Morgunblaðið - 23.11.2013, Blaðsíða 43

UMRÆÐAN 43
MORGUNBLAÐIÐ LAUGARDAGUR 23. NÓVEMBER 2013
Það hefur vakið at-
hygli að undanförnu
að til eru sérstakar
reglur um verðmerk-
ingar útstillinga í
gluggum. Meira að
segja hefur einhver bí-
rókrati það að atvinnu
að gera könnun á
hvernig þessum mál-
um er háttað hjá
verslunum. Er í
fréttatilkynningum bí-
rókratans og stofnunar hans til
fjölmiðla, sem settar eru fram til
að sýna að þar fari fram einhvers-
konar starfsemi, talað um „ástand
verðmerkinga í sýningargluggum“.
Ja, það er meira ástandið. Ugg-
laust setur einhvern hljóðan við
fréttirnar og á illt með svefn. Neyt-
endur hljóta að vera í stórhættu.
En að öllu gamni slepptu hljóta slík
lög að vekja furðu. Ef viðkomandi
stofnun hefur ekkert annað að gera
verður ekki hjá því komist að taka
undir sjónarmið sumra að hún sé
óþörf.
Hvers vegna þurfa verslunareig-
endur að verðmerkja vörur sem
þeir hafa til sýnis í gluggum? Rök-
in að baki setningu laganna voru
þau að slíkt væri til að auðvelda
neytendum að gera verðsam-
anburð. Hvílík rökleysa. Af hverju
þurfa að vera til lög um það? Lög
eiga að vera sett fram af illri nauð-
syn, engu öðru.
Ef verslanir telja sig vel settar í
verðsamanburði hljóta þær að
mega auglýsa slíkt, enda mikil
samkeppni um að ná viðskiptum
neytenda til sín. En að knýja það
fram með lögum er
dæmi um offram-
leiðslu laga og reglna.
Hvar eru þá lögin um
að verð skuli koma
fram í auglýsingum?
Í mörgum tilvikum
eru gluggaútstillingar
listaverk. Sérstök leið
til að höfða til ákveð-
inna tilfinninga, þó
sérstaklega fag-
urfræðilegra. Sýning-
argluggar verslana
eru andlit þeirra út á
við, sem í raun gætu verið málverk
á vegg eða slíkt. Til eru þeir sem
teljast til sérfræðinga í þessari list
sem á ensku kallast „window dress-
ing“.
Hlutverk gluggans er að vekja
áhuga fólks á því sem fyrir innan
er, kryddið sem kemur mögulegum
viðskiptavini á bragðið. Hvort hann
svo láti slag standa og fari inn í
verslunina er hans mál. Viðskiptin
fara svo ekki fram nema báðir að-
ilar telji sig hafa hag af þeim. Sekt-
ir og annar kostnaður lendir á
neytendum, engum öðrum. Látum
skynsemina ráða. Burtu með
óþarfa lög og reglur.
Verðmerkingalöggan
Eftir Sigmund
Sigurgeirsson
Sigmundur
Sigurgeirsson
»Hlutverk gluggans
er að vekja áhuga
fólks á því sem fyrir inn-
an er, kryddið sem kem-
ur mögulegum við-
skiptavini á bragðið.
Höfundur er framkvæmdastjóri og
áhugamaður um frjálsa verslun.
Aukablað um bíla fylgir
Morgunblaðinu alla þriðjudaga