Morgunblaðið - 30.12.2013, Blaðsíða 40
MÁNUDAGUR 30. DESEMBER 364. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Stungu af án þess að borga
2. „Ég ætlaði ekki að láta hann …“
3. Sólveig Ásgeirsdóttir látin
4. Brúðkaup Jóns og Margétar
»MEST LESIÐ Á mbl.is
FÓLK Í FRÉTTUM
Lilja Guðmundsdóttir sópran,
Bjarni Thor Kristinsson bassi og
Matthildur Anna Gísladóttir píanó-
leikari flytja íslenska jóla- og ára-
mótatónlist á nokkrum tónleikum í
Kaldalóni Hörpu nú um áramótin.
Tónleikarnir eru hluti af tónleikaröð-
inni Perlur íslenskra sönglaga. Þar er
íslensk tónlist flutt á íslensku en
kynnt og þýdd á ensku.
Tónleikar eru í dag og tvennir í jan-
úar, 2. og 3. Sérstakir gestir verða á
tónleikunum og ekki þeir sömu í des-
ember og janúar.
Morgunblaðið/Einar Falur
Perlur íslenskra
sönglaga í Kaldalóni
Tónleikarnir Síð-
asti séns verða
haldnir í kvöld í
Vodafone-höllinni.
Retro Stef-
son, Sísý Ey
og Hermi-
gervill halda uppi
stuðinu. Húsið
verður opnað
kl. 21.
Á þriðjudag (gamlársdagur) Norðaustan og austan 8-13 m/s, en
10-15 m/s á Vestfjörðum og með suðausturströndinni. Hiti rétt yfir
frostmarki við ströndina en vægt frost í innsveitum.
SPÁ KL. 12.00 Í DAG Lægir sunnanlands, slydda eða rigning með
köflum en allhvöss austan- og norðaustanátt fyrir norðan, snjókoma
eða slydda. Hiti 0-5 stig fyrir sunnan, minnkandi frost fyrir norðan.
VEÐUR
Aron Kristjánsson, lands-
liðsþjálfari í handknattleik,
hefur afskrifað Ólaf Gúst-
afsson í landsliðshóp sinn
fyrir Evrópumeistaramótið í
handknattleik. Ólafur er
með brot í rist. Enn heldur
áfram að fjölga á sjúkralista
landsliðsins á undirbún-
ingsdögum fyrir mótið.
Sverre Jakobsson er nú
slæmur í hné og Aron Rafn
Eðvarðsson markvörður er
slæmur í tá. »7
Sjúkralistinn
lengist frekar
„Ég hef metnað til þess að leika með
landsliðinu og taka þátt í EM. Hins-
vegar er ég sennilega neðstur á blaði
og því er það fyrst og fremst komið
undir mér og því sem ég næ að sýna á
æfingum hvort ég
verð með þegar á
hólminn verður
komið í Danmörku,“
segir leikstjórnand-
inn Gunnar Steinn
Jónsson sem
var á dög-
unum kall-
aður inn í
landsliðið í
handknatt-
leik í fyrsta
sinn. »8
Fyrst og fremst undir
mér sjálfum komið
Það er langt síðan stuðningsmenn
Arsenal hafa verið jafn léttir í lund og
á þessu tímabili. Liðið hefur blómstr-
að það sem af er og eftir að skalli Oli-
vers Girouds skilaði sér í net New-
castle í gær verður liðið á toppi
deildarinnar yfir áramótin eftir að
hafa misst sætið skamma stund. Það
er alltaf ánægjulegt að vera for-
ystusauðurinn. »6
Stuðningsmenn Arsenal
eru léttir í lund
ÍÞRÓTTIR | 8 SÍÐUR
Skannaðu
kóðann með
símanum þínum
og fylgstu með
veðrinu á
Vilhjálmur A. Kjartansson
vilhjalmur@mbl.is
Brottfluttir Dalvíkingar hafa glatt
íbúa höfuðborgarsvæðisins árlega
um nokkurra ára skeið og skreytt
Dalvíkurtréð í Heiðmörk fyrir hver
jól. Ekki er alveg á hreinu hvenær
tréð var fyrst skreytt en það eru
Dalvíkingurinn Haukur Sigvaldason
og frændi hans og sveitungi Jón
Magnússon sem eru upphafsmenn
þessarar skemmtilegu hefðar.
