Morgunblaðið - 30.12.2013, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 30. DESEMBER 2013
Skógarhlíð 18 • Sími 595 1000
www.heimsferdir.is
Kanarí
99.900
Frá kr.
14. janúar í 15 nætur
B
irt
m
eð
fy
rir
va
ra
um
p
re
nt
vi
llu
r.
H
ei
m
sf
er
ð
ir
ás
ki
lja
sé
r
ré
tt
til
le
ið
ré
tt
in
g
a
á
sl
ík
u.
A
th
.a
ð
ve
rð
g
et
ur
b
re
ys
t
án
fy
rir
va
ra
.
Netverð á mann, m.v. 2 fullorðna og 2
börn kr. 99.900 á Dorotea í íbúð m/2
svefnherbergjum.
2 fullorðnir í íbúð m/2 svefnherbergjum
á 134.900 á Dorotea.
Sértilboð 14. janúar í 15 nætur.
Einnig í boði gisting á Los Tilos,
verð m.v. 2 fullorðna kr. 119.900.
Sértilboð 15. janúar í 13 nætur.
Sjá aðra gistimöguleika og tilboð á
heimsferdir.is
Ágúst Ingi Jónsson
aij@mbl.is
Stöðugur vöxtur í ferðaþjónustu hef-
ur víða áhrif í þjóðfélaginu, en hvert
gistiheimilið og hótelið af öðru hefur
opnað eða verið endurbætt á síðustu
árum. Allt þetta gistirými kallar á ný
rúm og á þeim vettvangi hafa verk-
efni RB-rúma verið ærin og vaxandi
með hverju árinu. Áætla má að yfir
sjö þúsund rúm hafi verið smíðuð
hjá þessu hafnfirska fyrirtæki í ár
og hátt í fimm þúsund þeirra hafi
farið í gistihús á höfuðborgar-
svæðinu og víða á landsbyggðinni.
Birna Ragnarsdóttir, fram-
kvæmdastjóri RB-rúma, segir að
sem betur fer sé fyrirtækið með
nokkuð stóran bita af kökunni á
þessum markaði og hátt í 70% af
framleiðslu fyrirtækisins í ár fari í
uppbyggingu í ferðaþjónustunni.
„Þetta hefur verið líflegt í ár og síð-
astliðið vor var mikil törn þegar
mörg hótel voru að hefja starfsemi,“
segir Birna.
„Við eigum viðskiptavini um allt
land og ekki síst á Suður- og Suð-
austurlandi, þar sem öflug uppbygg-
ing hefur átt sér stað. Þegar ég sá
bæjarnöfnin á leiðinni austur til
Hornafjarðar í sumar kom mér
skemmtilega á óvart hversu víða við
áttum viðskiptavini, þetta var eins
og að hitta gamla kunningja.“
70 ára gamalt fyrirtæki
RB-rúm, eða Ragnar Björnsson
ehf., er 70 ára gamalt fyrirtæki. Þar
starfa nú 15 manns og hefur fjöldinn
verið nokkuð stöðugur síðustu ár. Að
sögn Birnu er fyrirtækið hið eina
hér á landi sem framleiðir rúm frá
grunni, þ.e. grindur, dýnur, gafla,
dýnuhlífar, lök og aðra fylgihluti.
Birna segir að áður hafi oft verið
mest að gera í kringum jól og páska.
„Nú er framleiðslan orðin stöðug
allt árið og vaxtarbroddurinn er í
ferðaþjónustunni. Sem betur fer
virðist ekkert lát vera á,“ segir
Birna. Hún segir fyrirtækið vera vel
samkeppnisfært við erlenda aðila.
Rúm Viðskiptavinir eru um allt land
og margir í ferðaþjónustunni.
Fleiri RB-rúm með
fjölgun gistirýma
„Það viðraði frekar illa til taln-
ingar víðast hvar um land um
helgina og var það fyrst og
fremst á Suðvesturlandi að
menn náðu að telja að einhverju
ráði,“ segir Guðmundur A.
