Fréttablaðið - 04.04.2013, Side 58

4. apríl 2013 FIMMTUDAGUR| SPORT | 50
FÓTBOLTI Þó svo að David James
sé orðinn 42 ára gamall og kom-
inn af léttasta skeiðinu sem
knattspyrnumaður er koma hans
til ÍBV einhver merkustu tíðindi
í íslensku knattspyrnulífi í mörg
ár. James hefur verið einn þekkt-
asti knattspyrnumaður Breta
undanfarin ár enda á hann að
baki 25 ára atvinnumannaferil
og meira en 50 leiki með enska
landsliðinu. Ekki eru nema þrjú
ár síðan að James varð aðal-
markvörður enska landsliðins á
HM í Suður-Afríku.
„Þetta er flott fyrir okkur og
fyrir íslenskan fótbolta,“ sagði
Óskar Örn Ólafsson, formað-
ur meistaraflokksráðs ÍBV, við
Fréttablaðið í gær. Hann sagði
að það hefði ekki þurft mikið
til að fá James hingað til lands,
né heldur væri félagið að borga
honum ofurlaun.
„Hann var alla tíð jákvæð-
ur gagnvart því að koma. Hann
þurfti bara að ganga frá sínum
málum fyrst í Englandi áður en
hann gat samið við okkur. Hann
heillaðist strax af landinu og
var spenntur fyrir því að koma,“
segir Óskar.
Tengsl James við ÍBV eru
fyrst og síðast tilkomin vegna
Hermanns Hreiðarssonar, þjálf-
ara ÍBV. Hermann var samherji
James hjá Portsmouth á sínum
tíma og saman urðu þeir enskir
bikarmeistarar árið 2008. Óskar
segir að ævintýraþrá James hafi
ráðið mestu um að hann ákvað að
koma.
„Hann kemur ekki hing-
að vegna launanna og ég vildi
reyndar óska þess að allir leik-
menn væru á sömu launum og
hann. Þá værum við í góðum
málum.“
Auk þess að eiga langan og
gæfuríkan knattspyrnuferil að
baki hefur James tekið að sér
fyrirsætustörf, til að mynda
fyrir Giorgio Armani og H&M,
sem og að sinna hinum ýmsum
góðgerðarmálefnum. Fyrir það
fékk hann MBE-tign bresku
krúnunnar árið 2012.
eirikur@frettabladid.is
David James í aldarfj órðung
David James spilaði með enska landsliðinu á HM fyrir aðeins þremur árum síðan. Hann er nú kominn í ÍBV og spilar hér á landi í
sumar. Hann á 25 ára feril að baki og er næstleikjahæsti leikmaður ensku úrvalsdeildarinnar frá upphafi .
ASTON VILLA 1999-2001 Stoppaði við
í tvö ár í Birmingham og átti stóran
þátt í því að liðið komst í úrslit ensku
bikarkeppninnar árið 2000, þar sem
Aston Villa tapaði fyrir Chelsea. James
gerði mistök í sigurmarki þeirra blá-
klæddu og ári síðar var hann seldur til
West Ham fyrir 3,5 milljónir punda.
WEST HAM 2001-04 James féll með
West Ham úr ensku úrvalsdeildinni árið
2003 en hélt tryggð við liðið og spilaði
með liðinu í B-deildinni ári síðar. Hann
hélt engu að síður sæti sínu í enska
landsliðinu sem þótti óalgengt en í
janúar árið 2004 var hann seldur til
Manchester City þar sem hann gerðist
arftaki David Seaman. Kaupverðið var
óuppgefið.
MANCHESTER CITY 2004-06 Kom við
í Manchester í tvö ár en óskaði þess
að fara til að vera nær börnum sínum
sem bjuggu í Lundúnum. Hann var svo
seldur til Portsmouth fyrir 1,2 milljónir
punda í ágúst árið 2006.
PORTSMOUTH 2006-10
Hátindur dvalarinnar hjá
Portsmouth var enski
bikarmeistaratitillinn
sem félagið vann árið
2008. Þar voru hann og
Hermann Hreiðarsson
samherjar en ávöxtur
þess samstarfs er koma
James til ÍBV nú. Árið
2007 varð hann sá
markvörður sem hefur
oftast haldið hreinu í
ensku úrvalsdeildinni en
það gerði hans alls 170
sinnum á ferlinum og
stendur met hans enn
í dag. James bætti svo
met Gary Speed og varð
leikjahæsti leikmaður
ensku úrvals deildarinnar
frá upphafi árið 2009.
Síðan þá hefur Ryan
Giggs tekið fram úr
honum og er James
næstleikjahæstur frá
upphafi með 572 leiki.
BOURNEMOUTH
2012-13 James
samdi við félagið
í lok september
síðastliðins og
spilaði alls nítjan
leiki með liðinu.
Hann samdi um
starfslok í síðasta
mánuði til að
geta gengið til
liðs við ÍBV.
BRISTOL CITY 2010-12
James samdi við enska
B-deildarliðið Bristol
City á 37 ára afmælis-
degi sínum og endaði á
því að spila alls 81 leik
með liðinu. Þar spilaði
hann sinn 900. leik á
ferlinum.
HM 2010 David James spilaði alls 53 A-landsleiki fyrir England og var aðal-
markvörður liðsins á bæði EM 2004 og HM 2010. Hann byrjaði reyndar á bekknum
á HM í Suður-Afríku en vann sér sæti í byrjunarliðinu á kostnað Robert Green, sem
gerði slæm mistök í fyrsta leik Englands í keppninni. James hélt hreinu gegn Alsír
þann 18. júní 2010, en það var hans fyrsti leikur á HM. James var þá 39 ára gamall
og varð þar með elsti leikmaður sögunnar til að þreyta frumraun sína á HM. Eng-
land féll svo úr leik eftir 4-1 tap fyrir Þýskalandi í 16 liða úrslitum.
ÓFEIMINN VIÐ MYNDAVÉLINA James árið 1990
en þá er hann að stíga sín fyrstu skref með Watford.
Hann hefur reglulega sinnt fyrirsætustörfum sam-
hliða boltasparkinu, til að mynda fyrir H&M og Giorgio
Armani.
WATFORD 1988-92 James hóf atvinnu-
mannaferilinn hja æskufélaginu Wat-
ford fyrir 25 árum og spilaði sinn fyrsta
deildarleik í upphafi leiktíðarinnar
1990. Hann hélt sæti sínu allt tímabilið
og var valinn leikmaður ársins hjá
Watford. Hann vakti athygli stórliðsins
Liverpool sem keypti hann á 1,25
milljónir punda.
LIVERPOOL 1992-99 James spilaði meira en 200 leiki með Liverpool og var lengst
af aðalmarkvörður liðsins í sjö ár. Hann var þó oft mistækur og var seldur til Aston
Villa sumarið 1999 fyrir 1,8 milljón punda. James vann enska deildarbikarinn með
Liverpool árið 1995 en tapaði fyrir Manchester United í úrslitum ensku bikar-
keppninnar ári síðar.