Morgunblaðið - Sunnudagur - 17.11.2013, Blaðsíða 48
Viðtal
48 MORGUNBLAÐIÐ SUNNUDAGUR 17.11. 2013
varð ég að fá mér áfengi. Þegar ég var í blús eða eitthvað
gekk illa – þá varð ég að fá mér áfengi. Þegar það var
hvorki gaman né leiðinlegt, þá varð ég að fá mér áfengi.
Þetta þróaðist auðvitað yfir langan tíma en þetta varð hægt
og rólega að þessari þráhyggju. Ég hefði aldrei getað kom-
ist í gegnum þetta án þess að fara í meðferð inn á Vog og
Staðarfell. En að snúa svona þráhyggju við tekur langan
tíma. Þetta er eins og að ætla að snúa stóru skipi, sem er á
einhverri leið, og fá það til að sigla í hina áttina. Alkóhól-
ismi er afgerandi hluti í lífi manns og maður þarf að taka
ábyrgð á sjúkdómnum því maður vaknar alltaf sem alkóhól-
isti og þarf að fara inn í daginn meðvitaður um það og
passa sig á hættunum, bara eins og hver annar sem er að
glíma við einhvern annan sjúkdóm sem getur dregið þig til
dauða.“
Rúnar Freyr segir að í þessari meðferðarvinnu gerist þó
meira en að fólk hætti að drekka. Það fari smám saman að
nálgast lífið á allt annan hátt. Sjálfur skynji hann umhverfið
á nýjan hátt. Hvernig?
„Ég hélt alltaf að lífið væri að fara að byrja. Það myndi
byrja þegar ég væri búinn með framhaldsskólann. Þegar ég
væri búinn með leiklistarskólann. Þegar ég væri kominn
með konu. Þegar ég væri búinn að eignast barn. Þegar ég
væri búinn að ná samningi hjá Þjóðleikhúsinu. Þegar, þeg-
ar, þegar. Ég fattaði ekki að ég var alltaf að lifa þessu lífi
en ég var ekki í því, hér og nú. Ég kalla þetta nýja lífið
mitt, lífið sem hófst fyrir einu og hálfu ári. Ég sé þig til
dæmis öðruvísi en ég hefði séð þig fyrir tveimur árum.
Einnig börnin mín, umhverfið og sjálfan mig. Ég „sé“ bet-
ur. Mesti munurinn liggur í því að ég hugsa ekki lengur:
Hvað sé ég í þessu fyrir mig – heldur – hvað er best fyrir
okkur öll? Ég er farinn að finna fyrir ánægjunni yfir því að
vera hlekkur í stærri keðju fjölskyldunnar og samfélagsins
alls.“
Þetta hljómar eins og að tukta til egóistann í sjálfum
sér?
„Maðurinn er náttúrlega í grunninn alveg svakalegur egó-
isti. Og mjög margir eru þannig að oftar en ekki hugsa þeir
fyrst og fremst hvað þeir geti grætt persónulega á að-
stæðum. „Hvað fæ ég út úr þessu?“ spyrja þeir sig. Meira
að segja þegar fólk telur sig vera gott og að það sé einfald-
lega að leiðbeina öðrum er eigingirni og sjálfselska mjög oft
þar á bak við. Það er skrýtið að komast að þessu þegar
maður heldur að góðmennska hafi legið að baki svo mörgu í
gegnum tíðina. Að frelsast undan eigingirni þýðir um leið
frelsi undan áhyggjum af því sem mun gerast – það fær
bara að gerast. Ef það verður ekki gott, þá veit ég að ég
mun að minnsta kosti læra af því.
En það er kannski auðvelt að tala svona núna þegar mað-
ur er upptekinn af batanum og öllu meðferðarferlinu. Auð-
vitað er ég enn með mína bresti. Hin eilífa vinna felst í því
að takast á við þá og reyna að verða betri í dag en í gær.“
Þurfti storm til að ég breyttist
Það er auðvelt að fara á flug með Rúnari. Hlusta á hann
tala um hvernig það er hægt að sjá eitthvað fallegt í öllu
fólki. Mikilvægi þess að skilja reiði annarra, hún sé sjaldn-
ast persónuleg. Gera það besta úr hlutunum í dag. Hann
segir að hjá SÁÁ hafi hann lært að staldra ekki of mikið
við hlutina og lifa frekar í sátt við fortíðina.
„Við alkóhólistar höfum brotið brýr að baki okkur og við
höfum vegna þessa sjúkdóms gert sitthvað á hlut annarra,
ekki síst okkar nánustu. Það getur verið erfitt að lifa við
það, gera það upp. Horfa loksins í spegilinn og hugsa: „Vá,
þetta hefði ég ekki viljað gera.“ En á vissan hátt lærum við
samt að meta fortíðina, hún gerði okkur að því sem við er-
um.“
„Við alkóhólistar höfum brotið brýr að baki okkur og við höfum vegna þessa sjúkdóms gert sitthvað á hlut annarra, ekki síst okkar
nánustu. Það getur verið erfitt að lifa við það, gera það upp. Horfa loksins í spegilinn og hugsa: „Vá, þetta hefði ég ekki viljað gera.“ En
á vissan hátt lærum við samt að meta fortíðina, hún gerði okkur að því sem við erum,“ segir Rúnar Freyr Gíslason.
Taktu grænu skrefinmeðOlís
Umhverfisvænni VLO-díselolía hjá Olís minnkar útblástur á koltvísýringi um 5%
PI
PA
R\
TB
W
A
-S
ÍA
-1
30
12
5