Guðmundsson. „Talningin
ræðst að miklu leyti af
færðinni og það var ein-
mitt vandamálið á Norð-
ur- og Austurlandi núna
um helgina.“
Verið getur
að talningu á
landsbyggðinni verði
frestað fram í næstu
viku, en niðurstöðurnar
verða teknar saman fljótlega
eftir áramót.
Viðraði illa
til talningar
SLÆM FÆRÐ VÍÐA
Kristinn Ingi Jónsson
kij@mbl.is
Í yfir fimmtíu ár hefur Skúli Gunn-
arsson fuglaáhugamaður tekið þátt
í árlegri vetrarfuglatalningu
Náttúrufræðistofnunar Íslands.
Talningin fór fram nú um helgina
og lét Skúli sig að sjálfsögðu ekki
vanta, en hann slóst í för með syni
sínum, Sindra Skúlasyni, og vini
þeirra, Sveini Jónssyni. „Ég rölti nú
bara með að gamni mínu,“ segir
hann í samtali við Morgunblaðið.
„Ég byrjaði að telja austur á
Seyðisfirði á sínum tíma og taldi
þar í tvö ár og hef síðan talið hér í
Reykjavík í yfir fimmtíu ár.“ Taln-
ingarmönnum er úthlutað ákveðið
svæði og segir Skúli að hann hafi
ávallt talið á sama svæðinu, frá
mynni Grafarvogs og vestur í Örfir-
isey.
Aðspurður segir Skúli að hann
hafi alltaf verið mikill fuglaáhuga-
maður. „Þetta er eins og með aðra
útiveru að maður þráir fjöllin ef
maður þekkir þau, án þess að geta
endilega útskýrt hvers vegna,“ seg-
ir hann. „Ég held að það sé svipað
með þennan fuglaáhuga.“
Hann segir að þeir feðgar hafi í
ár séð yfir þrjátíu fuglategundir.
„Margt af því er manni kunnugt um
en ég held að ég hafi aldrei séð
svartþröst á þessu svæði áður.“
Vel viðraði til fuglatalningar á
höfuðborgarsvæðinu á laugardag-
inn, að sögn Skúla, en miklu skiptir
að veðrið sé gott þegar telja á
fugla. „Og í veðri eins og um
helgina eru góðar heimtur,“
nefnir hann. Þá bendir hann á
að sjónaukarnir, sem Sindri og
Sveinn nota, séu miklum mun öfl-
ugri en hann notaði hér áður fyrr.
Guðmundur A. Guðmundsson,
einn umsjónarmanna talning-
arinnar, segir að það sé föst regla
að telja vetrarfugla milli jóla og
nýárs. Markmiðið sé að kanna
hvaða fuglategundir dvelja hér
að vetrarlagi, meta hversu al-
gengir fuglarnir eru og í hvaða
landshlutum þeir halda sig. Upp-
lýsingarnar nýtist einnig til að
fylgjast með langtímabreytingum á
stofnum margra tegunda.
Morgunblaðið/Ómar
Áhugasamir Sveinn Jónsson og feðgarnir Sindri Skúlason og Skúli Gunnarsson töldu fugla í Reykjavík um helgina.
Hefur talið fugla
í meira en hálfa öld
 Hin árlega vetrarfuglatalning fór fram um helgina
BAKSVIÐ
Baldur Arnarson
baldura@mbl.is
Össur Skarphéðinsson, þingmaður
Samfylkingar og utanríkisráðherra í
síðustu ríkisstjórn, telur að enginn
einn þáttur hafi orðið stjórninni að
„jafn digru fótakefli“ í síðustu kosn-
ingum og að hún skyldi ekki í kjölfar
dómsins um Árna Páls-lögin ná niður-
stöðu um aðgerðir í þágu heimila með
verðtryggðar skuldir.
