Morgunblaðið - 23.01.2014, Qupperneq 51

51
MORGUNBLAÐIÐ FIMMTUDAGUR 23. JANÚAR 2014
Skaflaspjall Þessi krummi og mávurinn félagi hans sátu að spjalli í gær við Reykjavíkurhöfn, kannski veltu þeir fyrir sér hvort skaflinn næði að bráðna fyrir næsta hret eða hvar æti væri að fá.
RAX
Það er afar ánægju-
legt að þrátt fyrir mikið
aðhald í ríkisrekstr-
inum hafi tekist að
ganga strax í það brýna
verkefni að efla lög-
gæsluna í landinu. Nú-
verandi ríkisstjórn
lagði áherslu á það í
stjórnarsáttmálanum
að forgangsraða í þágu
grunnþjónustunnar.
Ákveðið var að verja 500 milljónum í
eflingu lögreglunnar og er það fjár-
magn varanlegt.
Hanna Birna Kristjánsdóttir inn-
anríkisráðherra skipaði sl. haust
þverpólitískan starfshóp til að meta
hvernig best væri að út-
deila fjármagni þessu.
Skipaði hún undirrit-
aðan sem formann
nefndarinnar og var það
mér mikill heiður að fá
að fara fyrir þessum
hópi, sem samanstóð af
öflugu fólki úr öllum
flokkum. Hópurinn
lagði áherslu á að efla
löggæslu á landsbyggð-
inni þar sem þörfin var
hvað brýnust. Þá var
sérstaklega horft til
þess að lögreglan gæti betur sinnt af-
brotavörnum og tryggt öryggi íbúa
og þeirra sem sinna löggæslumálum.
Nefndin byggði á forgangsröðun
nefndar sem starfaði á síðasta kjör-
tímabili og skilaði drögum að lög-
gæsluáætlun, en um hana ríkti þver-
pólitísk sátt. Tillögur okkar snúa að
fjórum þáttum. Í fyrsta lagi fjölgun
lögreglumanna; í öðru lagi auknum
akstri ökutækja lögreglu; í þriðja lagi
búnaði og þjálfun og í fjórða mann-
auðsmálum. Lögreglumönnum mun
fjölga um 44 til viðbótar við þá 10 lög-
reglumenn sem gert er ráð fyrir í
fjárlögum þessa árs. En þeim er ætl-
að að hafa eftirlit með skipulagðri
glæpastarfsemi annars vegar og
rannsóknum á kynferðisbrotum hins
vegar.
Þótti okkur rökrétt að leggja
áherslu á að fjölga lögreglumönnum á
þeim svæðum þar sem lengst er að
sækja frekari aðstoð í neyð. Við þá
vinnu höfðum við til hliðsjónar fækk-
un stöðugilda í umdæmum, en fengn-
ar voru tillögur frá hverjum lög-
reglustjóra fyrir sig. Nauðsynlegt var
að auka fjárveitingar sem varið er í
akstur ökutækja lögreglu gagngert
til að auka sýnilegt eftirlit á þjóð-
vegum landsins. Þetta var gert til
stemma stigu við hraðakstri, ölvunar-
akstri og umferðaróhöppum. Enn
fremur var ákveðið að viðbragðsgeta
lögreglunnar yrði styrkt með aukinni
þjálfun lögreglumanna og kaupum á
nauðsynlegum búnaði. Undanfarið
hefur veikindahlutfall lögreglumanna
aukist samhliða auknu álagi. Reynt er
að bregðast við þeirri þróun með því
að ráðstafa frekari fjármunum í
mannauðsmál innan lögreglunnar.
Innanríkisráðherra hefur sam-
þykkt tillögurnar og þær verið kynnt-
ar. Nú verður hafist handa við að
koma þeim í framkvæmd í samvinnu
við lögregluembættin. Áhrifa þeirra
ætti að gæta innan fárra mánaða. Ör-
yggi okkar sem og gesta verður betur
tryggt eftir þetta jákvæða skref í lög-
gæslumálum. Ljóst er að þetta er að-
eins fyrsta skrefið í eflingu lögregl-
unnar. Enn má gera betur til að efla
lögregluna og að því munum við
áfram vinna í sameiningu inni á Al-
þingi.
Lifið heil.
Eftir Vilhjálm
Árnason »Hópurinn lagði
áherslu á að efla lög-
gæslu á landsbyggðinni
þar sem þörfin var hvað
brýnust.
Vilhjálmur Árnason
Höfundur er þingmaður.
500 milljónum varið í eflingu lögreglunnar
Áratuga gamlar
hugmyndir um þverun
Skerjafjarðar með brú
frá Suðurgötu yfir á
Álftanes og vegalagn-
ingu meðfram norður-
strönd Álftaness, hafa
verið endurvaktar í
tengslum við borgar-
stjórnarkosningar í
vor. Þessar hugmyndir
fengu mikinn byr í
valdatíð R-listans í borginni vegna
óraunsærra hugmynda vinstri
manna um ofurþéttingu byggðar í
miðborginni, ásamt byggð í stað
flugvallar í Vatnsmýri með tilheyr-
andi umferðaröngþveiti.
