Morgunblaðið - 18.01.2013, Blaðsíða 18

Hjörtur J. Guðmundsson
hjorturjg@mbl.is
Miklar umræður spunnust á Alþingi
í gær um umsóknina um inngöngu í
Evrópusambandið. Bæði í óundir-
búnum fyrirspurnum og í umræðum
um störf þingsins sem fram fóru í
kjölfarið.
Þar sagði Jóhanna Sigurðardótt-
ir, forsætisráðherra, meðal annars
að þróunin varðandi vinnulag við
umsóknina hefði líklega orðið sú
sama þó að ekkert samkomulag
hefði verið gert um það á milli
stjórnarflokkanna.
Birgir Ármannsson, þingmaður
Sjálfstæðisflokks, hafði spurt for-
sætisráðherra um samkomulagið og
ennfremur hvort tilgangur þess
hefði meðal annars miðað að því að
svæfa í utanríkismálanefnd Alþing-
is tillögu um að viðræðurnar við
Evrópusambandið yrðu lagðar til
hliðar og þær ekki hafnar aftur
nema með samþykki í þjóðarat-
kvæðagreiðslu sem Jón Bjarnason,
fulltrúi VG í nefndinni, stóð meðal
annarra að.
Ekki opnað fyrir kosningar
Gunnar Bragi Sveinsson, þing-
flokksformaður Framsóknarflokks-
ins, spurði Jóhönnu hvers vegna
slíkt samkomulag hefði verið gert á
milli stjórnarflokkanna ef það skipti
engu máli hvort það hefði verið
gert. Hann spurði ennfremur hvers
vegna hóta hefði þurft Vinstrihreyf-
ingunni - grænu framboði stjórnar-
slitum vegna málsins ef það var í
góðum farvegi.
Forsætisráðherra svaraði því til
að sjávaraútvegs- og landbúnaðar-
kaflar viðræðnanna hefðu hvort
sem er ekki verið opnaðir fyrir
kosningarnar í vor. Að öðru leyti
hefði verið samkomulag um það á
milli stjórnarflokkanna samkvæmt
stjórnarsáttmálanum með hvaða
hætti ætti að halda á málinu.
Undraðist að þurfa að stafa
hlutina ofan í þingmenn
Þá snerust umræður í þinginu að
talsverðu leyti um Jón Bjarnason
og þá ákvörðun að víkja honum úr
utanríkismálanefnd áður en tillagan
væri tekin fyrir í nefndinni.
Jón beindi þeirri fyrirspurn til
forsætisráðherra hvort það væri
ekki enn í fullu gildi sem kveðið
væri á um í stjórnarsáttmála VG og
Samfylkingarinnar að stjórnarþing-
menn hefðu rétt á sinni sannfær-
ingu í ESB-málinu og til þess að
berjast fyrir henni innan og utan
þings.
Hann lagði ennfremur áherslu á
að umsóknin um aðild að ESB hefði
ekki verið ríkisstjórnarmál enda
hefði það verið lagt fram sem þing-
mannamál þar sem hluti þingmanna
VG hefði ekki getað stutt það.
Forsætisráðherra svaraði því til
að hún vissi ekki betur en að sam-
þykkt hefði verið í flokksstofnunum
ríkisstjórnarflokkanna að málið
yrði sett í þann farveg sem gert
hefði verið og kveðið væri á um í
stjórnarsáttmálanum og umsóknin
síðan samþykkt á Alþingi með
drjúgum meirihluta atkvæða. Þá
sagðist hún ekki vita til þess að mál-
frelsi hefði verið tekið af Jóni eða
öðrum þingmönnum vegna málsins.
Hitt væri svo annað mál að stjórn-
arsáttmálinn væri skýr um máls-
meðferðina.
Jón sakaði forsætisráðherra um
ofríki gagnvart Alþingi og að beita
sér gegn því að málið færi aftur til
Alþingis eins og tillagan í utanrík-
ismálanefnd kvæði á um. Lagði
hann áherslu á að þingið réði fram-
vindu málsins en ekki ráðherrann.
Jóhanna ítrekaði að stjórnarsátt-
málinn væri skýr í þessum efnum og
sagðist hún ekki skilja hvers vegna
þyrfti að stafa hann fyrir þingmenn.
Tillagan í utanríkismálanefnd hefði
gengið gegn sáttmálanum ef hún
hefði náð fram að ganga.
Hafnaði ásökunum
Þá lagði forsætisráðherra áherslu
á að þingsályktunartillagan sem
samþykkt var á Alþingi sumarið
2009 um að sótt yrði um aðild að
ESB gerði ráð fyrir því að málið
héldi áfram á næsta kjörtímabili á
meðan henni hefði ekki verið breytt.
Gunnar Bragi tók málið síðan upp
í umræðum um störf þingsins og
sagði forsætisráðherra hafa viður-
kennt í umræðunni að hafa beitt
hótunum til þess að hindra að til-
lagan í utanríkismálanefnd næði
fram að ganga. Fór hann fram á það
við forseta Alþingis að hann tæki
málið upp við forsætisráðherra.
Þessum ásökunum hafnaði Jóhanna
alfarið.
Össur Skarphéðinsson utanríkis-
ráðherra sagði að tillaga eins og sú
sem komið hefði fram í utanríkis-
málanefnd hefði þegar verið felld á
Alþingi síðastliðið sumar. Þingvilj-
inn hefði þar með komið fram.
