Morgunblaðið - Sunnudagur - 15.12.2013, Qupperneq 32

32 MORGUNBLAÐIÐ SUNNUDAGUR 15.12. 2013
Morgunblaðið
1939
Morgunblaðið
1967
Heimilisblaðið
1952
Heimilisblaðið
1922 Húsfreyjan
1968
Vikan
1969
Matur og drykkir
Á tímum þar sem smákökuuppskriftireru farnar að líkjast meira sælgæti enkökum, með bræddu snickers, lakkrís-
kurli og daimkúlum, er óneitanlega gaman að
leita í gamlar, góðar uppskriftir sem ömmur,
langömmur og langalangömmur bökuðu. Hér
má sjá gamlar uppskriftir að meðal annars
Bessastaðakökum sem margir telja nefndar
eftir móður Gríms Thomsens skálds en hún
var húsfreyja á Bessastöðum og bakaði þær
gjarnan.
Þá var Ragnheiður Margrét Guðmunds-
dóttir, íslenksukennari og þýðandi, svo góð að
gefa Sunnudagsblaði Morgunblaðsins upp-
skriftir að gyðingakökum og hálfmánum sem
eru rúmlega hundrað ára gamlar. Gyðingakök-
urnar koma frá föðursystur hennar, Sólveigu
Benediktsdóttur, sem var skólastýra Kvenna-
skólans á Blönduósi og skrifaði einnig mat-
reiðslubók. Hálfmánarnir eru uppskrift ömmu
hennar, Soffíu Claessen húsmæðrakennara.
„Þegar ég baka þessar fjölskyldukökur kvikna
minningar. Ég minnist ömmu, mömmu en líka
pabba. Pabbi bakaði heilmikið þegar hann fór
að eldast og um að hægjast í vinnunni. Hann
kallaði hálfmána stundum hálfbjána sem mér
finnst ennþá fyndið,“ segir Ragnheiður. Amma
hennar notaði upphaflega rifsberjahlaup í hálf-
mánana en þar sem þeir sprungu alltaf stakk
faðir Ragnheiðar, Guðmundur Benediktsson,
upp á að nota sveskjusultu og þá lukkuðust
þeir betur. Þá lagði Guðmundur einnig áherslu
á að merja molasykur í mortéli í stað þess að
nota strausykur á gyðingakökurnar. Ragnheið-
ur segir minninguna um föður sinn sterkasta í
þessu sambandi.
Gamlar og góðar
Í MEIRA EN HUNDRAÐ ÁR HAFA OKKAR KLASSÍSKU SMÁKÖKUR
VERIÐ BAKAÐAR, ÞAR Á MEÐAL BESSASTAÐAKÖKUR OG HÁLFMÁNAR.
Júlía Margrét Alexandersdóttir julia@mbl.is
Ljósmyndir: Rósa Bragadóttir rosa@mbl.is