Morgunblaðið - 24.07.2014, Blaðsíða 23

MINNINGAR 23
MORGUNBLAÐIÐ FIMMTUDAGUR 24. JÚLÍ 2014
Við vottum fjölskyldu Axels,
þeim Tammy, Elsu og Charlie
okkar dýpstu samúð. Þeirra miss-
ir er mikill. Megi minning um góð-
an dreng lifa.
Lilja og Magnús.
Að alast upp á Þórshöfn á
Langanesi á sjöunda og áttunda
áratug síðustu aldar voru mikil
forréttindi. Við krakkarnir lékum
okkur í Löngu fjöru, Hleininni, við
Fossána, á bryggjunni, frjáls og
áhyggjulaus. Í barnaskólanum réð
Pálmi skólastjóri lögum og lofum,
með kunnum strangleika en
sposkur á svip, en þar var líka ým-
islegt baukað. Þegar við lítum til
baka var alltaf sól á Þórshöfn,
drekkhlaðnir bátar skriðu inn
Þistilfjörðinn og feitar fiskiflugur
suðuðu á vegg.
En svo dimmdi yfir þegar við
fengum fregnir af því að æskuvin-
ur okkar og skólafélagi, Axel, elsti
sonur Pálma og Elsu, væri skyndi-
lega fallinn frá í blóma lífsins. Allt
í einu er ekkert eins og það var,
minningarnar frá æskuárunum
verða dýrmætari en áður. Árin
hafa liðið og Axel bjó erlendis í
mörg ár og sambandið rofnaði
eins og gengur en alltaf var ein-
hver taug á milli okkar. Maður
kynnist mörgu góðu fólki á lífsleið-
inni en ræturnar til Þórshafnar
eru sterkar og æskufélagarnir
þaðan standa hjartanu nær.
Við minnumst Axels sem
skemmtilegs félaga og vinar með
mikinn húmor og fallegt bros.
Margt brölluðum við saman sem
ekki verður rakið hér en geymist í
hjarta okkar. Við vottum eigin-
konu hans og börnum, Elsu,
systkinum hans, fjölskyldum
þeirra og öllum öðrum aðstand-
endum okkar dýpstu samúð.
Minningin lifir um góðan dreng.
Soffía og Helena.
Axel Rúnar Pálmason kom til
starfa í Seðlabanka Íslands á
árinu 1988. Hann kom fyrst til
starfa í peningamáladeild bankans
og síðar í deild erlendra viðskipta.
Á þessum árum voru peninga-
markaður, skuldabréfamarkaður
og gjaldeyrismarkaður í mótun og
tók Axel virkan þátt í uppbygg-
ingu þessara markaða. Á árinu
1996 hóf Axel störf á skrifstofu
Norðurlanda og Eystrasaltsríkja
hjá Alþjóðagjaldeyrissjóðnum í
Washington DC. Þar ávann hann
sér fljótt traust og varð hægri
hönd fastafulltrúa Norðurlanda
og Eystrasaltsríkja í stjórn sjóðs-
ins. Að loknum skipunartíma á
skrifstofunni, söðlaði hann um og
gerðist starfsmaður hjá sjóðnum,
fyrst á sviði stefnumótunar og eft-
irlits, síðan á skrifstofu sjóðsins í
New York, uns hann flutti sig í
Afríkudeild sjóðsins. Í störfum
sínum naut Axel meðal annars
reynslunnar af uppbyggingu fjár-
málamarkaðar á Íslandi. Axel var
oft nefndur okkar maður í Wash-
ington, en hann var alltaf boðinn
og búinn að aðstoða Íslendinga
sem þangað komu í heimsókn eða
til starfa. Eftir nærri tveggja ára-
tuga starf hafði hann öðlast gott
innsæi í starfsemi Alþjóðagjald-
eyrissjóðsins.
