Morgunblaðið - Sunnudagur - 03.08.2014, Blaðsíða 18

Í Woodacre, norðan við San Francisco-borg, er að finna landsvæði þar
sem frumbyggjar Ameríku stunduðu lengi vel andlegar helgiathafnir. Þar er
nú hugleiðslusetrið Spirit Rock. Sagt er að dýrin á svæðinu séu óvenjulega
róleg og gæf.
Kyrrðarvökur eru haldnar árið um kring og eru allt upp í tveggja mán-
aða langar. Vökurnar eru af ýmsum toga, til dæmis eru sérstakar vökur
haldnar fyrir fjölskyldur, listamenn og fólk sem vill beina sjónum sínum að
tilteknum álitaefnum á borð við kvíða eða sársauka. Um 40.000 manns
heimsækja setrið ár hvert. Þar er lögð áhersla á núvitundarhugleiðslu og
kennslu Búdda.
SPIRIT ROCK, KALIFORNÍU
1
Thich Nhat Hanh, búddamunkur frá
Víetnam, stofnaði snemma á níunda
áratug liðinnar aldar búddíska hug-
leiðslusetrið Plómuþorpið í Dordogne
í Suður-Frakklandi. Síðan þá hefur
hann leitt kyrrðarvökur í þorpinu.
Hanh hvatti dr. Martin Luther King á
sínum tíma til þess að fordæma Víet-
nam-stríðið og árið 1967 tilnefndi
King Hanh til friðarverðlauna Nóbels.
Hanh lifir enn í klaustri í Plómuþorp-
inu ásamt 200 öðrum munkum og
nunnum og tekur þar á móti gestum
árið um kring. Stærsta hátíð setursins
stendur yfir í fjórar vikur á hverju
sumri undir leiðsögn Hanhs. Árið
1983 tóku 232 þátt en árið 2004 hafði
þátttakendum fjölgað í rúmlega 2.000.
PLÓMUÞORPIÐ,
FRAKKLANDI 3
18 MORGUNBLAÐIÐ SUNNUDAGUR 3.8. 2014
Ferðalög og flakk
Ö
ðruvísi ferðalag eða ævintýri þarf ekki endilega að felast í
þeysireið eftir hvítfyssandi haföldu eða fallhlífarstökki úr
flugvél með ókunnugan mann á bakinu. Slík ferð getur einnig
legið inn á við, ef svo má að orði komast, og að mörgu leyti
eru ferðalög og frí kjörið tilefni til þess að horfast í augu við sjálfa/n sig af
yfirvegun, kynnast áferð eigin huga.
Í hraða nútímasamfélags kvarta margir undan tímaskorti, svo margt
þarf að gera, sólarhringurinn svo stuttur. Takmarkaður tími gefst til að
vera með sjálfum sér, átta sig á eigin líðan. Að kvöldi dags er auðveldast
að nýta sér möguleika tafarlausrar afþreyingar, gleyma sér yfir sjónvarps-
þætti eða bíómynd sem gerir lágmarkskröfur til áhorfandans, bíða þess að
hringiðan hefjist að nýju að morgni.
Það kann að hljóma undarlega að ferðast langar vegalengdir til þess
eins að setjast niður og þegja með hópi ókunnugs fólks. Víða um heim er
að finna hugleiðslusetur (e. meditation retreats) og þangað leggja ferða-
langar leið sína til þess að taka þátt í kyrrðarvökum.
Á vef CNN er vitnað í Jack Kornfield, virtan hugleiðslukennara, sem
segir eðlilegt að fólk kvíði því að taka þátt í slíkri vöku þar sem hvorki er
sofið út né talað í nokkra daga. „Fyrirbæri sem virðast erfið, eins og til
dæmis þögnin, reynist vera mikil blessun og gjöf. Róaðu hugann, opnaðu
hjartað og hlustaðu vandlega. Öll vitræn samfélög gera sér grein fyrir
mikilvægi þess að fólk haldi út í eyðimörkina eða upp í fjöllin eða taki þátt
í kyrrðarvöku til þess að hlusta.“
Slíkar vökur hafa sömuleiðis skotið rótum hér á landi og hafa verið
haldnar árlega í Skálholtsbúðum á hverju vori frá árinu 2009, en einnig
hóf Sigurbjörn Einarsson árlega kyrrðardaga í Skálholti 1986 og var síð-
ast með þá á dánarári sínu 2008. Líkt og fram kom í samtali við Ástu Arn-
ardóttur, jógakennara og leiðsögukonu, hér í blaðinu í júní hefur færst í
vöxt að Íslendingar kynni sér hugleiðslu og taki þátt í slíkum vökum.
Hér er að finna yfirlit yfir nokkur slík athvörf. Mælt er með því að fólk
sé raunsætt gagnvart þörfum sínum áður en það heldur í slíka ferð enda
getur dvöl í íburðarlausri aðstöðu oft veitt fólki djúpstæðan skilning á
muninum á því hvað það vill og hvað það þarf.
Hefðbundin búddísk hugleiðsla hefst snemma á morgnana og í þeim at-
hvörfum þar sem ekki er stunduð gróðastarfsemi er oft ætlast til þess að
þátttakendur taki að sér heimilisstörf á borð við að vaska upp eða skera
grænmeti.
KYRRÐARVÖKUR UM VÍÐA VERÖLD
NJÓTA AUKINNA VINSÆLA
Hugleitt í
ólíkum heims-
hornum
KYRRÐARVÖKUR GRUNDVALLAST Á ÞÖGN OG ÍHUGUN
OG ÞÓTT FERÐALAGIÐ GETI KOSTAÐ SITT ER HUG-
MYNDAFRÆÐIN YFIRLEITT SÚ AÐ HVER SEM ER EIGI AÐ
GETA IÐKAÐ HUGLEIÐSLU ÓHÁÐ EFNAHAG.
Halldór Armand Ásgeirsson haa@mbl.is
Almenningur hefur jafnan
greiðan aðgang að fríum fyrir-
lestrum Dalai Lama í Indlandi.
Vefsíðan elevendirections.com
aðstoðar fólk við að komast til
borgarinnar Dharamsala í Ind-
landi þar sem tíbeska útlaga-
stjórnin hefur aðsetur og Dalai
Lama heldur fyrirlestra á milli
þess sem hann ferðast um
heiminn. Þangað leggur fjöldi
andlegra pílagríma leið sína ár
hvert.
DHARAMSALA,
INDLANDI2