Morgunblaðið - 14.12.2012, Blaðsíða 18
18 FRÉTTIRInnlent
MORGUNBLAÐIÐ FÖSTUDAGUR 14. DESEMBER 2012
Dansíþrótttasamband Íslands hef-
ur valið dansparið Sigurð Má
Atlason og Söru Rós Jakobsdóttur
sem danspar ársins 2012.
Sigurður og Sara eru bæði
fædd árið 1992 og hafa dansað
saman síðan árið 2000.
Þau urðu tvöfaldir Íslands-
meistarar á árinu 2012 og eru
einnig bikarmeistarar í latin-
dönsum.
„Sigurður og Sara eru góðar
fyrirmyndir fyrir önnur danspör,
hvort sem er við þjálfun eða
ástundun,“ segir í tilkynningu frá
Dansíþróttasambandinu.
Sigurður og Sara
Rós danspar ársins
Verkfræði- og náttúruvísindasvið
Háskóla Íslands hefur opnað jóla-
dagatal vísindanna sem ætlað er að
glæða áhuga yngri kynslóðarinnar
á undrum raunvísinda og verk-
fræði.
Um er að ræða stutt myndbönd
með tilraunum í efnafræði, eðlis-
fræði og verkfræði sem auðvelt er
að framkvæma í heimahúsum.
Fyrsta myndbandið birtist 12. des-
ember, og líkt og jólasveinarnir
birtast þau svo eitt af öðru á hverj-
um degi fram á aðfangadag jóla á
vef Verkfræði- og náttúruvís-
indasviðs.
Hægt er að nálgast jóladagatal
vísindanna á slóðinni
www.von.hi.is/joladagatal.
Jóladagatal vís-
indanna opnað
Jólabærinn verður opnaður á Ing-
ólfstorgi í Reykjavík í dag klukkan
15.30. Jólabærinn verður opinn alla
daga fram að aðfangadegi jóla milli
kl. 12 og 18 og á Þorláksmessu til
kl. 23.
Fram kemur í tilkynningu að í
jólabænum verði boðið upp á ís-
lenska gæðahönnun, ýmiskonar
gjafavöru og margháttaða mat-
vöru, bæði þjóðlega og alþjóðlega.
Í tengslum við opnunina verður
boðið upp á heitt kakó og óáfenga
jólaglögg fyrir gesti og gangandi.
Jólabærinn opnaður
á Ingólfstorgi
STUTT
Mikið verður um að vera í jólaskóg-
um skógræktarfélaganna um helgina.
Rúmlega 20 skógræktarfélög um
land allt bjóða fólki að koma í skóginn
á aðventunni og höggva eigið jólatré
gegn vægu gjaldi.
Þetta er um þriðjungur allra skóg-
ræktarfélaga á landinu og hefur þeim
fjölgað nokkuð frá síðasta ári þegar
um 15 félög buðu upp á þessa þjón-
ustu. Ferð í skóginn fyrir jólin nýtur
æ meiri vinsælda hér á landi og er
orðin ómissandi liður í jólaundirbún-
ingi margra fjölskyldna.
„Í starfi skógræktarfélaganna er
lögð áhersla á upplifunina úti í skóg-
inum og fyrir jólin höfum við farið þá
leið að bjóða fjölskyldum í skógana,“
sagði Brynjólfur Jónsson, fram-
kvæmdastjóri Skógræktarfélags Ís-
lands, í samtali við Morgunblaðið ný-
verið. „Þar er hægt að stússa í því að
velja og fella tré, þar er fjölbreytni og
margvísleg upplifun. Ekki skemmir
fyrir að hafa kakó á brúsa og hitta
kannski jólasvein fyrir tilviljun.“
Um helgina verða flest skógrækt-
arfélaganna með opið annan daginn
eða báða og má finna þau víða á land-
inu. Upplýsingar um félögin og hve-
nær þau bjóða þjónustu má finna á
http://www.skog.is.
Útivistarskógar öllum opnir
Útivistarskógar skógræktarfélag-
anna eru öllum opnir og í flestum
þeirra hafa verið lagðir stígar, komið
upp áningarstöðum og annarri að-
stöðu. Ágóði af jólatrjáasölu skóg-
ræktarfélaganna rennur allur til
ræktunar og umhirðu þessara skóga
og uppbyggingar aðstöðu í þeim.
Fyrir hvert jólatré sem selt er má
reikna með að hægt verði að gróð-
ursetja 30-40 ný tré.
