Morgunblaðið - Sunnudagur - 17.11.2013, Blaðsíða 13

17.11. 2013 MORGUNBLAÐIÐ SUNNUDAGUR 13
Hún gerði lista yfir það sem hana
langaði til að gera og fór út í það
að láta drauma sína rætast. Hana
hafði til dæmis alltaf langað til að
máta brúðarkjól. Þrátt fyrir að
brúðkaup hafi ekki verið í vændum
fór hún samt með vinkonum sínum
og mátaði kjólinn bara til að hafa
gert það. Í þessum anda varð henn-
ar líf þetta ár,“ segir Ragnhildur
Steinunn.
„Manni finnst hrikalega ósann-
gjarnt og sárt að Heiða Dís hafi
þurft að kveðja okkur og það rífur í
mann. Okkur vantar fleira svona
fólk. Ungt og jákvætt fólk sem er
til fyrirmyndar og bendir manni á í
lífinu. Þrátt fyrir allt var Heiða á
vissan hátt sannur sigurvegari í
þessari baráttu. Hún var öflug fyr-
irmynd. Þessi mynd er öðru fremur
óður til lífsins og gleðinnar og
skilaboð til okkar allra að fagna líf-
inu og njóta til hins ýtrasta,“ segir
Egill.
Hún verður með á frum-
sýningardaginn
Egill segir að það muni eflaust
koma áhorfendum á óvart hve mik-
ill dagamunur gat verið á líðan
Heiðu Dísar. Einn daginn hafi hún
verið svo veik að hún lá fyrir með
öll þau lyf sem hún þurfti til að
halda niðri kvölum og það hafi ver-
ið erfitt að trúa öðru en að hún ætti
stutt eftir. „Svo kannski fjórum,
fimm klukkustundum síðar er
hringt og spurt hvort við séum til í
að koma út og borða – eins og
gerðist þegar við dvöldum hjá
henni úti í Danmörku. Svona var
þetta – þetta var algjör rússíbani.“
Ragnhildur Steinunn bætir við að
það hafi líka verið svo að ef Heiða
Dís átti örlitla orku eftir hafi hún
nýtt hana í samveru. „Þá lét hún
sig hafa það að hafa sig til, dröslast
í hjólastólinn og fara út að borða
með fjölskyldunni.“ Fjölskyldan
stóð vel með Ragnhildi Steinunni
og Agli í verkefninu. Hópurinn var
í góðum samskiptum og aðstand-
endur Heiðu Dísar voru meðvitaðir
um að þetta var hennar ósk að
myndin yrði gerð. „Þar af leiðandi
vorum við velkomin inn í þeirra líf,
jafnvel á mjög erfiðum stundum,“
segir Egill.
Egill og Ragnhildur reyndu að
undirbúa sig undir að kannski yrði
endir myndarinnar öðruvísi en þau
höfðu ætlað. „Þá var hún orðin
mjög veik. Við flugum með henni út
til Danmerkur og tókum upp efni
þar en kvöddum hana svo 17. júní
og þegar heim var komið töluðum
við meðal annars saman á Skype og
vorum í nánum samskiptum allt þar
til hún lést í september,“ segir
Ragnhildur Steinunn en þessi lífs-
reynsla var erfiðari og persónulegri
en kannski fyrir marga því móðir
Ragnhildar Steinunnar var til að-
hlynningar á sama spítala og Heiða
Dís lá inni á.
„Ég viðurkenni að ekkert verk-
efni hefur tekið jafnmikið á mig og
þetta. 2. nóvember voru 25 ár liðin
frá því að mamma mín dó eftir bar-
áttu við krabbamein en við bjugg-
um úti í Danmörku þegar hún
veiktist. Þetta var því ákveðið upp-
gjör fyrir mig líka,“ segir Ragnhild-
ur Steinunn. Egill segist hafa upp-
lifað erfiðar minningar Ragnhildar
Steinunnar og hvað hún hafi verið
að ganga í gegnum. Þau séu miklir
vinir og sterkar taugar þeirra á
milli.
