Morgunblaðið - Sunnudagur - 17.11.2013, Blaðsíða 23

Ég á vin sem leggur ekki stund á reglubundnar æfingar en lítur samt á
sig sem íþróttalega sinnaðan einstakling. Einhverra hluta vegna hefur
hann samt ávallt afsakanir á reiðum höndum er ég reyni að fá hann með
út að hlaupa og ég man ekki eftir því hvenær hann hreyfði sig síðast.
Hér eru nokkur dæmi um afsakanir frá honum: „Ég kemst ekki því
konan mín er á bílnum. Ég verð að taka til því ég er að fá gesti. Ég er að
borða og get ekki hlaupið með fullan maga.
Ég neyðist til að vinna í tölvunni (lesist:
hanga á fésbókinni). Ég verð að hofa á
Game of Thrones í sjónvarpinu í kvöld, þetta
er lokaþátturinn maður!“ Svona mætti lengi
telja.
Þetta er alls ekkert einsdæmi enda eru
margir sem nota allskonar ytri aðstæður sem
afsökun fyrir því að hreyfa sig ekki. Það
sem mér finnst hins vegar einkennilegt er
sú staðreynd að þessi vinur minn á fullan
skáp af allskonar íþróttagræjum og íþróttafatnaði. Hann á allar teg-
undir af under armor-fötum, tvær útgáfur af tásuskóm, sérhannaða
stðningssokka sem auka blóðflæðið, rándýran púlsmæli með innbyggðu
GPS-staðsetningartækni og dýrustu hlaupaskóna frá Nike að ógleymdu
árskorti í World Class sem safnar ryki ofan í skúffu.
Hann uppfyllir allar þær kröfur sem gerðar eru til að teljast hefð-
bundinn græjukarl, þ.e. hann skilgreinir sig út frá hlutunum sem hann á
en ekki út frá sínum eigin gjörðum. Samkvæmt eigin sjálfsblekkingu er
hann íþróttamaður þrátt fyrir að hreyfa sig lítið sem ekki neitt, annars
ætti hann ekki allar þessar flottu græjur!
Með fullri virðingu fyrir góðum íþróttavörum þá snýst þetta að sjálf-
sögðu ekki eingöngu um græjurnar. Gömlu stuttbuxurnar og notaði bol-
urinn gera alveg sitt gagn þótt fötin séu ekki sérhönnuð til að kljúfa
loftið og taka við svita. Einhvern veginn fór fólk að því að hlaupa í ár-
þúsundir án þess að taka á sér púlsinn, merkja leiðina inn á staðsetning-
artæki og auglýsa það á internetinu. Boðskapurinn er einfaldur: Hreyf-
ið ykkur fyrst og hugsið um græjurnar seinna.
Sérhannaðar íþróttagræjur geta vissulega auðveldað okkur lífið en þær
eru langt frá því að vera nauðsynlegar.
Morgunblaðið/Ómar
GRÆJUFÓLK
Heilbrigt líf
JÓN HEIÐAR
GUNNARSSON
17.11. 2013 MORGUNBLAÐIÐ SUNNUDAGUR 23
Knattspyrnumaðurinn Jóhann Berg Guðmundsson er
leikmaður AZ Alkmaar í hollensku úrvalsdeildinni.
Hann stimplaði sig rækilega inn í íslenska íþróttasögu
er hann skoraði þrennu í landsleik Íslendinga gegn
Sviss fyrir tveimur mánuðum. Hann var einnig í eldlín-
unni í landsleiknum gegn Króatíu sem fram fór í gær.
Gælunafn:
Ég er oft kallaður Big Berg.
Hversu oft æfir þú á viku?
Núna eru alltaf tveir leikir á viku hjá okkur þannig að
við æfum svona fjórum til fimm sinnum.
Hvernig æfir þú?
Þjálfarinn stjórnar því hvernig við æfum en svo gerir
maður alltaf eitthvað auka fyrir eða eftir æfingu.