ESB-málið hefði þróast
eins án samkomulagsins
 Jón Bjarnason sakaði forsætisráðherra um ofríki gegn Alþingi í umræðum
Morgunblaðið/Eggert
Ræða Jón Bjarnason í ræðustól Alþingis. Honum var vikið úr utanríkismálanefnd fyrir skömmu. Myndin er úr safni.
18 FRÉTTIRInnlent
MORGUNBLAÐIÐ FÖSTUDAGUR 18. JANÚAR 2013
Alþjóðlegur snjódagur verður hald-
in hátíðlegur víða um heim á sunnu-
dag, þar á meðal á Ísafirði.
Ókeypis verður á skíðasvæði Ís-
firðinga og 25% afsláttur af skíða-
leigu. Þjálfarar og æfingalið Skíða-
félagsins ætla að bjóða þeim sem
eru að stíga sín fyrstu skref ókeypis
aðstoð.
Þá verða brekkur við allra hæfi í
boði. Troðnar verða brautir á Selja-
landsdal fyrir byrjendur jafnt sem
lengra komna, til viðbótar við sér-
staka ævintýrabraut. Þar verður
einnig í boði aðstoð fyrir þá sem
vilja prufa.
Fram kemur í tilkynningu frá
Ísafjarðarbæ að góð veðurspá sé
fyrir sunnudaginn og ættu allir að
geta átt góðan dag á svæðinu.
Morgunblaðið/Halldór Sveinbjörnsson
Snjór Ísfirðingar hafa fengið drjúgan
skammt af snjó í vetur eins og sjá má.
Alþjóðlegur snjó-
dagur á Ísafirði
Landspítali fékk
nýlega gjöf frá
Ólöfu Októsdótt-
ur til kaupa á
berkjuómspegl-
unartæki.
Ólöf greindist
með útbreiddan
sarklíkissjúkdóm
árið 2007 og hef-
ur náð góðum
bata með meðferð, að því er kemur
fram í tilkynningu frá Landspítala.
Berkjuómspeglunartækið nýtist
vel til rannsókna á sjúklingum með
sjúkdóma í brjóstholi eins og
lungnakrabbameini og sarklíki,
sem er bólgusjúkdómur af óþekkt-
um orsökum. Svona tæki hefur ekki
verið til á Íslandi en með því er
mögulegt að gera ómspeglun í
gegnum öndunarveginn.
Tækið var formlega afhent spít-
alanum 15. janúar 2013.
Gaf berkjuóm-
speglunartæki
Við tækið Ólöf
Októsdóttir og
Hrönn Harðardóttir
lungnalæknir.
Stofnuð hefur verið ný OA-deild
fyrir unglinga en fundir deild-
arinnar eru sérstaklega fyrir ung-
menni sem glíma við stjórnlausar
matarvenjur.
Fundirnir eru á miðvikudögum
kl. 16.30-17.30 í Skógarhlíð 8 í húsi
Krabbameinsfélagsins.
OA-deild stofnuð
fyrir unglinga
STUTT
Þingmenn Sjálfstæðisflokksins
mótmæltu því harðlega í umræðum
á Alþingi í gær að verið væri að
keyra umsagnarferli um frumvarp
að nýrri stjórnarskrá á allt of mikl-
um hraða í gegnum nefndir þings-
ins og án þess að eðlileg umræða
gæti farið fram í þeim um málið.
Bjarni Benediktsson, formaður
Sjálfstæðisflokksins, sagði ljóst að
þingið hefði runnið út á tíma fyrir
nokkru til þess að fara í heildar-
endurskoðun á stjórnarskránni.
Vísaði hann þar meðal annars í
gagnrýni sérfræðinga á málið.
„Ég vil bera það upp við hæst-
virtan forsætisráðherra hvort það
sé virkilega svo að það sé ein af
hennar helstu kröfum til þingsins
að málið verði í heild sinni klárað
núna bara á næstu dögum vegna
þess að þetta setur stjórnskipunar-
og eftirlitsnefnd í þá vandræðalegu
stöðu að þurfa núna bara næstu
sólarhringana að fara að senda frá
sér algerlega ófullkomið og illa
ígrundað álit undir stöðugum
ábendingum sérfræðinga um að
málið sé ekki nægjanlega vel und-
irbúið,“ sagði hann.
Jóhanna Sigurðardóttir forsætis-
ráðherra sagði málið í höndum
stjórnskipunar- og eftirlitsnefndar.
„Mér er kunnugt um það að for-
ystumenn stjórnskipunar- og eft-
irlitsnefndar hafa verið í samtölum
við forystumenn stjórnarandstöð-
unnar um þetta mál og hvernig
best sé að halda á því. Ég leyni því
ekki að ég tel að það sé skyn-
samlegast að halda á því með þeim
hætti að menn setji niður tímaplan
í þessu máli þar sem lagt verður
upp með hvernig þetta mál verður
rætt hér á Alþingi og síðan verður
bara að leiða það í ljós hvort menn
klári þetta mál endanlega en það
er mín eindregin ósk að svo verði,“
sagði hún.
Á allt of
miklum
hraða
 Tekist á um
stjórnarskrármálið