Fréttablaðið - 25.07.2013, Side 6

25. júlí 2013 FIMMTUDAGUR| FRÉTTIR | 6
1. Hversu margir hafa heimsótt gesta-
stofu fjölskyldunnar á Þorvaldseyri?
2. Forsvarsmenn hvaða kvikmyndar
leita nú að aukaleikurum til að leika
uppvakninga og nasista?
3. Hvaða lið mætir karlalið FH í fótbolta
í Meistarakeppni Evrópu?
SVÖR:
SKEMMTUN „Ég hef alltaf verið
á þeirri skoðun að það eigi að
vera gaman í skólanum,“ segir
Ármann Halldórsson, en hann
er nú í óða önn að hanna spuna-
spil til þess að nýta í heimspeki-
kennslu.
„Vinnuheitið á spilinu er
Klappland. Leikmenn eru í upp-
hafi stjórnmálamenn og eiga að
ná fram ákveðnum markmiðum,
embættum og stefnumálum,“
útskýrir Ármann. Hann segir
það hlutverkaspil en þó ekki í
sama skilningi og það þekktasta,
Dungeons and Dragons. „Þetta
spil er, og verður að vera, miklu
aðgengilegra fyrir almenning.“
Spilið sameinar hluti úr spuna-
spilaheiminum og heimi borðs-
pilanna. „Ég vil hafa eins mikið
í höndum spilaranna og hægt er
þannig að þeim líði eins og þeir
séu að hafa áhrif á framvindu
leiksins. Ekki bara af því að þetta
og hitt spilið var dregið.“
Ármann er mikill talsmaður
fjölbreyttari kennsluhátta. „Ein-
hæfni gerir það að verkum að
skólinn höfðar til ákveðinnar teg-
undar af nemendum sem ná sam-
bandi við efnið og ná árangri.
Það þarf ekkert að umbylta öllu,
það er gott og gilt að gera stíl og
leggja fyrir próf, en það er hluti
af fjölbreytninni að taka eitthvað
nýtt inn og blanda því saman
þannig að úr verði áhugavert
skólaumhverfi sem höfðar til sem
flestra. Þannig vinnum við gegn
brottfalli.“ Hann fullyrðir að það
að spila sé ákaflega lærdómsríkt
ef vel heppnast.
Hugmyndin að Klapplandi
kviknaði í febrúar þegar Ármann
hélt röð fyrirlestra um lýðræði í
skólum. „Lýðræði er fyrirbæri
sem er flókið og erfitt, og líka
á vissan hátt vanrækt í skóla-
kerfinu. Áhugavert er að velta
því fyrir sér hvernig hægt sé að
gera skólakerfið lýðræðislegra,
en einnig að fræða nemendur um
lýðræði og réttarríkið.“
Hann sótti nú í vor um styrk
frá Rannís úr Þróunarsjóði náms-
gagna. „Ég fékk fullan styrk, var
himinlifandi og hoppandi með
það, og því fer næsta ár mikið í
að þróa þetta spil sem námstæki
en líka sem spil sem mun fara á
almennan markað á næsta ári.
Þetta verður spil fyrir tólf ára
og eldri þar sem fólk sest niður
og breytist í klækjarefi stjórn-
málanna.“ nannae@365.is
Læra um heimspeki
með stjórnmálaspili
Lærdómsríkt er að spila og mikilvægt að skapa áhugavert skólaumhverfi sem
höfðar til sem flestra, að sögn Ármanns Halldórssonar. Hann hannar nú spilið
Klappland, sem ætlað er í heimspekikennslu en mun einnig fara í almenna sölu.
INNLIFUN OG TJÁNING „Ég hafði áhuga á spunaspilum og sá að þarna var leið
til þess að virkja nemendur og gera eitthvað skemmtilegt. Góð leið til þess að fá
nemendur til þess að tjá sig um námsefnið. En ekki síður fyrir innlifun, að fást við
siðferðilegar spurningar og efla skapandi hugsun.“ FRÉTTABLAÐIÐ/STEFÁN
STJÓRNSÝSLA Litlar eða engar hæfniskröfur eru gerðar
til bankaráðsmanna í bankaráðum seðlabanka Nor-
egs, Danmerkur og Svíþjóðar. Aðeins í Danmörku eru
gerðar kröfur um að hluti bankaráðsmanna hafi mikla
þekkingu á viðskiptalífinu.
Eins og fjallað var um í Fréttablaðinu nýverið eru
engar sérstakar kröfur gerðar til þeirra sem sæti
eiga í bankaráði Seðlabanka Íslands. Ríkar kröfur eru
hins vegar gerðar til þeirra sem stýra eða taka sæti
í stjórnum fyrirtækja sem starfa á fjármálamarkaði.
Í Danmörku sitja 25 í bankaráði seðlabankans. Af
þeim eru átta þingmenn og tveir tilnefndir af ráð-
herra, samkvæmt upplýsingum frá danska seðlabank-
anum.
Þeir fimmtán sem eftir eru, sem eru valdir af stjórn-
endum bankans, verða að hafa yfirgripsmikla þekk-
ingu á viðskiptalífinu. Þeir eiga einnig að koma víða að
frá landinu og vera úr mismunandi þjóðfélagshópum.
