Morgunblaðið - 18.01.2013, Blaðsíða 40

40 MINNINGAR
MORGUNBLAÐIÐ FÖSTUDAGUR 18. JANÚAR 2013
Smáauglýsingar 569 1100 www.mbl.is/smaaugl
Hljóðfæri
Ukulele í úrvali,
verð frá kr. 6.900.
Gítarinn ehf, Stórhöfði 27
S:552 2125
www.gitarinn.is,
gitarinn@gitarinn.is
Sumarhús
Sumarhús - Gestahús
- Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla -
Endilega kynnið ykkur málið.
Trésmiðja Heimis, Þorlákshöfn,
sími 892 3742 og 483 3693,
www.tresmidjan.is
Til sölu
Útsala - útsala - útsala,
Kristal ljósakrónur, kristal glös, vasar
og handgerðar trévörur og matarsett.
Á útsölu í nokkra daga
Slóvak kristall,
Dalvegi 16b, Kópavogi.
S. 544 4331.
Saumavélar- saumavélaviðgerðir
Nýjar og notaðar saumavélar í úrvali.
Viðgerðir á flestum gerðum sauma-
véla. Skoðaðu úrvalið á saumavelar.is
eða hringdu í s. 892 3567 eftir
hádegi alla daga.
PIPAR OG SALT
Klapparstíg 44 • Sími 562 3614
ÚTSALA
ÚTSALA
ÚTSALA
Óska eftir
Kaupi silfur
Vantar silfur til bræðslu og endur-
vinnslu. Fannar verðlaunagripir,
Smiðjuvegi 6, rauð gata, Kópavogi.
fannar@fannar.is, s. 551 6488.
KAUPUM GULL - JÓN & ÓSKAR
Kaupum allt gull. Kaupum silfur-
borðbúnað. Staðgreiðum. Heiðar-
leg viðskipti. Aðeins í verslun okk-
ar Laugavegi 61. Jón og Óskar,
jonogoskar.is - s. 552-4910.
KAUPI GULL!
Ég, Magnús Steinþórsson gullsmíða-
meistari, kaupi gull, gullpeninga og
gullskartgripi. Kaupi allt gull, nýlegt,
gamalt og illa farið.
Leitið til fagmanns og fáið góð ráð.
Uppl. á demantar.is, í síma 699 8000
eða komið í Pósthússtræti 13 (við
Austurvöll).
Verið velkomin.
Ýmislegt
Blómaskór. Margir litir.
Eitt par 1.400 kr., tvö pör 2.500 kr.
Einnig hvítir. Póstsendum.
Skarthúsið, Laugavegi 44.
Sími 562 2466.
Kristall, hreinsisprey
Hreinsisprey fyrir kristalljósakrónur
og kristal.
Kaldasel ehf.,
Dalvegi 16 b, Kópavogi,
sími 544 4333.
Fáðu þér plastmódel fyrir
helgina.
Nethyl 2, sími 587 0600,
www.tomstundahusid.is
Finnið okkur á facebook.
Bílaþjónusta
Húsviðhald
Sími 555-1947 Gsm 894-0217
Húsaviðgerðir
www.husco.is
Hreinsa þakrennur
laga ryð á þökum
og tek að mér ýmis
smærri verkefni.
Sími 847 8704,
manninn@hotmail.com
Byssur
Útsala á skotfærum
Bjóðum út janúar 20% afslátt af
skotfærum í riffla, ýmis caliber í boði.
Tactical.is, Verslunarmiðstöðinni
Glæsibæ, sími 517 8878. Opið alla
virka daga frá kl. 11-18.
kom ég ein með drenginn minn
sem þá var rúmlega eins árs og
var fallega heimilið þeirra Sigga
og Eddu himnaríki fyrir svona
gaur. Við áttum ágæta samveru-
stund þótt tíminn hafi farið í að
eltast við drenginn. Í seinna skipt-
ið komum við fjölskyldan við hjá
þeim á ferðalagi okkar um landið
sumarið 2011. Sú heimsókn var í
yndislegu sumarveðri og sást þá
glöggt á garðinum í kringum hús-
ið við Hallveigartröð að þar hafði
natni Eddu og áhugi komið við
enda blómgaði garðurinn einstak-
lega fallega og var unun að sitja
þar úti með þeim hjónum.
Það er gott að eiga ljúfar minn-
ingar um góðan vin og félaga til að
hjálpa sér í gegnum kveðjustund
og með þessu ljóði Davíðs Stef-
ánssonar sendum ég og maðurinn
minn, Ásgrímur Sigurðsson, okk-
ar innilegustu samúðarkveðjur.
