Fréttablaðið - 04.04.2013, Side 52

4. apríl 2013 FIMMTUDAGUR| MENNING | 44
Á hverju mánudagskvöldi er ég með útvarpsþátt um kynlíf.
Í þáttunum er ákveðið efni tekið
fyrir og fenginn gestur sem er
sérfræðingur á því sviði til að
ræða um það. Undanfarna þrjá
mánudaga hefur þemað verið
typpi og sæði. Til að hnýta hnút
á þá umræðu þá fjallaði ég um
ófrjósemi. Ég fékk í heimsókn
til mín kvensjúkdómalækni sem
starfar hjá Art Medica og vinnur
við marga anga er snerta ófrjó-
semi einstaklinga. Við fórum um
víðan völl og ræddum allt frá
sæðisskilum í bolla til skipulagn-
ingar og hagræðingar samfara,
auk frystingar sæðis og eggja.
Margt virkilega áhugavert koma
fram í spjalli okkar og vonandi
birtist nýr vinkill á umræðu sem
enn er mörgum hulin og þykir
erfið og viðkvæm.
Í meistararitgerð minni fjallaði
ég um ófrjósemi karla og áhrif
þess á þá tilfinningalega, kyn-
ferðislega og félagslega. Ég fékk
sex karlmenn til að spjalla við
mig um þeirra reynslu af ófrjó-
semi og var óhjákvæmilegur
hluti af því ferli sæðisskilin, eða
að rúnka sér í bolla eins og einn
orðaði það svo vel. Þetta er eitt af
fyrstu skrefunum í greiningar-
ferli á frjósemi hjá karl mönnum.
Þessari reynslu hefur verið lýst á
bæði pínlegan og kómískan hátt
en er óneitanlega eitthvað sem
flestir eru tilbúnir að leggja á
sig fyrir hið æðra markmið, að
eignast barn. Þegar ég ræddi við
gest minn um þetta ferli komst ég
að því að á Íslandi er ekki hægt
að gefa sæði. Það er kannski ekki
rétt til orða tekið þar sem margur
fer ansi frjálslega með sæði sitt
og dreifir því um allar trissur, en
hér er ekki hægt að fá greitt fyrir
sæðisgjöf. Ef konu eða par vantar
sæði er það gjarnan fengið nafn-
laust frá Danmörku, eða nánum
vini eða ættingja. Ýmsar pæling-
ar um skyldleika og annað hamla
því að hér sé sæðisbanki. Nú
velti ég því fyrir mér af hverju
við seljum ekki sæði íslenskra
karlmanna til útlanda? Íslenskir
karlmenn eru marglofaðir fyrir
fegurð, styrk og gáfur svo sæði
þeirra hlýtur að vera eftirsóknar-
vert á erlendum markaði. Svo er
ekki verra að fá smá pening fyrir
góðverk sem er í senn gefandi
fyrir sál og líkama. Ég er hrifin
af nýjum viðskiptatækifærum
sem fela í sér betri lífsgæði og
nýtingu tækninnar og finnst
alveg sjálfsagt að þetta ætti að
vera hægt. Er það ekki annars?
Og fyrir aðra viðskiptaþenkjandi
frumkvöðla, þá langar mig líka
að fá brjóstamjólkurbanka. Þær
eru ansi margar lausmjólkandi
mömmurnar sem myndu með
glöðu geði gefa af sér þennan lífs-
vökva til þeirra barna sem hann
þurfa. Einhver bjartsýnn hlýtur
að verða við óskum mínum áður
en langt um líður.
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
Sæði til sölu
Shruthi Basappa flutti ásamt
íslenskum manni sínum til Íslands
í júlí í fyrra. Shruthi er arkitekt
að mennt en eftir komuna hing-
að varð hún fljótt vör við mikinn
áhuga heimamanna á indverskri
matargerð og nú heldur hún mat-
reiðslunámskeið fyrir hópa í hús-
næði veitingaþjónustunnar Mensa
við Baldursgötu.
