Morgunblaðið - 26.07.2014, Side 32

32 UMRÆÐAN
Messur á morgun
MORGUNBLAÐIÐ LAUGARDAGUR 26. JÚLÍ 2014
ÁRBÆJARKIRKJA | Helgistund kl. 11. Sr.
Kristín Pálsdóttir flytur hugleiðingu. Félagar úr
kirkjukórnum leiða safnaðarsöng og Sverrir
Sveinsson leikur á trompet við undirleik Kjart-
ans Ognibene.
ÁSKIRKJA | Helgihald liggur niðri út júlímánuð
vegna sumarleyfis sóknarprests og starfsfólks
Áskirkju.
BESSASTAÐASÓKN | Sameiginleg sum-
armessa safnaðanna kl. 11 í Garðakirkju. Sr.
Friðrik J. Hjartar prédikar og þjónar fyrir altari.
Jón Ólafur Sigurðsson leikur undir safn-
aðarsöng.
BÚSTAÐAKIRKJA | Sumarmessa sunnudag-
inn 27. júlí kl. 11.
Morgunstund með lofgjörð og hvetjandi orðum.
Samvera fyrir alla fjölskylduna. Guðspjall dags-
ins er kristniboðsskipunin. Félagar úr Kór Bú-
staðakirkju syngja undir stjórn Jónasar Þóris.
Þetta er 6. sunnudagur eftir þrenningarhátíð
og litur messuklæða er grænn. Messuþjónar
aðstoða og prestur er sr. Pálmi Matthíasson.
Molasopi og hressing eftir messu.
DÓMKIRKJAN | Messa kl. 11, séra Anna Sig-
ríður Pálsdóttir prédikar og þjónar fyrir altari.
Kammerkór Dómkirkjunnar og organisti er Kári
Þormar.
EGILSSTAÐAKIRKJA | Kvöldmessa kl. 20.
Prestur sr. Jóhanna I. Sigmarsdóttir. Organisti
Tryggvi Hermannsson.
GARÐAKIRKJA | Sumarmessa safnaðanna
kl. 11. Sr. Friðrik J. Hjartar prédikar og þjónar
fyrir altari. Jón Ólafur Sigurðsson leikur undir
safnaðarsöng.
GRAFARVOGSKIRKJA | Guðsþjónusta kl.
11. Séra Sigurður Grétar Helgason prédikar og
þjónar fyrir altari. Forsöngur: Sigurður Skag-
fjörð. Organisti: Bjarni Þór Jónatansson. Kaffi-
sopi eftir messu.
GRENSÁSKIRKJA | Vegna sumarleyfa er
Grensáskirkjan lokuð til og með 8. ágúst. Bent
er á guðsþjónustur í öðrum kirkjum.
HAFNARFJARÐARKIRKJA | Helgistund kl.
14 í Bænalundi, Höfðaskógi fyrir ofan Hafn-
arfjörð í samstarfi við Skógræktarfélag Hafnar-
fjarðar. Prestur sr. Jón Helgi Þórarinsson.
Skógræktarfélagið heldur þá árlegan skógar-
og útivistardag fjölskyldunnar kl. 14-17 í sam-
starfi við Íshesta og Vinnuskóla Hafnarfjarðar.
Kl. 14.30-16 verður gengið um nýja göngustíga
Langholts undir leiðsögn Jónatans Garð-
arssonar. Kaffisopi, heitt á kolunum. Dagskrá
fyrir börnin. Sjá nánar um á vefnum: skoghf.is.
HALLGRÍMSKIRKJA | Messa kl. 11. Sr. Jón
Dalbú Hróbjartsson prédikar og þjónar fyrir alt-
ari, ásamt rev. Leonard Ashford og messuþjón-
um. Félagar úr Mótettukór Hallgrímskirkju
syngja. Organisti er Eyþór Franzson Wechner.
