Morgunblaðið - Sunnudagur - 17.11.2013, Blaðsíða 28
*Matur og drykkir María Björg mælir með því að blanda saman smokkfiski og spænskri kryddpylsu »32
I
nga Björk Guðmundsdóttir er tæplega tvítugur Álftnesingur í húð og hár og
útskrifast í vor frá Verzlunarskóla Íslands. Áhugi hennar á matargerð kom
snemma og stefnir hún á að læra fagið að loknu stúdentsprófi. „Ég var
ekki gömul þegar ég var farin að malla í pottunum. Sex ára var ég farin að
bjóða vinkonum mínum í fjórrétta máltíð eftir skóla,“ segir Inga Björk sem
kveðst vera mikill matgæðingur. „Að loknu stúdentsprófi stefni ég á að klára
kokkinn í MK en að því loknu er ég spennt fyrir viðskiptafræði eða lögfræði í
Háskóla Íslands. Ég ætla mér ekki að starfa sem matreiðslumaður. Ég geri þó
ráð fyrir að matreiðsla verði áfram mitt helsta áhugamál, auk þess hefur alltaf
blundað í mér að verða sjónvarpskokkur.“
Inga Björk er dugleg að elda lambakjöt, kjúkling og pasta. „Ég á mér að
vísu ekki eitthvað eitt sem mér þykir skemmtilegra að matreiða en annað en
ég elska að prófa mig áfram. Það er svo gaman þegar ég næ að töfra fram
eitthvað nýtt, framandi og skemmtilegt,“ segir Inga Björk. Spurð um uppá-
haldskrydd segir hún að það sé túrmerik og er hún dugleg að nota það í mat-
inn. „Ég reyni að hafa matinn eins hollan og góðan og völ er á. Mér finnst
ekki gott þegar maturinn er kryddaður of mikið. Það er alltaf hægt að bæta
aðeins við matinn en það er erfitt að snúa við þegar það er búið að ofkrydda.“
Morgunblaðið/Eggert
UNGUR MATGÆÐINGUR
Sex ára bauð hún í mat
VERZLUNARSKÓLAMÆRIN INGA BJÖRK GUÐMUNDSDÓTTIR
FÉKK MATREIÐSLUDELLUNA UNG AÐ ALDRI OG NAUT ÞESS
AÐ BJÓÐA VINKONUM SÍNUM HEIM Í MAT. HANA LANGAR
AÐ LÆRA FAGIÐ EN ÞÓ EKKI ENDILEGA STARFA VIÐ ÞAÐ.
ÞAÐ KÆMI ÞÓ TIL GREINA AÐ VERÐA SJÓNVARPSKOKKUR.
Gunnþórunn Jónsdóttir gunnthorunn@mbl.is
„Það er svo gaman þegar ég næ að töfra fram eitthvað nýtt, framandi og
skemmtilegt,“ segir Inga Björk sem byrjaði ung að hræra í pottum.
Marinering fyrir fimm
kjúklingabringur.
Bringurnar þurfa að
liggja í leginum í a.m.k. 2
klst áður en þær eru sett-
ar í ofninn.
1 hvítlaukshaus
¼ bolli þurrt óreganó
½ bolli rauðvínsedik
salt og pipar
1 bolli blautar sveskjur
½ bolli grænar ólífur
½ bolli kapers
6 lárviðarlauf
1 bolli púðursykur
1 bolli hvítvín
Kjúklingabringurnar eru
síðan settar í ofn á 200°C
og látnar malla í um 30
mín.
Borið fram með fersku
salati og hrísgrjónum, auk
þess hentar vel að hafa
hvítlauksbrauð með.
Ítalskur
kjúklinga-
réttur