aðstæður voru
með besta móti og veður ágætt.
Fiskibátur strand-
aði í Hvammsvík
Deiliskipulag fyrir Landspítalan við Hringbraut var
samþykkt á fundi borgarstjórnar Reykjavíkur í gær.
Engar breytingar voru gerðar á auglýstri tillögu.
Skömmu áður hafði sveitarstjórnin í Kjósarhreppi
samþykkt breytingar á svæðisskipulagi höfuðborg-
arsvæðisins.
Með afgreiðslu málsins hefur borgin afgreitt málið
af sinni hálfu. Frestur til að skila inn athugasemdum
vegna deiliskipulagstillagna rann út í september síð-
astliðnum en yfir 800 athugasemdir bárust. Gerðar
voru athugasemdir við skipulagið í heild sinni, bygg-
ingarmagn, umhverfi, mengun og umferð.
Gagnrýna meirihluta fyrir skort á samráði
Fulltrúar Sjálfstæðisflokksins greiddu atkvæði
gegn tillögunni og lögðu fram bókun gegn fyrirhug-
uðu byggingarmagni á Landspítalareitnum. Sérstak-
lega var gagnrýnt að meirihluti virti að vettugi þær
rúmlega 800 athugasemdir sem bárust vegna skipu-
lagsins. Þá segir í bókuninni að meirihlutinn hafi eng-
an vilja sýnt til samráðs og framkoma hans í málinu
sé ótrúleg.
Jafnframt segir að með afgreiðslu borgarstjórnar
sé einstöku tækifæri glatað til að styrkja spítala-
starfsemi með skynsamlegri uppbyggingu í sátt við
eldri byggð og borgarþróun.
Stefnt er að því að hefja framkvæmdir við spítalann
á næsta ári. Þó á eftir að ganga frá fjármögnun spít-
alans en upphaflega var stefnt að því að fara svokall-
aða leiguleið. Nú er hinsvegar stefnt að því að bygg-
ingin verði opinber ríkisframkvæmd.
Deiliskipulagið samþykkt
 Sjálfstæðismenn í borgar-
stjórn á móti tillögunni
Morgunblaðið/ÞÖK
Bygging Styr hefur staðið um deiliskipulag Landspítala.
Suðurlandsbraut 20, Reykjavík | Sími 588 0200 | www.eirvik.is
Kaffivélar fyrir
skrifstofur
og mötuneyti
Fyrir jól eða áramót
Fullkomið kaffi,
espresso, cappucicino
eða latté macchiato
með einni snertingu.