Sögustund fyrir börnin. Lára Bryndís Eggerts-
dóttir leikur eftirspilið. Ensk messa kl. 14 í
umsjá sr. Bjarna Þórs Bjarnasonar. Alþjóðlegt
orgelsumar: Tónleikar laugard. kl. 12 og sun-
nud. kl. 17. Lára Bryndís Eggertsdóttir leikur á
orgelið.
HÁTEIGSKIRKJA | Messa kl. 11. Organisti
Steinar Logi Helgason. Prestur sr. Helga Soffía
Konráðsdóttir.
HJALTASTAÐARKIRKJA | Messa kl. 14.
Prestur sr. Jóhanna I. Sigmarsdóttir. Organisti
Suncana Slamnig. Kirkjugestum boðið í kaffi
eftir messu í félagsheimilinu Hjaltalundi.
KEFLAVÍKURKIRKJA | Guðsþjónusta kl.
11.00. Prestur er sr. Sigfús B. Ingvason.
KÓPAVOGSKIRKJA | Guðsþjónusta kl. 11.
Sr. Guðni Már Harðarson prédikar og þjónar fyr-
ir altari. Almennur safnaðarsöngur.
Kristskirkja, Landakoti | Messa kl. 10.30,
kl. 13 á pólsku og kl. 18 á ensku. Virka daga
kl. 18, og má., mi. og fö. kl. 8, lau. kl. 16 á
spænsku og kl. 18 er sunnudagsmessa.
LAUGARNESKIRKJA | Helgistund kl. 11.
Hjalti Jón Sverrisson, guðfræðingur og tónlist-
armaður, annast stundina.
LINDAKIRKJA í Kópavogi | Sumarsamstarf
kirknanna í Kópavogi.
Sunnudagaskóli í Lindakirkju kl. 11.
Guðsþjónusta í Kópavogskirkju kl. 11.
MOSFELLSKIRKJA | Guðsþjónusta í Mos-
fellskirkju kl. 20. Sr. Ragnheiður Jónsdóttir
NESKIRKJA | Messa kl. 11. Félagar úr Kór
Neskirkju leiða safnaðarsöng. Sr. Sigurvin Lár-
us Jónsson prédikar og þjónar fyrir altari. Kaffi-
sopi á Torginu eftir messu.
SALT kristið samfélag | Samkoma kl. 17 í
Kristniboðssalnum Háaleitisbraut 58-60. 3.
hæð. Ræðumaður sr. Kjartan Jónsson. Fjallað
um Dietrich Bonhoeffer. Túlkað á ensku.
Barnapössun.
SELFOSSKIRKJA | Messa kl. 11. Prestur sr.
Óskar Hafsteinn Óskarsson. Jörg Sondermann
leikur á orgelið. Súpa og brauð á eftir.
SELJAKIRKJA | Messa kl. 20. Sr. Sigurður
Grétar Helgason prédikar og þjónar fyrir altari.
Kór Seljakirkju leiðir safnaðarsöng. Organisti
er Tómas Guðni Eggertsson. Altarisganga.
SELTJARNARNESKIRKJA | Helgistund kl.
11. Sr. Toshiki Toma þjónar. Kaffiveitingar.
VÍDALÍNSKIRKJA | Sameiginleg sum-
armessa safnaðanna kl. 11 í Garðakirkju. Sr.
Friðrik J. Hjartar prédikar og þjónar fyrir altari.
Jón Ólafur Sigurðsson leikur undir safn-
aðarsöng.
ORÐ DAGSINS:
Sjá, ég er með yður.
