Morgunblaðið - 14.12.2012, Blaðsíða 25
FRÉTTIR 25Erlent
MORGUNBLAÐIÐ FÖSTUDAGUR 14. DESEMBER 2012
Mörgæs sporðrennir fiski við
jólatré í Lundúnadýragarðinum í
veislu sem slegið var upp í tilefni af
því að jólin eru að koma.
Mörgæs á
litlu jólunum
AFP
„Þetta er stórkostlegur fundur. Að
hluta vegna þess að gera má ráð fyr-
ir því að þetta sé fyrsta ævintýrið
sem Andersen skrifaði, og að hluta
vegna þess að þetta sýnir að hann
var farinn að fást við ævintýri sem
ungur maður,“ segir Ejnar Stig
Askgaard, sérfræðingur í skrifum
H.C. Andersen.
Danir eru frá sér numdir eftir að
þær fréttir bárust að fundist hefði
handrit sögu sem talið er fullvíst að
sé eftir ævintýraskáldið ástsæla en
hefur aldrei áður komið fyrir al-
menningssjónir. Sagan, sem ber tit-
ilinn „Tólgarkertið“, fannst ómerkt í
kassa á Þjóðskjalasafninu í Óðins-
véum í október og hefur handritið
verið rannsakað ítarlega síðan. „Það
er enginn vafi á því að það var
Andersen sem skrifaði þetta,“ hefur
Politiken eftir Askgaard.
Sagan er um fátæklegt og skítugt
tólgarkerti og það sárlangar til að
loga. Kertið er miður sín þar til það
kemst í snertingu við eldfæri sem
kveikja á því.
Bókmenntafræðingurinn Bruno
Svindborg, sem starfar við Konung-
lega bókasafnið í Kaupmannahöfn,
segir að Tólgarkertið jafnist ekki á
við bestu skrif Andersen, sé ekki
eins fágað.
Sérfræðingarnir telja líklegt að
Andersen hafi skrifað söguna þegar
hann var enn í skóla.
„Stórkostlegur fundur“
AFP
Tólgarkertið Handrit að ævintýrinu um kertið sem þráði að loga.
Áður óþekkt ævintýri eftir H.C. Andersen hefur fundist
Sérfræðingar telja það fyrsta ævintýrið sem hann skrifaði
Alexander Litv-
inenko, fyrrver-
andi njósnafor-
ingi rússnesku
leyniþjónust-
unnar, var á
mála hjá bresku
leyniþjónustunni
MI6 þegar hann
var myrtur með
eitri í nóvember
2006, að því er
fram kom fyrir rétti í Bretlandi í
gær. Litvinenko var að vinna með
spænskum njósnurum síðustu
dagana fyrir morðið. Ennfremur
voru lögð fram skjöl sem benda
til þess að rússneskir leyniþjón-
ustumenn séu viðriðnir morðið.
Rússar hafa neitað að framselja
fyrrverandi KGB-mann sem er
grunaður um að hafa myrt Lit-
vinenko.
Litvinenko var
á mála hjá MI6
Alexander
Litvinenko
BRETLAND
Hundasmygl færist í vöxt í Svíþjóð
og í fyrradag stöðvuðu tollverðir
tvo menn sem óku til landsins með
22 hvolpa í bíl sínum. Margir hvolp-
anna voru nýgotnir og ekki tilbúnir
í ferðalag, að sögn lögreglunnar.
Ólöglegt er að selja hvolpa án
eftirlits í Svíþjóð en svo mikil eftir-
spurn er eftir vissum tegundum að
sænskir ræktendur anna henni
ekki.
Hvolparnir fundust í málmkassa
og voru útataðir í eigin úrgangi.
Aðeins einn hundanna var með sér-
stakt vegabréf sem þarf þegar
ferðast er með gæludýr á milli
landa innan Evrópusambandsins.
Talið er að mörgum hvolpanna hafi
verið stolið.
SVÍÞJÓÐ
Smygl á hundum
færist í vöxt
H Ú S G Ö G N
Patti verslun | Dugguvogi 2, 104 Reykjavík | Sími: 557 9510 | Netfang: patti@patti.is | vefsíða: patti.is
Verslun okkar er opin:
Virka daga kl. 9-18
Laugardaga kl.11-16
Sunnudaga lokað
Þú velur
og draumasófinn þinn er klár
GERÐ (90 mismunandi útfærslur)
STÆRÐ (engin takmörk)
ÁKLÆÐI (yfir 3000 tegundir)
Sófinn þinn útfærður eftir þínum óskum
Tungusófar 2+tunga
Hornsófar 2H2
Sófasett 3+1+1
frá 268.900kr.
frá 343.900kr.
frá 378.900kr.
Verðdæmi:
Basel
nÚ RÝMUM VIÐ FYRIR NÝJUM VÖRUM
40%afsláttur
allt að
af völdum vörum og
sýningareintökum Borðstofustólar frá 5.900 kr Heilsukoddar 2.900 kr