Morgunblaðið - 14.12.2012, Blaðsíða 37
Þjónustuauglýsingar 569 1100
Ál hjólapallar / veggjapallar
Akralind 8
Sími: 564 6070www.kvarnir.is
Veðurnet / Öryggisnet
Áltröppur / stigar
Akralind 8
Sími: 564 6070www.kvarnir.is
Ál tröppur / Ál stigar
Ál búkkar og ástönd
Sérsmíðum stiga og tröppur ef óskað er
Eitt mesta úrval landsins
af sagarblöðum og fræsitönnum
Ásborg, Smiðjuvegi 11 (gul gata), s. 564 1212, www.asborg.is
!" SMUR-, BÓN- OG DEKKJAÞJÓNUSTA
Allt á einum stað
Eftirlitsmyndavél fyrir sumarbústaði og heimili
Tekur venjulegt GSM SIM kort.
Hægt að panta mynd eða hlusta svæði.
SMS og MMS viðvörun í síma og netfang
Lætur vita ef rafmagn fer af og hiti breytist
Hægt er að tengja allt að 15 auka skynjara
Vöktun á heitum potti, raka, þrýstingi o.fl.
Stýring á hita, kveikja ljós, renna í pottinn.
Getur tengst blikkljósi og sírenu.
Upplýsingar í síma 699-6869 og rafeindir@internet.is
Töskur, kassar
og yfirbreyðslur
MUNIÐ GJAFAKORTIN
Allar almennar fjórhjóla og
snjósleða viðgerðir
Stapahrauni 7 220 Hfj S. 588 3355
Lok á alla heita potta
Sterkasta áklæði
á markaðinum
Eitt verð á öllum stærðum
Framleiðum eftir máli
Tjalda og Seglaþjónustan
Kristinn 899 7663 - 461 5077 tjalda@simnet.is
Myndir á
MORGUNBLAÐIÐ FÖSTUDAGUR 14. DESEMBER 2012
✝ Jónína ValdísIngimundar-
dóttir fæddist á
Seyðisfirði 24. júlí
1945. Hún lést á
Sjúkrahúsi Akra-
ness 7. desember
síðastliðinn.
Valdís var dóttir
hjónanna Þóreyjar
Sigríðar Gúst-
afsdóttur, f. 1912, d.
1970 og
Ingimundar Guðmundssonar,
1987 og eignuðust þau tvö börn:
Inga Má, f. 1969, maki Harpa
Harðardóttir og Þóreyju Sigríði,
f. 1970, maki Þórir Björgvinsson.
Seinni eiginmaður var Þórður
Ársælsson, f. 1946. Fyrir átti
Þórður fjóra syni, Aðalstein, f.
1965 , Ægi, f. 1968, Þórhall, f.
1975 og Pétur, f. 1972. Valdís átti
fjögur barnabörn og eitt
barnabarnabarn.
Valdís fluttist með foreldrum
sínum á Djúpavog 1949, frá
Seyðisfirði.
Hún bjó á Djúpavogi til ársins
1965 og fluttist þá til Akraness
þar sem hún bjó til æviloka, síð-
ast á Steinstaðaflöt 27.
Útför Valdísar fer fram frá
Akraneskirkju í dag, 14. desem-
ber 2012 kl. 14.
f. 1905, d. 1982 .
Valdís átti tvær
systur: Erlu, f. 1936,
maki Ingimar
Sveinsson, f. 1927
og Guðnýju, f. 1947,
maki Sigurður
Bjarni Gíslason, f.
1949. Valdís vann á
Sjúkrahúsi Akra-
ness en var lengst af
húsmóðir. Fyrri eig-
inmaður Valdísar
var Ingvar Þorleifsson, f. 1929, d.
Elsku amma Dilla. Hjartað
okkar grætur, því nú ertu farin
til himna. Við söknum þín rosa-
lega mikið. Það var alltaf gott
að koma til þín. Þú varst alltaf
svo fín og svo fengum við alltaf
svo gott vínarbrauð hjá þér. Þú
verður alltaf í hjörtum okkar,
við elskum þig, amma Dilla.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson.)
Anton Elí og Valdís Eva.
Elsku amma mín.
Ég á eftir að sakna þín svo
mikið. Þú varst alltaf svo góð
við mig, passaðir mig oft þegar
ég var lítil. Oft fékk ég að gista
hjá þér og afa Tóta og það var
alltaf svo gaman og gott að vera
hjá ykkur. Ég man alltaf hvað
þú gerðir góðar vöfflur og kök-
ur, þú gerðir bestu vöfflur í
heiminum. Vona að þér líði bet-
ur núna og ég veit að þú vakir
yfir mér.
Hve elska eg þig, gleði, með
geislana þína,
– án gleði er eg aumlega stödd –
þá sólbros þitt skín inn í sálina
mína,
þar syngur hver einasta rödd.