Þegar leitað var til sjóðsins í
kjölfar hruns bankanna haustið
2008 var gott að eiga slíkan liðs-
mann innan starfsliðs stofnunar-
innar. Það orð fór af Axel að hann
væri harðduglegur og hefði þann
eiginleika að sökkva sér djúpt í
þau viðfangsefni sem honum voru
falin.
Á síðari árum þegar hann var
ekki á ferðalagi fyrir Alþjóða-
gjaldeyrissjóðinn var hann fasta-
gestur í golfklúbbi sjóðsins sem
kenndur er við Bretton Woods-
útivistarsvæðið. Hann var einmitt
á leið á þær slóðir þegar hann féll
svo sviplega frá.
Það var okkur fyrrverandi sam-
starfsmönnum Axels Pálmasonar
mikið áfall að heyra af andláti
hans. Ég votta Tammy og börn-
unum Elsu og Charles samúð
mína.
Jón Þ. Sigurgeirsson.
Fallinn er frá
kær vinur og félagi
eftir baráttu við ill-
vígan sjúkdóm til
margra ára. Kynni
okkar hófust árið
1973 í gegnum starf Kiwanis-
klúbbsins Skjaldar, þar sem
Björn var einn af stofnendum
klúbbsins árið 1971 og þar sem
hann starfaði allt til dauðadags.
Fyrir hönd klúbbsins vil ég
þakka það góða og óeigingjarna
starf sem hann innti af hendi í
þágu Kiwanis. Við áttum gott
samstarf í bæjarstjórn Siglu-
fjarðar í tvö kjörtímabil frá 1982-
1990 og störfuðum einnig saman
fyrir Sjálfstæðisfélagið á Siglu-
firði þar sem Björn var formaður
til margra ára og einnig gegndi
hann ýmsum trúnaðarstörfum
fyrir Sjálfstæðisflokkinn á lands-
vísu. Fyrir öll þau störf sem
Björn vann á vegum flokksins
ber að þakka.
Ýmislegt var brallað í gegnum
árin og óhætt að segja að betri og
traustari vin en Björn er ekki
hægt að hugsa sér. Minningarnar
munu ylja áfram, t.d. allir bíltúr-
arnir sem við fórum í á kvöldin
síðustu árin þar sem rædd voru
landsmálin sem og málefni sveit-
arfélagsins og fjölbreytt mannlíf-
ið í bænum skoðað í leiðinni. Já,
það var fátt sem ekki var rætt á
þessum stundum og mörg mál
leyst. Á heimili Björns og Ásdísar
voru alltaf hlýjar og góðar mót-
tökur og gleðin og hressileikinn í
fyrirrúmi. Þau voru samrýmd
hjón og gaman að heimsækja þau
Björn Jónasson
✝ Björn Jónassonfæddist 4. júní
1945. Hann lést 10.
júlí 2014. Útför
Björns var gerð 19.
júlí 2014.
og spjalla. Björn og
fjölskylda hans hafa
orðið fyrir miklum
áföllum í gegnum
árin. Fyrri kona
Björns andaðist árið
1976, aðeins 31 árs,
og seinni kona hans
andaðist árið 2013,
65 ára að aldri. Sami
sjúkdómur og nú
hefur tekið Björn
frá ástkærri fjöl-
skyldu og vinum felldi þær báðar.
Eru þau mikill harmdauði fyrir
fjölskylduna og náið samfélagið
hér á Siglufirði. Gott fólk sem lét
gott af sér leiða. Fjölskyldan
skipti Björn öllu máli og sinnti
hann henni af kostgæfni alla tíð
og bar hag hennar fyrir brjósti.
Barnabörnin voru honum mikils
virði og ánægjulegt að sjá hann
geta sinnt þeim til hins síðasta.
Sárt er vinar að sakna,
sorgin er djúp og hljóð.
Minningar mætar vakna
svo var þín samfylgd góð.
Daprast hugur og hjarta,
húmskuggi féll á brá,
lifir þó ljósið bjarta,
lýsir upp myrkrið svarta,
vinur þó fallli frá.
Góða minning að geyma
gefur syrgjendum fró.
