Morgunblaðið - 30.12.2013, Blaðsíða 2
2 FRÉTTIRInnlent
MORGUNBLAÐIÐ MÁNUDAGUR 30. DESEMBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Bæjarlind 4, Kópavogur S: 554 6800
Njarðarnesi 9, Akureyri S: 466 3600 www.vidd.is
Öðruvísi flísar
Starfsmenn Þorskeldis ehf. og
Loðnuvinnslunnar hafa haft í
nógu að snúast yfir jólahátíðina
en fyrir jól var byrjað að slátra
þorski úr eldiskvíum í Stöðvar-
firði og Fáskrúðsfirði. Elís Hlynur
Grétarsson, framkvæmdastjóri
Þorskeldis ehf., segir að um níu-
tíu tonnum af þorski hafi verið
slátrað yfir jólin, sem er svipað
og seinustu ár.
„Við veiðum fisk á vorin, ölum
hann yfir sumartímann og á
haustin og slátrum honum svo,“
segir hann. Stefnt sé að því að fá
sem hæst verð fyrir hann á al-
þjóðlegum mörkuðum.
Fyrirtækið á tíu kvíar en var
einungis með fisk í þremur
þeirra, að sögn Elísar Hlyns. „Það
eru erfiðir tímar í þorskeldi. Fóð-
urverð hefur hækkað mjög og er
fiskverð á hraðri niðurleið,“ segir
hann. Hann er þó hæfilega bjart-
sýnn fyrir næsta ár. Þorskkvótinn
verði til dæmis aukinn en hins
vegar sé enn óvíst um afurðaverð-
ið og þróun þess. kij@mbl.is
Slátruðu um 90 tonn-
um af þorski yfir jólin
Ljósmynd/Albert Kemp
Lækkandi afurðaverð veldur erfiðleikum í þorskeldi
Baldur Arnarson
baldura@mbl.is
Starfsfólki hjá stóru bönkunum
fækkaði um vel á annað hundrað í ár
og er útlit fyrir frekari fækkun.
Starfsmenn hjá Landsbankanum
voru 1.179 í lok þriðja ársfjórðungs
og hafði þeim fækkað um 54 frá ára-
mótum. Hjá móðurfélagi Arion
banka fækkaði stöðugildum um 43
niður í 906 á fyrstu níu mánuðum
ársins. Hjá Íslandsbanka fækkaði
störfum um 71 á sama tímabili og
fækkaði störfum því alls um 168 hjá
bönkunum þremur á tímabilinu.
Endurútreikningar vegna boðaðr-
ar leiðréttingar íbúðalána munu
skapa tímabundin verkefni. Hjá Ar-
ion banka er gert ráð fyrir 20-30
störfum vegna þess en hjá Lands-
bankanum og Íslandsbanka fengust
þær upplýsingar að of snemmt sé að
segja til um hvort ráða þurfi starfs-
menn vegna leiðréttingarinnar.
Leiðréttingin ýti undir fækkun
Guðjón Rúnarsson, framkvæmda-
stjóri Samtaka fjármálafyrirtækja,
segir útlit fyrir frekari fækkun
starfa hjá bönkunum á næsta ári,
þróun sem nýir skattar á fjármála-
fyrirtæki ýti undir. Fyrirhugaðir 20
milljarða skattar á banka og slita-
stjórnir vegna leiðréttingar íbúða-
lána ýti undir þá þróun.
„Það er ljóst að starfsfólki hefur
fækkað töluvert á árinu sem er að
líða. Það má gera ráð fyrir áfram-
haldandi fækkun starfsfólks, m.a.
vegna nýrrar tækni í bankaþjónustu.
Það er ljóst að nýjar og ótekjutengd-
ar álögur á fjármálafyrirtækin hljóta
eðli máls samkvæmt að ýta undir að
horft sé til óarðbærustu eininganna.
Þessar álögur gætu því ýtt undir og
hraðað fækkun útibúa, oftar en ekki
á dreifbýlum svæðum.
Það hefur orðið gríðarleg aukning
á ótekjutengdum álögum. Þær eru
einna þyngstar fyrir fjármálastofn-
anir. Það eru álögur sem tengjast
ekki á neinn hátt afkomu fyrirtækj-
anna, heldur leggjast á aðra þætti í
launagrunni þeirra. Þannig að ég get
tekið undir með Friðberti Trausta-
syni [formanni Samtaka starfs-
manna fjármálafyrirtækja, SSF] að
þetta hefur klárlega áhrif á rekstur
og framtíð þessara fyrirtækja. Það
mun koma í ljós á næstu árum
hversu mikil þessi áhrif verða.“
300 starfa hjá skilanefndum
Friðbert segir aðspurður að
starfsmenn banka og sparisjóða hafi
flestir orðið 5.500 í febrúar 2008.
Hann áætlar að þeir séu nú um
4.100, að skilanefndum meðtöldum.
Uppgjör á lánum, m.a. gengislánum,
hafi kallað á fjölgun starfa. Þegar
minnst var hafi störfin verið 4.000 í
lok árs 2011, þ.m.t. 300 hjá skila-
nefndum. Stjórnendur banka telji að
störfum fækki frekar þegar upp-
gjörsmálum ljúki. Friðbert telur af-
nám hafta geta snúið þróuninni við.