Meinabætur margar
minningarnar geyma.
Til eru ljós, sem lýsa
langt inn í æðri heima.
Hvíld er hverjum heitin
hvað sem yfir dynur,
Guð og góðir englar
gæti þín elsku vinur.
(Davíð Stefánsson)
Harpa Vilbergsdóttir,
Reyðarfirði.
Bonni var hlaðinn reynslu og
þekkingu af langri dvöl utan land-
steinanna, bæði austan hafs og
vestan. Til eru margir alþjóða-
sinnar en fáir heimsborgarar eins
og Bonni. Hann kunni þá list að
veita viðmælandanum af andríki
sínu og það litaði samverustund-
irnar; þær voru kannski ekki
margar en þær voru góðar.
Ég man eftir sólardegi í garð-
inum hjá þeim Eddu systur í
Reykholti. Við ræddum um frelsi
og ánauð, réttlæti og ranglæti.
Þarna fannst mér koma í ljós hvað
karakterinn var stór; þverstæður
frjálshyggju og jafnaðarmennsku
stóðu ekki í honum. Hann hafði
engan skilning á skriffinnsku og
forræðishyggju; menn áttu að fá
að gera það sem hugur þeirra
stóð til – og það helst strax. Á
hinn bóginn skein samúð hans
með smælingjum skýrt. Hann
sagði að í æsku sinni fyrir austan
hefðu sumir verið öðruvísi og átt
bágt. Þessu fólki var auðsýndur
skilningur og það fékk hjálp. Og
Bonni bætti við: „Því það gat ekk-
ert að þessu gert.“
Bonna er sárt saknað. En hann
skilur mikið eftir; maður sem
valdist til vandasamra verka hér
á landi og beggja vegna Atlants-
ála.
Ingi Bogi Bogason.
Sigurður Jónsson var heims-
borgari og húmanisti af guðs náð.
Fjölfræðingur sem ekkert mann-
legt var óviðkomandi, glaðvær og
drengur góður, vinmargur og
með allra skemmtilegustu mönn-
um. Hann átti að baki glæsilegan
embættisferil hjá Sameinuðu
þjóðunum og síðar fleiri alþjóða-
stofnunum um áratuga skeið.
Sigurður giftist árið 1960
uppáhaldsfrænku minni, Guð-
laugu, dóttur heiðurshjónanna
Benedikts Guttormssonar,
bankastjóra á Eskifirði, ömmu-
bróður míns, og Fríðu Austmann.
Ég kynntist Guju frænku vel er
ég dvaldi hjá þeim hjónum nokkr-
ar ógleymanlegar vikur sumarið
1955, þá 10 ára hnokki, en þá þeg-
ar var uppi orðrómur um að
heimasætan og strákur í Nes-
kaupstað væru farin að draga sig
saman.
Hjónaband Guju og Sigurðar
var einstaklega farsælt. Ég minn-
ist ljúfra samverustunda með
þeim er þau höfðu flutt á Aragötu
10 upp úr 1965 í kjallarann hjá
tengdaforeldrunum og Hreini
Benediktssyni, prófessor, bróður
Guju. Þá hafði Sigurður lokið
prófi í viðskiptafræðum og hafið
störf hjá Loftleiðum við góðan
orðstír.
Á Aragötunni var oft glatt á
hjalla og næstu árin kom ég þar
oft á tíðum í heimsókn þegar ég
var við nám í HÍ enda Guja
frænka mín skemmtileg kona.
Mér þótti strax mikið til Sigurðar
koma sakir mannkosta hans,
frjórrar hugsunar og jákvæðni.
Hann gaf mér ungum manni ráð
um lestur góðra bóka og tímarita,
sem áttu hug hans allan. Enn-
fremur er mér minnisstætt ráð
sem hann gaf mér. Það var það að
vera aldrei lengi í sama starfi og
helst ekki lengur en 3-5 ár. Því
ráði fylgdi ég síðan. Hann hafði
því mótandi áhrif á líshlaup mitt
sem ég hef ætíð verið þakklátur
fyrir.
Gaman var að heimsækja Guju
og Sigurð erlendis, bæði í New
York og Vín, en þá sveif andi lif-
andi áhuga hans á samtíma, sögu
og alþjóðamálum yfir vötnum.
Drjúgur tími hjá húsbóndanum í
þeim heimsóknum fór í að lesa
sunnudagsútgáfu New York Tim-
es eða Wiener Zeitung og ræða
málefni líðandi stundar.
Guðlaug frænka mín lést langt
fyrir aldur fram árið 1998 og var
öllum sem hana þekktu harm-
dauði.
