Fréttablaðið - 23.03.2013, Page 32

23. mars 2013 LAUGARDAGUR| HELGIN | 32
Það er rólegt og afslapp-að andrúmsloft í Borga-rleikhúsinu þegar blaðamaður á þar leið um. Erindið er að hitta Magnús Geir Þórðar-
son leikhússtjóra. Veturinn hefur
verið annasamur hjá Magnúsi,
eins og vanalega er fjöldi leik-
verka á dagskrá leikhússins og
nýafstaðin er frumsýning á viða-
mestu uppfærslu í sögu Borgar-
leikhússins, Mary Poppins. Róleg-
heitin á þessum þriðjudegi eru
því ekki lýsandi fyrir starfið í
húsinu og þó að Magnús Geir sé
mjög afslappaður og ánægður
með vel heppnað leikár sem sér
fyrir endann á þá er að nógu að
huga, dagarnir eru undirlagðir af
skipulagi fyrir næsta vetur.
„Það er að mörgu að hyggja í
verkefnavali þegar dagskrá nýs
leikárs er sett saman. Við reyn-
um lesa í það hvaða sögur fólk vill
sjá á sviði – en ekki síður viljum
við finna sögurnar sem áhorfend-
ur okkar þurfa að heyra. Leikhús
er ekkert án áhorfenda og okkar
keppikefli er að laða þá í leikhúsið
og segja þeim sögur sem skipta
máli. Leikhúsið getur nefnilega,
þegar best lætur, veitt okkur
nýtt sjónarhorn á lífið. Kúnstin
í verkefnavalinu felst líka í sam-
setningunni innan leikársins. Við
viljum láta heitt og kalt kallast
á, bjóða upp á aðgengileg verk í
bland við önnur ágengari, íslensk
og erlend, hefðbundin og tilrauna-
kennd. Svo þarf að stilla þessu
öllu upp með tilliti til leikhópsins
í húsinu og álags á sviðum, þetta
getur verið býsna flókið en er líka
mjög skemmtileg vinna. Nú erum
við að leggja lokahönd á næsta
leikár – sem mér finnst einstak-
lega spennandi.“
Sneri vörn í sókn
Magnús Geir tók við starfi leik-
hússtjóra í Borgarleikhúsinu
árið 2008 og aðsóknin að leikhús-
inu jókst strax umtalsvert og er
nú meiri en nokkru sinni fyrr í
íslenskri leikhússögu. Áskriftar-
kortasala margfaldaðist einnig
frá því sem áður var. Þann sama
vetur blasti hins vegar við niður-
skurður á opinberu framlagi til
leikhússins vegna efnahagshruns-
ins. „Búist var við að þetta myndi
leiða til niðurskurðar á starfsemi
leikhússins. En þess í stað settum
við upp áætlun um að auka sýn-
ingahald enn frekar, sækja fleiri
gesti og auka tekjur. Þau mark-
mið gengu eftir og starfsfólk
Borgarleikhússins sneri vörn
í sókn. Þetta er ágætis dæmi
um þann mikla samtakamátt og
kraft sem býr í frábærum starfs-
mannahópnum. Það er grunnur-
inn að velgengni leikhússins.
Þegar litið er til baka er ég mjög
stoltur af þessum viðbrögðum og
ekki síður af því hvað Borgar-
leikhúsið brást hratt við hruninu
listrænt séð, kallaði til höfunda
og sviðsetti verk sem tóku beint
á breyttum aðstæðum samfélags-
ins. Lestur Rannsóknarskýrslu
Alþingis var önnur birtingar-
mynd þess. Þannig kappkostar
Borgarleikhúsið að eiga í virku
samtali við sam félagið.“ Í vetur
hafa óvenju margar sýningar af
ólíku tagi fallið í kramið og má
þar nefna Rautt, Gullregn, Mýs
og menn, Tengdó, Ormstungu og
Mary Poppins.
Allt lagt undir
Magnús Geir segir ekki endilega
alltaf fyrirsjáanlegt hvað gangi
vel í leikhúsinu og mis mikið
sé lagt undir þegar verið sé að
ákveða hvaða sýningar séu settar
upp. „Við reiddum til dæmis mjög
hátt til höggs þegar við ákváðum
að setja Mary Poppins upp. Sýn-
ingin er afar umfangsmikil og
flókin í alla staði. Við ákváðum að
leggja mikið í hana og því þurfti
mikla aðsókn til að dæmið gengi
upp. En það gerði það, sýningin er
frábærlega heppnuð listrænt séð,
viðtökurnar hafa verið einstakar
og þegar er uppselt lengra fram
í tímann en áður hefur þekkst!“
Magnús Geir, sem er duglegur
að fylgjast með leikhúslífi utan
Íslands, sá þessa sýningu fyrst
í London árið 2004. „Ég hreifst
strax af verkinu en áleit hana
of stóra og flókna fyrir Ísland –
taldi að íslenskt leikhús réði ekki
við uppsetninguna. Ég sá hana
nokkrum sinnum eftir þetta og
var alltaf sama sinnis, þar til í
fyrra þegar við ákváðum að slá
til og leggja allt í sölurnar. Og það
er alveg frábært hvernig til hefur
tekist, sýningin er með risastórt
hjarta og einstaklega glæsileg,“
segir Magnús Geir. En hvernig er
þá tilfinningin fyrir næsta vetri,
er pressan meiri eftir vetur þar
sem hver metsýningin hefur
rekið aðra?
„Ég er löngu búinn að læra að
það þýðir ekki fyrir leikhús að
keppast endalaust við að toppa
sjálft sig í aðsókn. Þá yrðum við
um leið fangar eigin velgengni.
