Morgunblaðið - 06.12.2013, Blaðsíða 31

UMRÆÐAN 31
MORGUNBLAÐIÐ FÖSTUDAGUR 6. DESEMBER 2013
Öll fyrirtæki
standa og falla
með starfsfólkinu.
Það á auðvitað
ekki síst við um
Ríkisútvarpið okk-
ar. Stofnun sem
byggir á þjóðararf-
inum. Hinir miklu
útvarpsmenn stóðu
vaktina hvað sem á dundi: Stefán Jónsson, Jón
Múli, Pétur Pétursson, Svavar Gests, Guð-
mundur Jónsson, Helgi Hjörvar, Thorolf
Smith, Jónas Jónasson. Svo örfáir séu nefndir.
En það voru ekki bara þeir. Hinir minni spá-
menn fylla einnig upp í myndina. Og skúr-
ingakonurnar. Og Nonni sendisveinn.
Skyldu það vera margar þjóðir sem eiga ann-
an eins gullmola og Rás 1 eða Gömlu gufuna
sem sumir kalla? Það er mikið vafamál. En
hana verðum við að varðveita hvað sem tautar
og raular. Þar liggur við þjóðarsómi. Gamla
gufan er ekkert annað en háskóli alþýðunnar.
Þar eru til dæmis slík dýrmæti í segulbanda-
safninu að nota ætti sem skyldunámsgrein í há-
skólum landsins. Það á einnig við um mynda-
safn sjónvarpsins. Unga fólkið hefði svo
sannarlega gott af því að hlusta markvisst á
gengnar kynslóðir og læra af þeim. Þar er lífs-
viska íslensku þjóðarinnar í hnotskurn og
mætti meta til eininga eins og kallast í dag.
Láta þau svo hreinlega taka próf í slíkum vís-
indum. Það gæti verið liður í því að þjóðin finni
sjálfa sig.
Það er ekkert við það að athuga að opinber
fyrirtæki dragi saman seglin. Það á jafnt við
um Ríkisútvarpið og aðrar stofnanir. Við verð-
um að sníða okkur stakk eftir vexti. Það er
þjóðarnauðsyn og á við á öllum tímum. En það
verður að gerast markvisst og án upphlaupa.
Ef starfsfólk á í hlut, þegar nauðsyn knýr til
samdráttar, þá skal aðgát höfð í nærveru sálar.
Með fullri virðingu fyrir þeim sem í hlut eiga.
Og dramatískar niðurfellingar á dagskrárliðum
koma fólki í opna skjöldu. Slíkt þarf að vanda
vel.
Fimm milljarða stofnun hlýtur að skoða vel
til allra átta. Þarf til dæmis ekki að athuga bet-
ur þann gífurlega efnisvaðal sem viðgengst í
ríkissjónvarpinu? Snikka hann svolítið til?
Spara innkaup á drasli. Til hvers og fyrir hvern
er það að reka myndbandaleigu? Með þessu
líka stórkostlega efni, eða hitt þó heldur. Sum
kvöld er stranglega varað við að myndir á
besta útsendingartíma séu bannaðar börnum.
Bannað börnum og stranglega bannað börnum.
Þetta eru fastir liðir í kynningum. Hverjir ætli
horfi mest á slíkt efni? Hverjir bera mestan
skaða af því? Og stundum er verið að sýna
gamanmyndir og jafnvel fjölskyldumyndir um
miðnættið! Allir vita að sjónvarpið er gífurlega
áhrifamikill miðill. Og það er margt gott í ís-
lenska ríkissjónvarpinu. Sumt frábært. En ein-
hversstaðar hlýtur lítil þjóð að setja mörkin.
Slík uppákoma og nú hefur orðið hjá RÚV er
öllum til skammar sem þar koma að verki. Að
afhenda mönnum uppsagnarbréf og reka þá
samdægurs eins og fregnir herma. Fáheyrður
klaufaskapur og virðingarleysi við mannlega
reisn ef rétt er. Ætla mætti að hér sé um
stórglæpona að ræða sem taka verði föstum
tökum. Hvers á þetta fólk að gjalda?
Upphlaupið í Efstaleiti
Eftir Hallgrím
Sveinsson og
Bjarna Georg
Einarsson
»Við verðum
að sníða
okkur stakk eft-
ir vexti. Það er
þjóðarnauðsyn
og á við á öllum
tímum. En það
verður að gerast
markvisst og án
upphlaupa. Hallgrímur Sveinsson
Hallgrímur er bókaútgefandi og léttadrengur á
Brekku í Dýrafirði og Bjarni er fyrrverandi útgerð-
arstjóri og núverandi ellilífeyrisþegi á Þingeyri.
Bjarni Georg Einarsson
Þegar þér finnst þú lítils virði,
líður illa, ert umkomulaus,
horfðu þá í augun á Jesú. Eftir
því sem þú horfir lengur og
dýpra munt þú finna að þú ert
elskaður af ómótstæðilegri ást.
Þú munt finna hve óendanlega
dýrmætur þú ert. Elskaður út af
lífinu. Elskaður af sjálfu lífinu.
Gefðu af þér
Og þegar þú upplifir þig ein-
mana á einhvern hátt, farðu þá
endilega út á meðal fólks, einkum
þeirra sem hallað er á með ein-
hverju móti. Með þann kannski
veiklundaða en samt góðviljaða
og einbeitta huga að vilja leitast
við að gefa af þér.
