Morgunblaðið - 26.07.2014, Page 14

14 FRÉTTIRInnlent
MORGUNBLAÐIÐ LAUGARDAGUR 26. JÚLÍ 2014
Dermicore® – Náttúruleg og lífræn
sólarkrem í einstökum gæðaflokki
brokkoli.is
SÓLARVÖRURNAR FRÁ
DERMICORE FÁST HJÁ:
SUMARTILBOÐ20% AFSLÁTTUR
Í JÚLÍ
Verndar og nærir húðina í sólinni með sérvöldum innihaldsefnum úr náttúrinni.
Þar fremst í flokki er lífvirka undraefnið úr brokkolí, Sulforaphane
– efnið sem virkjar varnarkerfi húðfruma með einstökum endurnýjandi áhrifum.
Pre Tan Creme – Fyrir sól
a Undirbýr húðina fyrir útfjólubláa geisla sólarinnar.
a Stuðlar að hraðari og jafnari sólbrúnku.
a Inniheldur andoxunarefni og sulforaphane
sem verst sindurefnum og merkjum öldrunar.
Protective Creme - Sólarvörn (SPF 6 og 15)
a Tvöföld vörn, bæði gegn UVB og UVA geislum.
a Sérvirk innihaldsefni sem vernda húðina gegn hrukkum og ótímabærri öldrun.
a Inniheldur „Shea Butter“ og E-vítamín fyrir styrkjandi og rakagefandi áhrif.
After Sun Creme – Eftir sól
a Verst sólbruna, roða og flögnun – fyrir fallega brúnku sem endist lengur.
a Hjálpar að endurnýja raka- og salt jafnvægi húðarinnar.
a Meðal sérvalinna innihaldsefnia eru:
• Aloe Vera – fyrir græðandi áhrif.
• Agúrka, Chamomile og Menthol – fyrir kælandi og róandi áhrif.
• Avókadó olía, Pro-vítamín B5 og E-vítamín fyrir rakagefandi áhrif.
Dermicore er háþróuð húðvörulína frá sænska fyrirtækinu THE BROCCOLI,
Lífrænar - Ekki erfðabreyttar – Engin rotvarnarefni (Engin parapen),
Engin jarðolía - Húðsjúkdóma- og ofnæmisprófaðar
VIÐTAL
Helgi Bjarnason
helgi@mbl.is
Kjell Magne Bondevik, fyrrverandi forsætis-
ráðherra Noregs, segir að Íslendingar geti
lagt sitt af mörkum til að draga úr átökum á
Gaza-ströndinni með því að taka þátt í alþjóð-
legum þrýstingi á báða aðila, Hamas-samtökin
og ríkisstjórn Ísraels, til þess að koma samn-
ingaviðræðum af stað.
„Allir vita að þessi deila verður ekki leyst
með hernaði. Palestínumenn gera kröfu um
sjálfstætt ríki og Ísraelsmenn krefjast örygg-
is. Hvorug krafan verður leyst með valdi eða
hernaðarátökum, það höfum við upplifað
margoft. Slíkt gerir ástandið aðeins verra,“
segir Bondevik sem stýrir sjálfstæðri stofnun,
Oslosenteret, og vinnur að lýðræðisþróun og
fleiri mannréttindaverkefnum í nokkrum Afr-
íkuríkjum og víðar.
Kjell Magne Bondevik og eiginkona hans,
Bjørg Bondevik, komu í stutta heimsókn hing-
að til lands með vinahjónum og notaði hann
tækifærið til að hitta nokkra gamla samstarfs-
menn úr pólitíkinni. Þau hjónin heimsóttu
meðal annars Davíð Oddsson, ritstjóra Morg-
unblaðsins og fyrrverandi forsætisráðherra,
og Ástríði Thorarensen eiginkonu hans, enda
segir Bondevik að þeir hafi starfað vel saman á
þeim tíma sem þeir voru báðir forsætisráð-
herrar. Bendir hann á að hann hafi verið for-
sætisráðherra í sjö ár og Davíð verið forsætis-
ráðherra Íslands meginhluta þess tíma og
raunar í tvöfalt lengri tíma. Þá hitti hann Vig-
dísi Finnbogadóttur, fyrrverandi forseta. Hún
er formaður fulltrúaráðs Oslosenteret og þau
hittast árlega á fundum ráðsins.
Norðmenn taka þátt í friðarstarfi
Bondevik segir í samtali við Morgunblaðið
að Norðmenn hafi aðkomu að deilunum í Mið-
Austurlöndum. Nefnir að Norðmenn séu í for-
ystu fyrir ráði sem skipuleggur efnahagslegan
stuðning við Palestínumenn og sett var á fót
1993, í tengslum við Oslóar-samkomulag Ísr-
aela og Palestínumanna. Því hafi utanríkis-
ráðherra Norðmanna, Børge Brende, verið á
ferðalögum um Mið-Austurlönd og tekið þátt í
viðleitni til að koma á vopnahléi.
Sjálfur hefur Bondevik sambönd í Mið-
Austurlöndum og hefur farið á eigin vegum til
ríkjanna og rætt við forystumenn. Tekur hann
fram að semja þurfi um ýmis erfið mál, meðal
annars um stöðu Jerúsalem, flóttamannavand-
ann, landnemabyggðir og landamæri ríkjanna.