(Ólöf Sigurðardóttir frá Hlöðum)
Kveðja,
Karen Þórisdóttir.
Elsku amma Dilla.
Ég var alltaf prinsinn þinn og
mun ég aldrei gleyma hversu
góð þú varst mér, þú varst
besta amma sem hægt var að
hugsa sér og þú passaðir mig
alltaf svo vel öll þessi ár.
Ég minnist þess svo, elsku
amma, hvað það var alltaf
skemmtilegast að fara til þín
því þar fékk maður allt sem
maður vildi, eins og hversu oft
fengum við okkur Hróa hattar-
pitsu og brauðstangir eða bakk-
elsi og vínabrauðin þín á Há-
holtinu.
Þú varst alltaf svo glæsileg,
alltaf með uppsett hárið og í há-
hæluðum skóm og man ég svo
eftir því hvað það var gaman að
fara með þig út í búð þegar afi
var á sjónum, þú tókst sko þinn
tíma í að gera þig klára og út-
koman var alltaf glæsileg.
Það var alltaf fjör í kringum
þig, elsku amma, sama hvar þú
varst, yfirleitt syngjandi eða
dansandi, það var æðislegt að fá
þann heiður að dansa við þig.
Ég væri ekki sá maður sem
ég er í dag án þín, því þú ert eitt
af stærstu ljósum lífs míns og
öll tár í heiminum nægja ekki til
að syrgja þig.
Minning þín er ljós í lífi mínu.
Lítill drengur leggst á koddann
– lokar sinni þreyttu brá
uns í draumi er hann staddur
ömmu sinni góðu hjá.
Amma brosir – amma kyssir
undurblítt á kollinn hans.
breiðist ást af öðrum heimi
yfir beð hins litla manns.
(Jóhannes úr Kötlum)
Ingvar Þórisson.
Þann 7. desember sl. andað-
ist á Sjúkrahúsi Akraness
elskuleg systir mín Valdís Ingi-
mundardóttir, alltaf kölluð
Dilla. 1949 fluttum við frá Seyð-
isfirði til Djúpavogs. Þá var
Dilla á 4. árinu. Hún var því alin
upp á Djúpavogi og gekk þar í
skóla. Ingimar maðurinn minn
segir: „Þegar ég kom að Djúpa-
vogsskóla haustið 1955 var hún
í 10 ára bekk, dugleg stúlka og
margvís. Hún skrifaði fallega
rithönd og stærðfræði skildi
hún nemenda best. Landafræði
var hennar uppáhaldsfag.“ Eft-
ir barnaskóla fór Dilla út á
vinnumarkaðinn. Fyrst vann
hún í frystihúsinu á Djúpavogi,
síðan við afgreiðslustörf í Kaup-
félagi Berufjarðar. Og starfaði
þar uns hún flutti á Akranes
1965. Á Akranesi vann hún líka
við afgreiðslustörf þar til hún
stofnaði heimili með fyrri manni
sínum Ingvari Þorleifssyni. Þá
helgaði hún manninum sínum
og börnunum þeirra, Inga Má
fæddum 1969 og Þóreyju Sig-
ríði fæddri 1970, alla sína
krafta. Heimilinu sinnti Dilla
afskaplega vel. Voru þau hjón
mjög samhent um að hafa allt í
góðu lagi. Einnig voru börn
Ingvars af fyrra hjónabandi
mikið hjá þeim og var samband
þeirra og Dillu mjög gott og
hélst alla tíð. Mann sinn missti
Dilla eftir 20 ára samband en
Ingvar lést á Landspítalanum í
Reykjavík 4. desember 1987
eftir erfið veikindi. Dilla bjó
áfram með börnunum sínum á
Akranesi og vann á sjúkrahús-
inu. Börnin hennar búa bæði á
Akranesi með sínum fjölskyld-
um. Seinni manni sínum, Þórði
Ársælssyni frá Hellisandi,
kynntist Dilla 1989 og áttu þau
yndislegt heimili á Akranesi.
Dilla hafði sterkar taugar til
Djúpavogs. Þar var svo fallegt
og í hennar huga var Búlands-
tindur fallegasta fjall á Íslandi,
en þar næst Akrafjallið, henni
þótti mjög vænt um Akranes. Á
Djúpavog komu hún og Þórður
tvær-þrjár ferðir á ári, sérstak-
lega eftir að þau fengu sér hús-
bíl. Þau komu á Hammondhátíð
frá því hún var fyrst haldin 2006
og síðast komu þau 2011. Dilla
hafði mjög gaman af músík og
var vel að sér í heimi dægur-
laga. Hún hafði fallega rödd og
söng vel. Dilla og Þórður fóru
mikið til útlanda en Kanaríeyjar
voru hennar uppáhaldsstaður,
hún elskaði að vera í sólinni og
hitanum. Dilla var afskaplega
snyrtileg í einu og öllu og bar
heimilið hennar þess glöggt
merki þar sem aldrei sá blett
eða hrukku á nokkrum hlut og
allt átti að vera á sínum stað.