Í Noregi og Svíþjóð eru gerðar svipaðar kröfur til
bankaráðsmanna og hér á landi, það er að þeir skuli
ekki gegna störfum hjá fjármálafyrirtækjum og hafa
flekklausan bakgrunn. Engar kröfur eru gerðar um
menntun eða reynslu í lögum og reglum sem gilda um
bankana. - bj
Bankaráðsmenn seðlabanka Norðurlandanna þurfa litla sérfræðikunnáttu:
Litlar eða engar hæfniskröfur
KRÖFUR Eins og fjallað var um í Fréttablaðinu 11. júlí eru
engar kröfur gerðar um hæfi bankaráðsmanna Seðlabanka
Íslands.
VIÐSKIPTI Um 6,4 prósent vinnufærra manna eru nú atvinnulaus og
að leita að vinnu samkvæmt mælingu Hagstofu Íslands.
Atvinnuleysið hefur aukist umtalsvert frá síðasta sumri. Það
mældist 6,4 prósent í nýliðnum júní, en 5 prósent í júní í fyrra.
Alls voru um 7,5 prósent manna atvinnulaus í maí og 6,6 prósent í
apríl samkvæmt Hagstofunni.
Að jafnaði voru um 191 þúsund manns á vinnumarkaði í nýliðnum
júní, þar af um 178.700 starfandi en 12.300 án atvinnu og í atvinnu-
leit. - bj
Atvinnuleysi að aukast samkvæmt mælingum Hagstofu:
Um 6,4 prósent án vinnu í júní
ATVINNA Af 191 þúsund manns á vinnumarkaði voru um 12.300 án vinnu í júní.
FRÉTTABLAÐIÐ/GVA
1. Rúmlega 100 þúsund manns 2. Dead
Snow 3. Austria Vín.
Það er hluti af fjöl-
breytninni að taka eitthvað
nýtt inn og blanda því
saman þannig að úr verði
áhugavert skólaumhverfi
sem höfðar til sem flestra.
Þannig vinnum við gegn
brottfalli.
Ármann Halldórsson
spilahöfundur
KIRKJUMÁL „Að sjálfsögðu erum við svekkt að
ráðherrarnir skuli ekki hafa komið en það eru
skiljanlegar ástæður fyrir því,“ segir Krist-
ján Valur Ingólfsson, vígslubiskup í Skálholti.
Enginn ráðherranna níu sá sér fært að
mæta á Skálholtshátíð um síðustu helgi þrátt
fyrir boð um slíkt. Þá var 50 ára afmælis
kirkjunnar minnst, sem og afhendingu Skál-
holtsstaðar til þjóðkirkjunnar – sem mark-
ar fyrstu skrefin í átt að aðskilnaði ríkis og
kirkju.
„Ráðherrar hafa í mörg horn að líta og
það þarf að boða þá með mjög löngum fyrir-
vara. Það var greinilega þannig að þeir voru
bundnir við önnur verkefni og ég hef full-
an skilning á því. En það er alltaf leiðin-
legt þegar ráðherrar geta ekki komið,“ segir
vígslubiskup.
En ekki allir boðsgestir létu sig vanta.
„Forseti Íslands var viðstaddur, sem betur
fer. Hann var meira að segja svo elskulegur
að rjúfa sitt sumarfrí fyrir þennan atburð,“
segir Kristján Valur. - kh
Vígslubiskup í Skálholti svekktur með ráðherra ríkisstjórnarinnar en ánægður með forseta Íslands:
Enginn ráðherra þáði boð á Skálholtshátíð
SKÁLHOLTSKIRKJA Kristján Valur Ingólfsson, vígslu-
biskup í Skálholti, hefði viljað ráðherra sem gesti þegar
minnst var 50 ára afmælis kirkjunnar.
FRÉTTABLAÐIÐ/VILHELM
FLUGMÁL Framleiðandi og eigandi
flugvélarinnar sem hlekktist á við
lendingu á Keflavíkurflugvelli
ætlar að gera við flugvélina hér á
landi.
Um sextíu manns tóku þátt í að
koma þotunni frá flugbrautarenda-
num í fyrrakvöld. Óhappið varð á
flugvellinum á sunnudagsmorgun
þegar hjól vélarinnar fóru ekki
niður fyrir lendingu. Báðir hreyfl-
ar vélarinnar skemmdust mikið.
Ragnar Guðmundsson, stjórnandi
rannsóknarinnar á slysinu, segir
vélina einnig verða skoðaða af
rússneskum rannsóknaraðilum. - bl
Rússneska þotan í Keflavík:
Ætla að gera
við vélina hér
RÚSSLAND, AP Bandaríski upp-
ljóstrarinn Edward Snowden
ætlar sér að búa í Rússlandi um
skeið, en beið í gær eftir því
að fá í hendur frá stjórnvöld-
um pappíra sem tryggja honum
dvalarleyfi.
„Rússland er lokaáfanginn í
bili. Hann horfir ekki lengra til
framtíðar en það,“ sagði Anatólí
Kútsjerena, lögmaður Snowdens
í Rússlandi.
Snowden hyggst nota tímann
til að kynna sér rússneska
menningu.
- gb
Snowden beið pappíra í gær:
Verður áfram
í Rússlandi
VEISTU SVARIÐ?