Til þín munu þakkir streyma
sofðu í sælli ró.
(Höf ók.)
Við þökkum Birni samfylgdina
sem aldrei bar skugga á og biðj-
um algóðan Guð að styrkja Rakel
og fjölskylduna alla í sorginni.
Drottinn blessi minningu góðs
drengs og vinar.
Elín Gestsdóttir og Guð-
mundur Skarphéðinsson.
Félagar í Lions-
klúbbnum Fjölni
kveðja í dag virtan
og traustan félaga,
Birgi J. Jóhannsson
tannlækni. Birgir gekk í Lkl.
Fjölni árið 1969 og tók mikinn og
virkan þátt í starfi klúbbsins óslit-
ið í 45 ár. Honum voru falin mörg
trúnaðarstörf fyrir klúbbinn, tví-
vegis var hann formaður og öðr-
um stjórnarstörfum gegndi hann
einnig, bæði sem ritari og gjald-
keri. Síðustu árin var hann siða-
meistari eða ljónatemjari klúbbs-
ins og gegndi því starfi af
viðeigandi myndugleika. Birgir
var einn af þessum máttarstólpum
sem starf Lionsklúbba byggist
svo mikið á, lét sig helst aldrei
vanta á fundi, hann starfaði í flest-
um ef ekki öllum nefndum klúbbs-
ins gegnum árin og skoraðist aldr-
ei undan að taka að sér störf þegar
eftir því var leitað. Hann var einn
af fyrstu félögum Lkl. Fjölnis sem
var kjörinn Melvin Jones-félagi en
það er æðsta viðurkenning Lions-
hreyfingarinnar.
Birgir átti sér athvarf í Flóka-
dal, þar sem hann hafði ásamt
nokkrum félögum sínum fest kaup
á jörðinni Skógum. Síðar reisti
hann sér og fjölskyldu sinni sum-
arhús í landi Skóga og nutum við
klúbbfélagar hans og eiginkonur
okkar gestrisni hans og barna
hans þar. Mér er minnisstæður
stjórnarskiptafundur sem Birgir
efndi til á Skógum þegar hann lét
af formennsku í klúbbnum í síðara
sinnið en þá hittust þar fráfarandi
og viðtakandi stjórn. Byrjað var á
því að leggja net í nærliggjandi
vatn en síðan bauð Birgir upp á
fræga kjötsúpu sem hann eldaði af
mikilli list. Undir lágnættið var
svo vitjað um netin í júnísólinni og
gert að aflanum, þrem vænum
urriðum. Á eftir voru svo mikil-
væg málefni krufin til mergjar
fram eftir nóttu.
Birgis verður saknað af okkur
félögum hans, hann lét til sín taka
á fundum og lá ekki á skoðunum
sínum en lagði jafnan gott til mála
og á hann var hlustað. Hann var
góður félagi og sannur Lionsmað-
ur í hvívetna.
Við félagarnir í Fjölni og konur
okkar kveðjum Birgi með söknuði
og sendum fjölskyldu og aðstand-
endum hans innilegar samúðar-
kveðjur.
Ottó Schopka.
Í dag kveðjum við góðan félaga,
golffélaga og kollega.
Birgir Jóhann Jóhannsson eða
Biggi Jóh., eins og hann var ætíð
kallaður og „Big Joe“ svona spari,
var flottur karl, virðulegur, heið-
arlegur, snyrtilegur til fara og
hnarreistur.
Við félagarnir í „Tríumvirat-
inu“ en svo nefnist æðsta ráð fé-
lagsskaparins Tanngolfs, sem var
stofnaður 1978 til að halda utan
um þetta áhugamál okkar, að
stunda golf með öðrum tannlækn-
um. Þar hittum við Bigga fyrst
fyrir 20–30 árum. Hann var einn
af stofnendum þessa félagsskapar
og í fyrsta Tríumviratinu ásamt
þeim Sverri Einarssyni og Ólafi
Björgúlfssyni. Það var tekið vel á
móti okkur ungu mönnunum. Í þá
daga komum við tannlæknar sam-
an nær alla þriðjudaga um sum-
artímann og spiluðum golf sam-
kvæmt fyrirfram ákveðnu plani.
