Fréttablaðið - 23.03.2013, Side 128

23. mars 2013 LAUGARDAGUR| SPORT | 92
KÖRFUBOLTI Körfuboltaspekingar hafa
verið uppteknir af því að lofa þá Elvar Má
Friðriks son og Kristófer Acox að undan-
förnu og ekki að ástæðulausu, enda báðir
mikil efni og báðir í úrvalsliði seinni
umferðar Dominos-deildar karla. Martin
Hermannsson, jafnaldri Elvars og liðsfélagi
Kristófers hjá KR, minnti hinsvegar veru-
lega á sig í fyrsta leik KR í úrslitakeppninni
sem fram fór í Þorlákshöfn í fyrrakvöld.
Martin fór þá á kostum í 38 stiga sigri
KR, 121-83, og í lok leiksins var hann búinn
að endurskrifa metabók úrslitakeppni
úrvalsdeildar karla. Martin sem verður ekki
19 ára fyrr en í september bætti nefnilega
sex ára met Brynjars Þórs Björnssonar og
er nú yngsti leikmaðurinn sem hefur náð að
skora 30 stig í einum leik í úrslitakeppni.
Brynjar Þór setti gamla metið í þriðja leik
KR og Snæfells í undanúrslitum úrslita-
keppninnar 2007. Brynjar bætti þá einnig
sex ára met en Njarðvíkingurinn Logi
Gunnarsson braut 30 stiga múrinn í tvígang
með sjö daga millibili í lokaúrslitunum á
móti Tindastól í apríl 2001. Logi varð þá
fyrsti táningurinn til að skora yfir 30 stig í
úrslitakeppninni á Íslandi.
Martin byrjaði reyndar leikinn á
bekknum en kom inn á fyrir einmitt Brynjar
Þór eftir rúmar fjórar mínútur. Hann var
kominn með 9 stig við lok fyrsta leikhluta
og var með 19 stig í hálfleik. Martin var
ekki hættur því hann bætti við 14 stigum
og 5 stoðsendingum í seinni hálfleiknum og
komst í 30 stigin þegar tæpar þrjár mínútur
voru eftir. Martin nýtti alls 13 af 18 skotum
sínum í leiknum (72 prósent) þar af 4 af 5
þriggja stiga skotum sínum.
KR-ingar geta tryggt sér sæti í
undanúrslitunum með sigri á Þór í DHL-
höllinni á sunnudagskvöldið og Stjörnumenn
eru í sömu stöðu þegar þeir heimsækja
Keflvíkinga. ooj@frettabladid.is
Tók metið af liðsfélaga sínum
KR-ingurinn Martin Hermannsson varð á fi mmtudagskvöldið yngsti leikmaðurinn í sögu úrslitakeppninnar í körfubolta til að rjúfa 30
stiga múrinn. Hann bætti sex ára met liðsfélaga síns, Brynjars Þórs Björnssonar, þegar hann skoraði 33 stig í sigri á Þór í Þorlákshöfn.
YNGSTI LEIKMAÐURINN TIL AÐ SKORA YFIR 30 STIG Í EINUM LEIK Í ÚRSLITAKEPPNI
MARTIN
HERMANNSSON, KR
18 ára, 6 mánaða og 5 daga
33 stig á móti Þór
Þorlákshöfn í 8 liða
úrsltum 21. mars 20131
LOGI GUNNARSSON,
NJARÐVÍK
19 ára, 7 mánaða og 5 daga
BRYNJAR ÞÓR
BJÖRNSSON, KR
18 ára, 8 mánaða og 20 daga
37 stig á móti Tindastól í
lokaúrsltum 10. apríl 2001
31 stig á móti Snæfelli í
undanúrslit um 31. mars 2007
23
LOGI GUNNARSSON,
NJARÐVÍK
19 ára, 7 mánaða og 12 daga
36 stig á móti Tindastól í
lokaúrsltum 17. apríl 2001
4HJÖRTUR HARÐAR-SON, GRINDAVÍK21 ára, 11 mánaða og 22 daga
37 stig á móti Njarðvík í
lokaúrslitum 7. apríl 1994
5
STÓRU MÁLIN
Stóru málin fjalla um það sem er efst á baugi fyrir kosningarnar í vor. Í fyrsta þættinum
beinist athyglin að stöðu skuldugustu heimilanna. Rætt er við yfirveðsetta fjölskyldu
á Völlunum og ósáttan fjölskylduföður á Akureyri.
SUNNUDAGSKVÖLD KL. 18:55
Fáðu þér áskrift | 512 5100 | stod2.is | Verslanir Vodafone | Verslanir og þjónustuver símans 800 7000
NÝTTU ÞÉR NETFRELSI
OG MISSTU EKKI AF NEINU!
Með Netfrelsi Stöðvar 2 getur þú séð uppá-
halds þáttinn þinn í tölvunni, snjallsímanum
eða spjaldtölvunni hvar og hvenær sem er.
Í OPINNI
DAGSKRÁ