Morgunblaðið - 30.07.2014, Blaðsíða 30

30 MENNING
MORGUNBLAÐIÐ MIÐVIKUDAGUR 30. JÚLÍ 2014
Movie Star hvíldarstóll
Verð 439.000,-
Skeifunni 8 | sími 588 0640 | casa.is
Davíð Már Stefánsson
davidmar@mbl.is
„Framundan eru stórtónleikar í Eldborgarsal
Hörpu. Þar munum við skauta í gegnum okk-
ar bestu lög að okkar mati, ekki endilega þau
vinsælustu. Við ætlum að reyna að tjalda öllu
því sem hægt er að tjalda á þessum tónleikum
og brasssveit Samúels J. Samúelssonar kemur
til að mynda fram með okkur. Svo verður að
minnsta kosti einn sérstakur gestur á svæð-
inu,“ segir Sigurður Guðmundsson, meðlimur
reggísveitarinnar Hjálma sem fagnar tíu ára
afmæli á árinu og efnir til stórtónleika 26.
september.
Brautryðjendur reggísenunnar
Blaðamaður náði tali af Sigurði þar sem
hann spókaði sig á eynni Sikiley í Miðjarð-
arhafi en hann hefur að undanförnu búið í
Noregi og meðal annars starfað þar sem tón-
listarmaður. Sveitin Hjálmar verður að teljast
með frumkvöðlum reggísenunnar á Íslandi en
Sigurður er hógvær.
„Hljómsveit sem byrjar á einhverju sem
hefur kannski ekki verið mjög algengt á því
svæði áður getur vissulega talist ákveðinn
brautryðjandi. Það að vera brautryðjandi þýð-
ir þó að sjálfsögðu að einhverjir aðrir verða að
fylgja í kjölfarið. Lengi vel var voða lítið ann-
að að gerast í reggísenunni hér heima, við vor-
um lengi eina bandið sem stóð í þessu. Ég er
mjög hrifinn af því að það sé orðið meira af
reggíhljómsveitum. Ég vil því meina að það sé
þeim að þakka að við séum loks orðnir braut-
ryðjendur,“ segir hann kíminn.
„Mér finnst gæðastuðullinn vera orðinn
talsvert hærri nú en hann var fyrir tíu árum.
Það hefur komið fram rosalega margt klárt
tónlistarfólk að undanförnu og það er orðið
mjög algengt að yngri sveitir séu orðnar mjög
góðar. Nú eru náttúrlega margir farnir að
semja og taka upp heima hjá sér sem vænt-
anlega felur það í sér að fleiri hafi aðgang að
tónlistarsköpuninni. Ég er mjög hrifinn af
þeirri þróun,“ bætir hann við.
Jamaíka stendur upp úr
Sigðurður segir ýmislegt standa upp úr á
þeim áratug sem hljómsveitin hefur starfað.
„Ég held að við getum öll þakkað fyrir það
að við höfum einfaldlega byrjað aftur eftir að
við hættum um árið. Það voru ákveðin þátta-
skil sem áttu sér stað þegar við byrjuðum
saman aftur. Svo hefur þetta náttúrlega borið
okkur á framandi slóðir. Ferðin okkar til Ja-
maíku var algjört einsdæmi. Það var einkar
skemmtilegt að upplifa það að vera reggíband
komið þangað. Jamaíka er einmitt fæðingar-
land þeirrar tónlistar,“ segir hann. Hjálmar
hafa ekki verið sérstaklega iðnir upp á síð-
kastið en eiga þó eitt lag í spilun þessa dag-
ana.
„Það er náttúrlega þetta nýja lag sem hefur
verið í spilun undanfarið en auk þess eigum
við annað lag inni sem verður vonandi hleypt í
loftið nú á næstu vikum. Steinunn Harðar-
dóttir, sem flestir þekkja sem dj. flugvél og
geimskip, er einmitt með okkur í því lagi.
Áframhaldið er ennþá fremur óljóst en við
komum saman aftur fyrir tveimur vikum eftir
svolítið langt hlé og spiluðum á Græna hatt-
inum,“ segir Sigurður en hann segir þá
reynslu hafa verið mjög skemmtilega.