Vinstri menn og sumir sjálfstæð-
ismenn hafa rætt um landfyllingar
víða í vesturborginni á und-
anförnum árum, ásamt fyrirhugaðri
gerð mikilla undirganga um mið-
borgina. Í stuttu máli sagt eru þess-
ar hugmyndir ýmist
óraunhæfar frá um-
ferðarsjónarmiðum
eða óæskilegar frá um-
hverfis- og náttúru-
verndarsjónarmiðum.
Skerjafjörðurinn er
náttúruperla
Eins og Seltirn-
ingar, Reykvíkingar,
Kópavogsbúar,
Garðbæingar og Álft-
nesingar þekkja, er
meira eða minna
ósnortin strandlengja meðfram
Skerjafirðinum í þessum sveitar-
félögum. Fagurt er strandríkið,
þegar gengið er frá Seltjarnarnesi
inn með Nauthólsvíkinni, en enn
fegurri eru norðurstrendur Álfta-
ness. Sannkallaður unaðsreitur og
fuglaparadís og ósnortið Gálga-
hraunið í grennd. Rétt er að benda
á, að vegarlagning meðfram norður-
strönd Álftaness felur í sér hrikaleg
og margfalt meiri náttúruspjöll en
vegarlagning milli hraunanna norð-
an Prýðishverfis í Garðabæ, Garða-
hrauns og Gálgahrauns. Vegarlagn-
ing milli þessara tveggja hrauna
skerðir útivistarsvæði norðan Prýð-
ishverfis og mun valda hávaðameng-
un fyrir íbúana. En að bera þá
umhverfisröskun saman við vegar-
lagningu meðfram norðurströnd
nessins er út í hött. Því vil ég hvetja
alla náttúruverndarsinna, þ. á m.
Hraunavini sem og allan almenning,
til að beita sér af alefli gegn vegar-
lagningu um Álftanes yfir Skerja-
fjörðinn. Til þess að hægt sé að forð-
ast það umhverfisslys er
nauðsynlegt að hverfa frá ofur-
byggðarþéttingarstefnu og flugvall-
arandstöðu núverandi borgarstjórn-
armeirihluta í Reykjavík.
Göngustígur frá Bessa-
staðanesi til Seltjarnarness?
Líklega er draumurinn um sam-
felldan göngustíg meðfram fjöru-
borði Skerjafjarðar frá Seltjarnar-
nesi til Bessastaðaness ekki raun-
hæfur. Auðvelt væri að leggja slíkan
göngustig frá Bessastaðanesi að
Sjálandshverfi, sem myndi auka að-
gengi almennings að þeirri náttúru-
paradís sem Álftanesfjörur eru, og
efla vitund hans um verðmæti
þeirra. Við Löngulínu í Garðabæ er
blokkabyggð á landfyllingum, en
þaðan er auðvelt að leggja stíg að
suðurströnd Arnarness. Ekki er
hægt að leggja stíg meðfram norð-
urströnd Arnarness, þar sem
byggðin nær niður að fjöruborði.
Göngustígar eru að sunnan- og
norðanverðu á Kársnesinu í Kópa-
vogi, en landfyllingar og iðnaðar-
svæði hindra gerð samfelldra
göngustíga meðfram sjónum. Ég
tel, að með hugvitssemi megi tengja
þessa stíga eða gönguleiðir þannig,
að náttúruunnendur á höfuðborg-
arsvæðinu geti varið fögrum sól-
skinsdegi til að ganga meðfram
Skerjafirðinum og einsett sér að
vernda þá náttúru, sem þeir munu
þá kynnast! Við þekkjum flest
göngustíginn frá Ægisíðu til Heið-
merkur um Elliðaárdalinn og við
þekkjum Vatnsmýrina, lífríki tjarn-
arinnar og flugvöllinn. Verndun
þessara svæða helst í hendur við
verndun Skerjafjarðarins og al-
mannahagsmuni. Það sama á við um
norðurströnd Álftaness. Síðast en
ekki síst, þá er ósnortin fjara með
gönguleiðum við Leirvoginn til fyr-
irmyndar í þessum efnum. Þar hef-
ur ríkt sú framsýni, sem núverandi
borgaryfirvöld í Reykjavík skortir
svo átakanlega.
Eftir Ólaf F.
Magnússon » ... eru þessar hug-
myndir ýmist óraun-
hæfar frá umferðarsjón-
armiðum eða óæski-
legar frá umhverfis- og
náttúruverndarsjónar-
miðum.
Ólafur F. Magnússon
Höfundur er læknir og fv. borgar-
stjóri.
Verndum Skerjafjörðinn