Morgunblaðið - 07.02.2014, Síða 13
FRÉTTIR 13Innlent
MORGUNBLAÐIÐ FÖSTUDAGUR 7. FEBRÚAR 2014
HJÖRDÍS ÝR JOHNSON
4. SÆTI
Fjölskyldumál
Menntamál
Íþróttamál
Þjónusta við
eldri borgara
Kynntu þér nánar:
www.hjordisjohnson.is
Nýr kraftur í bæjarstjórn
Prófkjör sjálfstæðismanna í
Kópavogi 8. febrúar.
Hlíðasmára 19 - Kl. 09:00-18:00
Ómar Friðriksson
omfr@mbl.is
Undirbúningur að rafrænum íbúa-
kosningum eða atkvæðagreiðslum
um einstök málefni í sveitarfélögum
er að komast á skrið. Eins og fram
hefur komið verður kosið með raf-
rænu kosningakerfi sem spænska
fyrirtækið Scytl hefur þróað í
tveimur sveitarfélögum í vor eða
síðar á árinu.
Eftir kynningarfund í fyrradag
hafa sveitarfélög verið hvött til að
bregðast skjótt
við og gera til-
raun með raf-
ræna atkvæða-
greiðslu meðal
íbúa. Þjóðskrá
skrifaði nýverið
undir samning
við Scytl um af-
not af búnaði til
að nota við raf-
rænar kosningar og þurfa fyrstu
tvö sveitarfélögin sem efna til at-
kvæðagreiðslu með þessu kerfi ekki
að borga fyrir afnotin af því.
„Við viljum styðja eins og við
mögulega getum við framþróun
þessa kerfis. Það styttist í að al-
mennar kosningar geti orðið raf-
rænar og að notuð verði rafræn
kjörskrá.
Þetta er fyrsta skrefið í þá átt,
sem er verið að taka í mjög góðu
samstarfi Sambands íslenskra
sveitarfélaga, Þjóðskrár og innan-
ríkisráðuneytisins,“ segir Karl
Björnsson, framkvæmdastjóri Sam-
bands íslenskra sveitarfélaga.
Fram kom á kynningarfundinum
að heppilegur tími til að halda fyrri
tilraunakosningarnar sé fyrir sveit-
arstjórnarkosningarnar í lok maí.
Heppilegt sé að fyrstu íbúakosn-
ingar með rafræna kerfinu verði
t.d. snemma í apríl en engin
ákvörðun hefur þó verið tekin um
það. Erlendir sérfræðingar verða
viðstaddir fyrri kosninguna og
miðla reynslu og þekkingu og er að
þeirra mati æskilegt að hafa einn
og hálfan mánuð til undirbúnings,
bæði til að móta verkefnið með
sveitarfélaginu og ganga frá upp-
setningu rafrænna kjörseðla. Þarf
að liggja fyrir ekki síðar en 25.
febrúar hvaða tvö sveitarfélög ætla
að ríða á vaðið og efna til rafrænna
íbúakosninga.
Karl Björnsson bendir á að þótt
fyrstu atkvæðagreiðslurnar verði í
tveimur sveitarfélögum án endur-
gjalds megi vel vera að fleiri sveit-
arfélög sækist eftir að leggja mál-
efni fyrir íbúa með þessu kerfi en
þau verði þá væntanlega sjálf að
bera kostnaðinn af því.
Undirbúa rafræna íbúakosningu í vor
„Það styttist í að almennar kosningar geti orðið rafrænar og að notuð verði rafræn kjörskrá“
Karl Björnsson
Borgarráð samþykkti í gær breyt-
ingar á aðalskipulagi Reykjavíkur til
ársins 2030, þar sem brugðist er við
athugasemdum Skipulagsstofnunar.
Þannig er kominn inn fyrirvari um
uppbyggingu í Vatnsmýri, eins og
stofnunin lagði til.
Daginn áður hafði málið verið af-
greitt af meirihluta umhverfis- og
skipulagsráðs en tillaga frá sjálfstæð-
ismönnum í minnihluta um frestun
var felld. Í tillögu sjálfstæðismanna
var lagt til að bera ætti viðbrögð
borgarinnar undir Skipulagsstofnun
og fá staðfestingu á að þau væru full-
nægjandi, áður en lengra væri haldið.
