Morgunblaðið - 30.04.2014, Blaðsíða 11

Ljósmynd/Iðunn Ýr Ásgeirsdóttir
Samkeppni Hildur Hákonardóttir bregður á leik við höfuðfötin í Ullarvinnslunni í Þingborg. Búist er við að fjöldi
hugmynda berist í keppnina Höfuðfat ársins 2014 en hugmyndirnar verða til sýnis í Þingborg að keppni lokinni.
þessari kollvörpun á okkar siðum en
af því að höfuðföt eru oft tengd menn-
ingu og trú er þetta dálítið furðulegt,“
segir hún.
Skrautleg keppni
Það má sannarlega velta fyrir
sér hvað olli þessum straumhvörfum í
gerð og útliti höfuðbúnaðar og jafnvel
rýna aðeins í það út frá tíðarandanum
í dag. Hvaða gildi hafa höfuðföt hér á
landi árið 2014?
„Við höfum velt því fyrir okkur
hvort konur á Íslandi séu höfuðfata-
lausar. Þá spyr ég mig hvort hjálmur-
inn sé að verða einkennishöfuðfat Ís-
lendinga. Þú stundar ekki mótorsport
án þess að vera með hjálm og ferð
hvorki á hest né hjól án hans. Verka-
menn setja á sig hjálm og stundum
þegar farið er í heimsókn í verk-
smiðjur eru gestir beðnir að setja upp
hjálm.“ Hildur útskýrir að fleiri
spurningar hafi vaknað þegar þessu
var velt upp. „Þurfum við eins konar
hlíf? Búumst við við einhverjum átök-
um? En við myndum samt halda að
Íslendingar væru helst með höfuðföt
til að hlífa sér fyrir veðri og þá kemur
annað upp í hugann því þá er höfuð-
fatið orðið áfast flíkinni sem hetta.
Mér þykja þetta allt svolítið skemmti-
legar vangaveltur,“ segir Hildur um
það sem býr að baki keppninni
Höfuðfat ársins 2014 og þessar hug-
myndaríku konur í Þingborg eiga því
von á svo gott sem hverju sem er í
keppnina.
Prúðmenni með hatta
Þegar Hildur var ung stúlka
minnist hún herramannanna með
fínu hattana. Þá var tekið ofan fyrir
dömum þótt ungar væru.
„Þegar ég var krakki og fór nið-
ur í bæ gangandi niður Bankastrætið
rétt eftir seinna stríð, þá hitti ég
gjarnan karlmenn sem ég þekkti á
gangi. Þetta voru vinir foreldra
minna eða frændur mínir og þeir tóku
alltaf ofan fyrir mér. Ég hugsaði með
mér af hverju þeir tækju ofan fyrir
mér, krakkanum. Þá áttaði ég mig á
því að þá var svo kærkomið að finna
einhvern sem maður gæti tekið ofan
fyrir af því það var svo flott. Þú varst
með hattinn og það var svo gaman að
geta tekið ofan,“ segir Hildur.
Fróðlegt verður að sjá hvers
kyns höfuðföt berast í keppnina Höf-
uðfat ársins 2014 en nánari upplýs-
ingar er að finna á vef Ullarvinnsl-
unnar Þingborgar ens lóðin er:
www.thingborg.net, sem og á face-
booksíðu Ullarvinnslunnar, face-
book.com/thingborgull. Skilafrestur
er til 21. maí og fer verðlaunaafhend-
ingin fram á sveitahátíðinni Fjöri í
Flóa í lok næsta mánaðar.
Morgunblaðið/Ólafur K. Magnússon
Prúðbúin Uppábúin glæsikona talar í útvarpið árið 1947. Höfuðföt íslenskra
kvenna hafa verið skrautleg í gegnum tíðina þótt minna fari fyrir þeim í dag.
DAGLEGT LÍF 11
MORGUNBLAÐIÐ MIÐVIKUDAGUR 30. APRÍL 2014
Undanfarin ár hefur Safnahús
Borgarfjarðar unnið markvisst að því
að hvetja krakka til listsköpunar á
grundvelli menningararfs og sögu og
í samvinnu við Tónlistarskóla Borgar-
fjarðar og grunnskólana í héraðinu.
Þetta náði hápunkti á sumardaginn
fyrsta þegar nemendur Tónlistarskól-
ans fluttu eigin frumsamin lög við
ljóð Guðmundar Böðvarssonar
skálds, en einnig fluttu þeir nokkur
lög sem áður hafa verið samin við
ljóðin. Grunnskólanemendur, aðal-
lega í 9. bekk Grunnskólans í Borgar-
nesi, unnu að veggspjaldagerð út frá
ljóðum og hugsjónum Guðmundar og
voru myndverkin hluti sýningarinnar.
Böðvar Guðmundsson, sonur ljóð-
skáldsins, var viðstaddur opnunina
og var harla ánægður með útkomuna,
en hann flutti einnig erindi um föður
sinn. Verkefnin voru unnin í náinni
samvinnu við Böðvar sem sá um að
velja ljóðin sem notuð voru til grund-
vallar. Sýningin er í raun minningar-
sýning um Guðmund Böðvarsson og
hún mun standa í allt sumar. Sýn-
ingarhönnun var í höndum tveggja
ungra hönnuða, Magnúsar Hregg-
viðssonar og Sigursteins Sigurðs-
sonar.
Myndbandsupptaka var gerð af
opnunardagskránni og eru það ungir
nemendur í kvikmyndaáfanga við
Grunnskólann í Borgarnesi sem önn-
uðust það verk undir leiðsögn kenn-
ara síns.
Á sýningunni er fyrst og fremst
lögð áhersla á ljóð Guðmundar undir
þemanu „Landið sem þér er gefið“
auk þess sem sýndir verða valdir út-
skurðarmunir eftir hann. Þannig eru
stórum hluta listsköpunar hans gerð
skil í sýningunni. Og þema verkefnis-
ins er bein vísun í tengslin við landið
og náttúruna sem er rauður þráður í
ljóðasmíð hans.
Í menningarstefnu Borgarbyggðar
er sérstaklega kveðið á um mikilvægi
miðlunar menningararfsins og ekki
síst til æskunnar. Þetta verkefni var
unnið með það að leiðarljósi.
„Landið sem þér er gefið“
Flott Þessir nemendur Tónlistarskólans voru meðal þeirra sem fram komu.
Fluttu eigin lög við ljóð Guð-
mundar og bjuggu til myndverk
Gaman Margir mættu á opnunina og nutu þess sem í boði var.