(Matt.28)
Morgunblaðið/Kristinn
Selfosskirkja
Helgi Magnússon
er varaformaður Líf-
eyrissjóðs versl-
unarmanna. Eftir
hann birtist grein í
Fréttablaðinu þann
17. apríl sl. með fyr-
irsögninni „Digurmæli
Davíðs“. Hin tilteknu
„Digurmæli“ voru að-
eins tvö tilnefnd í
grein Helga, fyrri úr
Reykjavíkurbréfi
Morgunblaðsins frá 12. apríl sl., og
fjallar um rannsóknarskýrslu líf-
eyrissjóðanna á sjálfum sér, sem
Helgi birtir orðrétt í grein sinni.:
„Skýrslan sú er vita gagnslaus og
fer best á hillu við hliðina á skýrsl-
unni sem „aðilar á vinnumarkaði“
létu sig hafa í að panta um ESB
og skýrslu lífeyrissjóðanna um
sjálfa sig og sitt brask í hruna-
dansinum, en hún kostaði lífeyr-
isþega 70 milljónir króna, og hefur
sá kostnaðarsami kattarþvottur
leitt til þess að þar eru flestir
kappar jafn vígreifir og þeir voru
áður, og valsa flestir enn, sjálfir
eða handbendi þeirra, um með við-
kvæmustu sjóði landsmanna“. Hin
síðari tilvitnun Helga vitnar í
ódagsettan leiðara
Morgunblaðsins,:„Lífeyrissjóðirnir
rannsökuðu sig sjálfir og eru mjög
ánægðir með rannsóknina, enda er
ekkert upplýst um hvernig helstu
fjárglæframenn landsins náðu helj-
artökum á þessum sjóðum almenn-
ings“. Helgi reynir hvergi að and-
mæla þessum „digurmælum“, segir
aðeins að þarna sé „vegið að mörg
hundruð manns“. Hann segir jafn-
framt: „Eignir lífeyrissjóðanna
nema nú um 2.700 milljörðum
króna. Þeir urðu fyrir tjóni í
hruninu, en hafa náð sér vel á
strik“. Umrætt tjón mun hafa
numið a.m.k. 480 milljörðum króna
og gerðist í skjóli þess stóra hóps,
samkvæmt Helga „sem bar ábyrgð
á rekstri lífeyrissjóðanna á þeim
tíma, og gegnum hrunið og eftir
það“. Þær gjafir voru lífeyr-
isþegum gefnar af „hinum stóra
hóp sem ábyrgðina bar“, en sem
létu lífeyrisþega bera þá ábyrgð í
skertum lífeyrisgreiðslum. Sjálfur
hef ég reynt það á eigin skinni.
Lífeyrir skorinn niður um meira
en þriðjung og til skamms tíma
eitt prósent skorið af í hverjum
mánuði, þrátt fyrir forsendur
sjóðsins um þrjú og hálft prósents
raunávöxtun árlega. Við sem erum
komin á seinni metr-
ana í lífinu munum
engu fá breytt og er-
um fangar þeirra
stjórnenda sem við
eigum enga möguleika
að velja. Það er mjög
brýnt að skylduaðild
að lífeyrissjóðum
verði afnumin og laun-
þegar fái frelsi til að
ráðstafa sínum lífeyri
eftir breyttum reglum
en halda áður áunnum
réttindum. Öðrum
verði frjálst að vera
áfram sjóðfélagi. Breytingar eru
bráðaðkallandi, einkum eftir upp-
lýsingar Gunnars Baldurssonar,
sem er formaður stjórnar Lands-
samtaka lífeyrissjóða og fram-
kvæmdastjóri Almenna lífeyr-
issjóðsins, í Morgunblaðinu 8. júlí
sl. „Hjá sjóðum með ábyrgð ríkis
og sveitarfélaga voru skuldbind-
ingar umfram eignir nálægt 490
milljörðum, þ.e. í árslok 2013. … “
E.t.v. er rangt að tala um skuld-
bindingar umfram eignir hjá þess-
um sjóðum, þar sem ríki og sveit-
arfélög ábyrgjast mismuninn. Við
þessa upphæð bættist nýverið sex
milljarða króna ábyrgð sem fjár-
málaráðherra tók að sér fyrir
einkaaðila, sem ekki höfðu greitt
sitt mótframlag til lífeyrissjóða.
Hinir skertu lífeyrisþegar munu
því einnig þurfa, auk skerðingar,
að taka þátt í að niðurgreiða þessa
áföllnu 496 milljarða hinna
ábyrgstu sjóða. Helgi nefnir í lok
greinar sinnar nöfn fimmtíu og
þriggja aðila sem sönnun um ágæti
sjóðanna, en segir jafnframt að um
„mörg hundruð manns að ræða“.