Vitjaðu sjúkra, öryrkja, inn-
flytjenda, fátækra, aldraðra eða
syrgjenda svo einhverjir séu
nefndir og leitastu við að létta
undir, aðstoða, hjálpa til og gefa
af þér. Þótt ekki sé nema með því að hlusta,
sýna skilning, samstöðu, vera til staðar og
faðma ef því er að skipta.
Styddu bágstadda, þá sem þurfa á nærveru
og næringu, umhyggju og stuðningi að halda.
Þannig verður þú farvegur kærleikans í verki
og munt finna lífi þínu innihaldsverðan tilgang.
Um leið og þú eignast þakkláta vini sem kunna
að meta þig og sjá engil þegar þau horfa í aug-
un á þér eða hugsa til þín.
Nærveran skiptir máli
Það er nefnilega gömul saga og ný að nær-
veran skiptir okkur öll svo miklu máli. Hug-
leiddu það að með nærveru þinni getur þú fært
sálir fólks upp úr hinum dimmustu kjöllurum
og upp á hinar björtustu svalir.
Ekki kölluð til að dæma
Við vorum ekki kölluð inn í þennan heim til
að dæma fólk eða til að setja út á náungann.
Heldur til að elska, umvefja, sýna umhyggju
og kærleika, jafnvel og líklega
ekki síst okkar minnsta bróður.
Fordæmum því ekki sam-
ferðamenn okkar, heldur kom-
um fram við þá af umhyggju og
kærleika.
Fer náungi minn í
taugarnar á mér?
Náunginn í röðinni var með
skítugt, sítt hár. Hann virtist
sveittur, hallærislegur, í fárán-
legum lörfum. Hann var engan
veginn í takt við tímann. Það var
fnykur af honum. Ætlaði hann
aldrei að ljúka erindi sínu? Hann
fór í taugarnar á mér. Heldur
hann að ég geti eytt öllum deg-
inum í að bíða vegna hans?
Svo leit hann við og horfði fast
en vingjarnlega í augun á mér.
Þetta var einhvern veginn allt
öðruvísi maður en ég hafði
ímyndað mér. Eitt augnablik
fannst mér ég mæta augnaráði
frelsarans. Fer hans minnsti
bróðir kannski í taugarnar á mér? Ég leit und-
an, varð niðurlútur. Ég skammaðist mín.
Að horfa inn í himininn
Ef þú vilt horfa inn í himininn, horfðu þá í
augun á Jesú. Og ef þú vilt horfa í augun á
Jesú, horfðu þá í augu þíns minnsta bróður.
Spyrjum okkur sjálf: Hvað get ég gert í dag
til að reynast fólkinu mínu vel? Hvað get ég
gert til að bæta andrúmsloftið á vinnustaðnum
mínum? Hvernig get ég bætt umhverfi mitt,
þar sem ég fer um svo samferðafólki mínu og
þar með mér sjálfum geti liðið sem best.
Allt er þetta val. Spurning um hugarfar, lífs-
afstöðu. Með hverslags hjartalagi við viljum
raunverulega vera þegar allt kemur til alls?
Fegraðu umhverfi þitt með gjöfum. Stráðu
fræjum kærleika og umhyggju. Og þín verður
minnst sem þess sem elskaði. Þess sem bar
raunverulega umhyggju fyrir fólki.
Einmana
Eftir Sigurbjörn Þorkelsson
»Með nærveru
þinni getur
þú fært sálir
fólks upp úr
dimmustu kjöll-
urum og upp á
björtustu svalir.
Sigurbjörn Þorkelsson
Höfundur er ljóðskáld og rithöfundur.
Heilsurækt fyrir konur
Þarabakki 3 ~ 109 Reykjavík ~ sími 566 6161 ~ curves.is
Inga Hildur Yngvadóttir
- 48 ára snyrti- og fótaaðgerðafræðingur.
Ég er búin að vera í Curves í 7 ár og líkar mjög vel ég mæti
alltaf 3 í viku. Mér finnst gott að ráða hvenær ég kem og
hversu oft . Mér finnst mikill kostur að þurfa ekki að stilla
tækin og að ég sé að taka á öllum helstu vöðvahópum. Mér
líður mjög vel á eftir og ekki er verra að halda kílóunum
í skefjum og vera styrkari og liprari. Frábær stöð sem er
bara fyrir konur og þarna er skemmtilegt starfsfólk og mjög
góður andi.
Æfingin hjá okkur
tekur aðeins 30 mínútur
Oddný Sigríður Nicolaidóttir – 82 ára
Ég byrjaði að æfa í Curves vorið 2009. Æfingarnar henta mér
afar vel. Ég mæti 4x í viku og held þannig líkamanum í góðu
formi þrátt fyrir gigt og fleira sem fylgir mínum aldri. Eftir
skurðaðgerð nýlega fór ég í 6 vikna geislameðferð og meðan
á meðferðinni stóð stundaði ég líkamsræktina 4x í viku.
Félagsskapurinn, stuðningurinn og ekki síst það frábæra
starfsfólk sem Curves hefur upp á að bjóða er ómetanlegt.
Þarna hef ég eignast góðar vinkonur og sleppi helst aldrei úr
tíma. Stærsti kosturinn er að ég get mætt þegar mér hentar. Settu
heilsu
na
í fyrst
a sæti
!
Við hjá Curves erum í
frábæru jólaskapi og
viljum bjóða konum árskort
á20% afslætti!
5 tímar í trimform
fylgja frítt með.
Algjört jóladúndur!
Taktu forskot á
áramótaheitin og settu
heilsuna í forgang.
Gildir til 16. Desember 2013