Fréttablaðið - 25.05.2013, Side 78

25. maí 2013 LAUGARDAGUR| HELGIN | 38
Formúlu 1-kappaksturinn í
Mónakó er tilhlökkunarefni fyrir
alla aðdáendur mótorsports enda
er kappaksturinn einstakur í heim-
inum. Síðan 1929 hefur verið ekið
um ótrúlega þröng stræti Monte
Carlo og hildarleikur háður við
vegriðin sem þrengja að öku-
mönnum sem þjóta hjá á hátt í 300
kílómetra hraða.
Kappaksturinn í Mónakó er
haldinn ár hvert og markar jafnan
upphaf sumarfrís hinna ríku og
þekktu. Sú hefð hefur nefnilega
skapast að mótið fari fram helgina
eftir að Gullpálminn í Cannes
er afhentur og eru kvikmynda-
stjörnur því yfirleitt viðstaddar.
Þær eiga þó ekki sviðið í þetta
sinn. Kappaksturinn er nefnilega
talinn vera einhver mesta raun
hvers ökumanns sem nær svo
langt að keppa í Formúlu 1.
Vegna þess hversu hæg brautin
er og þröng vega hreinir hæfi-
leikar ökuþóra meira en keppnis-
bílarnir. Þannig hefur það allt-
af verið og verður áfram. Gott
dæmi um það er Brasilíu maðurinn
Ayrton Senna. Hann hafði alltaf
yfirburði í Mónakó og keppi nautar
hans sögðu að það væri eins og
hann færi í gegnum vegriðin, svo
nálægt þeim fór hann og hratt.
Brautin liggur um helstu
umferðargötur þessarar fornu
borgar við Miðjarðarhafið sem
setur mark sitt á mótshaldið. Dag-
skrá venjulegrar keppnishelgar er
til dæmis breytt svo æfingar fara
fram á fimmtudögum í stað föstu-
daga svo daglegt líf fólks rask-
ist ekki um of. Kappaksturinn
fer í rauninni fram á undanþágu
frá almennum öryggisreglum í
Formúlu 1 enda fengist kappakstur
á svipuðu brautarstæði aldrei sam-
þykktur í dag. Mónakó er því eini
keppnisstaðurinn þar sem öryggið
er látið víkja fyrir hefð og sögu.
Til að undirstrika mikilvægi
mótsins er það jafnan talið eitt af
þremur stærstu viðburðunum í
mótor sporti í heiminum. Hin mótin
eru Le Mans-sólarhringsakstur-
inn og Indy 500-mótið í Banda-
ríkjunum. Graham Hill, Herra
Mónakó, er eini maðurinn sem tek-
ist hefur að vinna öll mótin þrjú.
Birgir Þór
Harðarson
birgirh@frettabladid.is
6. MÓNAKÓ
26. MAÍ
Mónakó er helsta raun ökumanna
Hún gerist varla dramatískari dramatíkin en í Formúlu 1-kappakstrinum í Mónakó. Mótið hefur verið haldið síðan 1929 þar
sem ekið er um ótrúlega þröng stræti Monte Carlo-borgar. Brautin uppfyllir ekki nútímaöryggisviðmið kappakstursbrauta.
EINSTAKUR KAPPAKSTUR Kappakstursbrautin í Mónakó hlykkjast um pollana við höfnina í Mónakó. Moldríkir og glamúrsjúkir snekkjueigendur panta sér pláss í höfninni með margra mánaða fyrirvara og njóta
lífsins um helgina óháð því hvort þeir hafi áhuga á kappakstri eða ekki. Eitt er víst að þeir verða ekki sviknir. NORDICPHOTOS/AFP
Það eru ekki margir ökumenn sem geta státað sig af því að hafa unnið
kappaksturinn í Mónakó. Þeir eru hins vegar fjórir sem bera af þegar listi
sigurvegara er skoðaður. Fyrstan ber að nefna Englendinginn Graham Hill
sem nefndur var „Herra Mónakó“ vegna þess að hann vann fimm sinnum
á sjöunda áratugnum. Hill var afburða hugrakkur ökuþór enda dugði
ekkert minna þegar bílarnir voru eins óöruggir og þá, engin bílbelti og
vondir hjálmar. Michael Schumacher vann einnig fimm sinnum.
Franski „prófessorinn“ Alain Prost vann fjórum sinnum í Mónakó en
sigrarnir hefðu einungis verið tveir ef Ayrton Senna hefði ekki verið
óheppinn. Senna vann nefnilega sex sinnum en hefði auðveldlega getað
unnið átta mót í Mónakó. Sem nýliði í Formúlu 1 árið 1984 var hann
í öðru sæti og sótti hart að Prost í yfirburðabíl McLaren-liðsins, þegar
keppnin var stöðvuð vegna úrhellis rigningar. Fjórum árum síðar, 1988,
klessukeyrði hann McLaren-bíl sinn eftir að hafa byggt upp ótrúlegt 55
sekúnda forskot á liðsfélagann Prost. Senna gekk undrandi heim til sín í
næstu götu frá slysstaðnum. Síðar sagðist hann hafa verið í leiðslu.
„Þennan dag áttaði ég mig á því að ég væri hættur að aka meðvitað.
Ég var eins og í öðrum heimi. Brautin var eins og göng fyrir mér sem
hlykkjuðust áfram, áfram, áfram. Undirmeðvitundin tók öll völd,“ sagði
Senna um einn ótrúlegasta akstur síðari tíma.
AYRTON SENNA HEFUR OFTAST UNNIÐ
SÍÐASTI SIGURINN Senna vann síðast árið 1993 fyrir McLaren. Hann fórst svo
hálfum mánuði fyrir Mónakókappaksturinn 1994. NORDICPHOTOS/AFP
Þó ótrúlegt megi virðast hafa
aðeins þrír ökumenn farist í 80
ára sögu mótsins. Fyrstu árin
voru heybaggar það sem hindra
átti bíla í því að aka í höfnina
eða inn í mannfjöldann. Eldur
er hins vegar það sem ökumenn
óttast mest enda hafa fjölmargir
kollegar þeirra setið fastir í bílum
sínum á meðan logarnir læsa sig
í þá og brenna þá lifandi.
Tveir ökumenn hafa ekið
í höfnina, heimsmeistarinn
Alberto Ascari árið 1955 og Paul
Hawkins árið 1965. Báðir sluppu
ómeiddir úr vatninu.
ÞRÍR HAFA FARIST
BANDINI FERST Hér sést hvar
brunaverðir reyna að ná tökum á
eldhafinu sem umlykur Ferrari-bíl
Lorenzos Bandini niðri við höfnina.
VEÐURSPÁ FYRIR
MÓTIÐ Á SUNNUDAG
17° 4m/s
6
4
2
0
6
5
3
2
5
3
2
4
➜ Sigursælustu menn í Mónakó
Ay
rt
on

SE
N
N
A
M
ic
ha
el

SC
H
U
M
A
CH
ER
G
ra
ha
m

H
IL
L
A
la
in

P
R
O
ST
St
ir
lin
g
M
O
SS
Ja
ck
ie

ST
EW
A
R
T
Fe
rn
an
do

A
LO
N
SO
M
ar
k
W
EB
B
ER
Mónakókappaksturinn er í beinni
útsendingu á STÖÐ 2 SPORT
klukkan 11.30 á sunnudag.