Morgunblaðið - 30.07.2014, Blaðsíða 36

MIÐVIKUDAGUR 30. JÚLÍ 211. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Of snemmt að gefa út dánarvottorð
2. Bilun talin orsök slyssins
3. Andlát: Símon Hallsson
4. Blæs á fréttaflutning DV
»MEST LESIÐ Á mbl.is
FÓLK Í FRÉTTUM
 Blúsveisla verður á Café Rosen-
berg við Klapparstíg í Reykjavík
föstudagskvöldið 1. ágúst. Flytjandi
kvöldsins verður hljómsveit sem
ber hið frumlega nafn Gorelick en
hún leikur blús- og fönktónlist.
Meðlimir hljómsveitarinnar eru
Hjörtur Stephensen gítarleikari,
Bergþór Smári, sem syngur og
leikur á gítar, Helge Haahr
trommuleikari og Valdimar Olgeirs-
son bassaleikari. Á efnisskrá eru
blússtandardar í bland við eigið
efni hljómsveitarinnar en fjörið
hefst kl. 22.
Blús í byrjun versl-
unarmannahelgar
 Myndlistarsýning Joris Rademaker
verður opnuð í myndlistarsal SÍM,
Hafnarstræti 16, föstudaginn 1. ágúst
kl. 16-18. Joris er hollenskur en hefur
verið búsettur hérlendis í 20 ár. Á sýn-
ingunni eru mestmegnis þrívíddarverk
unnin á síðasta áratug en Joris safnar
ýmsum efnum og hlutum, sem hann
setur saman á óvæntan hátt. Hvert
verk er táknrænt fyrir
einhverja tilfinningu
eða ástand sem
vekur spurningar
um mannlega til-
veru. Þetta er
fjórða sýning
listamannsins en
hún er opin alla
virka daga frá
kl. 10-16 og
stendur til
22. ágúst.
Vekur spurningar
um tilveruna
Á fimmtudag Norðlæg átt, 5-10 m/s. Súld norðaustanlands og úti
við norðvesturströndina, rigning sunnantil, en annars bjart með
köflum. Hiti 6 til 10 stig norðaustantil, en annars 10 til 16 stig.
SPÁ KL. 12.00 Í DAG Norðlæg átt, 2-13 m/s, skýjað með köflum
eða bjartviðri vestanlands, en skúrir um landið austanvert. Hiti 8 til
13 stig fyrir norðan, en 10 til 19 stig sunnanlands.
VEÐUR
Stjarnan heldur enn átta
stiga forskoti á Breiðablik í
toppbaráttu Pepsi-deildar
kvenna í knattspyrnu.
Stjarnan burstaði ÍBV, 4:0,
þar sem Harpa Þorsteins-
dóttir skoraði þrennu.
Breiðablik vann Fylki, 4:0,
Þór/KA lagði Selfoss, 2:1,
Valur vann Aftureldingu,
2:1, og ÍA og FH skildu jöfn,
3:3. Fjallað er um leikina í
íþróttablaði Morgunblaðs-
ins í dag. »2-3
Stjarnan heldur 8
stiga forskoti
Ellefu leikmenn gáfu ekki kost
á sér í komandi verkefni með
körfuboltalandsliðinu sem er
að búa sig undir undan-
keppni EM í næsta mánuði.
„Að sjálfsögðu
vonbrigði,“
sagði Hannes
S. Jónsson, for-
maður KKÍ, í
samtali við
Morgunblaðið,
en 12 manna
hópur heldur til
Lúxemborgar í
dag. »1
Vonbrigði hve margir
gáfu ekki kost á sér
Reglulega snúa gamlar goðsagnir
aftur í ensku úrvalsdeildina og ganga
til liðs við sín gömlu lið, nú síðast Di-
dier Drogba til Chelsea. Í Morgun-
blaðinu í dag er farið yfir helstu end-
urkomur stjarnanna í deildinni
síðustu ár. Skemmir fyrir að snúa aft-
ur á fornar slóðir undir lok ferilsins,
eða geta menn bara treyst á forna
frægð? »2,3
Drogba kominn í hóp
með Henry og Fowler
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Páll Fannar Einarsson
pfe@mbl.is
Í Tjöruhúsinu í Neðstakaupstað á
Ísafirði er rekinn veitingastaður í
einu elsta húsi bæjarins. Stað-
urinn er opinn á sumrin og um
páska en að sögn Magnúsar
Haukssonar, matargerðarmanns í
Tjöruhúsinu, er meira en nóg að
gera á staðnum. „Það er háanna-
tími núna og þetta fór ágætlega af
stað þegar við opnuðum í vor. Það
er búið að vera betra veður en í
fyrra og ég held að það sé helsta
skýringin á meiri umferð hjá okk-
ur miðað við árið í fyrra,“ segir
Magnús.