Menn mættu, og spiluðu golf með
næsta manni sem mættur var.
Það var óháð því, hver getan var,
aldurinn var eða annað. Konur og
menn bara spiluðu golf. Þetta hef-
Birgir Jóhann
Jóhannsson
✝ Birgir JóhannJóhannsson
fæddist 27. mars
1929. Hann lést 10.
júlí 2014. Útför
Birgis fór fram 23.
júlí 2014.
ur reynst okkur hin-
um ómetanlegt.
Mættu allt að 20-30
manns þegar best lét
og var ekki gott fyrir
sjúklinga að fá tann-
pínu á þessum dög-
um. Ekki voru
margir í vinnunni á
þessum tíma! Þeir
félagar skipulögðu
einnig utanlands-
ferðir löngu áður en
þær urðu vinsælar eins og nú er.
Einnig skipulögðu þeir golfkeppn-
ir milli okkar tannlækna og ann-
arra starfsstétta, t.d. við lögmenn,
endurskoðendur og lækna og eru
þær enn við lýði. Púttkeppnin yfir
vetrartímann var einnig vel
heppnuð. Þar var iðulega matur,
skemmtiatriði og spjallað fram á
nótt.
Í félagsstörfum tannlækna var
Biggi einnig duglegur og formað-
ur Tannlæknafélagsins um skeið.
Hann sótti félagsfundi TFÍ
manna best og voru fundirnir, þar
sem Biggi og hinir „gömlu“ fóru í
pontu skemmtilegir og minnis-
stæðir. Sögðu þeir okkur yngri
hvernig ætti að gera hlutina, en
með hnyttnum athugasemdum og
líflegu viðmóti. Biggi var þar
fremstur meðal jafningja.
Þegar við félagarnir tókum við
keflinu sem æðsta ráð Tanngolfs
fyrir ca. 12 árum fengum við góða
leiðsögn frá þeim reyndari. Biggi
mætti í golf með okkur alveg fram
á síðasta dag. Skipti þar engu
hvort veður var gott eða vont eða
hvar við vorum að spila, nær eða
fjær, alltaf mætti Biggi. Þótt ald-
urinn færðist yfir hann þá blés
hann varla úr nös. Í ár er í fyrsta
skipti sem ekki er skipulögð dag-
skrá Tanngolfs. Má segja að það
sé táknrænt að Biggi skuli kveðja
þennan heim akkúrat það sumar
sem svo er háttað.
Við Tríumsviratsmenn kveðj-
um góðan félaga með söknuði og
byrjum strax að skipuleggja flott
minningarmót til heiðurs þessum
sómamanni. Aldrei að vita nema
maður skáli í góðum miði til heið-
urs honum.
Fyrir hönd fjölskyldna okkar
og allra tanngolfara færum við
fjölskyldu Birgis okkar innileg-
ustu samúðarkveðjur.
Ögmundur Máni
Ögmundsson og
Hannes Ríkarðsson.
