Fréttablaðið - 25.07.2013, Síða 10

25. júlí 2013 FIMMTUDAGUR| FRÉTTIR | 10
Sól og hiti glæða höfuðborgina lífi
Eftir sólarlítið sumar í Reykjavík tóku bæði börn og fullorðnir geislum sólar fagnandi þegar hún kom loks í byrjun vikunnar. Fréttablaðið
fór á hina ýmsu staði sem aldrei eru vinsælli en í blíðskaparveðri og spjallaði við sólkyssta borgarbúa.
SJÓRINN EKKI KALDUR „Við höfum verið hér heillengi í dag,“
sögðu systkinin Rafn, Róbert og Sónata Ísaksbörn. „Við ætlum að
vera hér áfram. Kannski bara í allan dag.“ Þau segja sjóinn ekkert
kaldan og að hann sé það skemmtilegasta við Nauthólsvíkina. „Og
að moka,“ bætir Gulli vinur þeirra við. Þau segjast ekki enn hafa
borið á sig sólvörn. „En við gerum það á eftir,“ fullyrða þau ákveðin.
LAUTARFERÐ Í GRASAGARÐINUM Þau Theódóra Sæmunds-
dóttir og Jóhann Örn Ólafsson ákváðu að fá sér hádegismat í
Grasagarðinum með börnin sín þrjú, þau Ólöfu Söru, Jóhann
Egil og Örnu Sif. „Við erum í fríi og ætlum að njóta veðursins í
dag,“ segir Jóhann. Fjölskyldan gæddi sér á sushi-bitum og kanil-
snúðum á meðan hundurinn þeirra, Tótó, vappaði um í grasinu.
LITLA VINKONA
MÍN „Það er ótrúlega
gaman að það sé
komin sól,“ segir Eva
Júlía, 7 ára, en hún var
stödd ásamt Christinu
vinkonu sinni í Grasa-
garðinum í gær. „Við
erum að leika okkur
og kasta steinum í
vatnið,“ útskýrir Eva.
„Christina er 3 ára.
Hún er litla vinkona
mín.“
ALLTAF STEMNING Jóhannes Bjarki, starfsmaður fallturnsins í
Fjölskyldu- og húsdýragarðinum, segir mikinn mun á sólríkum
dögum og skýjuðum. „Það er miklu meira að gera. Í gær var
alveg troðið hér frá opnun til lokunar.“ Hann segir að þrátt fyrir
að veðrið hafi ekki verið upp á sitt besta í Reykjavík í sumar sé
þó alltaf stemning í garðinum.
SÓLARVEÐUR BESTA ÍSVEÐRIÐ „Þetta er geðveikur ís,“ segir
Ólafur, fastakúnni í ísbúðinni Valdís. „Það var mælt sérstaklega
með þessum, hindberjasorbet.“ Þau segja ísinn smakkast mun
betur þegar það er sól. „Sólarveður hentar betur til ísáts,“ full-
yrða þau Ólafur og Guðrún. „Það er samt alveg hægt að fá sér ís
í þokuveðri en þá þarf að njóta hans innanhúss.“
DÝRÐARDAGUR Í NAUTHÓLSVÍK Mannskapurinn lék á als oddi í sólinni sem
bakaði ylströndina í gær. FRÉTTABLAÐIÐ/ARNÞÓR
"
BL Sævarhöfða 2, sími 525 8000
E
N
N
E
M
M
/
S
ÍA
/
N
M
5
8
6
4
6