Sigurður var fagurkeri og bók-
elskur, en undir glaðværu yfir-
bragði hafði hann til að bera ríkar
tilfinningar sem hann fór fínt
með. Hann var skarpur greinandi
á samtímann, hógvær og gumaði
ekki af verkum sínum eða starfs-
frama. Lífsviðhorf hans byggðist
á víðsýni og umburðarlyndi enda
var hann upplýstari en flestir
hans samferðamenn.
Fyrir 10 árum kynntist Sigurð-
ur eftirlifandi eiginkonu sinni,
Eddu Björk, og má segja að það
hafi orðið ást við fyrstu sýn, eða
eins og Shakespeare lætur Kleóp-
ötru segja við Antoníus í sam-
nefndu leikriti: „Eternity was in
our lips and eyes,
Bliss in our brows.“
Það varð Sigurði mikil gæfa að
kynnast Eddu Björk, þeirri glæsi-
legu og hæfileikaríku konu.
Harmur Eddu er því djúpur og
sár við fráfall hans. Henni og
börnum þeirra og fjölskyldum
sendi ég innilegar samúðarkveðj-
ur.
Ég kveð að lokum góðan vin
með orðum Jónasar:
Flýt þér vinur í fegra heim
krjúptu að fótum friðarboðans
og fljúgðu á vængjum morguroðans
meira að starfa Guðs um geim.
Þorsteinn Ólafsson.
Það eru blendnar tilfinningar
sem koma upp við fráfall Sigurð-
ar Jónssonar vinar míns. Fyrst
og fremst er það sorg yfir fráfalli
ómetanlegs félaga og hugsanir
um glötuð tækifæri herja á hug-
ann. Samt get ég ekki annað en
glaðst yfir þeirri heppni að hafa
kynnst Sigga, enda á ég margar
minningar um glaðværðina sem
einkenndi hann og þann mikla
höfðingja sem hann hafði að
geyma.
Ég hitti Sigga fyrst á skrif-
stofu Alcoa í Reykjavík sumarið
2006. Ég var þá nýráðinn sum-
arstarfsmaður og það féll í hend-
ur Sigga að finna fyrir mig verk-
efni. Þann dag hefur Siggi þó ekki
talið slíkt vera ofarlega í for-
gangsröðinni og eftir að ég hafði
leyst nokkur lítilfjörleg verkefni
rétti Siggi mér 1.100 blaðsíðna
handbók um tölvuforrit sem hann
bað mig um að kynna mér. Sem
betur fer hef ég aldrei þurft á við-
komandi forriti að halda. Það leið
þó ekki langur tími þar til við
Siggi urðum góðir vinir og mikið
traust skapaðist við lausn þeirra
verkefna sem við unnum að. Þar
var mikil reynsla og staðfesta
Sigga gagnleg. Samstarfið við
Sigga var mjög lærdómsríkt og
verð ég honum ætíð þakklátur
fyrir öll hans ráð og hvatningar-
orð.
Ævi Sigga var viðburðarík,
eins og allir sem til hans þekktu
vita, og uppspretta að óteljandi
sögum sem gáfu innsýn í þann
einstaka persónuleika sem hann
hafði að geyma. Hvort sem var
frá uppvaxtarárunum í Neskaup-
stað, menntaskólaárunum á Ak-
ureyri eða frá langri starfsævi
sem virtist hafa að geyma ótelj-
andi viðkomustaði um heim allan.
Sögurnar hans Sigga gátu raunar
tengst öllu frá veislum með fyr-
irmönnum í Úkraínu til vinnu við
gerð manntals í Kína. Ég gleymi
því seint þegar ég var að segja
Sigga frá ferðalagi mínu til smá-
bæjar sem stendur við Kivu-vatn
í Rúanda. Siggi hafði að sjálf-
sögðu komið í umræddan bæ.
Hann hafði verið að aðstoða þar
við samningagerð við austurrískt
fyrirtæki sem hugðist byggja
orkuver sem gekk fyrir blómum.
Það kom mér því ekki á óvart
þegar ég sagði Sigga að ég hygð-
ist flytja til Lundúna, að hann
hafði búið þar og þekkti borgina
inn og út.
Þegar við Siggi hittumst var
ávallt mikið sem þurfti að ræða.
Ekki einungis þau verkefni sem
við unnum að á þeim tíma. Gera
þurfti upp bæði innanlands- og al-
þjóðastjórnmálin. Á þeim hafði
Siggi brennandi áhuga, en nálg-
aðist þau ætíð með lítillæti og
sínu gagnrýna hugarfari. Hann
hafði mestan áhuga á því að
kynna sér sjónarmið annarra, en
lítinn áhuga á því að predika sínar
eigin skoðanir. Alltaf var þó stutt
í kímnigáfuna og gamansamar
sögur úr hans eigin lífi, sem gáfu
undirstöðum umræðuefnisins
töfra- og þversagnakenndan blæ.
