Morgunblaðið - Sunnudagur - 15.12.2013, Blaðsíða 23

15.12. 2013 MORGUNBLAÐIÐ SUNNUDAGUR 23
L
andsliðsmarkvörðurinn í knattspyrnu, Guðbjörg Gunn-
arsdóttir, samdi nýverið við eitt stærsta knattspyrnu-
félag heims, þýska stórliðið Turbine Potsdam. Guð-
björg hefur lagt mikið á sig til að ná svo langt og veitir
hér góð ráð til þeirra sem vilja ná markmiðum sínum.
Nafn: Guðbjörg Gunnarsdóttir.
Gælunafn: Gugga.
Íþróttagrein: Knattspyrna.
Hversu oft æfir þú á viku? Það fer algjörlega eftir því hvort
það er undirbúningstímabil eða á tímabili. Rúmlega 10 sinnum
í viku á undirbúningstímabili og sjö sinnum plús leikir, fer eftir
leikjaálagi. Hef fengið skilaboð um að það verði æft þrisvar á
dag í byrjun janúar í Potsdam.
Hvernig æfir þú? Ég fer á allar æfingar með því hugarfari að
verða betri og ekki bara einni æfingu eldri en ég var daginn áð-
ur.
Henta slíkar æfingar fyrir alla? Fótboltaæfingar og/eða mark-
mannsæfingar á háu stigi henta alls ekki öllum. Þær slíta mjög
mikið og oftast er mér illt einhvers staðar í lok vikunnar. Það
er síðan allt þess virði í lok dagsins þegar sigur helgarinnar er í
höfn.
Hvernig er best fyrir nýliða að koma sér af stað? Bara mæta
á æfingu með félögunum.
Hver er lykillinn að góðum árangri? Hugarfar og nátt-
úrulegur áhugi númer 1, 2 og 3. Þú getur haft alla hæfileika í
heiminum en ef þú kannt ekki að nota þá rétt verður erfitt að
ná toppnum.
Hvað er það lengsta sem þú hefur hlaupið? Ég er ekki mikið
fyrir að mæla kílómetrana en undirbúningstímabilið í Avalds-
nes í ár innihélt mjög mikið af hlaupum.
Hvað ráðleggurðu fólki sem vill hreyfa sig meira? Setja sér
raunhæf markmið, bæði til stutts og langs tíma. Finna sér
hreyfingu sem þú hefur gaman af og ekki gera neitt þvingað.
Líður þér illa ef þú færð ekki reglulega útrás fyrir hreyfi-
þörfina? Já, í öll skiptin sem ég hef meiðst eða af einhverjum
ástæðum ekki getað æft hef ég fundið fyrir fráhvarfs-
einkennum.
Hvernig væri líf án æfinga? Ætli ég væri ekki eitthvað að snú-
ast í kringum hagfræðina. Annars er ég svo mikið fótboltanörd
að ég get ekki séð líf mitt fyrir mér án alls fótbolta.
Hvað er það lengsta sem hefur liðið á milli æfinga hjá þér?
Ég veiktist illa í febrúar. Fékk heilahimnubólgu og lá á sjúkra-
húsi í þó nokkurn tíma sem gerði það að verkum að ég æfði
ekkert í rúmar 3 vikur en ég var frá keppni í 7-8 vikur vegna
einkenna sem ég hafði.
Hvernig heldurðu þér í formi þegar þú ferð í frí? Núna hef
ég farið út að hlaupa á ströndinni í Dóminíska lýðveldinu en
annars fer ég oftast eftir lyftinga-/hlaupaprógrammi í ræktinni
Ertu almennt meðvituð um mataræðið? Já, til að ná há-
marksárangri og ná sem mestu út úr hverri æfingu þarf ég
gæði í því sem ég borða.
Hvað borðarðu til að halda þér í formi? Æfingarnar halda
mér í formi og ekki beint maturinn. Ég vel þó að borða t.d.
gróft brauð og fituminni mat, mikið af ávöxtum og reyni að
borða salat með flestu. Ég er fínn kokkur þó ég segi sjálf
frá og elda mér allskyns hollar uppskriftir enda nægur tími
þar sem ég vinn ekki 8-4 vinnu.