Sjálf segist Ragnhildur Steinunn
hafa passað sig, með sína reynslu á
bakinu, að taka ekki vonina frá
Heiðu Dís. „Ég reyndi að útskýra
fyrir henni að þetta væru mjög
breyttir tímar og læknavísindunum
hefði fleygt fram. Hún spurði mikið
og vildi vita hvernig þetta hafði
verið hjá mér. Ég held að ég hafi
kannski getað sett mig betur í spor
fjölskyldunnar, að skilja hvað þau
voru að ganga í gegnum og það
auðveldað okkur Agli að gera þetta
rétt.“
Það var ósk fjölskyldunnar að
myndin yrði sýnd núna nokkru fyr-
ir jól en ekki um jólahátíðina sjálfa
enda enn eitt skrefið í mikilvægu
sorgarferli sem aðstandendur
Heiðu Dísar ganga í gegnum.
„Heiða Dís var farin að spá sjálf
mikið í frumsýninguna – í hverju
hún ætti að vera og hvort hún ætti
að fara í viðtöl og svo framvegis –
hún var mikil tískufrík og flott týpa
og það hefði verið spennandi að sjá
í hverju hún hefði mætt,“ segir
Ragnhildur Steinunn og hlær. „Hún
ætlaði að vera með okkur alla leið
og ég er alveg sannfærð um að hún
verður með okkur á frumsýning-
ardaginn.“
Hluti þess hóps sem stóð að myndinni; Jóhannes Kr. Kristjánsson, Egill Eðvarðsson, Jón Víðir Hauksson, Heiða Dís sjálf
og Ragnhildur Steinunn Jónsdóttir.
xx
Heiða Dís Einarsdóttir hreif fólk með sér fyrir sérstaka afstöðu til lífsins og
sjúkdómsins. Hún tók þá afstöðu að gefa af sér lífið til enda.
Ljósmynd/Metta Risager
Lagadeild Háskólans í Reykjavík, JURIS lögmannsstofa, LEX lögmannsstofa
og Viðskiptaráð Íslands standa að ráðstefnu mánudaginn 18. nóvember nk.
kl. 13:15–16:30. Ráðstefnan verður haldinn í stofu M209 á 2. hæð
í Háskólanum í Reykjavík, Menntavegi 1.
Dagskrá:
Kl. 13:15 Setning ráðstefnu.
Dr. Guðmundur Sigurðsson, deildarforseti lagadeildar HR.
Kl. 13:20 Almennt um þróun alþjóðlegs fjárfestingaréttar.
Dr. Bjarni Már Magnússon, sérfræðingur við lagadeild HR.
Kl. 13:30 Stefna ríkisstjórnarinnar og mikilvægi
erlendrar fjárfestingar.
Ragnheiður Elín Árnadóttir, iðnaðar- og viðskiptaráðherra.
Kl. 13:45 Meginreglur alþjóðlegs fjárfestingaréttar.
Dr. Finnur Magnússon, lögmaður á JURIS lögmannsstofu.
Kl. 14:10 Mikilvægi og þýðing gerðardómsákvæða
í fjárfestingasamningum.
Garðar Víðir Gunnarsson LL.M., lögmaður
á LEX lögmannsstofu.
Kl. 14:30 Umræður.
Kl. 14:50 Hlé.
Kl. 15:10 Stefna Íslands við gerð fjárfestingasamninga.
Ólafur Sigurðsson, sendifulltrúi í utanríkisráðuneytinu.
Kl. 15:30 Aðkoma ráðuneyta við framkvæmd erlendrar
fjárfestingar.
Þórður Reynisson, sérfræðingur í atvinnuvega- og nýsköpunar-
ráðuneytinu.
Kl. 15:50 Umræður.
Kl. 16:30 Ráðstefnulok.
Fundarstjóri: Dr. Bjarni Már Magnússon, sérfræðingur við lagadeild HR.
Ráðstefnan er öllum opin og aðgangur er ókeypis.
Alþjóðlegur fjárfestingaréttur
– regluverk erlendra fjárfestinga
Er Ísland að gera nóg?
VIÐSKIPTARÁÐ ÍSLANDS
ICELAND CHAMBER
OF COMMERCE