Félög sem verða með jólatrjáasölu
um helgina eru Skógræktarfélag
Austur-Húnvetninga á Gunnfríðar-
stöðum, Skógræktarfélag Austur-
lands í Eyjólfsstaðaskógi, Skógrækt-
arfélag Austur-Skaftfellinga í
Haukafelli á Mýrum, Skógræktar-
félag Árnesinga að Snæfoksstöðum í
Grímsnesi, Skógræktarfélag Borgar-
fjarðar í Reykholti í samstarfi við
björgunarsveitina Brák í Einkunnum
ofan við Borgarnes og í samstarfi við
björgunarsveitina Heiðar í Grafar-
koti í Stafholtstungum, Skógræktar-
félag Dýrafjarðar á Söndum í Dýra-
firði, Skógræktarfélag Eyfirðinga á
Laugalandi á Þelamörk, Skógrækt-
arfélag Garðabæjar í Smalaholti,
Skógræktarfélag Grindavíkur í Sel-
skógi, Skógræktarfélag Hafnar-
fjarðar í Selinu, bækistöðvum félags-
ins og Þallar, við Kaldárselsveg í
Hafnarfirði, Skógræktarfélag Ísa-
fjarðar í hlíðinni ofan við Bræðra-
tungu, innan við Seljalandshverfið,
Skógræktarfélag Rangæinga í Bol-
holtsskógi á Rangárvöllum, Skóg-
ræktarfélag Reykjavíkur á Jóla-
markaðinum á Elliðavatni og í
Grýludal í Heiðmörk, Skógræktar-
félag Skagfirðinga í Hólaskógi og
Varmahlíð, Skógræktarfélagið Mörk
í Stóra-Hvammi, Fossi á Síðu, Skóg-
ræktarfélög Kópavogs, Mosfells-
bæjar, Kjalarness og Kjósarhrepps á
Fossá í Hvalfirði.
30-40 ný tré fyrir
hvert selt jólatré
Mikið um að vera í jólaskógum skógræktarfélaganna
Ljósmynd/Einar Jónsson
Í Heiðmörk Margt skemmtilegt getur gerst í skóginum og ekki leiðinlegt að hitta jólasveina fyrir tilviljun. Margar
fjölskyldur fara orðið árlega á aðventunni og margir hafa heitt kakó á brúsa með sér.
Verðlagseftirlit ASÍ gerði verð-
könnun á jólamat í sjö matvöru-
verslunum á höfuðborgarsvæðinu
og Akureyri síðastliðinn þriðjudag.
Kannað var verð á 99 algengum
matvörum sem eru í boði fyrir
jólahátíðina.
Bónus var með lægsta verðið í 37
tilvikum af 99 og Iceland í 29. Hag-
kaup var með hæsta verðið í 41 til-
viki af 99, Nettó í 22 tilvikum,
Fjarðarkaup og Samkaup-Úrval
voru jafn oft með hæsta verðið eða í
18 tilvikum.
Nóatún bætist nú í hóp þeirra
verslana sem neita að taka þátt í
verðkönnun ASÍ, Víðir og Kostur
Dalvegi, eru hinar, að því er fram
kemur í frétt frá ASÍ.
Flestar vörurnar sem skoðaðar
voru að þessu sinni voru fáanlegar í
verslunum Hagkaups eða í 95 til-
vikum af 99, Fjarðarkaup áttu til 89
af 99 og Krónan 86. Fæstar vörurn-
ar voru fáanlegar hjá Samkaupum-
Úrvali Akureyri eða aðeins 57 og
Bónus og Iceland áttu aðeins til 65.
Verðmerkingum var ábótavant hjá
Nettó Mjódd að sögn ASÍ en í 14 til-
vikum vantaði verðmiða.
Mesti verðmunur var 93%
Mestur verðmunur í könnuninni
reyndist á fersku rósakáli sem var
dýrast á 498 kr./kg hjá Nettó en
ódýrast á 258 kr./kg hjá Bónus,
verðmunurinn er 240 kr. eða 93%.
Mikill verðmunur var einnig á jóla-
ostaköku frá MS sem var dýrust á
1.298 kr./kg hjá Hagkaupi en ódýr-
ust á 953 kr./kg hjá Bónus, verð-
munurinn er 345 kr. eða 36%.
Minnstur verðmunur í könnun-
inni reyndist vera á SS birkireyktu
hangilæri frá SS með beini, sem var
dýrast á 2.399 kr./kg hjá Hagkaupi
en ódýrast á 2.299 kr./kg hjá Krón-
unni sem er 4% verðmunur. Aðeins
meiri verðmunur var á 600 g kon-
fektkassa frá Lindu, sem var dýr-
astur á 1.599 kr. hjá Nettó en ódýr-
astur á 1.439 kr. hjá Iceland sem er
11% verðmunur.
Könnunin var gerð á sama tíma í
eftirtöldum verslunum: Bónus Ak-
ureyri, Krónunni Höfða, Nettó
Mjódd, Iceland Granda, Fjarðar-
kaupum Hafnarfirði, Samkaupum-
Úrvali Akureyri og Hagkaupi Skeif-
unni.
Fram kemur í frétt frá ASÍ að að-
eins sé um beinan verðsamanburð
að ræða en ekki sé lagt mat á gæði
eða þjónustu söluaðila.
Þá kemur einnig fram í fréttinni
að tilboð séu víða í matvöruversl-
unum nú fyrir hátíðarnar og verð-
breytingar tíðar. Neytendur ættu
því að vera vel vakandi vilji þeir
gera hagstæð innkaup á jólamatn-
um.
Nánari upplýsingar og töflu má
finna á www.asi.is.
Bónus og Ice-
land oftast með
lægsta verðið
Þrjár verslanir ekki með í könnun
Morgunblaðið/Brynjar Gauti