Morgunblaðið - Sunnudagur - 19.05.2013, Blaðsíða 60

Tölur Beckham
 Beckham lék 534 leiki og skoraði eða gaf stoðsendingu í 242 mörkum á
sínum ferli.
 Beckham er metinn á 165 milljónir punda samkvæmt Sunday Times.
Hann er ríkasti íþróttamaður Bretlands.
 Hann fékk 20 milljónir punda fyrir að vera sendiherra Sky sjónvars-
stöðvarinnar.
 Hann fékk 50 milljónir punda þegar hann var gerður að sendiherra
kínversku deildarinnar.
 Hann fékk 7 milljónir punda fyrir að vera andlit Samsung.
 Hann fékk 100 milljónir punda fyrir vörur tengdar sjálfum sér.
 Húsið hans er nú á sölu og kostar 10 milljónir punda. Það hefur verið
kallað Beckhingam Palace.
Eftirminnilegar stundir á ferli David Beckham
Markið frá miðju gegn Wimbledon
Í fyrstu umferð ensku úrvalsdeildarinnar 1996 fór frægðarsól David
Beckham að rísa. Eitt eftirminnilegasta mark enska boltans.
Rauða spjaldið á HM 1998
Beckham fékk rautt spjald gegn Argentínu í 8-liða úrslitum HM 1998.
Staðan var 2-2 þegar liggjandi Beckham sparkaði til Diego Simeone.
Fyrirliði Englands
Eftir að Kevin Keegan lét af störfum sem landsliðsþjálfari tók
Peter Taylor við og setti fyrirliðabandið á Beckham gegn Ítalíu
en leikurinn tapaðist, fór 1-0.
Markið gegn Grikklandi
Vinsældir Beckham náði hámarki þegar hann skoraði
markið sem kom Englandi á HM 2002.
Fótbrotið
Eftir að hafa skotið Englandi á HM fótbrotnaði
Beckham í leik gegn Deportivo La Coruna í Meist-
aradeildinni og var frá í átta vikur.
Fljúgandi skór frá Fergie
Frægt er rifrildi hans við Sir Alex Ferguson í bún-
ingsklefanum 2003 eftir að Manchester United féll úr
leik gegn Arsenal í FA-bikarnum. Ferguson sparkaði
skó sínum sem hafnaði rétt fyrir ofan annað auga
Beckhams og hlaut hann skurð. Fimm mánuðum
síðar var Beckham seldur.
100. landsleikurinn
2008 komst David Beckham í hóp manna
eins og Bobby Moore og Bobby Charlton
með því að leika sinn 100. landsleik fyrir
England. Beckham lék 115 lands-
leiki, næst leikjahæsti leikmaður
í sögu enska landsliðsins.
B
eckham hefur haldið einbeitingu í gegnum ferilinn sem er
glæsilegur. Segja má að hann hafi fullnýtt hæfileika sína og
ekki alltaf fengið það hrós sem hann átti skilið. Hann var frá-
bær í fótbolta og það sem meira er, hann breytti fótboltanum.
David Beckham varð tískugoð nánast strax eftir markið
sitt margfræga gegn Wimbeldon frá miðju. Eftir það fylgdu ljósmynd-
arar honum eftir hvert fótmál. Hann innleiddi „metrómanninn“ í fót-
boltann. Allt í einu var í lagi að setja á sig krem, vera með sítt hár,
spila í bleikum skóm eða með hanakamb. Hann er hin fullkomna
tískufyrirmynd. Hann innleiddi meira að segja húðflúrin sem margir
fótboltamenn hafa apað eftir honum.
Beckham, sem er 38 ára gamall, gekk til liðs við Manchester United
aðeins 14 ára gamall og lék með þeim 398 leiki, þar sem hann vann
ensku úrvalsdeildina sex sinnum og Meistaradeild Evrópu einu sinni.
Hann fór frá Manchester United árið 2003, hálfu ári eftir að Sir Alex
Ferguson dúndraði skó í andlitið á Beckham. Hann gekk þá til liðs við
stjörnuprýtt lið Real Madrid þar sem honum tókst að vinna deildina árið
2007, eftir skrautlega dvöl. Honum var sagt að hann mætti fara af Fabio
Capello en Beckham vann sig inn í liðið og var lykilmaður í liðinu sem
vann titilinn. Eftir það tók við spennandi ævintýri í Bandaríkjunum.
Hann samdi þá við Los Angeles Galaxy til fimm ára, en þar
vann hann meðal annars MLS-deildina tvívegis. Í janúar á
þessu ári gerði hann svo fimm mánaða samning við
PSG í Frakklandi, þar sem hann var meistari.
Mikill meistari hefur kvatt stóra sviðið.
Líkami sem er öðrum öfund-
arefni. Þegar Beckham reif sig
úr treyjunni urðu konur glaðar.
Ungur maður hættir í vinnunni
DAVID BECKHAM HEFUR LAGT SKÓNA Á HILLUNA. SAGT ÞETTA GOTT. BECKHAM ER FRÆGASTI
FÓTBOLTAMAÐUR ALLRA TÍMA. FÓLK SEM LES AÐEINS BÆKUR OG HORFIR EKKI Á FÓTBOLTA VEIT SAMT HVER BECKHAM ER.
Beckham var andlit
Ólympíuleikanna í
London á síðasta ári.
AFP
* DavidBeckhamvarð tískugoð
nánast strax
eftir markið
sitt marg-
fræga.
60 MORGUNBLAÐIÐ SUNNUDAGUR 19.5. 2013
* „Við getum líka haft gagn af persónutöfrum hans og ekkisíst því sem hann hefur afrekað á fótboltavellinum.“ Roy Hodgson landsliðsþjálfari Englands.BoltinnBENEDIKT BÓAS
benedikt@mbl.is
Tískuvitund Beckham
var með eindæmum.
Hann innleiddi met-
rómanninn í fótboltann.