Fréttablaðið - 04.04.2013, Side 44

4. apríl 2013 FIMMTUDAGUR| MENNING | 36MENNING
Gjörningar Magnúsar Pálssonar, flutningur á Vorblóti Stravinskís og tónleikar óperu-söngkonunnar Diönu
Damrau eru meðal viðburða á
Listahátíð í Reykjavík sem sett
verður föstudaginn 17. maí. Þetta
eru fjölbreytilegir atburðir sem
Hanna Styrmisdóttir, listrænn
stjórnandi Listahátíðar í Reykja-
vík, segir endurspegla þá sögu
hátíðarinnar að vera einn megin-
vettvangur listviðburða landsins.
Ber merki lítilla listahátíða
„Listahátíð ber ýmis merki
listahátíða í litlum samfélögum
sem hafa það að markmiði að
bjóða upp á sem fjölbreytileg-
asta menningardagskrá. Stórar
listahátíðir erlendis sérhæfa sig
yfirleitt í einhverri listgrein en
Listahátíð í Reykjavík hefur hald-
ið í fjölbreytnina, þó að menning-
arlandslagið sé gjörbreytt í dag
frá því sem var árið 1970. Fjöl-
breytnin er hins vegar styrkleiki,
ekki veikleiki að mínu mati. Hún
gerir það að verkum að það er
auðvelt að tefla saman listgrein-
um og virkja hið skapandi rými
þar sem listgreinarnar mætast.“
Hanna segir smæð íslensks
samfélags reyndar hafa orðið til
þess að íslenskir listamenn séu
ekki fastir innan múra listgreina
eins og sums staðar sé raunin.
„Erlendir listamenn taka gjarnan
eftir þessu og því hversu auðvelt
er að leiða saman ólíka listamenn
hér. Ég vil virkja þessa hefð og
taka lengra þannig að samstarf
listgreina verði ein af áherslum
Listahátíðar í Reykjavík.“
Meðal skrefa sem Hanna
hyggst taka í þessa átt er að skil-
greina listræn markmið Lista-
hátíðar hverju sinni þannig að
stefna hátíðarinnar um hvers
konar verkefnum hún sækist
eftir verði skýrari og umsóknir
listamanna þar af leiðandi mark-
vissari.
„Verkefni Listahátíðar hafa
ætíð verið bæði að frumkvæði
stjórnenda hátíðarinnar og komið
til hennar eftir öðrum leiðum. Ég
vil leggja áherslu á frumkvæði
hátíðarinnar að tilurð nýrra
verka sem og framkvæmd verk-
efna sem gætu ekki átt sér stað
á öðrum vettvangi,“ segir Hanna
og bætir við að eins og oftast er
þegar stjórnendaskipti verða,
hafi ýmis verkefni verið komin í
gang þegar hún tók við stjórnar-
taumunum. „Listahátíð 2014 verð-
ur þess vegna fyrsta hátíðin sem
ég skipulegg frá grunni.“
Gjörningar Magnúsar Pálssonar
Eitt umfangsmesta atriði á
Listahátíð í ár er flutningur Vor-
blótsins eftir Stravinskí sem er
samstarfsverkefni Listahátíðar,
Sinfóníuhljómsveitar Íslands og
Íslenska dansflokksins. 100 ár
eru síðan verkið var flutt fyrst
og tímamótin eru tilefni þess að
verkið verður sett á svið hér í
fyrsta sinn. Hanna segir áhuga-
vert að líta öld aftur í tímann,
þá hafi verið miklir umbrota-
tímar í listum sem mörkuðu mikil
tímamót. „1913 var svo merki-
legt ár. Þá gerist það í fyrsta
sinn að listamenn skapa verk þar
sem hugmyndin kemur fyrst og
verkið svo, við erum alvön því í
dag en á þessum tíma var þessi
aðferð fullkomlega róttæk. Það
er athyglisvert að líta aftur til
þessa tíma af ýmsum ástæðum.
Verk eins og danstónverkið Vor-
blótið hangir líka mjög vel saman
við þær áherslur mínar að blanda
listgreinum saman. Annað mjög
umfangsmikið og merkilegt verk-
efni á Listahátíð í ár er yfirlits-
sýning yfir gjörninga Magnúsar
Pálssonar, sem var og er frum-
kvöðull á hinum skapandi vett-
vangi þar sem listgreinarnar
mætast. Við fáum listamenn
úr öllum greinum til að endur-
gera og í sumum tilfellum útfæra
nokkra af helstu gjörningum
hans,“ segir Hanna.
Listahátíð í Reykjavík verður
sett 17. maí og stendur til 2. júní.
sigridur@frettabladid.is
Fjölbreytni er styrkleiki Listahátíðar
Listahátíð í Reykjavík er skapandi rými þar sem listgreinarnar mætast segir Hanna Styrmisdóttir, listrænn stjórnandi hátíðarinnar sem
í ár verður sett föstudaginn 17. maí. Hanna tók við stjórnartaumum Listahátíðar í Reykjavík síðastliðið haust.