Sjálf var hún alltaf fín og vel til-
höfð. Hún hafði snemma áhuga
á fallegum fötum. Þegar hún
var unglingur hefði það ekki
komið fyrir hana að fara í sama
kjólnum á ball tvisvar í röð. Þá
bað hún bara mömmu að sauma
kjól sem mamma gerði fyrir
Dillu sína. Elsku Dilla mín, nú
þarft þú ekki á fallegu fötunum
þínum að halda lengur, en aldr-
ei munum við fjölskylda þín
minnast þín öðruvísi en fínnar,
fallegrar og góðrar. Hjartans
þakkir fyrir allt og allt sem við
áttum saman. Elsku Þórður.
Guð almáttugur styrki þig og
styðji í þinni miklu sorg. Aldrei
getum við fjölskyldan þakkað
þér fyrir þá miklu ást og um-
hyggju sem þú sýndir systur
minni í hennar erfiðu veikind-
um. Ingi Már, Þórey. Innilegar
samúðarkveðjur til ykkar allra
frá okkur Ingimar.
Erla systir.
Við viljum á kveðjustund
þakka fyrir góð kynni en allt frá
því að þau Valdís og Þórður
hófu búskap hefur hún verið
hluti af hópnum okkar. Við
þökkum fyrir samfylgdina og
sendum Þórði og börnum þeirra
beggja og fjölskyldum þeirra
okkar dýpstu samúðarkveðjur
með litlu ljóði eftir Þorstein
Valdimarsson.
Blækyrrð, bliknað lyng
í breiðum, stafað sól.
Móða yfir hnjúkum,
sem blárri og blárri teygjast
fjær og fjær
og hverfa í himindjúp.
Gærdagur ei, né morgunn –
miskunn friðar.
Lind, sem við grjót
og gráan mosa kliðar.
Jóhann og fjölskylda.
Valdís
Ingimundardóttir
✝
Innilegar þakkir til allra þeirra sem sýndu
okkur samúð og hlýhug við andlát og útför
okkar elskulegrar eiginkonu, móður, tengda-
móður og ömmu,
GUÐRÚNAR ÞORGRÍMSDÓTTUR,
Höfðabrekku 16,
Húsavík.
Halldór Ingólfsson,
Þuríður Halldórsdóttir, Ólafur E. Benediktsson,
Ingunn Halldórsdóttir, Einar Halldór Einarsson,
Halldór Elís Ólafsson,
Guðbjörg Ólafsdóttir,
Guðrún Einarsdóttir.
✝
Innilegar þakkir fyrir samúð og hlýhug við
andlát og útför
GUÐMUNDAR M. JÓHANNESSONAR,
Sólvangsvegi 1,
Hafnarfirði.
Sérstakar þakkir til heimahlynningar og
líknardeildar LSH.
Ragnheiður Sigurðardóttir,
Vignir, Sigrún,
Jóhannes Helgi, Sigurbjörg Stella,
Ægir, Monika Sjöfn,
Jökull, Bri Kellin,
Kristjana, Þórir,
Sigurþór,
afabörn og langafabörn.
✝
Innilegar þakkir fyrir auðsýnda samúð og
hlýhug vegna andláts og útfarar ástkærrar
móður okkar, tengdamóður, ömmu og
langömmu,
SESSELJU ÓSKARSDÓTTUR,
Höfða,
Akranesi,
áður til heimilis að Suðurgötu 50.
Sérstakar þakkir til starfsfólks Höfða fyrir einstaka umönnun.
Ruth Alfreðsdóttir, Kristinn Sigurðsson,
Bryndís Alfreðsdóttir, Ingimundur Ingimundarson,
Karl Óskar Alfreðsson, Halldóra Elsa Þórisdóttir,
Helga Klara Alfreðsdóttir, Einar Davíðsson,
Guðrún Birgitta Alfreðsdóttir, Karl Sigurjónsson
og ömmubörn.
Að skrifa minningagrein
Ekk j ld kið f i bi i i i i
Skilafrestur minningagreina er á hádegi tveimur virkum
dögum fyrir útfarardag, en á föstudegi vegna greina til
birtingar á mánudag og þriðjudag.
Fjöldi greina í blaðinu á útfarardag ræðst af stærð blaðsins
hverju sinni en leitast er við að birta allar greinar svo fljótt
sem auðið er. Hámarkslengd minningagreina er 3.000
tölvuslög með bilum. Lengri greinar eru vistaðar á vefnum,
þar sem þær eru öllum opnar.