Morgunblaðið - 14.11.2014, Side 11

DAGLEGT LÍF 11
MORGUNBLAÐIÐ FÖSTUDAGUR 14. NÓVEMBER 2014
FÆST Í NÆSTA APÓTEKI
HÁGÆÐA HÚÐVÖRUR FYRIR ALLA FJÖLSKYLDUNA Á FRÁBÆRU VERÐI.
ENGIN ILM- EÐA LITAREFNI.
HLÚÐU AÐ VIÐKVÆMRI HÚÐ Í FROSTINU
frá líkamshlutum. Vilji maður til dæm-
is finna æfingar sem teygja á kvið þá
er flett upp orðinu kviður í skránni aft-
ast og þar er listi yfir allt það sem
styrkir kviðinn og það sem teygir á
honum. Það er hægt að nálgast upp-
lýsingarnar eftir nánast hverju sem
er,“ segir Guðrún.
Henni er mikið í mun að bókin
endurspegli að jóga sé fyrir alla og því
eru bæði karlar og konur á mynd-
unum þar sem stöðurnar eru sýndar.
Sjálf er hún á fjórðungi myndanna
sem Hermann Sigurðsson tók. „Ég er
mjög ánægð með útkomuna og það er
ekkert notast við Photoshop og fólkið
er bara venjulegt. Við sem erum á
myndunum erum í raun bara að end-
urspegla þjóðina, fjölbreytt eins og
iðkendur eru. Skilaboðin eru þau að
jóga er fyrir alla, alveg
sama í hvaða formi
fólk er,“ segir
bókasafns-
fræðing-
urinn, jóga-
kennarinn
og höfundur
Jógahand-
bókarinnar,
Guðrún
Reyn-
isdóttir.
Ljósmyndir/Hermann Sigurðsson
Höfundurinn Guðrún Reynisdóttir er ánægð með bókina sem hún hafði í
raun skrifað í fjölmörgum minnispunktum en flokkaði niður í handbók.
Í fyrsta sinn í fjöldamörg ár munu
nú útskrifast frá Upplýsingatækni-
skólanum nemendur í gamalgrónu
iðngreinunum bókbandi og prentun.
Þessar greinar hafa átt undir högg
að sækja en undanfarið hefur áhug-
inn aukist. Upplýsingatækniskólinn
verður með nemendasýningu á
morgun, laugardag, milli kl. 13 og
15 þar sem útskriftarnemar í graf-
ískri miðlun, ljósmyndun, prentun
og bókbandi sýna afrakstur náms-
ins.
Útskriftarnemarnir eru 25, fjórir í
bókbandi, þrír í prentun, tíu í graf-
ískri miðlun/prentsmíð og átta í
ljósmyndun. Hóparnir hafa með að-
stoð kennara unnið saman að
skipulagi, uppsetningu og markaðs-
setningu á útskriftarsýningunni.
Tilgangur hennar er að vekja at-
hygli atvinnulífsins á sér því nú eru
nemendur í þeim sporum að finna
sér starfsþjálfunarpláss og ljúka
sveinsprófi.
Nemendur hafa boðið forsvars-
mönnum og starfsmönnum fjölda
fyrirtækja í iðngreinunum ásamt
ættingjum sínum og vinum á sýn-
inguna til að sjá afrakstur vetrarins
og kynnast náminu. Það er tilvalið
fyrir alla sem huga að námi í þess-
um greinum að koma og kynna sér
þessar iðngreinar og spjalla við út-
skriftarnema og kennara.
Nemendur halda úti Instragram-
myndasíðu þar sem hægt er að
fylgjast með undirbúningi og dag-
legu starfi þeirra í skólanum. Slóð-
in er: instagram.com/utsyning14.
Þar er einnig hlekkur á facebook-
síðu sýningarinnar.
Öllum er velkomið að líta inn,
njóta léttra veitinga og fagna þess-
um áfanga með nemendum og
kennurum í sal Vörðuskóla við
Skólavörðuholt (inngangur frá Bar-
ónsstíg).
Útskriftarsýning í Upplýsingatækniskólanum
Glæsilegur hópur Hér eru þeir 25 útskriftarnemar sem fagna á morgun.