STÝRIR
LISTAHÁTÍÐ
Hanna
Styrmisdóttir
er listrænn
stjórnandi
Listahátíðar í
Reykjavík sem
sett verður
17. maí
næstkomandi.
FRÉTTABLAÐIÐ/
PJETUR
Hanna Styrmisdóttir tók við stjórnartaumum Listahátíðar í Reykjavík síðastliðið haust. Hún hefur starfað við
listræna stjórn menningarviðburða síðastliðin 14 ár. Meðal þeirra eru Stjórnarskrá Lýðveldisins Íslands, sem hún
vann með Libiu Castro og Ólafi Ólafssyni, og Lóan er komin, sem hún vann með Steingrími Eyfjörð fyrir Íslenska
skálann á Feneyjatvíæringnum 2007 og Matthew Barney í Nýlistasafninu (2003). Áður gegndi Hanna meðal annars
störfum upplýsinga- og verkefnastjóra og fræðslufulltrúa í Norræna húsinu og Listasafni Reykjavíkur. Hanna hefur
BFA-próf í myndlist frá Parsons School of Design í París og New York, MA frá Chelsea College of Art and Design í
London og framhaldsgráðu í Critical Studies frá Malmö Art Academy.
Tók við síðastliðið haust
Þýsk-bandaríski stjórnmála-
heimspekingurinn Hannah Arendt
er til umfjöllunar í fyrirlestrar-
röðinni Kvenheimspekingar koma
í kaffi sem haldin er í Árnagarði
í dag. Sigríður Þorgeirsdóttir og
Páll Skúlason, prófessorar í heim-
speki við Háskóla Íslands, ræða
erindi Hönnuh við samtímann og
setja í samhengi við stjórnmála-
kreppu nútímans og aðrar sam-
félagslegar kreppur.
Rannsóknir á skrifum kven-
heimspekinga frá öndverðu til
samtímans hafa stóraukist undan-
farin ár, sem varpað hefur ljósi
á hve lítið konurnar hafi verið
kynntar og hve vanmetið framlag
þeirra er í sögu heimspekinnar,
að sögn Sigríðar Þorgeirsdóttur.
„Að bjóða völdum kvenheimspek-
ingum í kaffi með áhugasömum er
ein viðleitni til að rétta við þann
skarða hlut og velta fyrir sér
hvort þeirra sýn á veruleikann er
frábrugðin sýn karlheimspeking-
anna.“
Hannah Arendt er með þekkt-
ustu kvenheimspekingum 20. ald-
arinnar. Hún tókst á við vanda
stjórnmála, alræðiskerfi nasism-
ans og stalínismans og aðsteðj-
andi hættur sem lýðræðinu eru
búnar. Arendt lést árið 1975 en
fjöldamargt sem hún skrifaði er
talið eiga ríkt erindi við samtím-
ann. Þess má geta að kvikmynd
um Hönnuh Arendt er til sýningar
í Bíó Paradís þessa dagana.
Kaffisamsætið með Arendt er
ekki síst ætlað heimspekinemum.
Það verður haldið í Árnagarði 201,
Háskóla Íslands, og hefst klukkan
15.
Hannah Arendt
í heimspekikaffi
Heimspekingarnir Páll Skúlason og Sigríður Þorgeirs-
dóttir fj alla um Hönnuh Arendt í Árnagarði í dag.
HANNAH ARENDT Arendt er einn
þekktasti heimspekingur 20. aldarinnar.
Hún fékkst við stjórnmálaheimspeki.
Ýsuflök og
þorskflök
(roðlaus beinlaus)
Þorskhnakkar . . . . . . . . 1390 kr.kg
Ýsuflök rl/bl . . . . . . . . . 1390 kr.kg
Þorsksteikur rl/bl . . . . . . 1390 kr.kg
Kinnar
(Nýjar og léttsaltaðar) . . . . 590 kr.kg
Fiskur í sósu . . . . . . . . 1390 kr.kg
KarrýKósó sósa, Sinneps og graslaukssósa,
Hunangs sinnepssósa, Hvítlaukssósa.
Fiskikóngurinn • Sogavegi 3
Hótel, veitingastaðir og
mötuneyti. Vinsamlegast
pantið í síma 777 2002
Meðan fiskur er ódýr þá komið þið til með að njóta
þess hjá mér. Vonandi styðjið þið þann fisksala sem er
að gera mest fyrir ykkur. Þetta snýst jú alltaf um krónur
og aura og að sjálfsögðu um þjónustuna og gott hráefni.
Við höfum þetta allt saman.
Sjáumst eldhress á eftir.