Morgunblaðið - Sunnudagur - 17.11.2013, Blaðsíða 51

geta brugðið sverði og ekki að vera feiminn við mynda-
vélarnar. Íslendingar hafa haft marga skemmtilega afl-
raunamenn sem hafa ekki verið feimnir við myndavél-
arnar þannig að ég var hvergi smeykur. Held ég hafi
aðallega verið smeykur þegar ég hitti hann,“ segir
Newman og hlær.
Hafþór varð aldrei þreyttur
The Mountain er karakter sem er mjög grófur og illur –
í rauninni hálfgerð drápsvél. Hann ber ekki virðingu fyr-
ir neinum og gerir það sem honum hentar, hann á meðal
annars að hafa brennt andlitið af bróður sínum þegar
hann var yngri. Honum hefur brugðið fyrir í fyrstu
þáttaröðinni þar sem hann afhausar hest eftir að hafa
tapað í burtreiðum. Mjög svo eftirminnileg sena. Hafþór
Júlíus var nýbyrjaður að horfa á þættina þegar honum
var boðið hlutverkið og lýsti hann því í viðtali við Moni-
tor.
Newman segir að Hafþór sé kjörinn í hlutverkið þótt
honum vanti nokkra sentimetra. „Hann á að vera sjö fet
í bókinni en hann bætir það upp með vöðvum. Hann er
svo ofboðslega sterkur og þarf að vera í miklum búningi,
leðri og brynju, og síðan var hann í króatísku sólinni
með fimm feta sverð að sveifla því í marga klukkutíma.
Hann er svo ofboðslega sterkur að hann varð aldrei
þreyttur hef ég heyrt og það er ótrúlegt.“ Hann segir
að Hafþóri sé breytt töluvert bæði með gerviskeggi og í
eftirvinnslunni.
„Ég má ekkert segja um hvað verður í framhaldinu
hjá Hafþóri en það voru allir jafn hrifnir af því hvað
hann lærði fljótt og naut sín á meðan. Ég var lítið í
Króatíu þar sem hann var við tökur, ég var í Belfast en
svo kom hann til mín og gerði eina senu og hann var
frábær. Ég var mjög glaður að sjá það því eins og ég
segi þá gleður það mig alltaf mikið þegar Íslendingar
koma við sögu í mínum verkum. Ég er alltaf að leitast
við að koma Íslandi að,“ segir Newman.
Íslenskir kvikmyndagerðarmenn framarlega
Eðlilega hefur Chris oft komið til Íslands vegna tengsla
sinna við landið en það sem færri vita er að hann sting-
ur oft upp á Íslandi sem tökustað. Eftir að hafa komið
aftur hingað til lands að vinna við Svo á jörðu sem og
himni vann hann við stórmyndina Judge Dredd með
sjálfum Sylvester Stallone. Í fangaflutningunum í þeirri
mynd brotlendir skipið á fjarlægri plánetu. Þegar grannt
er skoðað má sjá að hraunið á milli Keflavíkur og
Reykjavíkur er bakgrunnur fyrir brotlendinguna. „Þegar
ég var að byrja að gera Game of Thrones og það kom
upp á fundi að við þyrftum að finna stað sem hefði snjó
og ís í október þá var auðvelt að benda á Ísland. Ég
þekki jöklana og annað á Íslandi og vissi að ég gengi að
því vísu. Það er byrjunin á að Game of Thrones kom til
Íslands.
Þegar við tókum upp í aðra þáttaröð þá féllu allir fyr-
ir Íslandi, ekki aðeins fyrir landslaginu og hvað það
gerði fyrir þættina, heldur kom þetta einnig vel út fjár-
hagslega. Svo eru líka íslenskir kvikmyndagerðarmenn
mjög góðir og frábært að vinna með þeim þannig að
ekki skemmdi það neitt heldur.
Við vorum að taka upp að vetri til á Íslandi og höfð-
um aðeins rúma fimm klukkutíma til að vinna þannig að
maður varð að undirbúa sig í myrkri sem var svolítið
sérstakt en skemmtilegt. Ég hafði Mývatn í huga því
Nonni og Manni eru teknir upp þar. Þegar það vantaði
stað sem hefði algjörlega stórkostlegt landslag datt mér
Dimmuborgir strax í hug. Það var frábært að vera þar.