Ef til vill er þetta fólk jafn hreykið
og Helgi af frammistöðu sinni í
stjórnum sjóðanna, og síhækkandi
stjórnarlaunum. Hinn almenni líf-
eyrisþegi reynir hins vegar á sjálf-
um sér, að því ver reynast gráð-
ugra ráð sem þau koma fleiri
saman.
Eftir Ámunda
Ólafsson
» Það er mjög brýnt að
skylduaðild að líf-
eyrissjóðum verði af-
numin og launþegar fái
frelsi til að ráðstafa sín-
um lífeyri eftir breytt-
um reglum en halda áð-
ur áunnum réttindum.
Ámundi H.
Ólafsson
Höfundur er fyrrverandi flugmaður.
Því ver reynast…
Mér finnst miður
að sjá og heyra sí-
felldan einhliða
stuðning sumra
landsmanna við for-
ystu múslima á land-
svæðunum við Ísrael
þrátt fyrir langa
sögu árásarstefnu
þeirra og algjöra
óbilgirni og höfnun á
nokkrum friði af
veikum ástæðum
hvernig sem reynt er og að er
farið m.a. af alþjóðasamfélaginu.
Múslimar og gyðingar
Hatur múslima á gyðingum er
sorglegt og enn er stefna sumra
að leggja Ísrael í rúst og deyða
alla þar og væri það líklega löngu
orðin staðreynd hefðu Ísraelar
ekki með þrautseigju allra lands-
búa náð að verja sig og að Ísrael
sé í dag orðið það öflugt að von-
andi leggja fá þjóðríki í það leng-
ur, en mátturinn skapar friðinn
en ekki varnarleysið, sem sumir
landar mættu hugsa betur út í.
Eitt dæmið um hugarfar múls-
lima í garð gyðinganna er þegar
þá nýkjörinn forseti Írans, sagð-
ur frjálslyndur þar, lýsti Ísrael
sem vörtu sem þyrfti að fjar-
lægja. Minna mátti það ekki
vera. Einungis um 6 milljónir
gyðinga búa í um 8 milljóna land-
þröngu smáríkinu, eina raunveru-
lega lýðræðisríkinu í heimshlut-
anum, sem er aðeins fimmtungar
af stærð Íslands og tekur það
sem dæmi ekki nema nokkrar
mínútur að fljúga þvert yfir land-
ið. Saga Ísraels er samfelld saga
ógnar og árása múslima á það og
hefur landið sífellt þurft að verja
sig gegn milljónaskaranum, sem
hefur viljað því allt illt.
Einu sinni var
Sú var tíðin að Íslendingar
voru stuðningsmenn okkur næst-
um jafnaldra ísraelska lýðveldis.
Vera má að stuðningurinn hafi að
miklu leyti færst yfir til ófrið-
araðilanna með því að snjallir
áróðursmenn hafa komið ár sinni
fyrir borð og tekið upp popúlíska
vinkla eins og að benda á tölur
fórnardýra átakanna, sem oftast
hafa verið hærri múslimamegin
vegna hernaðarsigra
Ísraels að lokum.
Stöðug hryðjuverk
og árásir
Annars hefur Ísr-
ael oft verið afar
hætt komið og mann-
fall þar mikið eins og
t.d. þegar sameinaðir
herir múslima réðust
á og voru hársbreidd
frá því að brjóta
varnir landsins á bak
aftur og rúlla yfir
það í Yom Kippur
1973. En það eru ekki eingöngu
stríðin á milli þjóðríkjanna, held-
ur einnig löng og samfelld saga
hryðjuverka íslamista gegn gyð-
ingum um víðan völl, morða og
fjöldamorða á saklausu fólki, en
sem ekki allir hérlendir vilja
muna þótt listinn sé langur og
ljótur. Íbúar Ísraels eru sífellt á
milli steins og sleggju og undir
stöðugum hryðjuverkaárásum og
svo ótrúlegt sem það er verið
lengi undir næstum daglegum
eldflaugaskotum frá Hamas á
Gaza og Hezbollah í Líbanon.
