Morgunblaðið - Sunnudagur - 19.05.2013, Síða 50

Viðtal
50 MORGUNBLAÐIÐ SUNNUDAGUR 19.5. 2013
Þ
að er alltaf falleg
stemning í Stykkis-
hólmi, en þennan dag
er hún óvenju falleg.
Það er verið að sjó-
setja gamlan súðbyrðing sem
gerður hefur verið upp í Skipavík
og þó að viðburðurinn hafi ekki
verið auglýstur, þá hefur nokkur
hópur safnast saman við fjöru-
kantinn. Tilefnið er ærið. Bát-
urinn sem lá ónotaður og undir
skemmdum í ársbyrjun verður í
stóru hlutverki á Arsenale, al-
þjóðlegu sýningunni á Feneyja-
tvíæringnum.
Hugmynd úr bók
„Hugmyndin kviknaði út frá
mynd í kokkteiluppskriftabók sem
Edda systir kærustunnar minnar
á,“ segir listamaðurinn Ragnar
Kjartansson um verkið.
„Titill bókarinnar er Hollywood
Recipes og hún hefur að geyma
úrval þynnkudrykkja. Þar er
ótrúlega falleg mynd af skipi sem
siglir inn í partí. Þetta er atriði
úr kvikmyndinni „Do You Rem-
ember Last Night“. Einhverjum
leikmyndahönnuði í Hollywood
hefur tekist að skella saman
þessu skipi, sem er undarleg
blanda af víkingaskipi, grísku
skipi og Feneyjagondól. Og það
heitir þessu frábæra nafni, S.S.
Hangover.“
Samtalið á sér stað nokkrum
dögum fyrir sjósetninguna þegar
við erum á leið til Stykkishólms í
gömlum kadiljáki sem Ragnar
keypti ásamt vini sínum tónlistar-
manninum Davíð Þór Jónssyni
fyrir nokkrum misserum. Það eru
öskubakkar í öllum bílhurðum og
leyfist að reykja í bifreiðinni,
kannski af því það hæfir tíð-
aranda kadiljáksins.
„Það er gullfalleg melankólía í
kvikmyndinni,“ segir Ragnar. „Út
frá því kviknaði hugmynd um bát
sem siglir stöðugt á milli tveggja
staða með hljóðfæraleikara um
borð og þeir flytja melankólískt
blásaraverk, nokkurskonar „fan-
fare“ eða lúðrablástur. Mér
fannst því blasa við að tala við
Kjartan Sveinsson.“
Téður Kjartan situr í framsæt-
inu við hlið Ragnars í kadiljákn-
um þennan dag. Hann iðar í
skinninu, enda ætlar hann að
nota innblásturinn til að ljúka við
lúðrablásturinn. En Ragnar er
viss um afraksturinn. „Kjartan er
dásamlegt tónskáld; hann er svo
naskur á að búa til tónlist sem
maður nær hreinni tilfinningalegri
tengingu við. Hann hefur opið
hjarta sem tónskáld. Það lá beint
við að þetta yrði sambland af til-
finningasemi og gnæfu – er það
ekki þýðingin á „majestic“ – og
bát með þetta stóra nafn, S.S.
Hangover.“
Hinn fullkomni bátur
„The World has Ended“ með Lo-
uvin Brothers er á fóninum, sem
rímar óneitanlega við sýningu
Ragnars í íslenska skálanum á
Feneyjatvíæringnum árið 2009, en
þá var yfirskriftin „The End“. Þá
var Ragnar í Feneyjum í sex
mánuði og málaði að jafnaði eitt
portrett á dag af gjörningalista-
manninum Páli Hauki Björnssyni,
sem sat fyrir á Speedo-sundskýlu.
Hann þekkir því vel til í gömlu
síkjaborginni og ætlar að heim-
sækja nokkra gamla kunningja,
en verður ekki í burðarhlutverki
í gjörningnum sjálfum að þessu
sinni. „Ég læt mér nægja sigl-
ingu þegar þetta verður prufu-
keyrt í Feneyjum,“ segir hann.
„En ég ætla ekkert að vera með
í performansinum.“
Súðbyrðingur gengur í
endurnýjun lífdaga
Ragnar Kjartansson með Sólveigu Katrínu dóttur sinni á hafnarbakkanum og S.S. Hangover í bakgrunni.
Ragnar smellir kossi á Guðrúnu Ásmundsdóttur móður sína.
S.S. HANGOVER ER YFIR-
SKRIFT LISTAVERKS RAGN-
ARS KJARTANSSONAR SEM
HLEYPT VERÐUR AF STOKK-
UNUM Í ARSENALE Á FEN-
EYJATVÍÆRINGNUM UM
NÆSTU HELGI, EN TVÍÆR-
INGURINN HEFUR UND-
ANFARNA ÖLD VERIÐ
VIÐAMESTA MYNDLIST-
ARHÁTÍÐ Í HEIMINUM. SÚÐ-
BYRÐINGURINN SEM VERK-
IÐ HVERFIST UM VAR ÞÓ
FYRST SJÓSETTUR VIÐ
STYKKISHÓLM FYRIR
SKEMMSTU. BLAÐAMAÐUR
FYLGDIST MEÐ HERLEG-
HEITUNUM, RÆDDI VIÐ
RAGNAR OG FRÆDDIST UM
TILURÐ VERKSINS.
Texti og myndir: Pétur Blöndal