Stöðugildum fækkaði mikið
Hjá stóru bönkunum fækkaði störfum um 168 á fyrstu níu mánuðum ársins
Formaður SSF segir búist við frekari uppsögnum þegar uppgjörsmálum lýkur
Það er almennt
búist við frekari
fækkun starfs-
manna.
Guðjón Rúnarsson
Sævar Gunnars-
son, formaður
Sjómannasam-
bands Íslands,
segir að búast
megi við frekari
uppsögnum sjó-
manna á næstu
árum. Hann segir
að það sé mikið
áhyggjuefni en að
þróunin sé sú að
útgerðir leggi nú áherslu á að auka
landvinnslu og draga úr vægi fryst-
ingar og vinnslu úti á sjó.
Fyrir helgi bárust þær fregnir að
sjávarútvegsfyrirtækið FISK Sea-
food hefði selt frystitogarann Örvar
SK-2 úr landi og sagt upp þrjátíu
starfsmönnum. Ekki er um fyrstu
uppsagnir sjómanna að ræða því fyrr
á árinu fækkaði sjómönnum hjá HB
Granda um 34 eftir að fyrirtækið
seldi Venus, elsta togara sinn. Þá var
70 sjómönnum hjá Ögurvík sagt upp
á seinasta ári, svo nokkur dæmi séu
nefnd.
Aðspurður segist Sævar hafa
miklar áhyggjur af þessum uppsögn-
um. „Það er alltaf áhyggjuefni þegar
fólk missir vinnuna. En lífið er nú
svoleiðis að þegar ég tók við for-
mennsku í Sjómannasambandinu
fyrir um tuttugu árum voru sjómenn
alls fimm til sex þúsund talsins. Í dag
eru þeir komnir niður fyrir þrjú þús-
und. Þetta er langur tími en svona
hefur þróunin verið,“ segir hann.
Fá hærra verð fyrir fiskinn
„Fiskurinn verður áfram veiddur
en meining fyrirtækjanna er að efla
vinnsluna í landi. Þau eru að gera
meira verðmæti úr aflanum með því
að vinna hann í landi. Þau koma hon-
um ferskari frá sér og fá fyrir hann
hærra verð,“ útskýrir Sævar. Bendir
hann á að verð á ferskum fiski sé
mun hærra en á frosnum eða sölt-
uðum fiski. kij@mbl.is
Búast má við
frekari uppsögn-
um sjómanna
Útgerðir leggja áherslu á landvinnslu
Sævar
Gunnarsson
Mikil snjóflóðahrina hefur gengið
yfir landið í kringum hátíðirnar. Í
gær var óvissuástandi vegna snjó-
flóðahættu aflýst á norðanverðum
Vestfjörðum en þó skal tekið fram
að snjóflóðahætta getur enn verið
mikil í fjalllendi þar sem snjór hef-
ur safnast. Á síðustu tíu dögum
hafa alls 42 snjóflóð fallið um land
allt og þá helst á Vestfjörðum en
skráð snjóflóð þar eru alls 28. Öfl-
ugir varnargarðar eru sagðir hafa
sannað gildi sitt, til dæmis á Flat-
eyri.
Í gær voru fimm minni snjóflóð
skráð á Austfjörðum á einum sólar-
hring. Þá voru tvö flóð sem féllu á
vegi fyrir norðan, í Ljósavatns-
skarði og á Ólafsfjarðarvegi.
Minni úrkoma hefur verið síðustu
daga sem gerir það að verkum að
snjóþekjan hefur náð meira jafn-
vægi og því er minni hætta talin á
ferðum vegna snjóflóða.
Veðrið um áramótin
Í kvöld er spáð allhvassri austan-
og norðaustanátt um norðanvert
landið auk snjókomu eða slyddu.
Búist er hins vegar við ágætu veðri
um áramótin. Það verður tiltölu-
lega milt veður á höfuðborgarsvæð-
inu á gamlársdag og nýársdag eða
skýjað með köflum og úrkomulaust.
Útlit er fyrir norðaustankalda og
él fyrir norðan og austan en annars
úrkomulaust um landið. Hiti verður
rétt yfir frostmarki við ströndina,
en vægt frost í innsveitum.
mariamargret@mbl.is
42 snjóflóð
fallið síðustu
tíu daga
Ljósavatnsskarð Snjóflóð hafa ver-
ið tíð á landinu að undanförnu.
Varnargarðar
sanna gildi sitt
Reiknað er með
að fyrstu skipin
haldi til loðnu-
veiða fljótlega
upp úr áramót-
um. Í kjölfarið
verður farið í
rannsóknaleið-
angur á vegum
Hafrannsókna-
stofnunar til að mæla stærð veiði-
stofnsins.
Útgefinn upphafskvóti í loðnu er
160 þúsund tonn, en hugsanlega
verður hann aukinn í kjölfar mæl-
inga. Liðlega helmingur upphafs-
kvótans kemur í hlut íslenskra
skipa, en tæpur helmingur í hlut
Norðmanna, Grænlendinga og Fær-
eyinga samkvæmt samningum.
Hinn 3. janúar verður farið til
mælinga á síld og verður stefnan
tekin í Hvammsfjörð. Ákveðnar vís-
bendingar eru um að þar kunni að
vera að finna þau 160 þúsund tonn
síldar, sem ekki fundust í rann-
sóknum haustsins. Eftir er að veiða
yfir 20 þúsund tonn af síldarkvót-
anum, en hæpið er að stóru skipin
geti athafnað sig í Hvammsfirði.
Leita loðnu
og síldar eftir
áramótin