Morgunblaðið - Sunnudagur - 03.08.2014, Blaðsíða 22

22 MORGUNBLAÐIÐ SUNNUDAGUR 3.8. 2014
Heilsa og hreyfing
L
eynist lækning í danssveiflunni eða
teljum við orðið allt til tekna þeg-
ar kemur að hreyfingu? Edda
Lúvísa Blöndal, sjúkraþjálfari og
salsakennari hjá SalsaIceland, segist ekki
vera í nokkrum vafa um heilsusamleg
áhrif dansins á bæði líkama og sál. „Auk
þekktra og mælanlegra áhrifa aukinnar
hreyfingar sem fæst t.d. með salsadansi,
á borð við lækkun á blóðþrýstingi og
lægri BMI-stuðul, er dansinn ekki síður
mikilvægur fyrir sálina. Andlegu áhrifin
hafa breytt mínu lífi og allra félaga
minna í salsadansinum því dansinn verður
föst viðbót í félagslífinu þar sem við hitt-
um annað fólk sem kemur til að dansa í
góðra vina hópi óháð áfengisneyslu.“ Full-
yrðingar Eddu eru alls ekki úr lausu
lofti gripnar því frændur okkar Svíar
gerðu rannsókn á áhrifum dans á heilsu
112 unglingsstelpna sem þjáðust af
streitu, kvíða, þunglyndi og ýmsum lík-
amlegum kvillum. Niðurstöðurnar voru
birtar í ritinu Archives of Pediatrics &
Adolescent Medicine og ættu þær ekki að
koma neinum á óvart sem fer reglulega
út til að hitta fólk og dansa. Sá helm-
ingur hópsins sem mætti einu sinni í
viku á dansæfingu bætti andlega heilsu
sína umtalsvert og fann minna fyrir ýms-
um líkamlegum kvillum en helmingurinn
sem ekki var látinn stunda dans.
Allir eru einhvern
tímann byrjendur
Salsa er engum meðfætt og á einhverjum
tíma erum við öll byrjendur að taka okk-
ar fyrstu skref. Núna eru liðin 10 ár síð-
an salsaævintrýið hjá SalsaIcelnd hófst
og segir Edda margt hafa breyst á þess-
um áratug. „Í byrjun þurfti ég að út-
skýra fyrir félögum mínum að salsa væri
meira en bara sósa, en í dag vita flestir
hvað salsa er,“ segir Edda, en margir
hafa spurt hana í gegnum tíðina hvort
ekki sé erfitt að fá kalda Íslendinga til
að skekja mjaðmir við seiðandi suðræna
tóna. „Það hefur ekki verið raunin, enda
held ég að Íslendingar hafi almennt mjög
gaman af að koma saman og skemmta
sér, sem er stærsta markmiðið í salsa-
dansinum. Salsa er í grunninn mjög ein-
faldur dans og alls ekki formfastur. Oft
er talað um salsað sem „götudansinn“ í
pardönsunum og þannig vísað í að um
hann gildi fáar reglur eða stífar venjur.
Þetta gerir dansinn aðgengilegan öllum
enda hafa fæstir þá reynslu að stunda
pardans að einhverju marki sem krakk-
ar,“ segir Edda og tekur það sérstaklega
fram að flestir séu algerir byrjendur í
dansi þegar þeir koma til að dansa salsa.
Enginn þarf því að óttast salsanámskeiðin
hjá Eddu þó reynsla af dansi sé tak-
mörkuð eða engin.