Henta slíkar æfingar fyrir alla?
Nei, eflaust ekki.
Hvernig er best fyrir nýliða að koma sér
af stað?
Það er nú ekki flókið; bara byrja að
mæta á fótboltaæfingar.
Hver er lykillinn að góðum ár-
angri?
Æfa meira en aðrir og hugsa vel
um líkamann.
Hvað er það lengsta sem þú
hefur hlaupið?
Er nú ekki með tölu á því en ætli
það sé ekki í kringum 11-12 km.
Hvað ráðleggurðu fólki sem vill
hreyfa sig meira?
Það er mikilvægt að finna líkamsrækt
sem því finnst skemmtileg.
Líður þér illa ef þú færð ekki reglu-
lega útrás fyrir hreyfiþörfina?
Það kemur nú ekki fyrir, maður er
eiginlega feginn þegar maður fær
smáhvíld.
Hvernig væri líf án æfinga?
Ætli það yrði ekki voðalega fínt í
smátíma en svo myndi maður
eflaust fá þörf fyrir að
hreyfa sig.
Hvað er það lengsta
sem hefur liðið á
milli æfinga hjá þér?
Ætli það séu ekki
tvær vikur yfir sum-
arið.
Hvernig heldurðu
þér í formi þegar
þú ferð í frí?
Fer bara í ræktina og lyfti og hleyp eða hjóla.
Ertu almennt meðvitaður um mataræðið?
Já, það er ég.
Hvað borðarðu til að halda þér í formi?
Kjúkling, pasta, grænmeti og mikið af ávöxtum svo eitt-
hvað sé nefnt.
Hvaða óhollustu ertu veikur fyrir?
Það er íslenska nammið án vafa.
Hvað ráðleggurðu fólki sem vill bæta mataræðið?
Halda sig frá óhollum mat og hafa
einn nammidag í viku, þá er fólk í
fínum málum.
Hver eru erfiðustu meiðsl sem þú
hefur orðið fyrir? Ég sleit kross-
band þegar ég var fimmtán ára, það
var mjög erfitt.
Hversu lengi varstu að ná þér
aftur á strik?
Ég var frá í ár.
Hvað eru algeng mis-
tök hjá fólki við æf-
ingar?
Fólk fer oft of
geyst af stað.
Hver er erfiðasti
mótherjinn á
ferlinum?
Cristiano Ronaldo
var virkilega erf-
iður.
Hver er besti
samherjinn?
Íslenska lands-
liðið, það er alveg klárt.
Hver er fyrirmynd þín?
Á yngri árum voru það Beckham
og Ronaldo.
Hver er besti íþróttamaður
allra tíma?
Usain Bolt.
Skemmtileg uppákoma frá ferlinum?
Við vorum að spila við Ajax í Amst-
erdam þegar áhorfandi hjóp inn á völlinn
og ætlaði að sparka í markvörðinn okk-
ar. Hann náði að koma sér undan
þannig að áhorfandinn datt á
jörðina og lét þá markvörð-
urinn spörkin dynja á áhorf-
andanum.
Skilaboð að lokum?
Áfram Ísland!
ÍÞRÓTTAKEMPA VIKUNNAR JÓHANN BERG GUÐMUNDSSON
Krefjandi að spila
á móti Ronaldo
Svefn er gríðarlega mikilvægur og á meðan við sofum fer fram mikið
starf í líkamanum. Langvarandi svefntruflanir hafa skaðleg áhrif á heilsu
og við erum líklegri til að borða eitthvað sem gefur okkur skyndiorku
eða að sleppa því að hreyfa okkur þegar við erum illa sofin.
Góðar svefnvenjur skipta máliEf þú sættir þig við væntingar annarra,
sérstaklega þeirra sem eru neikvæðir, þá
nærðu aldrei að breyta þeirri útkomu.
Michael Jordan