Morgunblaðið - 30.12.2013, Blaðsíða 21
UMRÆÐAN 21
MORGUNBLAÐIÐ MÁNUDAGUR 30. DESEMBER 2013
Nilfisk hrein snilld
Kæru viðskiptavinir
Við viljum þakka fyrir viðskiptin á liðnu
ári og óskum ykkur gleðilegra jóla og
farsæls komandi árs
Hátúni 6a • 105 Rvk • Sími 552 4420 • fonix.is
bestalambid.isBeztu uppskriftirnar okkar
Enn einn dagur
í Paradís
Fyrir nokkrum árum
var ég svo lánsamur að
fara í tvígang til Gríms-
eyjar vegna vinnu
minnar. Þessi frábæra
perla okkar Íslendinga
sem liggur við heim-
skautsbaut er engu lík.
Í eyjunni eru engir
hundar, kettir, rottur
eða mýs en fuglalíf sem
á sér engan sinn líka.
Þegar ég spurði Bjarna vin minn
Magnússon hve margir byggju í
Grímsey var svarið frábært, „um það
bil 97 manns,“ sagði Bjarni. Þrátt fyr-
ir fegurðina og friðinn sem þarna var
þá var það eitt sem truflaði mig en það
var hávaðinn sem kom frá rafstöð
þeirra eyjarskeggja. Já, mikið rétt,
það er ekkert landrafmagn í Grímsey,
aðeins rafstöð. Forstjórar orkufyr-
irtækja ræða um að selja rafmagn um
sæstreng til Evrópu en fyrirtækin
sem þeir stjórna mundu aldrei græða
neitt á því að leggja streng til Gríms-
eyjar.
En snúum okkur nú til Hafn-
arfjarðar, en þangað fluttum við kona
mín í lok október. Íbúðin okkar stend-
ur á frábærum stað við Norðurbakk-
ann, útsýnið yfir höfnina, miðbæinn og
langt út á flóa. Bátar og skip koma og
fara og miðbærinn iðar af mannlífi. Við
vorum alsæl í okkar paradís. En svo
komu jólin. Svo er háttað til í öllum
helstu höfnum landsins að skip þurfa
ekki að hafa ljósavélar í gangi heldur
taka landrafmagn. Er það miklu ódýr-
ara t.d. vegna olíuverðs. Um 15. des-
ember kom danski togarinn Ocean Ti-
ger frá fyrirtækinu Danish Seafood og
lagðist að bryggju í innri höfninni hér í
Hafnarfirði. Togarinn á að liggja hér til
6. janúar nk. Væri þetta í lagi ef tog-
arinn væri ekki með mjög háværa
ljósavél í gangi allan sólarhringinn. Í
samtali sem ég átti við aðstoðarmann
hafnarstjóra sagði hann mér að þar
sem togarinn væri með 60 riða raf-
magn væri ekki hægt að tengja hann
landrafmagni. Spurði ég þá hvers
vegna þetta skip lægi ekki við í ytri
höfninni en það taldi hann ekki hægt
og veit ég ekki af hverju. Þarna er frið-
sældinni við höfnina varpað fyrir borð
fyrir nokkrar krónur í hafnargjöld.
Þetta skip hefur áður komið til Hafn-
arfjarðar og ef rétt væri staðið að mál-
um ættu hafnaryfirvöld einfaldlega að
segja útgerð skipsins að ef hún ætlaði
að liggja hér yrði hún að kaupa eða
leigja riðbreyti sem breytir 50 riðunum
okkar í 60 rið sem skipið notar. Þetta
er ekki dýrt apparat og hefði örugg-
lega borgað sig upp í þessu stoppi með
olíusparnaði.
Við höfnina í Hafnarfirði
eru svæði eins og Norð-
urbakkinn og Skipalón,
Hótel Víking sem og gamli
miðbærinn. Ég geri þá
kröfu til hafnarinnar að
notkun ljósavéla verði
bönnuð í höfninni í framtíð-
inni. Nú eru bæjarstjórn-
arkosningar á næsta ári og
vonast ég innilega til þess
að einhver flokkurinn taki
þetta mál inn í stefnuskrá
sína enda mörg atkvæði í
boði. Þegar friður og ró færist aftur
yfir Hafnarfjörð væri ekki úr vegi að
Landsvirkjun færi með vindmyll-
urnar sínar út í Grímsey frá Búrfelli.
Ég vona svo að þegar sá danski siglir
út á þrettándanum kveðjum við
Hafnfirðingar jólin með ró og spekt.
Skrifað annan dag jóla 2013.
Grímsey –
Hafnarfjörður
Eftir Friðrik
Guðmundsson
Friðrik Guðmundsson
» Þrátt fyrir fegurðina
og friðinn sem þarna
var þá var það eitt sem
truflaði mig en það var há-
vaðinn sem kom frá raf-
stöð þeirra eyjarskeggja.
Höfundur er íbúi við Hafnar-
fjarðarhöfn.
Slæmt ástand í sam-
göngumálum Seyðfirð-
inga sem geta ekki
treyst veginum á
Fjarðarheiði vegna
snjóþyngsla og illviðris
í 640 metra hæð vekur
spurningar um hvort
nú sé tímabært að
hraða undirbúningi á
jarðgangagerð undir
heiðina eða tvennum
göngum inn í Mjóa-
fjörð til þess að Seyðfirðingar fái
öruggari vegasamgöngur við Egils-
staðaflugvöll árið um kring. Með til-
komu jarðganga sem tengja við-
komustað Norrænu við byggðirnar
norðan Fagradals mun eldsneytis-
og reksturskostnaður flutninga-
bifreiða lækka nógu mikið til að
hægt verði að spara tugi milljóna
króna. Það tekst aldrei án þess að
vegurinn milli Egilsstaða og Seyð-
isfjarðar verði færður niður um 400-
500 metra verði
ákvörðun tekin um að
grafa göngin undir
Fjarðarheiði. Í 640
metra hæð sleppur nú-
verandi vegur á heið-
inni aldrei við of mikla
veðurhæð og snjódýpt
sem getur orðið um 6-
10 metrar.