Ástandið í Úkraínu ber einnig á góma en
Bondevik segir að Norðmenn hafi þar einnig
hlutverk, sem nágranni Rússa. „Rússar hafa
mikil áhrif á rússneskumælandi minnihlutann í
Úkraínu. Deilan getur orðið hættuleg ef þeir
styðja rússneska minnihlutann einhliða. Norð-
menn geta notað stöðu sína sem nágrannaríki
Rússlands til að reyna að hafa áhrif á þá,“ seg-
ir Bondevik.
Hjálpa til við þróun lýðræðis
Meginverkefni Oslóarmiðstöðvarinnar er að
hjálpa til við þróun lýðræðis í ríkjum sem eru
skammt á veg komin í þeim efnum. Starfs-
menn hennar vinna gjarnan með öðrum al-
þjóðlegum stofnunum og pólitískum stofn-
unum í ríkjunum, svo sem þingum, ríkis-
stjórnum og stjórnmálaflokkum, til að reyna
að fá stofnanirnar til að þjóna hlutverki sínu.
Bondevik stofnaði Oslosenteret fljótlega eft-
ir að hann hætti í stjórnmálum og er ánægður
með starfið. Miðstöðin hefur starfað frá árinu
2006. Megnið af þeim tíma hefur hún unnið að
verkefnum í Kenía. „Höfum verið að hjálpa til
við að láta pólitíska kerfið virka. Við höfum
lent í vandamálum í ferlinu en komist í gegn-
um þau.“ Meðal annars hefur miðstöðin tekið
þátt í vinnu við að semja lög um kosningar og
starfsemi stjórnmálaflokka.
Stærstu verkefnin eru þó í Sómalíu, landi
sem er illa leikið eftir borgarastyrjöld. „Sóm-
alía telst enn ekki lýðræðisríki en það er á leið-
inni að verða það. Það hefur fengið forseta,
ríkisstjórn, þing og stjórnmálaflokka. Við höf-
um hjálpað til við að koma þessu á. Eftir tvö ár
verða þingkosningar þar sem kosið verður á
milli stjórnmálaflokka en hingað til hafa kosn-
ingar verið á grundvelli ættflokka,“ segir
Bondevik.
Oslosenteret er með lýðræðisverkefni í sex
löndum og verkefni sem snúa að öðrum mann-
réttindum og trúfrelsi í ríkjum Afríku og Asíu.
Nefnir hann að verið sé að koma upp vett-
vangi fyrir samræður ungs fólks í nokkrum
ríkjum. Þá aðstoðar miðstöðin við kosningar í
Afganistan, svo fleiri verkefni séu nefnd.
Miðstöðin er með aðalskrifstofur í Osló og
auk verkefna víða um heim hefur hún beitt sér
fyrir fundum og ráðstefnum um viðfangsefni
sín og er þannig orðinn vettvangur sem litið er
til þegar rætt er um lýðræðisþróun.
Þrýstingur á báða deiluaðila
Morgunblaðið/Kristinn
Önnum kafinn Kjell Magne Bondevik hefur látið til sín taka á alþjóðavettvangi eftir að
hann sagði skilið við stjórnmálin í heimalandi sínu fyrir níu árum, enn á besta aldri.
 Deila Ísraela og Palestínumanna verður ekki leyst með hernaðarátökum, að mati Kjell Magne
Bondevik  Stofnun hans vinnur að lýðræðisþróun og mannréttindamálum víða um heim
Aflabrögð á makrílveiðum hafa
verið misjöfn undanfarið. Haft er
eftir Magnúsi Kristjánssyni, skip-
stjóra á ísfisktogaranum Sturlaugi
H. Böðvarssyni AK, á heimasíðu HB
Granda, að það helgist fyrst og
fremst af stærð veiðarfæranna sem
notuð eru.
Ísfisktogarinn Sturlaugur H.
Böðvarsson AK kom til hafnar í
gær og var aflinn um 45 tonn í
tveggja daga veiðiferð. Að sögn
Magnúsar var frekar rólegt yfir
aflabrögðunum en makríllinn sem
fékkst var stór og góður. ,,Við hóf-
um veiðar á miðvikudagskvöld og
vorum að veiðum suður af Reykja-
nesi. Þar hefur fjöldi skipa verið að
makrílveiðum en auk togaranna er
hluti uppsjávarflotans þar og flest
vinnsluskipin,“ segir Magnús á
heimasíðunni.
,,Við erum með lítið uppsjávar-
troll með um 20 faðma höfuðlínu-
hæð en flest stærri skipin eru með
helmingi stærri troll eða rúmlega
það. 40 til 50 faðma höfuðlínuhæð á
trollunum er ekki óalgeng hjá
þeim,“ segir Magnús en hann kveð-
ur makrílinn aðallega veiðast frá
yfirborðinu og niður á um 20 faðma
dýpi. Aflinn verður unninn í upp-
sjávarfrystihúsi HB Granda á
Vopnafirði.
Góður makríll suður af
Reykjanesi en róleg veiði
Makríll Kraftur er að komast í vertíðina, en aflabrögð hafa þó verið misjöfn.