Í skólanum Þessi prentvél er mögnuð græja sem enn kemur að góðum notum.
Afrakstur námsins kynntur fyrir atvinnulífinu
Stöðurnar sem til eru í jóga eru
býsna margar og skyldi maður
ætla að erfitt væri að muna
hvernig þær eru. Með því að gefa
þeim einföld og lýsandi nöfn er
ótrúlega auðvelt að búa til minn-
istengingu. Bókin hennar Guð-
rúnar hefur að geyma ítarlegar
upplýsingar um áttatíu og fimm
mismunandi jógastöður. Dæmi
um eftirminnileg og lýsandi nöfn
eru Tréð, Trjádrumburinn, Skjald-
bakan, Dúfan, Fljúgandi krákan,
Káta barnið, Krókódíllinn, Flug-
vélin og Engisprettan. Þetta má
leggja á minnið með til-
tölulega einföldum hætti
og ekki er verra að
æfa sig með bók-
inni.
Lýsandi nöfn á
stöðunum
GÓÐ MINNISTÆKNI
Fjölskylda mín varð þeirrar gæfu aðnjótandi að eftirað afi minn dó kom í ljós að síðustu ár ævi sinnarhafði hann hripað niður á blað minningabrot frá
æsku sinni í Reykjavík á fyrri hluta síðustu aldar. Gott
fólk tók þessi brot saman og gaf út í stuttu hefti þannig að
öll fjölskyldan gæti notið þessa fjársjóðs úr fortíðinni.
Það sem mér fannst hvað forvitnilegast í þessum brot-
um var frásögn af föður hans, langafa mínum. Hvernig
hann kynntist langömmu þegar hann dvaldi í örfáa
daga á heimili bekkjarbróður síns, bróður lang-
ömmu, á menntaskólaárum. Þau héldu sambandi
með bréfaskriftum en tóku ekki saman fyrr en
einhverjum árum eftir þennan fyrsta skammvinna
fund þeirra, ungra að árum.
Hugur manns kemst ekki hjá því að reika til
þess hversu lítið hefði þurft til að þessir for-
feður mínir hefðu aldrei náð saman. Ef leið
þeirra hefði orðið á einhvern hátt öðruvísi,
eins og svo auðveldlega getur gerst hjá
ungu fólki, eða afkomenda þeirra, þá
væri ég að líkindum ekki hér í dag til að
skrifa niður þessar hugleiðingar.
Ef það er yfirþyrmandi hugsun, les-
andi góður, þá jafnast það ekkert á
við þá nær endalausu röð heppilegra
atburða sem hafa orðið til þess að þú
og ég og allir aðrir eru hér til þess að
njóta þessarar reikistjörnu, okkar eina
sanna heimilis í heiminum (eða til að rífast
um skuldaniðurfellingar eftir atvikum). Til þess varð jörð-
in okkar að verða til úr innyflum óskiljanlega stórra
stjarna sem sprungu fyrir milljörðum ára. Um milljónir
og milljarða ára þróaðist jörðin þannig að líf, einfalt í
fyrstu og svo æ flóknara, gat kviknað og þróast alla
leiðina fram á okkar dag. Lífið hefur svo nokkrum
sinnum staðið nærri því að þurrkast algerlega út af
jörðinni en í hvert skipti hefur einhver forveri okkar
dregið fram lífið og náð á endanum að verða að okk-
ur.
Við mannfólkið erum samansafn af atómum
sem mynduðust inni í kjarna risasóla fyrir millj-
örðum ára sem hefur þróast svo langt að geta
velt fyrir sér eðli sínu og upphafi. Eins og
stjörnufræðingurinn Carl Sagan sagði: „Við
erum leið fyrir alheiminn að skilja sjálfan sig.“
Virki tilvist okkar of ótrúlega ólíkleg má
minna á þá milljarða ofan á milljarða reiki-
stjarna sem er að finna í alheiminum. Í því
samhengi er líf okkar ef til vill bæði yfir-
gengilega ólíklegt og óhjákvæmilegt á sama
tíma.
»Hugur manns kemst ekki hjá því að reikatil þess hversu lítið hefði þurft til að þessir
forfeður mínir hefðu aldrei náð saman.
Alheimur Kjartans
Kjartan Kjartansson kjartan@mbl.is