Morgunblaðið - Sunnudagur - 04.08.2013, Qupperneq 20

*Heilsa og hreyfingSystkini safna fyrir börn með krabbamein með því að hlaupa frá Akureyri til Reykjavíkur »23
Morgunblaðið/Styrmir Kári
NÝ STÖÐ VIÐ NÝBÝLAVEG
Góð heilsa er góðum bíl betri
NÝIR OG NOTAÐUR TOYOTA-BÍLAR VORU LENGI SELDIR VIÐ NÝBÝLAVEG Í KÓPAVOGI. BRÁTT VERÐUR OPNUÐ LÍKAMSRÆKTARSTÖÐ Í HLUTA
HÚSNÆÐISINS, ÞAR SEM „NOTAГ FÓLK GETUR TEKIÐ Á ÞVÍ OG VERÐUR VÆNTANLEGA EINS OG NÝSLEGINN TÚSKILDINGUR Á EFTIR.
Skapti Hallgrímsson skapti@mbl.is
F
lestir átta sig á því að góð heilsa er gulli
betri og jafnvel mikilvægari en að eiga
flottan bíl. Það getur þó vissulega farið
saman að vera heilsuhraustur og eiga
gott farartæki. Fjöldinn hefur streymt í
líkamsræktarstöðvar hin síðari ár og nýr
möguleiki verður í boði fljótlega; stöð sem enn
hefur ekki hlotið nafn, við Nýbýlaveg í Kópa-
vogi.
Hafa þjálfað lengi
Eigendur stöðvarinnar eru tvenn hjón; Fannar
Karvel íþróttafræðingur og eiginkona hans,
Sigríður Þórdís Sigurðardóttir einkaþjálfari, og
Jóhann Emil Elíasson íþróttafræðingur og Sig-
rún Haraldsdóttir. Sú síðastnefnda verður með
jógasal í nýju stöðinni, Sigrún rekur þar nudd-
stofu en karlpeningurinn sér um að stæla og
styrkja viðskiptavinina.
„Ég hef verið í bransanum í 13 ár og komið
víða við,“ segir Fannar Karvel í samtali við
Sunnudagsblað Morgunblaðsins. „Jóhann Emil
hefur líka unnið við þjálfun lengi auk þess að
kenna íþróttir á Álftanesi.“
Vinirnir hafa kennt undanfarin ár á nám-
skeiði sem kallast Metabolic og hefur notið sí-
vaxandi vinsælda, að sögn Fannars. „Við urð-
um hreinlega uppiskroppa með pláss;
sprengdum utan af okkur ýmis húsnæði sem
við höfðum þannig að annaðhvort var að halda
áfram í meðalmennskunni eða slá til og gera
þetta almennilega.“
Fannar segir að í nýju stöðinni hyggist þeir
einblína á Metabolic þjálfun fyrir almenning.
Hann segir að í pípunum séu námskeið fyrir
fólk frá 12 ára og upp úr. „Við höfum tryggt
okkur sérleyfi á ýmsum námskeiðum, þar á
meðal Metabolic, sem er það þekktasta í bili,“
segir hann og nefnir einnig Insanity og Train-
ings for Warriors..
Öll flóra æfinga
Brjálæði og Æfingar fyrir bardagamenn eru
heldur harkaleg nöfn á námskeiðum, verður
blaðamanni að orði.
Fannar hlær. Segir nöfnin vissulega kröftug
en segi ekki alla söguna. Hann kallar Meta-
bolic starfræna þjálfun. „Við vinnum ekki í
ákveðnum vöðvum heldur með allan líkamann í
einu með ákveðnum hreyfingum og flóra æf-
inganna í þessu alþjóðlega þjálfunarkerfi er
eins fjölbreytt og mögulegt er. Með þessum
æfingum er ekki verið að búa líkamann undir
einhverja ákveðna keppni eða hreyfingu heldur
búa fólk undir að takast á við allt sem lífið hef-
ur upp á að bjóða, hvort sem það er að ganga á
fjöll, lyfta eða eitthvað annað. Þetta er sem
sagt mjög alhliða þjálfun. Við leggjum gríð-
arlega mikið upp úr því að fólk hafi gaman að
því sem það er að gera, sem okkur finnst
reyndar vanta mjög mikið í þennan geira. Þetta
á fyrst og fremst að vera skemmtilegt.“
Fannar hefur undanfarin tvö ár verið með
leikfimi fyrir eldri borgara sem hann mun
víkka út og tekur einnig upp á námskeið fyrir
börn og unglinga sem ekki hafa verið í boði upp
á síðkastið, vegna plássleysis.
Þegar félagarnir ákváðu að slá til og opna
eigin líkamsræktarstöð skoðuðu þeir húsnæði
hér og þar í Kópavogi. „Okkur var svo bent á
þetta húsnæði sem hafði verið til leigu í tölu-
verðan tíma; ég hafði einmitt séð það en ekkert
gert í málinu því það er svo ofboðslega stórt.
En eftir að hafa skoðað þetta kom hins vegar
aldrei annað til greina og við tókum stóran hlut
þess á leigu. Staðsetningin er frábær og útsýnið
yfir Fossvoginn ótrúlegt.“ Formleg opnun
stöðvarinnar verður 19. ágúst.
Fannar Karvel, til vinstri,
og Jóhann Emil í húsnæði
nýju líkamsræktarstöðv-
arinnar í Kópavogi.
„Okkur finnst vanta nýjar hugmyndir
inn í líkamsræktarheiminn hér heima á
Íslandi; þegar fólk heyrir orðið lík-
amsræktarstöð sér það fyrir sér bákn
með lyftingatækjum og hlaupabrett-
um en það sem við erum að fást við
er ný hugsun að bandarískri fyr-
irmynd.
Lítið er af tækjum; við erum vissu-
lega með handlóð, ketilbjöllur og
bjóðum upp á ólympískar lyftingar, en
hér eru ekki þessi venjulegu lyft-
ingatæki.
Við erum með hópatíma þar sem
fólk vinnur saman í ýmsum, mjög
fjölbreyttum æfingum og notar mik-
ið eigin líkamsþyngd,“ segir Fannar
Karvel.
Engin
hlaupabretti
eða stór tæki