„Frá upphafi var einn ráðherra
þeirrar skoðunar að það ætti að fara í
almenna skuldaniðurfærslu. Ög-
mundur Jónasson tjáði það opinber-
lega og margoft í greinum. Eftir
gengislánadóminn í febrúar 2012 var
mjög almenn krafa um það innan
míns flokks, þ.á m.í þingflokki Sam-
fylkingarinnar, að líkna yrði þeim
hópi sem hafði stökkbreyttar verð-
tryggðar skuldir á sínum herðum.
Á þeim tíma hafði hópur þing-
manna Samfylkingar undir forystu
Helga Hjörvar – Skúli Helgason og
Björgvin G. Sigurðsson voru í þeim
hópi – lagt fram mótaðar hugmyndir.
Helgi sótti fast að fá málið til sín í
efnahags- og skattanefnd, og eftir
ítarlega umræðu í þingflokknum var
hann studdur af þorra þingmanna
okkar. Það varð niðurstaða í þing-
flokknum að veita Helga forsjá um
úrlausn málsins með því að láta hana í
hendur efnahags- og skattanefnd þar
sem hann var formaður og vinna í
anda fyrrnefndra hugmynda. Það
gekk svo til baka vegna andstöðu sem
kom upp í báðum stjórnarflokkum,“
segir Össur í samtali við Morgunblað-
ið, en hann vill ekki nefna nöfn.
Ekki vilji hjá ríkisstjórninni
„Það leið skammur tími þangað til
það kom fram að þungavigt beggja
flokkanna í ríkisfjármálum óttaðist að
ríkissjóður gæti ekki staðið undir
kostnaðinum, þó að hugmyndirnar
væru langt frá ýtrustu hugmyndum
Framsóknar. Málið var sett í annan
farveg, sem ég hef áður opinberlega
túlkað sem leið til að svæfa það. Þegar
lengra vatt fram, þegar kom fram á
þetta ár, voru ýmsir þeirrar skoðunar
í Samfylkingunni að nýta ætti það
svigrúm sem skapast myndi úr viður-
eign við kröfuhafa, til að færa niður
skuldir. Það hlaut ekki nægan hljóm-
grunn í þingflokki Samfylkingarinnar
og menn voru vantrúaðir á að það yrði
yfirleitt hægt að skapa svigrúmið
fræga. Þetta var ítarlega rætt og
textar lagðir fram um það í hópi for-
ystumanna. Sjálfur sagði ég opinber-
lega í kosningabaráttunni sl. vor – og
lýsti því einnig yfir í grein – að ég teldi
að fara ætti niðurfærsluleið sem mið-
aðist fyrst og fremst við þá sem verst
urðu úti, þá sem Helgi Hjörvar hafði
skilgreint sem hópinn sem keypti
fasteign á árunum 2004 til 2008.
Upphæðin sem ég nefndi að ætti að
lækka skuldir um var svipuð og nú-
verandi ríkisstjórn tók svo ákvörðun
um, eða 140 milljarðar,“ segir Össur
sem kvaðst vegna efasemda um að
svigrúmið yrði hægt að sækja hafa
lagt til í greininni að fjármagnið yrði
sótt í afnám skattaundanþágu á slita-
stjórnir fjármálafyrirtækja og með
skatti á arð bankanna. „Það hljómar
kunnuglega í dag,“ sagði Össur.
Forystumenn
lögðust gegn
niðurfærslum
 Fyrrverandi utanríkisráðherra lýsir
ágreiningi innan síðustu ríkisstjórnar
Morgunblaðið/Sigurður Bogi
Stórmál Skuldamál heimila voru í
brennidepli í síðustu kosningum.
Áhrif gengislána
» Hæstiréttur dæmdi gengis-
tryggð lán ólögleg í júní 2010
og fylgdu Árna Páls-lögin í kjöl-
farið í desember 2010.
» Í febrúar 2012 dæmdi
Hæstiréttur að miða skyldi við
lægstu óverðtryggðu vexti SÍ.