Fréttablaðið - 04.04.2013, Side 50

4. apríl 2013 FIMMTUDAGUR| MENNING | 42
Will Arnett, sem enn er best þekktur fyrir hlutverk
sitt sem Gob Bluth í hinum ærslafullu Arrested
Development-þáttum, hefur verið ráðinn til
að fara með hlutverk í væntanlegri kvik-
mynd um Ninjaskjaldbökurnar svoköll-
uðu.
Áður hefur verið staðfest að Megan
Fox verður í leikhóp myndarinnar um
Teenage Mutant Ninja Turtles, sem
öðluðust fyrst vinsældir í teiknimynda-
bókum á 9. áratugnum en urðu svo að
nokkurs konar æði með kvikmyndaröð
og öllu tilheyrandi í upphafi þess tíunda.
Leikstjóri verður Michael Bay, sem hefur
myndir á borð við Bad Boys, Armageddon
og Transformers á ferilskránni.
Jane Henson, brúðuhönnuður og fyrrverandi eiginkona Jims Henson, er
látin eftir langa baráttu við krabbamein. Henson var 78 ára gömul er hún
lést á heimili sínu í Connecticut í Bandaríkjunum þann 2. apríl.
Henson fæddist í New York og stundaði nám í myndlist við Háskólann í
Maryland. Hún kynntist Jim Henson á brúðugerðarnámskeiði á sjötta ára-
tugnum og stuttu síðar hófu þau samstarf sitt. Saman skapaði parið Prúðu-
leikarana sem hafa notið gríðarlegra vinsælda meðal barna í yfir hálfa öld.
Jane og Jim gengu í hjónaband árið 1959 og eignuðust saman fimm
börn. Jane tók sér hlé frá brúðugerð á meðan hún ól upp börn þeirra hjóna
en sneri síðar aftur til vinnu við Sesame Street-þættina. Hjónin skildu
árið 1986, fjórum árum fyrir dauða Jims. Í kjölfar andláts hans stofnaði
Jane The Jim Henson Legacy sem ætlað er að standa vörð um arfleifð
þeirra og einnig góðgerðasamtökin Jane Henson Foundation.
Brúðumeistari látinn
Jane Henson brúðuhönnuður lést á þriðjudaginn.
LÁTIN Brúðusmiðurinn Jane Henson lést þann 2. apríl. NORDICPHOTOS/GETTY
„Besti lærdómurinn hlýst af
reynslu“ skrifaði rithöfundurinn
Jack Kerouac og er inntak setn-
ingarinnar gegnumgangandi þema
kvikmyndarinnar On the Road sem
byggð er á samnefndri sögu Kero-
uacs. Sagan gerist á seinni hluta
fimmta áratugarins og segir frá
upplifunum rithöfundarins Sals
Paradise, sem ferðast um endilöng
Bandaríkin ásamt hinum frjáls-
þenkjandi vini sínum, Dean Mori-
arty, og kærustu hans, Marylou.
Ritverkið er svo aftur byggt á
eigin reynslu höfundarins og þykir
lýsandi fyrir „beatnik“ ritstefn-
una sem braust upp á yfirborðið
í Bandaríkjunum í kjölfar stríðs-
loka.
Líkt og titill myndarinnar gefur
til kynna er sagan ferðasaga og
leikur Sam Riley rithöfundinn
unga, Sal Paradise. Með hlutverk
Deans Moriarty fer leikarinn
Garrett Hedlund og Kristen Stew-
art leikur hina barnungu kærustu
hans, Marylou. Með önnur hlutverk
fara Amy Adams, Tom Sturridge,
Mad Men-leikkonan Elisabeth
Moss og Kirsten Dunst, sem leikur
Camille, eiginkonu söguhetjunnar.
