Morgunblaðið - 14.12.2012, Qupperneq 6

6 FRÉTTIRInnlent
MORGUNBLAÐIÐ FÖSTUDAGUR 14. DESEMBER 2012
Forsvarsmenn fyrirtækja, sem
stunda ferðaþjónustu yfir Kjalveg,
hafa tekið höndum saman um að
vekja athygli stjórnvalda á slæmu
ástandi Kjalvegar. Þeir hafa sent
bréf til þingmanna og áttu fund
með samgöngunefnd Alþingis þar
sem þeir skýrðu sjónarmið sín.
„Við sýndum þeim hugmyndir
okkar um að gera úrbætur á Kjal-
vegi upp á rúmar 300 milljónir
króna. Þetta yrði ferðamannaveg-
ur sem yrði fær miklu lengur á
árinu en nú er. Vegurinn gæti
einnig verið almannahagsmunamál
sem væri hægt að ryðja hvenær
sem er ef t.d. jarðskjálftar yrðu.
Við vitum að það er ekki hægt að
hafa malbikaðan veg þarna,“ segir
Gunnar Guðjónsson sem rekur
ferðaþjónustu á Hveravöllum.
Ferðaþjónustumenn segja að ef
engar úrbætur verða gerðar á veg-
inum muni ferðaþjónusta ekki geta
þrifist á þessum slóðum.
Vegurinn yfir Kjöl var óvenju
slæmur í sumar. Vegargerðina
skortir fé til að halda honum við.
Engin fjárveiting til framkvæmda
á Kjalvegi er á samgönguáætlun
til ársins 2014.
„Grundvöllurinn fyrir að reka
ferðaþjónustufyrirtæki á þessum
stað, þegar engar samgöngur eru,
er að hverfa,“ segir Gunnar.
Hann segir ennfremur skjóta
skökku við, að á sama tíma sé
hvatt til þess að dreifa ferðamönn-
um yfir landið. „Ef ekkert verður
gert í því að bæta veginn á næstu
árum endar það með því að það er
ekki hægt að halda úti ferðaþjón-
ustu á þessum stöðum,“ segir
Gunnar.
Páll Gíslason, rekstrarstjóri og
einn eigenda Fannborgar við Kerl-
„Við höfum komið þeim sjónar-
miðum á framfæri við fjármála-
ráðuneytið að við teljum alltof hratt
farið í málinu. Það er ljóst að út-
færslan liggur ekki fyrir og að
menn hafa ekki náð landi í því
hvernig á að framkvæma hana.
Hugmyndin er að færa vöru-
gjaldakerfið allt til tollstjóra en
hluti þess hefur verið unninn af
ríkisskattstjóra,“ segir Haraldur
Jónsson, forstjóri heildsölunnar
Innes, um nýjan sykurskatt.
„Við erum komin mjög fram úr
öðrum ríkjum hvað varðar neyslu-
skatta, bæði tolla og vörugjöld.
Stjórnvöld ganga langt í því að
stýra neyslu fólks. Um leið gera
þau skattaumhverfið ógagnsætt,“
segir Haraldur um áhrif skattsins.
Mismunar samkeppnisaðilum
„Við íhugum að kæra skattinn til
ESA, eftirlitsstofnunar EFTA, á
þeim grundvelli að hann mismuni
innflytjendum annars vegar og inn-
lendum framleiðendum hins veg-
ar,“ segir Haraldur en innlendir
framleiðendur munu geta fengið
undanþágur frá því að greiða skatt
af ónotaðri framleiðslu. Óseldir
snúðar beri til dæmis ekki skattinn.
Frumvarp þessa efnis liggur nú
fyrir þinginu og stefnir ríkis-
stjórnin að því að afla 960 milljóna
króna með skattinum sem er til
dæmis talið leiða til þess að verð á
innfluttum kökum hækki um 10%.
Haraldur var skipaður í starfs-
hóp á vegum fjármálaráðuneytisins
og var útnefndur af Samtökum
verslunar og þjónustu í þá vinnu.