„Okkur kemur ekki alveg saman
um hvenær við skreyttum tréð fyrst
en það skiptir ekki öllu,“ segir
Haukur því að hans mati skiptir
mestu að halda hefðinni við enda fátt
sem kallar betur á jólaskapið en góð
stund með frábæru fólki, heitu
súkkulaði og jólaskreytingum í
Heiðmörk í upphafi aðventunnar.
Hófst allt með heilsugöngu
Jólaskrautsævintýri Dalvíking-
anna á sér langa sögu en það er í
raun gönguhópur Hauks sem sér um
að skreyta tréð árlega. „Fyrir tutt-
ugu og tveimur árum hætti ég að
drekka og ákvað að fara að ganga
bæði til að hressa upp á skapið og
bæta heilsuna almennt. Ég fór svo
fljótlega að taka Jón frænda minn
með mér en hann þurfti á því að
halda að fara að hreyfa sig og mér
veitti ekki af félagsskapnum,“ segir
Haukur en hann fullyrðir að Jón hafi
gengið af sér tugi kílóa frá því að
þeir frændur fóru að ganga reglu-
lega í Heiðmörk.
„Við hittumst alla laugardags-
morgna og nú hafa fleiri bæst í hóp-
inn,“ segir Haukur en Dalvíkurtréð
fræga var lítil hrísla sem Haukur og
frændi hans Jón gengu fram á fyrir
allmörgum árum. „Þegar við sáum
tréð fyrst var þetta bara lítil hrísla
sem var raunaleg að sjá. Jón vildi
gera eitthvað í málinu og hann næst-
um drekkti trénu í hrossaskít en það
fór ekki að braggast fyrr en rúmum
tveimur árum síðar og er núna þetta
glæsilega grenitré sem við skreytum
saman á hverju ári.“
Þó að stemningin sé mikil þegar
tréð er skreytt eru eitthvað færri
sem koma saman til að taka jóla-
skrautið niður og ganga frá því. „Við
tökum jólaskrautið niður fyrstu eða
aðra vikuna í janúar og Jón hefur
verið manna duglegastur í því en
hann heldur öllu vel til haga fram
að næstu jólum og á heiður skilinn
fyrir það,“ segir Haukur sem telur
Dalvíkurtréð sérstaklega fallegt í
ár.
Dalvíkurtréð í Heiðmörk
Brottfluttir Dal-
víkingar skreyttu
tré í Heiðmörk
Ljósmynd/Haukur Sigvalda
Í fullum skrúða Tréð stingur óneitanlega í stúf við hin trén í skóginum.
Veðurguðirnir spyrja engan um
leyfi og því óhjákvæmilegt að
spyrja hvort jólaskrautið haldist
á Dalvíkurtrénu yfir jólahátíðina.
„Skrautið hefur haldið sér
nokkuð vel og vegfarendur hafa
verið hjálplegir. Fólk tekur upp
skraut og setur aftur á tréð ef
það verður þess vart að eitthvað
hafi fokið og við erum að sjálf-
sögðu mjög þakklát fyrir það,“
segir Haukur og bendir þar að
auki á að aldrei hafi verið unnin
skemmdarverk á trénu. „Það er
ánægjulegt að segja frá því að
fólk hefur ekki verið að skemma
skreytinguna enda er þetta
gleðigjafi fyrir fólk sem gengur
fram á fallega skreytt tréð.“
Vegfarendur
eru hjálpsamir
ÍSLENSK VEÐRÁTTA
GEFUR ENGAN AFSLÁTT
Hljómsveitin
Oyama heldur
„súper-noisy-
cozy“ tónleika á
Loft Hostel í
kvöld. Þeir hefj-
ast kl. 20.30.
Frítt er inn á tón-
leikana.
Í upphafi ársins gáfu fimmmenn-
ingarnir í hljómsveitinni út EP-
plötuna I Wanna sem fengið hefur
góðar viðtökur.
Oyama á Loft Hostel
Síðasti séns í kvöld