Það eina sem við getum gert er að
reyna að vera heiðarleg í því sem
við erum að gera, segja sögur
sem okkur finnst skipta máli –
og reyna að koma fólki á óvart.
Þannig viðheldur maður neistan-
um,“ segir Magnús Geir.
Frumburðurinn í heiminn
Magnús sér reyndar fram á tölu-
vert ólíkan vetur en undan farin
ár. Ástæða þess eru breyttar
aðstæður í einkalífinu og fæðing
frumburðar hans, Árna Gunn-
ars, sem kom í heiminn í janúar
á þessu ári.
„Ég ætla að vera í fæðingar-
orlofi í haust, taka þrjá mánuði
þá en ég tók mér reyndar líka
mánaðar frí í janúar,“ segir Magn-
ús Geir, sem er reyndar ekki bara
orðinn faðir heldur líka stjúpfaðir
þriggja barna Ingibjargar Aspar
Stefánsdóttur, framkvæmdastjóra
Hofs, menningarseturs Akureyrar.
Þau kynntust þegar þau unnu
saman hjá Leikfélagi Akur eyrar
á sínum tíma, en svo bankaði
ástin upp á fyrir rúmu ári. Ingi-
björg Ösp er fædd og uppalin
fyrir norðan og halda þau Magn-
ús Geir tvö heimili, á æskuslóð-
um Ingibjargar í Eyjafirði og í
Vesturbæ Reykjavíkur.
Þangað liggur leið blaðamanns
nokkrum dögum eftir fundinn við
Magnús Geir í Borgarleikhúsinu.
Ingibjörg Ösp og Árni Gunnar
hafa brugðið sér í bæinn en þau,
rétt eins og Magnús Geir, eru
fastagestir hjá Flugfélagi Íslands.
„Ég veit ekki hvað við erum búin
að fljúga marga kílómetra, þeir
eru ansi margir.“ Heimilishald á
tveimur stöðum hljómar frekar
flókið, hvernig gengur það fyrir
sig? „Þetta hefur gengið alveg
ótrúlega vel,“ segir Ingibjörg
Ösp. „Við erum lánsöm að vera
bæði í svona gefandi störfum,
þó þau séu hvort í sínum lands-
hlutanum. Auðvitað krefst þetta
skipulagningar og samveru-
Fjölskyldan komin í fyrsta sæti
Árið hefur verið viðburðaríkt hjá Magnúsi Geir Þórðarsyni. Hann eignaðist son í janúar og heldur heimili ásamt konu
sinni Ingibjörgu Ösp Stefánsdóttur á tveimur stöðum. Frumsýning Mary Poppins var svo hápunktur á vel heppnuðu leikári.
Sigríður
Björg Tómasdóttir
sigridur@frettabladid.is
STÓRFJÖLSKYLDAN Magnús Geir og Ingibjörg Ösp ásamt börnum sínum. Árni Gunnar er í fangi Ingibjargar, sem átti fyrir þau Örnu, Andreu og Stefán. MYND/AUÐUNN
Lék í Hrafninn flýgur
LEIKHÚS-
MAÐUR FRÁ
UNGA ALDRI
Magnús Geir
Þórðarson hefur
verið viðloðandi
leikhús frá
barnæsku.
Myndin er frá
stúdentsárinu
1993, en þá átti
Magnús Geir
nær tíu ára feril í
leikhúsi að baki.
Vesturbæingur
Magnús Geir Þórðarson er
fæddur og uppalinn í Vestur-
bænum, sonur hjónanna
Þórðar Magnússonar fjár-
festis og Mörtu Maríu Odds-
dóttur stærðfræðikennara.
Hann er miðjubarn; eldri
bróðir hans er Árni Oddur,
sem fer fyrir fjárfestingar-
félaginu Eyrir Invest, og yngri
bróðir hans er Jón Gunnar
leikstjóri.
Magnús Geir stofnaði Gamanleikhúsið
þegar hann var 12 ára gamall með krökkum
í hverfinu, en meðal þeirra sem þar komu
við sögu voru Sigríður Hagalín, Ragnar
Kjartansson og Bryndís Ásmundsdóttir.
Magnús Geir sté þó sín fyrstu skref í leik
í kvikmyndinni Hrafninn flýgur, en þar lék
hann aðalpersónuna unga. Hans fyrsta leik-
húsreynsla var þegar hann hélt í Þjóðleik-
húsið, bað um að fá að taka þátt í einhverju
verki og fékk hlutverk í Ríkharði III sem sett
var upp 1985.
➜ Leikstýrði Nei ráðherra
Hann hefur leikstýrt fjölda leiksýninga.
Meðal uppsetninga hans eru Stone Free
í Borgarleikhúsinu, Veðmálið, Hedwig
og Eldað með Elvis í Loftkastalanum,
Stars in the Morning Sky í Edinborg og
Vicious Circle í Bristol og London.
Í Iðnó setti hann meðal annars upp
Stjörnur á morgunhimni og Rúm fyrir
einn. Þá leikstýrði hann óperunum Dídó
og Eneas og Krýningu Poppeu í Borgar-
leikhúsinu og Sweeney Todd í Íslensku
óperunni. Hjá Leikfélagi Akureyrar leik-
stýrði Magnús meðal annars Svörtum
Ketti, Óliver, Litlu Hryllingsbúðinni og
Fullkomnu brúðkaupi.
Hann leikstýrði Gauragangi í Borgar-
leikhúsinu 2010 og Nei ráðherra 2011
en myndin til hægri er úr því verki.