Morgunblaðið - Sunnudagur - 15.12.2013, Blaðsíða 36

36 MORGUNBLAÐIÐ SUNNUDAGUR 15.12. 2013
Bremsurnar eru ýmist vökvabremsur eða segulbremsur og hefur
hvor gerðin sína kosti. Segulbremsur eru í æfingagræjum frá hol-
lenska fyrirtækinu Tacx sem ég prófaði fyrir stuttu, en það hefur
sérhæft sig í æfingagræjum fyrir hjólaáhugafólk og atvinnumenn.
Fyrst prófaði ég einfalda gerð þar sem afturhjólinu er skellt í statíf
og síðan sett plata undir framhjólið til að lyfta því aðeins frá gólfinu.
Það var sáraeinfalt að koma tækinu upp, en
kostaði þó handavinnu, enda sá galli á dótinu
að ef maður ætlar að setja hjól með minni eða
stærri dekk í þarf að skrúfa og smella og
bogra.
Flóknari græjur er hægt að fá frá Tacx og þar
líst mér einna best á Bushido for tablet, því þá er
hægt að nota iPad til að stýra álagi, enda er inn-
byggt Bluetooth í bremsuhúsið sem gerir kleift að
láta iPadinn, sem maður er með í sérstakri grind
framan á hjólinu, fylgjast með álagi, hraða og tilheyr-
andi og líkja eftir þekktum hjólaleiðum. Meðal annars
er hægt að fá myndskeið með þekktum leiðum hjá Tacx
– frábær leið til að halda sér í formi. Einfaldari græj-
an, Booster, kostar 69.990 í versluninni Tri á Suður-
landsbraut, en sú Bushido-týpa sem tengja má við iPad
kostar 175.990 kr.
Ef fara þarf langa leið í þæfingsfærð er freistandi að fara frekar í í ræktina til að koðna ekki niður: Það er þó hægt að setjastá hjólið heima í stofu og taka góðan hjólasprett áður en farið er
í vinnuna, eða þegar komið er heim því að auðvelt er að koma sér
upp græjum til að hjóla heima.
Tvennskonar tól nýtast vel til að hjóla
heima í stofu, ann-
arsvegar nota menn
grind með keflum sem
lögð er niður og síðan
hjólað á og hinsvegar er
afturhjólið fest í statíf
með bremsu og síðan er
hægt að stilla viðnám og
tilheyrandi. Fyrri aðferðin
er góð fyrir þá sem þjálfa
vilja úthald og tækni, en sú
síðari býður upp á fleiri möguleika, ekki síst þegar bú-
ið er að tengja græjuna við tölvu.
Kosturinn við að vera með stillanlega bremsu við aft-
urhjólið er að þá er hægt að breyta álagi, til að mynda
líkja eftir því hvernig er að hjóla upp brekku, og síðan
getur maður notað gírana á hjólinu eins og vanalega.
UPP OG NIÐUR ALPANA
EINS OG HJÓLREIÐAMENN VITA ÞÁ ER VEÐUR NÁNAST ALDREI VONT Á ÍSLANDI, AÐEINS MISGOTT. AÐ ÞVÍ
SÖGÐU ÞÁ KOMA DAGAR SEM ERFITT ER AÐ HJÓLA UTAN DYRA, EN ÞÁ MÁ SKELLA HJÓLINU UPP Í STOFUNNI.
Græja
vikunnar
* Nokkur hávaði getur skap-ast af því að hjóla í æfingatæki,
bæði er hvinur af hjólinu sjálfu
og síðan af núningi afturdekksins
við bremsuna. Skynsamlegt er
að kaupa sér sérstök æf-
ingadekk, en ég notaði slitið,
nánast slétt, sumardekk sem
dugði vel.
* Það að hjóla upp brekkur ergefandi, ekki síst þegar maður er
kominn upp á brekkubrúnina og
lætur sig svo renna niður (eða
gefur í). Fullkomnustu græjurnar
frá Tacx líkja eftir þessu með því
að gefa aukasnúning á bremsu-
keflið.
ÁRNI
MATTHÍASSON
* Bushido-græjan sem nefnder hér til hliðar hefur þann
kost meðal annars að ekki þarf
að stinga henni í samband,
maður framleiðir rafmagnið
sjálfur með því að hjóla. Fyrir
vikið er hægt að kippa henni
með hvert sem er, nú eða taka
sprett í Tour de France úti á
bílaplani eða úti í garði.
Fyrir sjónvarpsfíkla
Apple TV
Apple TV hefur notið mikilla vinsælda allt þetta ár og er þegar komið inn á
mörg heimili. Það er ekki að ástæðulausu, því þessi sniðuga græja hefur alla
burði til að gjörbreyta fjölmiðlanotkun fjölskyldunnar, hvort heldur er til
að horfa á kvikmyndir, sjónvarpsþætti eða hlusta á tónlist. Apple TV tengir
saman saman sjónvarpið, heimabíóið, tölvur og snjalltæki með einföldum
hætti. Hægt er að nota það til að streyma efni frá Vimeo og Youtube, en
einnig sérhæfðari rásum eins og NBA League Pass, svo dæmi sé tekið.