Stuðningsmenn
Héðinsfjarðarganga á
Austurlandi sem börð-
ust gegn tillögu Arn-
bjargar Sveinsdóttur
um Fjarðarheiðargöng
til að votta Seyðfirðingum sína
dýpstu fyrirlitningu skammast sín
aldrei. Nú er nóg komið af tilefn-
islausum árásum á fyrrverandi
þingmann sem fékk tillöguna um
Fáskrúðsfjarðargöngin samþykkt á
Alþingi í febrúar 1999. Þessar árásir
sem stuðningsmenn Axarvegar fela
sig á bak við til að skaða samgöngu-
mál Seyðfirðinga eru svívirðilegar,
lágkúrulegar og úr öllum tengslum
við raunveruleikann. Hafi þeir sem
leggja blessun sína yfir einangrun
Seyðisfjarðar við fjórðunginn og
slysahættuna á Fjarðarheiði skömm
fyrir. Fullvíst þykir að undir-
búningsrannsóknir á jarðgangagerð
milli Egilsstaða og Seyðisfjarðar
sem afgerandi meirihluti á Alþingi
samþykkti á síðasta ári þoli enga
bið. Allir þingmenn Norðaust-
urkjördæmis skulu svara því hvort
nú sé tímabært að setja á teikni-
borðið tvenn veggöng inn í Mjóa-
fjörð til þess að vegfarendur losni
endanlega við slysahættuna á Fjarð-
arheiði sem er alltof mikil. Eftir öðr-
um leiðum fá Seyðfirðingar aldrei
greiðari aðgang að sjúkrafluginu
þegar neyðartilfelli koma upp. Al-
gengt er að illviðri í Efri- og Neðri-
Stafnum komi í veg fyrir að hægt sé
að bregðast við þessum tilfellum
þegar fárviðri hrellir vegfarendur
þvert á allar veðurspár. Skamm-
arlegt er að fyrrverandi þingmenn
Norðurlands eystra og vestra
skyldu komast upp með að af-
skræma allar staðreyndir um sam-
göngumál Austfirðinga þegar Al-
þingi samþykkti árið 1999 að næstu
jarðgöng yrðu milli Reyðarfjarðar
og Fáskrúðsfjarðar í tíð Halldórs
Blöndals, þáverandi samgöngu-
ráðherra. Öllu máli skiptir að vel
uppbyggðir vegir og ný jarðgöng
sem leysa af hólmi illviðrasöm og
snjóþung svæði í meira en 600
metra hæð uppfylli hertar örygg-
iskröfur vegna þungaflutninganna.
Útilokað er að vegirnir á Fjarð-
arheiði, Fagradal, Öxi, Breiðdals-
heiði, Mjóafjarðarheiði, beggja
vegna Oddsskarðsins, í Hvalnes-,
Þvottár- og Kambaskriðum standist
nýjar öryggiskröfur sem eiga að
tryggja öryggi vegfarenda um
ókomin ár. Til þess að það heppnist
skulu allir þungaflutningarnir
hverfa af vegunum. Þangað eiga
þeir ekkert erindi vegna slysahætt-
unnar sem eykst alltof mikið. Áður
en framkvæmdum við Norðfjarðar-
og Dýrafjarðargöng lýkur að fullu
skiptir miklu máli að tíminn verði
notaður til að flýta útboði vegganga
milli Seyðisfjarðar og Egilsstaða
hvort sem þau verða tekin undir
Fjarðarheiði, Gagnheiði eða í
tvennu lagi inn í Mjóafjörð. Með
þriðju göngunum úr Fannardal í
Norðfirði sem yrðu 3,9 km löng væri
fljótlegra að rjúfa alla vetrarein-
angrun Seyðisfjarðar og byggðanna
norðan Fagradals við stóra Fjórð-
ungssjúkrahúsið í stað þess að grafa
enn lengri göng undir Eskifjarð-
arheiði. Fyrir 13 árum voru kynntar
hugmyndir um þrenn jarðgöng á
Mið-Austurlandi sem snúast um að
Mjóifjörður verði tengipunktur milli
byggðanna norðan Fagradals, Seyð-
isfjarðar, Fjarðabyggðar og suður-
fjarða Austurlands. Allir íbúar
fjórðungsins utan Norðfjarðar eiga
rétt á öruggari vegasamgöngum til
þess að þeir fái greiðari aðgang að
stóra Fjórðungssjúkrahúsinu árið
um kring. Það krefst þess að snjó-
þungir fjallvegir hverfi endanlega.
Frelsum Seyðfirðinga úr klóm nátt-
úruaflanna. Viðkomustaður Nor-
rænu þarf öruggari tengingu við
Egilsstaðaflugvöll.
Slysahætta á Fjarðarheiði
Eftir Guðmund
Karl Jónsson »Hafi þeir sem leggja
blessun sína yfir ein-
angrun Seyðisfjarðar
við fjórðunginn og
slysahættuna á Fjarð-
arheiði skömm fyrir.
Guðmundur
Karl Jónsson
Höfundur er farandverkamaður.