Ég sendi fjölskyldu og að-
standendum Sigurðar innilegar
samúðarkveðjur.
Þorbjörn
Björnsson.
Sigurður Jónsson eða „Siggi
Senior“ eins og við mörg kölluð-
um hann hóf störf sem aðalráð-
gjafi í innkaupum hjá Alcoa
Fjarðaáli sumarið 2005. Alþjóð-
leg fjölbreytt reynsla hans á sviði
innkaupa er einstök hjá Íslend-
ingi og var hann einn af reynd-
ustu íslensku stjórnendum í inn-
kaupum á alþjóðlega vísu. Þessi
bakgrunnur kom sér ákaflega vel
í aðdraganda gangsetningar og
síðar rekstri hjá Fjarðaáli. Marg-
ir starfsmenn Fjarðaáls kynntust
Sigurði vegna þess að hann kom
við sögu sem lykilmaður við mót-
un og gerð á mörgum af mikil-
vægustu þjónustu- og vörukaupa-
samningum fyrirtækisins. Það
var gott að eiga Sigurð að í samn-
ingum, hann var margreyndur og
klókur samningamaður gæddur
þeim hæfileika að segja hlutina
eins og þeir eru án þess að móðga
eða meiða. Hann var lausnamið-
aður og það reyndur að hann vissi
vel hvenær átti að láta brjóta á í
samningum og hvenær átti að
halda sig til hlés. Vald hans á
samningstexta og flóknum skil-
málum var einstakt og hann hafði
fádæma tök á enskum texta sem
er forsenda í fjölmörgum alþjóð-
legum samningum sem Fjarðaál
er aðili að.
Sigurður var fæddur og uppal-
inn á Norðfirði og lék okkur nýju
austfirsku samstarfsfélögunum
forvitni á að vita hvað hans gömlu
sveitungar hefðu um manninn að
segja. En það var sama hvern
maður spurði, enginn kannaðist
við Sigurð Jónsson. Þar kom að
Sigurður færi austur í samninga-
lotu, þá gætu menn litið hann
augum og voru nokkrir samtíða-
menn hans að austan væntanleg-
ir til fundar. Það var eins og við
manninn mælt, varla var hann
stiginn inn í fundarherbergið
þegar hrópað var upp: „Bonni!
Hvað ert þú að vilja hér?“ Auðvit-
að vissu menn hver hann var. Það
vorum bara við þetta unga lið
sem uppnefndum hann Sigurð.
Bonni var heimsborgari, lífs-
kúnstner, fróður og víðlesinn.
Það sópaði að honum og hann
kallaði fram stemningu hvar sem
hann kom. „Alltaf stuð í innkaup-
um“ voru einkunnarorð hans í
vinnunni. Hann var heillandi per-
sónuleiki, hress, skemmtilegur
og „séntilmaður par excellance“.
Sigurður var vel kynntur, þekkti
marga og hafði gaman af því að
ræða heimsmálin. Ferskur í anda
og glúrinn við að tileinka sér nýj-
ungar í tækni og þannig nokkurs-
konar eilífðarunglingur, alltaf til í
að prufa nýtt. Hann átti gott með
að setja sig inn í flókin mál, skilja
kjarnann frá hisminu og ljúka
verkinu. Við munum sakna þess
að eiga Sigurð að. Getum víst
ekki lengur hringt út stórskota-
liðið eins og við kölluðum það að
kalla hann til aðstoðar eða ráð-
gjafar. Við erum ákaflega þakk-
lát fyrir þann tíma sem við unn-
um með honum. Hann markaði
spor inn í framtíðina hjá Fjarða-
áli með framlagi sínu. Það er
táknrænt fyrir Sigurð að koma
aftur á þennan hátt til upphafsins
á Norðfirði. Þar endaði hann
glæsilegan feril með því að deila
þeirri þekkingu sem hann aflaði
sér á lífsleiðinni til að tryggja
framtíð og viðgang æskuslóð-
anna. Við vottum Eddu og fjöl-
skyldunni okkar dýpstu samúð.
Við munum góðu stundirnar og
þann góða og hreinskiptna dreng
sem Sigurður Jónsson hafði að
geyma.
F.h. samstarfsfólks
hjá Alcoa Fjarðaáli,
Óskar Borg.
Sigurður Jónsson