Semja tónlist um ókomna tíð
„Steini, Kiddi og þeir eru nú á fullu við að
túra með Ásgeiri Trausta og voru nú síðast
staddir í Tókýó að ég best veit. Sjálfur er ég
að spila með norskum tónlistarmanni að nafni
Erlend Øye. Það má geta þess að við tókum
nýverið upp plötuna hans sem kemur út núna í
byrjun október. Við erum því allir að gera
ýmislegt fyrir utan Hjálma,“ segir hann um
sig og meðlimi Hjálma, þá Þorstein Einarsson
og Guðmund Kristin Jónsson. Aðrir meðlimir
sveitarinnar eru þeir Valdimar Kolbeinn Sig-
urjónsson og Helgi Svavar Helgason.
„Þessir túrar okkar setja náttúrlega strik í
reikninginn en við komum saman þegar við
höfum tíma til þess. Það sem við uppgötvuðum
núna síðast þegar við hittumst og tókum upp
lög saman, var að við höfum allir ennþá alveg
mjög gaman af þessu. Það er því engin ástæða
til þess að hætta. Ég á því von á að við höldum
áfram að semja tónlist og gefa út undir for-
merkjum Hjálma. Vonandi bara um ókomna
tíð,“ segir Sigurður. „Miðasalan á tónleikana í
haust er hafin og hún fór mjög vel af stað. Ég
hlakka bara til að sjá alla sem sjá sér fært að
mæta. Síðast þegar ég vissi voru um þúsund
miðar farnir, ég veit ekki alveg hvernig staðan
á því er núna,“ segir Sigurður og biður blaða-
mann að lokum um að skila kærri sólarkveðju
frá Sikiley til landsmanna.
Áratug fagnað í Hörpu
Morgunblaðið/Ómar
Reggí Hljómsveitin Hjálmar hefur verið starfandi í tíu ár og efnir til afmælistónleika 26. september í Eldborgarsal Hörpu.
 Hjálmar efna til stórtónleika í Hörpu á tíu ára afmæli frumkvöðla reggítónlistar á Íslandi
 Meðlimirnir eru allir í öðrum verkefnum en hittast þó reglulega til að semja, spila og taka upp
Davíð Már Stefánsson
davidmar@mbl.is
„Ég er að vinna að plötunni Skyn-
vera um þessar mundir en ég hef
verið að taka hana upp í nýja heima-
stúdíóinu mínu við Ingólfstorg. Ég
hef einbeitt mér að plötunni mest-
megnis síðasta hálfa árið en hef
engu að síður verið að vinna í henni
frá 2012. Það ár hætti ég einmitt að
drekka og þá varð mikil breyting í
mínu lífi. Platan er mjög persónuleg
þrátt fyrir að það sé ekkert sungið á
henni. Þetta er hreinræktuð raf-
tónlist með brotnum töktum og sér-
stökum hljóðheimi,“ segir raftónlist-
armaðurinn Árni Grétar, betur
þekktur sem Futuregrapher, en
hann vinnur nú að nýrri plötu og
hefur hrundið af stað söfnun fyrir
vinnslu hennar á vefsíðunni Karol-
ina Fund.
Safnar á Karolina Fund
„Markmiðið er, það er að segja ef
mér tekst að fjármagna hana í gegn-
um Karolina Fund, að platan verði
gefin út á vínyl auk geisladisks.
Söfnunin er búin að vera í gangi í
einn sólarhring núna og slagaði eftir
hann upp í fjórtán prósent. Ég get
ekki lagt mat á það hvort það er
gott eða slæmt en ef söfnunin held-
ur dampi þá ætti þetta að ganga
upp, það eru rúmir fjörutíu dagar
eftir af henni. Það eina sem ég hef
er trúin og ég trúi að þetta gangi
vel,“ segir Árni Grétar. Spurður út í
nafnið á tilvonandi plötu kveður
hann það komið úr graffheimi
Reykjavíkur.
„Ég hef alltaf dáðst að veru sem
graffarinn Arnór Kári hefur verið
að setja á veggi hérna í bænum.
Fyrir mörgum árum gaf ég mig á
tal við hann og spurði hann hvað
þessi tiltekna vera héti. Hann tjáði
mér að hún bæri nafnið Skynvera.
Mér fannst hún, og nafnið á henni,
lýsandi fyrir tónlistina sem ég geri
þar sem þar er verið að setja svo
miklar tilfinningar á blað án þess að
það sé verið að syngja þær,“ segir
hann.
Hægari og skítugri
Þess má geta að síðasta plata kom
frá Futuregrapher árið 2012 og var
efnið á henni talsvert ólíkt því sem
koma skal á þeirri nýju.
„Það er ef til vill sama tilfinning á
Skynveran er
skítug og hæg
 Futuregrapher safnar á Karolina Fund