Morgunblaðið - Sunnudagur - 17.11.2013, Blaðsíða 32

32 MORGUNBLAÐIÐ SUNNUDAGUR 17.11. 2013
Matur og drykkir
M
ig langaði að gera eitthvað pínulítið vetrarlegt, en á sama tíma
ekki hafa matseðilinn of þungan því framundan eru jólin með
öllu því kjötáti sem tilheyrir. Ég ákvað því að nota fiskmeti í
forrétt og aðalrétt,“ segir matgæðingurinn María Björg Sig-
urðardóttir. María Björg er fatahönnuður sem hefur mikla ástríðu fyrir
eldamennsku og eftir að hafa deilt uppskriftum og matarmyndum með
vinum og fjölskyldu á Instagram ákvað hún að útbúa bloggsíðu; krydda-
eftirsmekk.tumblr.com, sem er sérlega falleg, bæði myndir og heildarútlit.
María Björg er önnum kafin í ýmsum hönnunartengdum verkefnum og
bauð heim til sín konum sem eru flestar í sama geira og hún og hafa
kynnst og hist í gegnum hönnunarbransann hérlendis. Þar sem annir eru
miklar notaði hún ofureinfaldar en flottar aðferðir við að útbúa eftirrétt-
inn og notaði til að mynda frosna franska súkkulaðiköku sem hún útbjó
þó að heimilislegum hætti.
„Aðalréttinn, sjávarréttapottréttinn, hafði ég í hálfspænsku þema þótt
þetta sé franskur pottréttur í grunninn. Það er pínu tapaslegt að blanda
saman kryddpylsu og sjávarréttum og mjög gott. Hvað forréttinn varðar
þá hef ég mikið verið að elda smokkfisk undanfarið, hann er til í öllum
búðum og kostar ekki mikið. Eftirrétturinn er svo mjög einfaldur og ég
mæli með honum fyrir þá sem eru á síðustu stundu.“
María Björg segist alltaf reyna að elda allt frá grunni, hafa heita máltíð
einu sinni á dag og hún sé óþreytandi við að halda matarboð, finnist það
yfirleitt lítið mál. „Ég er hrifin af matargerð sem er fljótleg og tilgerð-
arlaus og ekkert bull. Það er óþarfi að vera að reyna að finna upp hjólið
alltaf heldur einblína á að hafa hráefnið gott. Góð ráð? Ég segi bara; láta
verða af því. Matarboð snýst fyrst og fremst um góðan félagsskap, ekki
að heimilið sé glerfínt heldur bara að elda góðan mat og setja á sig smá-
varalit.“
½ frönsk súkkulaðikaka, fæst frosin
½ l skógarberjaís
1 peli rjómi
ber að eigin vali; til dæmis blanda af brómberum, hindberj-
um, jarðarberjum og bláberjum
smávegis flórsykur eða kakóduft
Skerið kökuna í litla teninga, þeytið rjóma og blandið jafnmiklu af ís
við í matvinnsluvél.
Setjið smávegis af blöndunni í glas eða skál handa hverjum gesti fyr-
ir sig, svo köku og skiptist á að leggja ísinn og kökuna í nokkur lög
hvað ofan á annað. Endið á ísnum og setjið berin ofan á. Gott er að
sigta flórsykur eða kakó yfir.
Einfaldasti eftirrétturinn
Kræklingurinn leit ljómandi vel út á diski og gott súrdeigsbrauð með
stökkri skorpu passar að sögn húsfreyjunnar afar vel með.
MATARBOÐ Í VESTURBÆ
Vetrarlegt en
létt fyrir jólin
* „Sjávarrétta-pottréttinnhafði ég í hálf-
spænsku þema þótt
þetta sé franskur
pottréttur í grunn-
inn. Það er pínu
tapaslegt að blanda
saman kryddpylsu
og sjávarréttum“
SMOKKFISKUR, SJÁVARRÉTTAPOTTRÉTTUR OG UNAÐSLEGUR
EFTIRRÉTTUR ER ÞAÐ SEM MARÍA BJÖRG SIGURÐARDÓTTIR
FATAHÖNNUÐUR BAUÐ UPP Á Í VESTURBÆNUM.
Júlía Margrét Alexandersdóttir julia@mbl.is
Hópurinn var vel skipaður og glatt á hjalla en fremst er móðir Maríu Bjargar;
Ingibjörg Dalberg, þá næst Ragnheiður og Guðrún Björg, systir Maríu Bjargar.
Það kom vel út að nota smjörpappír
sem umgjörð utan um forréttinn.