„Við komuna hingað fann ég
strax fyrir miklum áhuga fólks á
indverskri matargerð. Ég bauðst til
þess að kenna ættingjum manns-
ins mín handtökin í eldhúsinu
heima. Þetta vatt svo upp á sig
og nú er ég farin að taka á móti
hópum,“ útskýrir Shruthi sem
kynntist manni sínum er þau voru
bæði við nám í Barcelona. Sjálf er
Shruthi ættuð frá borginni Banga-
lore í suður hluta Indlands. „Ég er
frá Suður-Indlandi og við borðum
rétti sem eru ólíkir þeim sem fólk
í Norður-Indlandi borðar. Á nám-
skeiðinu kenni ég fólki að elda rétti
frá ólíkum svæðum landsins. Yfir-
leitt samanstendur matseðillinn af
grænmetisréttum, hrísgrjónarétti
og einum kjötrétti og svo segi ég
frá hinum ólíku kryddblöndum og
kryddum líka.“
Aðspurð segir Shruthi það
algengan misskilning að indversk
matreiðsla sé tímafrek. „Það eina
sem hún krefst er svolítið skipulag.
Ef þú marinerar kjötið kvöldið áður
tekur eldamennskan enga stund.“
Shruthi viðurkennir að lífið og
tilveran á Íslandi sé töluvert frá-
brugðin því sem hún á að venj-
ast frá Indlandi. „Hitastigið er
sérstaklega ólíkt á milli land-
anna og matarmenningin líka.
Heima borðaði ég til dæmis sjald-
an lambakjöt en tengdafjölskyld-
an mín lét mig ekki komast upp
með að smakka ekki íslenska
lambakjötið,“ segir hún og hlær.
„Mamma mín gerir þó mjög góða
lambarétti. Ég er hindúi og sam-
kvæmt trúnni má ég hvorki borða
nauta- eða svínakjöt, þess vegna
borða Indverjar mikið lambakjöt.
Ég reyndar borða allt sem mig
langar til,“ viðurkennir hún.
Matreiðslunámskeiðið tekur um
fjórar klukkustundir og saman-
stendur hver hópur af sex til átta
manns. Shruthi segir námskeiðið
sérstaklega vinsælt meðal vina-
hópa en einnig sé mikið um að pör
bóki sig saman. Hægt er að nálg-
ast nánari upplýsingar á Facebook
undir nafninu Whole Spice.
sara@frettabladid.is
Kennir Íslendingum
indverska matargerð
Shruthi Basappa fl utti til Íslands síðasta sumar. Hún fann fl jótt fyrir miklum
áhuga heimamanna á indverskri matargerð og heldur nú matreiðslunámskeið.
KENNIR RÉTTU TÖKIN Shruthi Basappa kennir Íslendingum hvernig megi elda indverska rétti. Hún flutti hingað til lands ásamt
manni sínum í júlí í fyrra. FRÉTTABLAÐIÐ/VILHELM
Eingöngu selt á hársnyrtistofum
Tíska Courtney Love og Marilyn Manson eru
andlit haust- og vetrarlínu franska tískuhússins
Saint Laurent. Það var yfirhönnuðurinn Hedi
Slimane sem stóð fyrir valinu og var á bak við
myndavélina er auglýsingaherferðin var tekin.
Valið á fyrirsætunum þykir ansi óvanalegt
fyrir þetta hefðbundna franska tískuhús. Það
virðist vera að breyta stefnu sinni yfir í rokk og
ról með tilkomu Slimane við stjórnvölinn en hann
tók við í fyrra. Þá breytti tískuhúsið nafn sínu frá Yves
Saint Laurent yfir í Saint Laurent og voru höfuðstöðvar
tískuhússins fluttar frá París til Los Angeles.
Love og Manson eru bæði þekkt ólíkindatól sem hafa verið nokkuð
utan sviðsljóssins undanfarin ár. Bæði eru þau þó að vinna að nýjum
tónlistarverkefnum.
Ný andlit Saint Laurent
Tískuhúsið fer óhefðbundnar leiðir í vali sínu á
fyrirsætum í ár.
Í TÍSKU-
BRANSANN
Marilyn Manson og
Courtney Love eru
ný andlit franska
tískuhússins Saint
Laurent.
MARILYN
MANSON