Brasilíski leikstjórinn Walter
Salles leikstýrir myndinni. Hann
er hvað þekktastur fyrir myndina
Diarios de motocicleta sem skart-
aði þeim Gael García Bernal og
Rodrigo De la Serna í aðalhlut-
verkum. Lengi hefur staðið til að
gera mynd byggða á bók Kerouac
og áttu Brad Pitt og Ethan Hawke
eitt sinn að fara með hlutverk Para-
dise og Moriarty. Árið 2005 ætlaði
leikstjórinn Joel Schumacher að
takast á við verkið með þeim Colin
Farrell og Billy Crudup í aðalhlut-
verkum. Svo fór að Salles tók við
keflinu. Í upphafi sóttist hann eftir
James Franco og Joseph Gordon-
Levitt í aðalhlutverkin en að lokum
hrepptu Hedlund og Riley hnossið.
Þrátt fyrir frábæran leikara-
hóp fær myndin aðeins sæmilega
dóma og hlýtur 44 prósent í ein-
kunn á vefsíðunni Rottentomato-
es.com og 6,1 í einkunn hjá Imdb.
com. Einn gagnrýnandi Rotten-
tomatoes.com segir söguna ekki
ætlaða kvikmyndaforminu en
annar lýsir henni sem „útbreidd-
um sóðaskap líkt og ritverkið
sjálft“ og meinar það sem hrós.
- sm
Ferðasaga bítnikka
Kvikmyndin On the Road er frumsýnd annað kvöld. Myndin er byggð á sam-
nefndu verki rithöfundarins Jacks Kerouac og gerist á fi mmta áratug síðustu aldar.
FERÐASAGA UNGSKÁLDS Sam Riley leikur rithöfundinn Sal Paradise í kvikmyndinni On the Road. Myndin er byggð á sam-
nefndu ritverki Jacks Kerouac.
Leikkonan Kristen Stewart samþykkti að lækka laun sín niður í 200
þúsund dollara eftir að fjármagn til framleiðslu myndarinnar var skert
töluvert. Ritverkið er í miklu uppáhaldi hjá leikkonunni og vildi hún vera
hluti af myndinni sama hver laun hennar yrðu.
TÓK Á SIG LAUNALÆKKUN
Grínistarnir Tina Fey og Paul
Rudd koma saman á hvíta tjaldið
í fyrsta skipti í myndinni Admis-
sion. Þar leikur Fey hina pott-
þéttu Portiu Nathan sem starf-
ar við að fara yfir umsóknir um
skólavist í Princeton-háskólan-
um. Portia stendur nú frammi
fyrir stöðuhækkun og má ekkert
út af bregða. Það flækir málin
þó til muna þegar maður kemur
inn í líf hennar sem telur líkur á
að einn umsækjandinn sé í raun
sonur hennar sem hún gaf til ætt-
leiðingar strax við fæðingu.
Önnur myndin um G.I. Joe-
teymið, Retalliation, verður einn-
ig frumsýnd um helgina. Myndin
skartar engum smá hörkutólum,
en það eru Dwayne Johnson og
Channing Tatum sem fara með
aðalhlutverkin auk eilífðartöff-
arans Bruce Willis, sem lætur
sig að sjálfsögðu ekki vanta. For-
seti Bandaríkjanna virðist hafa
misst allt vit og lætur sprengja
upp alla G.I. Joe-hersveitina.
Nokkrir komast þó lífs af og
snúa til baka til að hefna harma
sinna og leita þá eftir aðstoð
frá hinum eina sanna G.I. Joe. Í
ljós kemur að forsetinn sjálfur
var ekki ábyrgur fyrir ódæðinu
heldur hafði honum verið rænt og
annar maður þykist vera forset-
inn. Myndin er uppfull af hasar,
byssubardögum og tæknibrellum.
- trs
Týndur sonur og glötuð hersveit
Grínmyndin Admission og hasarinn G.I. Joe 2: Retaliation verða líka frumsýndar.
HÖRKUTÓL Það vantar ekkert upp á töffarana og hörkuna í framhaldsmyndinni um
G.I. Joe.
WILL ARNETT
Hefur í mörgu
að snúast þessa
dagana.
Megan Fox verður í leikhópnum.
Arnett með Ninja-
skjaldbökunum
Firði Hafnarfirði Sími 555 6655 - 662 5552 • kokulist@kokulist.is
Save the Children á Íslandi