Einfalda átti kerfið
Hópurinn tók til starfa í sumar
en í skipunarbréfi hópsins sagði að
gera ætti tillögur að breytingum á
vörugjöldum þannig að umgjörðin
yrði einföld, sanngjörn og skilvirk
og hlutlaus m.t.t. vöruvals. Þá var
fulltrúum hópsins sagt að líta til
manneldissjónarmiða. Haraldur
segir breytingarnar þvert á móti
flækja kerfið. baldura@mbl.is
Útfærslan á
sykurskattinum
liggur ekki fyrir
 Forstjóri Innes segir óvissu í málinu
 Íhugar að kæra skattinn til ESA
Morgunblaðið/Eggert
Á jólum Smákökur verða dýrari.
„Allt útlit er fyrir að kviknað hafi
í út frá rafmagni í ísskáp,“ segir
Sigurbjörn Víðir Eggertsson,
stöðvarstjóri á lögreglustöðinni á
Hverfisgötu, um upptök brunans
sem varð á Laugavegi 51 í síðustu
viku. Rannsóknarmenn hjá tækni-
deild lögreglunnar hafa útilokað
að refsivert athæfi hafi leitt til
brunans og segja eld hafa kviknað
út frá ísskáp á annarri hæð húss-
ins.
Slökkviliðið bjargaði tveimur af
efri hæðum hússins, m.a. var stigi
lagður að þriðju hæð hússins þar
sem annar aðilinn fór út um
glugga. Enginn slasaðist alvarlega
í brunanum.
Allt bendir til að
kviknað hafi í út frá
ísskáp á Laugavegi
Heimir Snær Guðmundsson
heimirs@mbl.is
Sérstakur saksóknari hefur gefið út
ákæru á hendur fjórum mönnum í
svokölluðu Aurum Holding-máli.
Þeir ákærðu eru Lárus Welding,
fyrrverandi bankastjóri Glitnis, Jón
Ásgeir Jóhannesson, Magnús Arnar
Arngrímsson, fyrrverandi fram-
kvæmdastjóri fyrirtækjasviðs Glitn-
is, og Bjarni Jóhannesson, viðskipta-
stjóri Glitnis.
Þeir Lárus og Magnús eru ákærð-
ir fyrir umboðssvik og Jón Ásgeir og
Bjarni eru ákærðir sem hlutdeildar-
menn í málinu sem verður þingfest 7.
janúar næstkomandi.
Glitnir lánaði til kaupa
FS38 á skartgripakeðju
Aurum-málið má rekja til lánveit-
inga Glitnis til félagsins FS38 vegna
kaupa þess síðarnefnda á 30% hlut
Fons, fjárfestingafélags Pálma Har-
aldssonar í bresku skartgripakeðj-
unni Aurum Holding Limited. Fé-
lagið FS38 greiddi sex milljarða
króna fyrir Aurum-skartgripakeðj-
una í maí árið 2008.
Slitastjórn Glitnis hefur haldið því
fram að greitt hafi verið margfalt yf-
irverð fyrir skartgripakeðjuna og að
í tengslum við söluna hafi miklir fjár-
munir runnið til Pálma Haraldsson-
ar og Jóns Ásgeirs Jóhannessonar.
Í upphafi ársins greindi Morgun-
blaðið frá því að þrotabú FS38, dótt-
urfélags Fons, væri eignalaust. Við
sama tækifæri kom fram að lýstar
kröfur í búið næmu 9,24 milljörðum
íslenskra króna.
Lykilmenn í Glitni ákærðir
 Lárus Welding, fyrrverandi bankastjóri, og Magnús Arngrímsson ákærðir fyrir
umboðssvik í tengslum við Aurum-málið  Jón Ásgeir og Bjarni einnig ákærðir
Aurum-málið
» FS38, dótturfélag Fons
greiddi sex milljarða fyrir Aur-
um í maí 2008.