Fyrir listamenn
Snjallblýantur frá Fiftythree
Eitt vinsælasta forrit sem gert hefur verið
fyrir iPad er teikniforritið Paper sem er frá-
bært til þess að skissa hugmyndir og taka glósur
og annað slíkt og margverðlaunað sem slíkt. Nú
er hægt að fá sérstakan snjallblýant frá sömu fram-
leiðendum sem er sérstaklega ætlaður til þess að nota
með forritinu og gerður til þess að teikna og skrifa á
snertiskjái líkt og með blýanti á blað. Á öðrum endanum
er oddur til að teikna með, en á hinum endanum er strok-
leður, líkt og um venjulegan blýant væri að ræða. Snjallblýant-
urinn er fáanlegur með bæði ál- og viðaráferð og er þannig í lag-
inu að hann rúllar ekki burtu. Hann er einnig með lítinn segul á
einni hlið sem gerir kleift að festa hann á segulmögnuðu hliðina á iPad
þegar hann er ekki í notkun. Líkt og fleiri hlutir á þessari síðu tengist
hann iPad í gegnum Bluetooth-tækni. Hægt er að hlaða hann í gegnum
USB og hleðslan endist í allt að mánuð. Merkilega sniðug græja.
Fyrir íþróttafólk
Fitbit Force
Fitbit Forcer er nýjasta útgáfa af hinu vin-
sæla Fitbit-armbandi sem mælir hreyf-
ingar. Það er með innbyggðan hæðarmæli,
hröðunarmæli, skrefateljara og reiknar út
hvað þú brennir af kalóríum. Tækið sýnir
hve marga stiga þú hefur gengið, hve lengi
þú hefur verið að, hve langt þú hefur far-
ið, en líka hve mikið og vel þú hefur sofið.
Armbandið er með lítinn OLED-skjá sem
sýnir núverandi stöðu. Og já, þetta tæki
tengist lika öðrum snjalltækjum í gegnum
Bluetooth og þar geturðu skoðað öll
gögn aftur í tímann og fylgst með breyt-
ingum. Þá er líka hægt að tengja það við
vinsæl forrit sem mæla hreyfingu líkt og
Runkeeper og My Fitness Pal.
Fyrir hlauparann
Þráðlaus heyrnartól
Fólk sem hleypur þekkir vel að
snúrur úr heyrnartólum geta
verið til eilífs ama. Þá kemur sér
vel að geta einfaldlega haft þráð-
laus heyrnartól og verið laus við
snúrufarganið. Þráðlaus heyrnartól
tengjast við símann í gegnum
Bluetooth og ganga fyrir rafhlöðum
sem þarf að hlaða. Algengur notk-
unartími er um fjórar klukkustundir,
sem kemur flestum langleiðina í gegn-
um maraþon. Og ef einhver er ekki al-
veg tilbúinn í 40+ kílómetra er ágætt að
hafa í huga að fátt er betra en að fara í
langan göngutúr með góða hljóðbók í
eyrunum.
Græjur og tækni
Fyrir alla
Snjallsími
Símar hafa verið vinsælar jólagjafir um áraraðir. Sjaldan hefur
verið úr eins vöndu að ráða og fyrir þessi jól, því óheyrilegt úr-
val af frambærilegum símum er í boði. Fyrir þá sem velja gæði
ofar öðru er iPhone 5s líklega besti sími sem völ er á, en aðrir
framleiðendur hafa enn ekki náð að samræma í einu og sama
tæki vélbúnað, hugbúnað og stýrikerfi í sambærilegum gæðum.
Ekki skemmir fyrir að hann hefur nú lækkað um 50.000 kr. og
býður nú upp á 4G, sem snarbætir úr helstu göllum símans
fram til þessa. Það er þó margt forvitnilegt í boði í Android-
geiranum, ekki síst Nexus fimm síminn, sem er frábær sími,
sem líður þó fyrir gæði myndavélarinnar. Samsung hefur einnig
notið vinsælda og það ekki að ástæðulausu, en stýrikerfi Sam-
sung er ekki allra. Í ódýrari flokknum hefur Nokia Lumia 620
heillað marga, sérstaklega þá sem eru hrifnir af nýju stýrikerfi
Windows. Það er í það minnsta úr nógu að velja.
JÓLAGJAFALISTI TÆKNITRÖLLSINS
SENN KOMA JÓLIN OG TÍMI TIL KOMINN AÐ HUGA AÐ JÓLAGJÖFUM.
ÞAÐ GETUR TEKIÐ TÍMA AÐ FINNA RÉTTU JÓLAGJÖFINA FYRIR ÆTTINGJA
OG VINI. HÉR ERU NOKKRAR HUGMYNDIR TIL AÐ KOMA ÞÉR AF STAÐ.
Sveinn Birkir Björnsson sveinnbirkir@gmail.com
Hugmyndir að
hörðum pökkum