Júlíus Vífill Ingvarsson, borg-
arfulltrúi Sjálfstæðisflokksins, undr-
ast hraðann á afgreiðslu málsins.
Nær hefði verið að ræða þessar
breytingar betur.
„Við gerðum athugasemdir við
málsmeðferðina. Skipulagsstofnun
hafði gert athugasemdir við veiga-
mikil og umdeild atriði í aðalskipulag-
inu, eins og uppbygginguna í Vatns-
mýri og mislæg gatnamót, og við
töldum eðlilegt að borgin svaraði
fyrst Skipulagsstofnun áður en breyt-
ingarnar voru gerðar,“ segir Júlíus
og bendir á að Skipulagsstofnun hefði
að mörgu leyti verið að taka undir
gagnrýni Sjálfstæðisflokksins á að-
alskipulagstillöguna, eins og það að
ekki væri hægt að ákveða frekari
uppbyggingu kringum flugvöllinn í
Vatnsmýri án samráðs við samgöngu-
yfirvöld. Þessu hafi nú verið breytt en
Júlíus telur að enn vanti upp á ýmis
atriði í aðalskipulaginu, sem hefði
þurft að fara betur yfir.
Dagur B. Eggertsson, formaður
borgarráðs, segir borgina hafa fylgt
hefðbundinni málsmeðferð við vinnu
á nýju aðalskipulagi. Brugðist hafi
verið við athugasemdum Skipulags-
stofnunar með sama hætti og áður,
ekki hafi verið þörf á að bera breyt-
ingarnar fyrst undir Skipulags-
stofnun. bjb@mbl.is
Borgin afgreiðir
nýtt aðalskipulag
Hraði málsins gagnrýndur
Hæstiréttur hefur dæmt karlmann í
15 mánaða fangelsi fyrir sérstaklega
hættulega líkamsárás. Var dómur
Héraðsdóms Reykjaness frá því í
desember 2012 staðfestur. Þá var
maðurinn dæmdur til greiðslu 1,2
milljóna kr. í skaðabætur til tveggja
manna sem slösuðust í árásinni.
Maðurinn var ákærður í maí 2012
fyrir sérstaklega hættulega líkams-
árás með því að hafa að kvöldi 30.
ágúst 2010 brotið sér leið inn í íbúð-
arhúsnæði og veist þar að tveimur
mönnum. Fram kemur að hann hafi
ítrekað slegið með kúbeini, af miklu
afli, í átt að höfði þeirra beggja og
reyndu þeir að verjast árásinni með
því að bera fyrir sig hendur og hand-
leggi með þeim afleiðingum að högg-
in höfnuðu flest þar. Við þetta hlaut
annar þeirra beinbrot með talsverðri
tilfærslu á hægri handlegg og yfir-
borðsáverka á vinstri framhandlegg
og hinn maðurinn hlaut opið bein-
brot á vinstri handlegg við olnboga
og liðhlaup í vinstri olnboga.
Þá ákærði lögreglustjórinn á höf-
uðborgarsvæðinu manninn fyrir lík-
amsárás með því að hafa 10. sept-
ember 2010 gripið í háls konu í
verslun og skellt höfði hennar utan í
hillu í versluninni með þeim afleið-
ingum að hún hlaut mar og yfir-
borðsáverka á höfði og andliti og
tognun á hálshrygg. Málin tvö voru
sameinuð.
Fram kemur í dómi Hæstaréttar,
að maðurinn hafi verið sakfelldur í
ágúst og september 2010 fyrir lík-
amsárásir. Með broti mannsins fyrr-
greindan dag rauf hann skilorð og
var dómurinn því tekinn upp og
manninum dæmd refsing í einu lagi
fyrir bæði málin. Dómar frá árinu
2005 vegna líkamsárása höfðu ítrek-
unaráhrif. Við ákvörðun refsingar
var litið til þess mikla dráttar sem
varð á rannsókn og saksókn í málinu.
Var refsing mannsins ákveðin 15
mánaða fangelsi og honum gert að
greiða tveimur brotaþolum skaða-
bætur.
Réðst inn og sló
menn með kúbeini
Maður dæmdur í 15 mánaða fangelsi
Morgunblaðið/Sverrir
Árás Hæstiréttur staðfesti dóminn.