Hvaða óhollustu ertu veik fyrir ? Vesturbæjarís og bíó-
poppi! Sem betur fer bý ég ekki á Íslandi annars væri eg alltaf
í ísbúðinni.
Hvað ráðleggurðu fólki sem vill bæta mataræðið? Aftur
segi ég raunhæf og lítil markmið. Ekki umturna mataræð-
inu á einum degi. Þetta á að vera lífsstíll og ekki tíma-
bundin breyting.
Hvaða gildi hefur hreyfing og líkamsrækt
fyrir þig? Ég trúi að til að hámarka lífs-
gæðin sé heilsa og hraustur líkami grund-
vallaratriði. Hreyfing hefur góð áhrif á
bæði líkamlega og andlega heilsu
Hver eru erfiðustu meiðsli sem þú
hefur orðið fyrir? Að slíta hásin og
detta stöðugt úr axlarlið.
Hversu lengi varstu að ná þér aft-
ur á strik? Ég spilaði leik í Evr-
ópukeppni með Val 5 mánuðum og
3 vikum eftir slit. Stebbi Stoke og
Svala í Orkuhúsinu eru í heimsk-
lassa hvað varðar sjúkraþjálfun!
Tók aðeins meiri tíma með öxl-
ina en það voru líka þrálátari
meiðsli.
Hver eru heimskulegustu
meiðslin sem þú hefur orðið
fyrir? Ég skutlaði mér og lenti
á grind sem ég hafði hoppað yf-
ir og braut úr mér framtönnina
á æfingu með Djurgården. Ég er
sem sagt með eina gerviframtönn í
dag.
Hver eru algeng mistök hjá fólki við æfingar?
Ef líkaminn er á svæðinu en hausinn skilinn eftir
heima.
Hver er erfiðasta mótherjinn á ferlinum?
Þýska Landsliðið.
Hver er besti samherjinn? Victoria Svenson
og síðan var ég mjög hrifin af Brössunum
mínum í Avaldsnes, Rosana, Debinha og
Andrea.
Hver er fyrirmynd þín? Peter Schmeichel.
Hver er besti íþróttamaður allra tíma?
Hrikalega erfitt að gera upp á milli! Mich-
ael Jordan, Michael Phelps og Usain Bolt
koma strax upp í höfuðið á mér. Mark-
mannsnördið vill bæta við Peter Schmeichel,
Van Der Sar, Peter Cech, Oliver Kahn og
Manuel Neuer.
Skilaboð að lokum? Íþróttir og hreyfing er
lífsstíll.
ÍÞRÓTTAKEMPA VIKUNNAR GUÐBJÖRG GUNNARSDÓTTIR
Með gervitönn eftir slys
Morgunblaðið/hag
Salt er líkamanum lífsnauðsynlegt. Þörf líkamans fyrir salt er hins
vegar aðeins 1,5 grömm á dag en miðað við rannsóknir sem gerðar
hafa verið hér á landi neytum við að jafnaði fjórum til sex sinnum
meira en við höfum þörf fyrir. Förum varlega í saltið á aðventunni.
Þörf fyrir salt brot af neyslunni
Að ganga á skíðum er holl hreyfing sem allir geta stundað. Ekki þarf endilega að fjárfesta
í miklum búnaði til að stíga fyrstu skrefin. Hjá skíðagöngufélaginu Ulli í Bláfjöllum er hægt
að leigja búnað fyrir 2.000 krónur og frítt fyrir börn. Á ullur.wordpress.com og á skidas-
vaedi.is má sjá upplýsingar um þær gönguleiðir í Bláfjöllum sem eru opnar hverju sinni.
Gengið á skíðum til heilsubótar
* „Ég trúi að tilað hámarkalífsgæðin sé heilsa
og hraustur líkami
grundvallaratriði“