Birgir var þesskonar maður að
upplagi, hæfileikum og fram-
göngu, að þeim sem vill festa á
hann einkunnarorð er vandi á
höndum. Á foreldraheimilinu á
Ólafsfirði, þar sem faðir hans var
héraðslæknir, fékk Birgir kennslu
í hljóðfæraleik og var þannig hlúð
að hæfileikum sem voru honum
uppspretta margra gleðistunda og
styrkur alla tíð; þegar Birgir kem-
ur til náms við Menntaskólann á
Akureyri er hann með dálítið for-
skot og er ómetanlegur sem und-
irleikari við almennan söng skóla-
nema en hann var einnig félagi í
skólakór og söng í kvartett MA-
inga. Birgir var bráðger ungling-
ur og lét til sín taka á mörgum
sviðum þegar fram liðu stundir. Á
námsárum var leitað til Siglu-
fjarðar á sumrum að ná sér í hnefa
gulls til að komast af einn vetur
enn á Akureyri en einmitt á Siglu-
firði rann upp hans örlagastund
þegar hann kynnist einni af
blómarósum bæjarins, Ásdísi Jón-
asdóttur, en þessi fríða og vel
gefna stúlka verður hans auga-
steinn og maki ævilangt. Að loknu
stúdentsprófi við MA leggur Birg-
ir fyrir sig nám í tannlækningum
og er fljótur að koma sér upp eigin
stofu sem hann rekur í marga ára-
tugi við góðan orðstír; en honum
var úthlutaður andlegur og líkam-
legur styrkur í þeim mæli, að
hann gerði sig gildan á mörgum
sviðum en missti þó aldrei sjónar á
skyldum við heimili og fjölskyldu
sem voru honum hin helgu vé.
Birgir var kunnur og vel metinn
meðal laxveiðimanna og skotveiði-
manna en hann gekk einnig til liðs
við félög áhugamanna sem vildu
sjá þann afrakstur funda sinna, að
beina mætti fjárstuðningi til þjóð-
þrifamála; ekki voru þetta Birgi
hégómamál en aflvakinn var ein-
lægur vilji til að veita stuðning þar
sem hjálpar var þörf og munu
Lionsmenn geta um þetta vitnað.
Birgir var glöggur á hreyfingar
fjármála og hafði gott viðskiptavit
eins og fleiri afkomendur Brynj-
ólfs í Bolholti en stikuð leið hans lá
í aðra átt og þangað beindist at-
hyglin og starfsþrekið. Við sum-
arbústað fjölskyldunnar í Flóka-
dal má líta minnismerki um
athafnasemi Birgis en hann gróð-
ursetti þar hundruð trjáplantna;
vex þar upp hinn fegursti skógur
og mætti sá lundur bera nafn
hans. Þau Ásdís voru bæði einörð í
framgöngu og ráku vel búið heim-
ili sitt með þrautreyndum hætti:
Hún stýrði innanstokks og mótaði
efnileg börn þeirra en Birgir dró
til búsins og sló ekki slöku við.
Gestum var tekið opnum örmum
og risna var ríkuleg. Af löngum
kynnum við þau Ásdísi og Birgi
þykist ég mega láta frá mér fara
það álit að bæði hafi átt hið innra
með sér vissa lífhyggju sem var
þeim athvarf og huggun en þau
voru ekki endilega margorðust
um það sem var þeim heilagast.
Það var Birgi reiðarslag þegar Ás-
dís lést fyrir nokkrum árum og
enn verður hann fyrir sárum missi
þegar Inga dóttir hans og sólar-
geisli fellur frá á besta aldri. Birg-
ir bar sig karlmannlega í þessum
raunum og gat enn heilsað á förn-
um vegi með hinu smitandi og
hressandi fasi sínu. Um skamman
tíma í lokin var hann merktur af
erfiðum sjúkdómi en karl-
mennskuhugurinn lét ekki bugast
og Birgir fékk hægt andlát síð-
degis þann 10. þ.m.
Emil Als.
Kær félagi er fallinn frá. Birgir
Jóhann Jóhannsson tannlæknir
var aldrei kallaður annað en Biggi
Jó í Tannlæknafélaginu og hann
þekktu allir. Það væri of langt mál
að telja hér upp öll þau trúnaðar-
störf sem Biggi gegndi fyrir
Tannlæknafélagið, en hann var
formaður félagsins árin 1984-1986
og var kjörinn heiðursfélagi árið
2003. Síðustu samskipti okkar
voru síðastliðið vor, er ég flutti er-
indi að hans beiðni fyrir eldri
borgara í Hvassaleitinu. Við koll-
egarnir vorum sammála um að
þar væri pottur víða brotinn og að
vinna þyrfti betur að tannheilsu-
málum aldraðra. Biggi fór
snemma af fundi þann dag, því
hann átti tíma hjá lækni vegna
meins sem var að hrjá hann. Hann
hélt hann myndi nú hrista þetta af
sér – þetta væri nú varla alvarlegt.