Dansinn er einbeiting að núinu
Edda segir dansinn hafa gefið sér margt
en auk þess að kenna salsa á Íslandi
hefur hún ferðast relgulega erlendis til
að taka þátt í alþjóðlegum salsahátíðum
og til að kenna og sýna en dansinn gefur
öllum sem taka þátt eitthvað jákvætt og
gott. „Þessu áhugamáli fylgir svo mikill
félagsskapur og vinátta. Um allan
heim er að finna salsaklúbba sem er
gaman að heimsæka til að kynnast nýju
fólki á ferðalögum sínum. Hreyfingunni
má heldur ekki gleyma og tónlistinni sem
er fjölbreytt og stórskemmtileg.“
Hugleiðslan í dansinum er enn ein
ástæðan til að prófa og stunda hann
reglulega. „Í dansinum slökkvum við
á áhyggjum af framtíðinni og eft-
irsjá að fortíð og lifum í dýrmætu
núinu undir ljúfum tónum lifandi
og skemmtilegrar tónlistar. Til
að kóróna þetta allt fylgir dans-
inn og tónlistin manni ævilangt.
Fátt hefur heillað mig jafn mikið og
að sjá eldri kynslóðina dansa frá sér allt
vit á danssamkomum á Kúbu – gamalt
fólk sem gaf okkur unga fólkinu ekkert
eftir og skaut okkur ref fyrir rass í
dansgleði og túlkun. Ég óska þess fyrir
mig og mína.“
Kynjahlutföllin að verða jafnari
Stelpur hafa lengst af haft nokkuð meiri
áhuga á dansi en karlmenn en Edda seg-
ir það ekki vera vandamál lengur og
kynjahlutföllin á námskeiðum hjá SalsaI-
celand séu jöfn. „Það þarf enginn að
koma með dansfélaga og hlutföllin eru
jöfn hjá okkur þó svo stelpurnar sæki
frekar í dansinn en strákar. Þegar hlut-
föllin eru ekki jöfn á byrjendanám-
skeiðum okkar höfum við gripið til þess
ráðs að bjóða strákum að koma aftur á
námskeið til okkar, frítt,“ segir Edda,
sem telur að kynjahlutföllin séu að jafn-
ast í dansinum og að áhugi stráka sé
orðinn miklu meiri en hann var fyrir ára-
tug þegar salsaævintýrið var rétt að hefj-
ast hér á landi.
DANSAÐU AF ÞÉR KVÍÐA OG STRESS
ALLIR GETA DANSAÐ EF MARKA MÁ EDDU LÚVÍSU BLÖNDAL, SJÚKRAÞJÁLFARA OG DANSKENNARA, EN HÚN SEGIR DANSINN VERA
SKEMMTILEGA LEIÐ TIL AÐ BÆTA BÆÐI LÍKAMLEGA OG ANDLEGA HEILSU OKKAR. Í DANSINUM ER EINNIG FÓLGIN ÁKVEÐIN HUGLEIÐSLA
ENDA GLEYMUM VIÐ DAGLEGUM VANDAMÁLUM OKKAR Á DANSGÓLFINU Í LÉTTRI SVEIFLU MEÐ GÓÐA TÓNA UNDIR.
Vilhjálmur A. Kjartansson vilhjalmur@mbl.is
Svo þú hélst að þú gætir ekki dansað?
Stemningin er ávalt góð á salsakvöldum SaldsaIceland.
Regluleg salsakvöld eru haldin og eru þau opin öllum.
* Hugleiðslan í dansinum erenn ein ástæðan til að prófasalsa en það er lítið mál að skrá
sig á námskeið hjá SalsaIceland.
Edda segir Salsa vera fyrir fólk
á öllum aldri og óskar þess fyr-
ir sjálfan sig að geta dansað frá
sér allt vit þegar hún eldist.
Morgunblaðið/Árni Sæberg
Edda Lúvísa
Blöndal kennir
og dansar salsa
um allan heim.
Árangur næst best með reglulegum æfingum, heilsusamlegu mataræði og hvíld. Margir gleyma
hvíldinni og fara allt of geyst af stað. Líkaminn þarf hins vegar að fá hvíld milli æfinga til að
byggja upp slitna vöðva og safna kröftum fyrir næstu átök. Of mikil áreynsla getur haft þver-
öfug áhrif og tafið árangur og jafnvel verið orsök ýmissa líkamlegra kvilla.
Munum eftir hvíldinni líka