Margir af viðskiptavinum Magn-
úsar eru erlendir ferðamenn en
hann fær þó einnig til sín Íslend-
inga. „Það kemur fólk til okkar
alls staðar að úr heiminum. Við
njótum m.a. góðs af skemmti-
ferðaskipunum sem koma hingað
en heimamenn og brottfluttir Ís-
firðingar eru alltaf duglegir að
heimsækja okkur. Svo er ég með
góðan hóp af fastakúnnum sem
koma til mín og fá sér gjarnan
steinbít, þorsk eða hlýra,“ segir
Magnús.
Staðurinn sérhæfir sig í réttum
úr sjávarfangi af svæðinu en þar
er fiskur borinn fram í hádeginu
og á kvöldin. „Við erum með
nokkuð fjölbreyttan matseðil sem
fólk getur valið úr. Í hádeginu er
maturinn ódýrari en á kvöldin er-
um við með hlaðborð. Þá geta
menn borðað eins mikið og þeir
vilja,“ segir Magnús.
Langaði í matreiðslunám
Magnús hefur verið viðloða veit-
ingabransann undanfarinn áratug
en hann er þó ekki lærður mat-
reiðslumaður. „Ég er áhugamaður
um matreiðslu og hef verið það
lengi. Þegar ég var ungur maður
var matreiðslunám hins vegar ekki
beint í tísku en mig langaði alltaf
að vinna við þetta. Ég hef mikið
verið í kringum fisk og vann sem
kokkur á sjó og byrjaði svo upp
frá því að fikra mig áfram í veit-
ingabransanum,“ segir Magnús.
Magnús lítur framtíðina í veit-
ingarekstri björtum augum en
hann rekur staðinn ásamt eig-
inkonu sinni, Ragnheiði Halldórs-
dóttur, og börnum. Þau heita
Haukur S. Magnússon, Salóme
Katrín Magnúsdóttir og Guð-
mundur Björgvin Magnússon.
„Þetta er mikil keyrsla í stuttan
tíma en þetta er árstíðabundinn
veitingastaður svo hann lognast
alltaf út af á haustin. Við erum
reyndar alltaf með staðinn í leigu
svo við getum opnað hvenær sem
er ef óskað er eftir því,“ segir
Magnús.
Árstíðabundinn veitingastaður
 Rekur veit-
ingastað í einu
elsta húsi bæjarins
Ljósmynd/Ágúst Atlason
Tjöruhúsið Staðurinn sérhæfir sig í réttum úr sjávarfangi af svæðinu en þar er fiskur borinn fram í hádeginu og á
kvöldin. Húsið var reist árið 1781 sem vörugeymsluhús, gert úr stokkum á tímum Konungsverslunarinnar síðari.
Tjöruhúsið var reist árið 1781 sem
vörugeymsluhús og gert úr stokkum
á tímum Konungsverslunarinnar síð-
ari. Húsið er byggt í svipuðum stíl og
Turnhúsið á Vestfjörðum en þau eru
misstór.
Húsið er ekki einangrað og því er
erfitt að reka veitingstað þar á veturna en veggirnir eru hlaðnir úr þykk-
um, láréttum stokkum á hæð. Gróp eða nót er á samliggjandi hliðum
plankanna og laus fjöður þar í sem skorðar þá saman. Á hornum eru trén
felld saman hálft í hálft og ná endar þeirra út fyrir veggfletina.
Að nokkru leyti minnir þessi húsagerð á hefðbundin stokkahús eins og
þau tíðkuðust í Skandinavíu. Þó hafa þau augljós sérkenni sem talin eru
benda til þess að þau séu hugsuð og smíðuð af dönskum smiðum.
Enginn rekstur á veturna
MINNIR Á HEFÐBUNDIN SKANDINAVÍSK STOKKAHÚS
Tjöruhúsið er eitt elsta hús bæjarins.