Hefur landið því stundum þurft
að grípa til óvinsælla örþrifaráða
til þess að skapa sér svigrúm og
verja sig og sína eða hvernig
skyldum við sjálf fara að undir
svipuðum kringumstæðum? Það
eru einkum þessi samtök sem
njóta meðaumkunarinnar hér
þrátt fyrir blóðuga sögu þeirra
og að þau séu skilgreind sem
hryðjuverkasamtök hjá fjölda
þjóðríkja.
Árásargirnin og friðarviljinn
Það er jafn sorglegt að hreyf-
ingar Palestínumanna finna friði
fyrir eigið fólk og heimshlutann
allt til foráttu nema í áróðursorði
kveðnu. Samkvæmt hinu virta
Janés Defence Weekly halda
Hamas áfram að koma tugum
þúsunda eldflauga og sprengju-
varpna innan um almenning og
heimilin, konur og börn, til þess
að reisa svokallaða mannlega
skildi í skotlínunni að hætti
Saddams Hussein og hefur þetta
aftur sýnt sig í átökum síðustu
vikna með óhjákvæmilegu falli
saklausra borgara. Það er líka
óhjákvæmilegt fyrir Ísraelsmenn
annað en að grípa til varnar-
aðgerða og ekki mögulegt fyrir
þá að þiggja endalausar árásir
þúsunda flugskeyta og morð án
viðbragða og þá að bjóða hætt-
unni heim og áframhaldandi árás-
um á það eins og morðin núna á
þremur unglingum, en aðeins Ísr-
ael er ásakað þrátt fyrir að
Hamas hafi átt upptökin að skelf-
ingunni að venju. Ég er næsta
viss um að almenningur á Gasa
yrði því feginn ef Hamasstjórnin
reyndi að vernda íbúana í stað
þess að gera þá að byssufóðri eða
þá að eitthvað af því, sem hún
eyðir í vopnabúnað og tilgangs-
lítið manndráp og hatursárásir á
venjulegt fólk á götum úti, færi
til betri hluta. Íbúar Ísraels yrðu
því jafn fegnir ef spara mætti
stórfé það sem fer í varnir lands-
ins. Svona er þetta þarna niður
frá, en hér verður svart hvítt og
hvítt svart.
Kynnið ykkur málin
Friðarvilji er vel metinn, en ég
virði síður þann einstrenging,
sem virðist búa að baki sumra
sjálfskipaðra sérfræðinga. Það
þarf tvo til þess að dansa og ég
held að það væri uppbyggilegra
ef viðkomandi beittu sér fyrir því
að stjórnmálalegar viðræður
tækju við af ófriðaratreiðinni. Ég
hvet opið og velviljað fólk að
kynna sér málin og hlusta t.d. á
upptökur af ræðum Benjamins
Netanyahu, forsætisráðaherra
Ísraels, á allsherjarþingum Sam-
einuðu þjóðanna. Þar koma frið-
arviðleitnir Ísraela vel fram í
hnitmiðuðu máli og útskýringar á
því hvað hefur staðið í veginum
fyrir eðlilegu mannlífi á svæðinu,
sem væri vel hægt að ná ef músl-
imar vildu aðeins tryggja öryggi
Ísraelsmanna. Allur almenningur
þráir auðvitað það heitast að frið-
ur náist, sem múslimaöflin hins
vegar hafna sífellt. Á meðan vex
hatrið á báða bóga.
Um meinta friðsemi
í garð Ísraels
Eftir Kjartan Örn
Kjartansson » Það er sorglegt að
hreyfingar Palest-
ínumanna vilja ekki frið
fyrir eigið fólk nema í
áróðursorðinu einu
kveðnu.
Kjartan Örn
Kjartansson
Höfundur er fyrrverandi forstjóri.