Morgunblaðið - Sunnudagur - 19.10.2014, Blaðsíða 32

Morgunblaðið/Eggert
Frá vinstri: Sigurður Hólmar Karlsson fíkniefnaráðgjafi, Kristín Sigurðardóttir, sérfræðingur í slysa- og bráðalækningum, Ragn-
heiður Guðfinna Guðnadóttir sálfræðingur, Ólafur Þór Ævarsson geðlæknir og Sveinbjörg Júlía Svavarsdóttir félagsráðgjafi.
H
ópurinn sem ég bauð heim eru vinnufélagar mínir en við störf-
um öll hjá Streituskólanum en erum engu að síður öll úr ólík-
um áttum og með ólíkan bakgrunn, læknar, félagsráðgjafar,
fíkniefnaefnaráðgjafi og ég er með meistaragráðu í félags- og
vinnusálfræði,“ segir Ragnheiður Guðfinna Guðnadóttir.
Ragnheiði Guðfinnu þykir mjög gaman að
eyða deginum í eldhúsinu, blanda einhverju
ólíku saman og upplifa útkomuna. „Oftast
tekst þetta nú ágætlega, svo á ég líka svo
magnaðan unnusta sem er virkilega dugleg-
ur og klár í eldhúsinu og við vinnum þetta
vel saman. Við skötuhjúin erum líka mjög
dugleg að skiptast á og einnig skiptum við
með okkur verkum enda fer best á því;
styrkleikar hvers og eins fá þá að njóta sín í
því sem maður er hæfastur til að gera.“
Það er nú kannski við hæfi að spyrja konu
sem starfar við að hjálpa fólki við að losa
um stress hvernig eigi að halda stresslaust
matarboð?
„Ég get fullyrt að þetta hafi verið stress-
laust matarboð,“ segir Ragnheiður Guðfinna
og hlær. „Ég bar ekkert fram sem var heitt og var þannig ekki að stressa
mig á því að láta allt smella í eldamennskunni þannig að allt væri klárt á
réttum tíma. Ég gat undirbúið matinn frá morgni og notið þess og nýtti
þennan sunnudag líka til að fara með börnunum mínum í göngutúr og
gera eitthvað annað skemmtilegt.“
Hópurinn í heild var ánægður með kvöldið.
Hvað hafði Ragnheiður Guðfinna í huga þegar hún ákvað matseðil
kvöldsins?
„Ég vildi bjóða upp á holla ævintýraferð fyrir bragðlaukana og veit
ekki betur en að þetta hafi runnið ljúflega niður. Það voru heldur engir
afgangar sem boðar gott, ekki satt? Ég heyrði líka mörg „mmm“ og
meira að segja voru tveir sem alla jafna þola ekki crème brulée en klár-
uðu mitt og þá fannst mér sigurinn unninn!“
RAGNHEIÐUR GUÐFINNA BÝÐUR HEIM
Afslappað
matarboð
* „Meira aðsegja vorutveir sem alla
jafna þola ekki
crème brulée en
kláruðu mitt og
þá fannst mér
sigurinn unn-
inn!“
ÞAÐ VAR ÁKVEÐIÐ ÞEMA Í MATARBOÐI RAGNHEIÐAR
GUÐFINNU GUÐNADÓTTUR, SEM VAR „EKKERT STRESS“
OG MATSEÐILLINN HANNAÐUR ÚT FRÁ ÞVÍ AÐ KVÖLDIÐ
VÆRI AFSLAPPAÐ.
Júlía Margrét Alexandersdóttir julia@mbl.is
Granateplum
raðað á diskana.
32 MORGUNBLAÐIÐ SUNNUDAGUR 19.10. 2014
Matur og drykkir
1 heil önd
1 búnt salanovasalat
½ grænkálsbúnt
2 lúkur spínat
250 g villihrísgrjón, soðin
1 granatepli
1 lúka furuhnetur
1 lítið búnt vorlaukur
2 stk. kumquats (eru pínulitlar mandarínur)
eða venjulegar mandarínur eða appelsínur,
skornar í sneiðar
2 tómatar, skornir í sneiðar
1 límóna, safinn
ferskt kóríander eftir smekk
pekingandarsósa, keypt tilbúin
Látið öndina þiðna í kæli í sólarhring og skolið hana
vel og þerrið. Kryddið eftir smekk og eldið á grind í
skúffu í ofni við 200°C í 25 mínútur og lækkið í 170°C.
Eldið hana áfram í 45 mínútur en kjarnhitinn á að vera
um 72°C. Rífið kjötið niður af öndinni og notið skinn
og fitu líka sem gefur gott bragð. Veltið kjötinu elduðu
upp úr pekingandarsósu.
Setjið 2-3 msk. af villihrísgrjónum á hvern disk. Legg-
ið rifið ferskt grænkálið, salanova-salatið og spínatið
þar ofan á og klippið yfir ferskt kóríander og vorlauk.
Stráið mandarínunum yfir, furuhnetum og fræjum úr
granateplinu, 2-3 sneiðum af mandarínum og leggið
kjötið þá yfir allt og stráið smá pekingandarsósu yfir
aftur. Kreistið safa úr límónu að lokum yfir hvern disk.
Andasalat á
villihrís-
grjónabeði