Nokkrum mánuðum síðar er hann
allur.
Biggi var uppáhaldsheiðurs-
félaginn, með sólgleraugun frægu
og hárgreiðuna tilbúna í rassvas-
anum. Alltaf mættur á fé-
lagsfundi, hvernig sem áraði og
viðraði. Biggi var glæsimenni sem
fangaði athyglina með hnyttnum
tilsvörum og skemmtilegri fram-
komu. Sögurnar ótrúlegu, sem
geymast í minningunni og verða
ekki festar á prent. Hann átti þó
einnig meyra og ljúfa hlið sem við
fengum mörg að kynnast. Sviða-
veizlur Tannlæknafélagsins sem
haldnar hafa verið í desember ár
hvert sl. fjóra áratugi enduðu ætíð
á því að Biggi settist við píanóið og
hópurinn söng Heims um ból und-
ir hans leiðsögn. Hátíðleg, áhrifa-
mikil og hjartnæm stund sem nú
lifir að eilífu í minningunni. Ég
trúi því að eiginkona og dóttir hafi
tekið vel á móti höfðingjanum,
með englasöng og kannski pínu-
litlum Captain Morgan í bland.
Fyrir hönd Tannlæknafélags
Íslands þakka ég fyrir allt og allt.
Kristín Heimisdóttir,
formaður TFÍ.
Morgunblaðið birtir minning-
argreinar endurgjaldslaust
alla útgáfudaga.
Skil | Þeir sem vilja senda Morg-
unblaðinu greinar eru vinsamlega
beðnir að nota innsendikerfi
blaðsins. Smellt á Morgunblaðs-
lógóið í hægra horninu efst og við-
eigandi liður, „Senda inn minning-
argrein,“ valinn úr
felliglugganum. Einnig er hægt
að slá inn slóðina www.mbl.is/
sendagrein
Skilafrestur | Ef óskað er eftir
birtingu á útfarardegi verður
greinin að hafa borist eigi síðar en
á hádegi tveimur virkum dögum
fyrr (á föstudegi ef útför er á
mánudegi eða þriðjudegi).
Þar sem pláss er takmarkað getur
birting dregist, enda þótt grein
berist áður en skilafrestur rennur
út.
Lengd | Minningargreinar sem
birtast í Morgunblaðinu séu ekki
lengri en 3.000 slög. Ekki er unnt
að senda lengri grein. Lengri
greinar eru eingöngu birtar á
vefnum. Hægt er að senda ör-
stutta kveðju, HINSTU
KVEÐJU, 5-15 línur. Ekki er
unnt að tengja viðhengi við síðuna.
Minningargreinar
✝
Elskuleg eiginkona mín,
Ingibjörg Guðmundsdóttir
frá Auðsstöðum, Borgarfirði,
lést á hjúkrunarheimilinu Lundi, Hellu,
þriðjudaginn 15. júlí.
Útförin verður gerð frá Reykholtskirkju,
Borgarfirði, þriðjudaginn 29. júlí kl. 14.00.
Magnús H. Arndal.
✝
Okkar ástkæra
ÞURÍÐUR SIGURÐARDÓTTIR,
Kistuholti 11,
Reykholti
Biskupstungum,
verður jarðsungin frá Skálholtskirkju laugar-
daginn 26. júlí kl. 11.00.
Jarðsett verður í Haukadalskirkjugarði.
Blóm og kransar eru vinsamlega afþakkaðir
en þeim sem vilja minnast hennar er bent á
Vinafélag Fossheima og Ljósheima, Selfossi.
Guðni Lýðsson,
Sigríður B. Sigurjónsdóttir, Páll Hjaltason,
Kristrún Sigurjónsdóttir,
María Sigurjónsdóttir, Paul Johansen,
Friðrik Sigurjónsson, Agla Snorradóttir,
og fjölskyldur.