» Upphæðin var fengin að láni
hjá Glitni og var greidd út í
einu lagi sumarið 2008.
» Kröfur í bú FS38 námu 9,2
milljörðum í upphafi árs en bú-
ið var þá eignalaust.
„Með niðurskurði í viðhaldi og þjónustu við vegi hefur
ekki einu sinni verið hægt að halda honum í horfinu
með heflun og öðru slíku eins og við vildum gera. Það
er von til þess að það verði bót á því á næsta ári því lík-
legt er að við fáum rýmra fé til viðhalds á vegum. En
það er ekki í augsýn að endurbyggja hann eða gera al-
mennilegan veg yfir Kjöl. Þegar ekki er hægt að byggja
slíka vegi upp þá verða þeir aldrei almennilegir,“ segir
Hreinn Haraldsson vegamálastjóri og bætir við að veg-
urinn yfir Kjöl hafi verið óvenju slæmur síðasta sumar.
Á samgönguáætlun til ársins 2014 er hvorki gert ráð
fyrir fjármagni til að gera endurbætur á veginum yfir
Kjöl né að leggja nýjan veg.
Líklega betra viðhald í sumar
ENGAR ENDURBÆTUR Á KJALVEGI Á SAMGÖNGUÁÆTLUN
ingarfjöll, segir að ef vegurinn
væri betri, væri hægt að hafa
°hann opinn mun lengur og það
myndi lengja ferðaþjónustu-
tímabilið.
Bæði Páll og Gunnar sögðu það
gera ferðaþjónustunni erfitt fyrir
að ekki væri hægt að stóla á veg-
inn á sumrin. Kjalvegur væri opn-
aður ýmist í byrjun júní eða undir
lok mánaðarins. „Þessir dagar eru
ónýtir í sölu. Að vegurinn sé opn-
aður seint stafar af því að Vega-
gerðin hefur ekki fjármagn til að
opna veginn en hún þarf að ryðja
snjónum burt. Þegar líður á sum-
arið og komið er fram í miðjan júlí
er vegurinn orðinn eitt þvotta-
bretti og rútufyrirtæki neita að
keyra veginn því hann eyðileggur
bílana,“ segir Páll.
Í sumar tóku þeir sig til, ásamt
öðrum, og ruddu snjó af veginum
til að lengja ferðamannatímabilið.
„Síðasta ár var mjög erfitt. Veg-
urinn var nánast óökufær og
kostnaðarsamt að gera út á þetta,“
segir Óskar Stefánsson, fram-
kvæmdastjóri Sterna, sem rekur
áætlunarbíla. Óskar segir að tals-
vert tjón hafi orðið á bílum fyr-
irtækisins þegar þeim var ekið yfir
Kjalveg í sumar og úrbóta sé þörf
ef halda eigi áfram að byggja upp
staðinn fyrir ferðamennsku. „En
áhugi ferðamanna á staðnum er
mikill og hefur aukist um mörg
prósent,“ segir Óskar.
Vegurinn barn síns tíma
Vegurinn yfir Kjöl var fyrst
lagður árið 1934 af fólki sem var
að leggja girðingu. „Miðað var við
hvar komist var almennilega yfir
hóla og hæðir. Síðan þá hefur hon-
um ekki verið haldið við og er
smátt og smátt að grafast niður,“
segir Páll. thorunn@mbl.is
Kjalvegur
Loftmyndir ehf.
Hægt að laga Kjalveg
fyrir 300 milljónir kr.
 Vegurinn afar slæmur í sumar  Heftir ferðaþjónustu
Hreinn
Haraldsson
Opið: Mán - Fim 11:00 - 18:00
Fös 10:00 - 18:30 & Lau 11:00 - 16:00
Hátíðarkörfur
Ostabúðarinnar
eftir þínu höfði
Við erum byrjuð að
taka á móti pöntunum
í síma 562 2772,
ostabudin@ostabudin.is
og á ostabudin.is