Það sagði aldrei neinn: „Hey, eigum við ekki að leita
eitthvað annað,“ sem er jákvætt.“ Aðspurður hvort hann
sé eitthvað á leiðinni með fleiri verkefni hingað til lands
segir hann svo ekki vera – ekki í bili allavega. „Ég er
enn með fullt af stöðum á Íslandi sem mig langar að
taka upp á en ég hef ekki enn fengið réttu söguna til
þess.“
Allt annað en ER og Grey’s Anatomy
Þáttarröð eins og Game of Thrones tekur mikinn tíma
frá Chris en þó fær hann tveggja mánaða frí. Þá er
hann bara heima hjá sér og safnar orku fyrir næstu
þáttaröð. „Ég get bara unnið við þetta. Ég er ekki að
leita mér að öðrum verkefnum til að vinna við, þetta er
svo gaman. Ég fæ frí þegar við erum búin að taka upp
í nóvember en það er ákveðinn skilningur á milli mín og
Game of Thrones að ég verð áfram við verkið þegar
næsta þáttaröð byrjar í febrúar þannig að ég tek mér
bara gott jólafrí á milli.
Ég geri plön með hinum pródúsentunum hvar á að
taka upp hvaða atriði þegar við hittumst í febrúar.
Game of Thrones er ekki eins og annað sem er í sjón-
varpi þar sem þú ert fastur á sama setti í marga mán-
uði, til dæmis eins og ER eða Grey’s Anatomy. Í Game
of Thrones er það ekki þannig, heldur er þar alltaf eitt-
hvað nýtt. Þetta eru sömu karakterar en nýjar áskoranir
í hverri þáttaröð. Ég held ég myndi fljótt verða leiður ef
ég yrði á sama setti í hverri viku – það er ekki fyrir
mig.“ Lái honum hver sem vill.
Hafþór Júlíus Björnsson
fer með stórt hlutverk
í komandi þáttaröð.
Mikið er lagt í hvern einasta búning í þáttaröðinni.
17.11. 2013 MORGUNBLAÐIÐ SUNNUDAGUR 51
BLÁTT Spírulína
gefur jafna
orku
sem endist
Aukið streituþol og bætir einbeitingu. Nærir taugakerfið.
Frábær meðmæli við athyglisbrest og eirðarleysi.
Fyrir þá sem eru undir miklu líkamlegu eða andlegu álagi.
Inniheldur lifræna næringu samtals 29 vítamín og steinefni, aminosýrur og
50% meira af Phycocyanin en annað Spírulína. Rannsóknir hafa sýnt að það
eflir ónæmiskerfið og styður getu tauga og líkama til þess að starfa eðlilega
þrátt fyrir streituálag. Phycocyanin er kallað undrasameindin sem eykur
virkni mikilvægra ensíma. Eingöngu ræktuð næringaefni, ekkert GMO.
Gæðastaðall: ISO 14001, ISO 22000.
Útsölustaðir: Lyfja, Hagkaup, Krónan,
Heilsuhúsið, Fjarðarkaup og Græn heilsa.
Hrein orka og einbeiting
BETRI FRAMMISTAÐA,
LENGRA ÚTHALD
Nú hafa fimm bækur komið út í ritröðinni um Game of Thrones og enn er endir ekki í sjónmáli.
2008 Mamma Mia!
2008 Charlie Wilson’s War
2006 Eragon
2005 Goal! The Dream Begins
2005 Match Point
2005 Sahara
2004 EuroTrip
2003 Love Actually
2003 Shanghai Knights
2002 About a Boy
2001 Birthday Girl
1999 Sleepy Hollow
1999 Star Wars: Episode I
- The Phantom Menace
1999 Notting Hill
1997 The Butcher Boy
1996 Surviving Picasso
1995 Sense and Sensibility
1995 Judge Dredd
1994 Frankenstein
1993 The Remains of the Day
1993 Much Ado About Nothing
1992 As in Heaven
1985 Brazil
1984 Supergirl
1983 Superman III
1983 Star Wars: Episode VI
- Return of the Jedi
1982 The Dark Crystal
1980 Superman II
NOKKRAR HELSTU MYNDIR
CHRISTOPHER NEWMAN